華鳥居 (已結業)

今日去左青衣城呢間華鳥居。餐廳佈置乾淨整齊，坐位很濶落，有一個個大酒酲做裝飾，好有日本居酒屋feel。餐牌主打來自九洲博多既水炊鍋，可以一嚐「博多華味鳥」既味道。水炊鍋：湯底呈奶白色，用成隻雞殼熬製而成，味道鮮甜。店員好細心咁幫我們放D雞肉落個鍋度，佢係有層次地放，不是打邊爐式隨意放；仲建議我們雞熟左之後，先喝湯，再食雞，最後先食蔬菜。雞肉除左雞全翼之外，仲有雞肝及雞肉丸，全部都無骨，啖啖肉，雞肉嫩滑；店員仲比左個點雞用既醋我們，簡直係錦上添花。蔬菜種類都有好多，有幾種綠色蔬菜、金菇、冬菇、豆腐、大蔥及紅蘿蔔。薄燒鰻魚鍋飯：鰻魚肥美肉厚，仲有蛋絲，加埋燒汁，啱晒用嚟撈飯食。慢煮華味鳥雞胸沙律：雞胸肉有別於一般食開嗰D，完全唔會鞋口，配上沙律，健康首選。豚肉蘋果卷：包住蘋果既串燒，感覺好有驚喜。雞胸軟骨串燒：這個雞胸軟骨係稀有部份，很爽脆，一試難忘。而家堂食主餐牌有85折優惠，好抵食，大家都要快D嚟試下。

青衣城有間主打食雞嘅日本餐廳，朋友咁啱又唔太想食牛，所以就可以試多啲佢嘅雞肉菜式，而餐廳幾寬敞，坐得舒服，好適合同朋友傾計🌟黑松露魷魚魷魚好爽口，切到細細條幾方便入口，仲有洋蔥同中華沙律拌碟，加上黑松露嘅味，食落幾香幾有層次🌟海蝦雜錦天婦羅啲海蝦又大隻又新鮮，仲有啲雜菜天婦羅，炸得又唔會過火🌟壽司盛合有7款壽司，包括三文魚、油甘魚、珍寶帆立貝、赤蝦、赤身、飛魚籽、鐵火卷，全部都新鮮🌟吉列華味鳥卷呢個幾特別，因為入面包住吉列雞肉比較少食到，面頭仲有木魚絲，卷物都好大件🌟鐵板炭火華味鳥呢個係鐵板洋蔥燒雞，雞肉好香好嫩，雞皮少少脆，幾好味🌟串燒豚肉豆苗卷包住好多豆苗，食落好清新，口感好正雞胸軟骨串嘅雞肉同軟骨比例恰當，燒得唔乾，配埋個照燒汁好夾雞腎串係用鹽燒，食落爽口🌟燒雞肉茶漬飯睇相以為好細碗，點知勁大碗勁多飯，落曬wasabi落去都唔會覺得辣同攻鼻，食完飽哂下次再去應該會試下佢嘅水炊鍋山，見到其他人食好似幾吸引

是日行經青衣城，未有idea諗食咩，見到華鳥居就決定試下佢。叫得華鳥居，應該都係雞會出名啲啦，叫左慢煮華味鳥雞胸沙律，雖然係雞胸肉，但無想像中甘鞋拾拾。牛油果軟殼蟹卷：牛油果新鮮夠香，軟殼蟹脆卜卜，yummy!赤身刺身：新鮮，無挑剔。三文魚親子丼：一樣新鮮，三文魚味重。豚肉豆苗卷：個人推介嘅串燒，出邊好多都係豚肉加蘆筍，而呢度用豆苗，口感都唔錯，幾fresh!野菜天婦羅：剛新鮮炸起，熱辣辣又脆卜卜。鹽燒鯖魚：都幾大條，唔腥，唔錯呀！血池叉燒拉麵：湯式好濃郁，鹹味適中，雖然係血池，但不會太嗆，幾岩口味。

今晚同朋友行青衣城，估唔到新開左呢間日式餐廳～見到呢家餐廳裝修都好靚！好似鳥居咁，一於入黎試吓🤔🤔見到串燒幾吸引💕 叫左幾款試試免治雞肉串$42: 咬落去好爽口, 配埋個新鮮蛋黃一齊食, 雞肉鮮味更加突出, 師傅燒到金黃色, 有少少焦香嘅沖味道 / 汁燒大蔥雞肉$28: 用左雞髀肉黎整,咬落去非常嫩滑, 而大蔥亦燒得好香脆, 食落去可以中和下飽膩感～雞腎$28: 細細粒, 食落去好有𡁻口, 一開始會怕有啲腥味, 但估唔到係好食, 落左少少檸檬汁零舍開胃燒日本雞翼$36: 啖啖肉, 大大隻金黃香脆, 連雞皮都燒到好脆口, 平時唔食雞翼尖嘅我, 今次都”lun” 埋啲雞骨食添呀！除左串燒 仲口痕叫左個壽司盛$188有幾件壽司較為出色, 想點評一下。赤海蝦壽司好新鮮, 食落去好彈牙, 而且輕輕食到有蝦膏味。三文魚籽壽司脹卜卜, 咬落去爆晒汁出黎, 非常新鮮！拖羅壽司咬落去入口即融, 魚油嘅脂肪散發住成個口腔！之後叫左個牛小排鍋$298+拉麵$28: 牛小排嘅肉汁好豐富, 食落去好淋好嫩, 牛嘅脂肪散發晒出黎, 另外仲有啲配菜, 吸收晒壽喜燒湯底嘅精華, 食落去甜甜地好開胃, 再落埋個拉麵一齊

呢排天氣都幾熱，食咩都冇咩胃口咁， 咁啱嚟到呢間日本餐廳， 睇到佢個夏日menu， 真係幾啱我胃口。 餐廳喺青衣城入面， 地鐵站出口， 再落多一層， 就會見到間餐廳， 比較特別係有兩個出口， 同埋都幾開揚， 而且餐廳入面座位幾多， 分隔都幾遠， 所以唔使太過擔心會中招😂😂餐廳係裝修主打日系風格， 而且好多嘅菜式都係食雞為主， 問過店員， 原來餐廳真係主推雞肉料理。 以我就唔單止叫咗雞肉料理， 仲叫咗佢哋嘅夏日餐牌。首先係冷製雞白湯擔擔麵， 擔擔麵少少辣， 加埋凍嘅湯底， 食落好開胃。另外仲叫咗個柑橘炸雞， 炸雞配上橘子醬， 酸酸甜甜咁，一瞬間就食曬碟炸雞🙈🙈原來我哋仲叫咗幾款嘅料理， 有魷魚，海蝦， 當然最唔少得濟呢度嘅雞肉系列， 反捲，鐵板燒，每樣都唔錯❤️

個拉麵好難食….個湯底望落好濃，但竟然係雞肉味…即刻成碗拉麵好似雞飼料味甘…好彩無叫到其他野食，無下次，仲要想叫咩無咩，想叫串燒又話起碼要2串先會幫我地燒，我心諗：即無人叫串燒未開爐啦⋯⋯

去青衣食晏晝唔知食咩好，所以就嚟咗呢一間～晏晝去都有人排隊等位覺得應該唔錯入到舖頭佢有午餐餐牌！分別叫做一個炸雞定食同埋豚肉生薑燒定食。佢全部定食都有配到一碗麵豉湯，前菜同埋蒸蛋。不過當日去佢話個蒸爐壞咗，所以變咗餃子。兩個定價價錢都$100左右，我覺得性價比唔算好高，未到正常啦～餃子好明顯係出邊舖頭買嗰啲😂唔係自己整個前菜就唔係好啱我地…我覺得豚肉生薑燒好食啲！炸雞比較熱氣同埋佢執邊勁多菜但係又冇沙律醬😂啲朋友問我係咪沙律拌飯😂但係個麵豉湯同佢送嘅嘢飲都幾好飲！不過佢送個杯嘢飲就真係勁細杯🥲可能晚餐會好啲掛

一望到呢間餐廳嘅名 就知道呢度主打食雞㗎啦🐥 究竟呢度嘅雞有幾好食呢 我就覺得好出奇 所以過嚟呢度試吓😂 果然係冇令我失望嘅水炊鍋見到呢個鍋名幾特別 再睇埋佢前面有一版簡介 原來呢個鍋係來自博多嘅🍲雞嘅材料會有店員幫我哋落鍋 佢哋有教我哋水滾之後先飲啖雞湯 再食雞肉 食完雞肉之後 就可以加蔬菜入去煮㗎喇👍🏻 華味鳥雞𩨨肉 雞髀肉好嫩滑 雞肉都充滿肉汁 雞皮出奇地爽口😉 再配埋柚子醋 真係味道更加提升😚 雞味好鮮 華味鳥雞肉丸 口感都幾特別 唔算係好彈牙嗰種 味鳥雞肝 呢排好少食雞肝😮 好推介呢度嘅雞肝 配埋柚子醋可以辟腥 仲有個野菜盛盒 可以食完雞之後加入蔬菜🥬芥末長芋照燒華味鳥雞扒呢個係夏季限定商品 呢個雞扒整得好香脆 再配埋面頭特製嘅醬汁 都幾推介😺 入面仲有好多肉汁啊花魚一夜干花魚外皮煎得好脆 魚肉好有油香🐟 魚肉嘅咸香幾好餸飯🍚 配埋蘿蔔蓉更加好食特盛白華鳥 特盛叉燒濃湯拉麵呢個湯底係鮮雞熬製嘅湯底 非常濃郁🍜 拉麵彈牙而且好掛汁🥰 呢個叉燒真係好推介呀 半肥瘦真係好好食🐷 我覺得呢間餐廳地理位置好方便 一出地鐵站就見到🙈 而且性價比都OK 因為個鍋真係包咗好多材料㗎😝

雖然近期開返關 ，但係想book 機票去旅行都唔係咁易🙈既然冇得去千本鳥居⛩ 唯有去華鳥居食餐飯先啦🤣去到鋪頭門口 ，又有啲日本餐廳嘅感覺🇯🇵店內用左好多木色元素🪵 加埋啲日式燈籠同吧台 🏮都有啲旅行感覺🛫👉🏻 水炊鍋💰HKD3️⃣2️⃣8️⃣港式雞煲食得多🐔日式雞煲真係第一次食☺️ 水炊鍋起源於博多 同港式雞煲唔同👀 湯底清甜 更加食到雞嘅鮮味😋 而且仲會配上一大鍋各式蔬菜蘑菇豆腐🥬🥒🥕🍅 岩晒追求健康嘅朋友👍🏻👉🏻 柑橘果凍唐揚炸雞💰HKD8️⃣8️⃣平時食炸雞會覺得好熱氣❤️‍🔥 但係加上柑橘果凍酸酸甜甜🍊中和左果種刺激感😝 食多幾件都唔怕呀😋👉🏻 鐵板牛油帶子💰HKD7️⃣4️⃣上碟時熱辣辣🔥 每一粒都充滿住蒜香牛油味🧄 仲要有成6️⃣粒 夠晒好味又滿足👉🏻 三文魚刺身💰HKD5️⃣2️⃣三文魚刺身都好有驚喜😎 厚度有成隻手指咁厚 而且仲好新鮮🤩 十分推薦👍🏻👉🏻 鹽燒雞爽肉💰HKD3️⃣4️⃣加一服務費✅

竟然喺青衣搵到博多風味嘅水炊鍋，湯同雞肉都原汁原味，比起平日食嘅火鍋黎得健康同清。華味鳥雞肉屬土雞，雞肉比較實淨。落入雞肉之後，先飲啖湯，味道同濃雞燉湯好相似，亦完全無飲完食完好口渴嘅感覺，超正！華味鳥水炊鍋有雞肉、雞肉丸、雞肝、菜籃。配雞肉嘅有醋，追加左個滑d嘅雞髀肉、菜同烏冬，雞肉沾沾個醋食會更有風味同開胃；個菜籃好新鮮，有多種菜同金菇豆腐等，菜同烏冬吸收哂雞湯嘅鮮甜真心係食到食物原味嘅香甜！不得不提炸雞、串燒雞胸軟骨，醬汁、香氣、雞胸軟骨口感、size，喺香港黎講呢度質素確唔錯！食熱嘅我亦有食凍嘅華味鳥冷麵，日式雪菜一樣都係咸咸酸酸，成個麵七彩顏色，用料好新鮮，雞肉一樣都好有雞味，但加左醋同雪菜嘅調味，成個麵更開胃醒神！

今個星期天氣轉冷，打邊爐就最適合不過，但同行朋友想食得比較清淡啲，唔想食太濃味嘅火鍋，上網搵到青衣呢間日本居酒屋，主打菜係食水炊鍋，個感覺非常適合健康人士，所以一於決定過嚟試吓餐廳裝修風格非常有日本風情，牆身有好多日式燈籠🏮，餐廳座位以卡位為主，枱與枱之間距離十足，好適合一班人過嚟食飯傾偈✨水炊鍋$328上菜嘅時候，湯底呈現奶白色嘅狀態，係用咗大量雞骨煲成先有咁嘅效果，職員會過嚟幫你放雞件，仲提醒你大約煮10分鐘啲雞就食得，除咗雞件仲有雞肝同雞丸，我哋首先飲左雞湯，膠質超豐富，湯底濃郁，原汁原味，煮完嘅雞件十分嫩滑，加上用無激素雞，適合健康人士✨刺身三點$108三款刺身分別有三文魚，油甘魚，劍魚腩，劍魚腩好少地方有得食，見到一定唔可以放過，刺身非常厚切和新鮮，每一片油脂非常豐富✨冷制華味鳥雞絲茶漬飯$92茶漬飯配上一碗冷制雞湯，雞湯帶酸，喺夏天食就最適合不過，十分開胃，茶漬飯面有一隻大嘅甘蝦，明太子及雞絲，十分足料✨牛舌$48一串有三大片牛舌，每一片都燒到好香口，面頭仲灑上特製嘅調味料，同牛舌本身的味道好夾✨白鱔$58白鱔非常新鮮，外皮燒到金黃色，好香口，肉質彈牙，魚油脂豐富

一入餐廳，就感覺到濃厚嘅日本味道，可以話止一止旅行癮吖。枱與枱嘅距離尚算大，坐落都幾舒服。 雖然入秋一段時間，但室外溫度仲好似夏天咁熱辣辣，幸好餐廳有提供冷食嘅選擇。所以我哋都叫咗兩碟涼食，降一降溫。冷製雞白湯擔擔面 材料有肉粒，生洋蔥，生蔥配上辣油。麵條浸在泠湯下，相當有口感，而且湯汁唔係好濃，同麵 都好夾！呢碟唐揚雞望落有少少深色，但唔係炸得太老。咬落唔會有油膩嘅感覺，而且都冇話炸到好乾身。肉汁鎖住響雞肉，配埋上他他醬，食落酸酸的 好開胃鐵板炭火華味鳥 呢碟嘅炭火唔知係咪嚟自黑忟忟嘅汁呢~ 賣相黑忟忟但入口又唔錯喎~ 餸底用咗雞腎，好有咬口。雞肉好嫩口，仲有單骨雞翼。餐廳落咗大量洋蔥一齊炒，成碟都好香！芥末長芋照燒華味鳥雞扒白色嘅嘅係芥末醬汁，雞扒煎到脆脆的，連埋醬汁食 都幾好！水炊鍋 見到餐牌絕對唔吝嗇，俾嘅係雞髀肉，同雞翼，雞肉丸 仲有雞肝。同鍋都會上一整碟蔬菜，有豆腐花，京蔥，蘿蔔，金菇菜，唐菜🫢。吸收咗清湯，味道一流。湯底清清嘅，啲落左接近10幾分鐘就可以食。咬落雞肉仲係嫩嫩嘅，連湯一齊飲，一啲都唔會膩。

🔸水炊鍋水炊鍋源自日本九州博多，係古時候當地專門接待政治家嘅餐廳所創造嘅菜式🍲 高湯煮滾後，店員會將雞件、雞翼、雞肝、雞肉丸放晒入鍋內烹煮🐓 高湯味道濃郁，越煮越濃稠👍🏻 最鍾意雞翼，煮得啱啱好，好容易拆骨，雞肉都十分鮮嫩🥰🔸柑橘果凍唐揚炸雞雞肉juicy，炸衣幾薄👍🏻 最鍾意個柑橘果凍汁，味道酸酸甜甜，踏入秋天但天氣仲係熱焫焫🥵 最適合酸甜開胃嘅菜式🔸冷製雞白湯擔擔麵呢碗擔擔麵係冷盤❄️ 雞白湯底配搭洋蔥同肉碎，調味幾好，唔會太鹹，飲多幾啖都唔怕油膩同口渴😂 擔擔麵只有輕量嘅辣，絕對唔會食到爆晒汗🔸汁燒雞冠🔸鹽燒雞爽肉🔸汁燒雞胸軟骨雞冠、雞爽肉同胸軟骨都係稀有部位🐓 第一次食雞冠，口感幾特別，qq彈彈😂😳 雞爽肉嘅油香唔錯，雞胸軟骨就爽脆👍🏻🔸味噌雞肝醬雞肝醬超濃郁，鍾意食潤嘅一定唔可以錯過😂 附上嘅梳打餅仔可以蘸啲雞肝醬一齊食

青衣比較少經過，但原來商場勁大，朋友比較熟路，佢話呢間係新開嘅餐廳，所以就試吓。睇menu見到佢哋嘅水炊鍋都幾吸引，主要係以食材嘅原汁原味為主，不另加調味，保留食材嘅營養同味道。鍋本身有埋雞件(包含雞髀肉、雞肝、雞肉丸)及蔬菜盤，一上到嚟店員就幫手放晒啲雞落去個鍋度，而且提我哋等水滾後飲咗啲湯先。水炊煱($328)雞湯夠清澈，唔會好多雞油喺面。雞湯有自然嘅雞肉甜味，肉質嫩滑，個人最鐘意啲雞肝，好有油甘香。😋😋另外我哋都有追加一份美國牛肩肉($58)、稻庭烏冬($32)，牛肩肉都可以，油花分布食落有牛脂香；而稻庭烏冬就非常推介👍🏻👍🏻，烏冬索晒啲雞湯，非常香雞味，好鮮甜～～小食方面都叫咗幾樣，以主打雞肉料理為主。吉列華味鳥卷($72)份量略少，調味唔重，雞炸過幾香口，壽司卷上面嘅木魚碎增添香味。柑橘果凍唐陽炸雞（$88）又係炸物😆，呢碟調味相比之下重少少，但味道剛剛好，沾埋柑橘醬一齊食酸酸甜甜咁👍🏻👍🏻大蔥雞肉串(鹽) ($28), 豚肉蘋果卷($28)呢度串燒都有唔少，我哋叫左2樣淺嘗一下。前者燒得焦脆，不過大蔥唔夠香，食落中規中矩；後者相比之下味道突出啲，豚肉燒到啲油脂脆脆地，夾埋蘋

聽住喺青衣嘅朋友講，"華鳥居”啱啱開張時，由於唔係太多人識，所以見到都唔係好多人，但慢慢哋做出了口碑，經過時見越嚟越多人，有時仲要排一陣隊先至有得食，咁今日我哋就一齊去試下啦。叫咗個2人餐，小食係"黑松露伴魷魚"，魷魚係比較難入味的東西，加埋啲洋蔥絲伴碟再加黑松露咁就帶出三樣嘢的好味道。刺身有三文魚，油甘魚，同埋赤蝦，每樣都係兩切，適合兩個人一齊食的美味，超級新鮮。一品料理有1. “京蔥牛舌”有京蔥，有非常又入味的洋蔥同埋好腍又有口感的一道餸，正到不得了。2. “柑橘果凍唐揚炸雞”，柑橘果凍可以中和炸雞的小小熱氣，非常好嘅一個配搭。鍋物就喺四樣嘢之中揀咗呢間鋪頭嘅特色"水炊鍋"，內有雞肉，金菇，冬菇，娃娃菜，白菜，好清，好純幾乎沒有油的雞湯，品嚐到雞的真正味道。食事就揀咗"牛油果軟殼蟹卷"，牛油果，軟殼蟹是我喜歡的食物，两樣美味的結合太神奇啦。甜品--泡芙正正常常，冇乜特別；但係果茶係從未試過的好飲，不是太鍾果茶的我和鍾意果茶的朋友一致認為係值得推介的飲品。