華鳥居 (已結業)

自己一向好鍾意食雞，蛋白質足夠，又低脂肪朋友推薦青衣呢間專門食雞門面係日式居酒屋風格餐廳會不定時推出季節限定系列全間餐廳都係主打食雞，咁一定要試吓呢個水炊鍋💁🏻‍♀️源至日本九州博多，由博多孕育出來的味道原本只係招待高級政治家的食物，最初只係簡單地加入水煮雞肉，後來逐漸加入豆腐、蔬菜🥬等食材，令大家食得好飽，又能在家庭聚會中吃到😆店員會幫你逐件加入湯中，水滾後可以先飲一碗湯當中有雞鮮甜的味道，而不是打邊爐的味精湯，冬天飲會特別暖雞味真係一百分💯超級濃烈同市面上買到嘅雞係冇得比之後食完雞就可以好似打邊爐咁加入蔬菜冷製雞白湯擔擔麵麵條在泠湯下，唔怕浸林，而且湯汁十分掛麵惹味之選👍🏻🤤

為食妹👧🏻走咗入青衣城搵食。呢間餐廳專門食*鳥*。鳥等於雞🐔。感覺幾特別。一於入去試吓先🥰。原來雞肉黎自日本博多。主打水炊鍋。湯底不加任何調味。只加入華味鳥雞肉。野菜。清水。以簡單食材帶出鮮味🤤店員建議先喝啖湯。然後煮雞肉。雞什等等。蘸上醋汁食最夾❣️慢煮華味鳥雞胸沙律🥗雞胸以慢煮烹調。肉質更鮮嫩。柑橘果凍唐揚炸雞🍗沾上酸甜金橘果凍。大大減低油膩感👍🏻。點了三款雞串燒🐔🐔🐔雞爽肉串（鹽）雞心串（鹽）雞胸軟骨串（汁）三款均屬稀有部位。最愛雞胸軟骨串。特別得來又有口感🤤。一試愛上❤️。

今日同朋友入咗青衣城，無意中發現一間日式餐廳都幾吸引所以去試吓。華鳥居，餐廳地方都算大，而且裝修得好整潔，帶有日本居酒屋格調，喺度食嘢感覺都幾舒適。水炊鍋，第一次嘗試，源自日本九州博多。首先係雞湯湯上面放入雞件，雞件煮熟嘅時候就可以嘗到鮮甜嘅雞湯味，本身雞湯已經用雞骨熬製多時，湯味極道鮮甜，雞味濃郁。飲完湯就可以加其他配菜去打邊爐，連啲菜都吸收咗雞湯嘅鮮味，味道特別清甜香濃。鮮味十足。第一次嘗試水炊鍋，非常有驚喜，真係好好食，好值得推介一下。羊架串 羊架燒到啱啱好，邊位大有少少焦香，入口肉味香濃而且仲好Juice，首先食到肉香跟住就係脂香，接住就係香料味道，整體味道好有層次而且配合得啱啱好。鵝肝串，燒香咗鵝肝特別香口惹味，入口綿綿幼滑，鵝肝味香濃，口感非常特別。柑橘果凍唐陽炸雞，炸雞味道非常特別，炸到金黃色好香脆，入口有陣陣嘅果香，再到雞肉嘅香味，本身雞肉比較嫩滑多汁，帶點開胃醒神嘅柑橘味。味道真係好有層次。下次過開嚟青衣城，一定會再嚟幫襯，食物質素非常高，喺度食嘢有一種好舒適嘅感覺。

今次特登去青衣行街，誤打誤撞被呢間木色系裝修嘅日本餐廳吸引！呢度嘅雞全部都係自家飼養，保證肉質嫩滑🐔 作為香港首間「華味鳥」嘅專門店！就可以品嘗到真正博多華味鳥嘅味道🐦-✤ 水炊鍋 $𝟑𝟐𝟖 呢碗呈現奶白色嘅湯底原來係以大量嘅雞骨熬制而成，膠質滿滿，飲得出湯底無加任何調味料，非常啱健康之人。華味鳥雞肉嫩滑帶嚼勁，兼且原來係不含任何賀爾蒙、激素或者添加劑，肉味鮮甜🐣，配埋椪醋一同食用，估唔到意想不到地夾！另外仲有一盤份量都相當多嘅新鮮蔬菜🥬先煮完雞肉再落菜，令湯底更為鮮味，食完都完全唔覺得濟，超級滿足！✤ 華味鳥白冷麵 $𝟖𝟖 一試就明點解係夏季限定🍜呢個秘製微酸湯底超級清新！配上微燻嘅華味雞肉同酸菜，每一啖都好開胃，味道好有層次，炎炎夏日暑氣全消，必點🌞！✤ 串燒 $𝟑𝟒-𝟑𝟔/一串 今次試咗好多款平時比較香港少見嘅部位🐔估唔到呢度可以試到呢啲咁罕見、刁鑽嘅部位，口感特別。經過烤制後香味特別濃郁，例如係鹽燒雞爽肉、鹽燒雞尾、鹽燒雞心、汁燒雞胸軟骨，最估唔到會有汁燒雞冠！最推薦係佢個汁燒雞胸軟骨，好有驚喜🥰大大嚿好有咬口！調味方面個燒汁都好出色，超級惹味！ ✤ 清酒 $𝟏𝟏𝟖 叫咗一支純

今晚和朋友難得去青衣聚聚，咁就選擇咗喺青衣城晚飯，睇到一間叫華鳥居嘅居酒屋好吸引，直接去坐低，座位同埋裝修都好舒適，餐牌好似相簿一樣，我哋好快咁樣點嗰個雞肝醬配梳打餅，吉列華味鳥卷，刺身三點，豚肉蘋果卷，鐵板牛油煎帶子和牛小排鍋；朋友冇見咁耐就食豐富啲啦！首先嚟嘅雞肝醬梳打餅，梳打餅點落味道濃沃嘅雞肝醬裏，食落都好有口感；跟住個刺身三點實在有驚喜，全部刺身都係厚切，三文魚應該係拖羅，油脂豐富，劍魚和油金魚，咬樂爽口有魚油，回味無窮；至於鐵板牛油煎帶子，煎得剛剛好面頭脆內裏爽滑，食到唔停得口；跟住來的吉列華味鳥卷，佢用紫菜包住啲炸脆咗嘅雞肉，喺上面包上壽司飯再黐滿木魚，賣相唔錯，食落好有層次感；而豚肉蘋果卷就真係好有特色，識得用五花腩片包住蘋果嚟燒，蘋果嘅香味滲入五花腩中，實在係齒頰留香；食到咁上下牛小排鍋就終於放喺個爐上面呀，牛小排嘅油脂分佈比較平均，鍋中已放上六七樣嘅菜同埋冬菇，用甜醬油煮，如果分開嚟畀我哋慢慢放落去可能更加好；牛小排煮10多秒，半熟狀態下好有牛味同埋爽口，其他蔬菜就中規中矩；我和朋友發覺這裏的串燒有很多選擇，可能下次來可以飲酒同埋食串燒。

去完迪士尼近近地喺青衣城揀咗間舖頭食夜晚入面係好似居酒屋咁嘅 木嘅色系為主我哋兩個人嗌咗一個鍋同埋幾個小食 上菜都幾快 嚟咗一杯綠茶可樂同白桃梳打 兩個樽都好靚啊😍真係有日本感覺 味道都可以🫶🏻話咁快就上咗碟唐揚炸雞 隔離嗰醬係柑橘果凍 個質地偏向水一啲 個frd本身唔算好鍾意水果醬溝鹹嘅嘢食 都覺得唔錯 炸雞本身好熱氣😂點埋啲柑橘醬即刻清新咗好多！一邊食嘅時候 店員幫我哋準備個水欽鍋 湯底係好清嘅雞湯 落埋蔬菜同雞肉煮完之後 個味道都好天然～又唔會無味喎 鍾意食重口味一啲嘅都可以點佢哋準備嘅醋同埋豉油 btw啲雞肉煮完偏粉紅色 所以千祈唔好以為未熟😂個鍋包埋雞髀肉 雞肉丸同雞肝 同埋好多唔同嘅菜 兩個人啱啱好～食完仲唔會好大負擔添！另外小食仲有一個豚肉豆苗卷 同牛油帶子豆苗卷好有口感 一啖食晒 仲要味道啱啱好 真係會後悔無叫多一份 牛油帶子味道都唔錯不過可能擺耐咗少少無乜汁個menu入面仲有好多嘢食 有壽司 串燒 拉麵 冷麵 不過兩個人真係食唔晒咁多嘢 下次再嚟會試埋其他😻

喺青衣住咗咁耐都好少喺青衣城食嘢，今日收工咁岩得閒同屋企人去試下華鳥居，好似開咗好耐都冇食過，平日嘅關係，所以都唔使點等位。我哋叫咗個水炊鍋，好似喺日本九州博多比較有名，其實即係水煮雞肉，比較清淡，不過佢個湯就好有雞味，好鮮，有雞翼雞肉雞丸子雞腎仲有蔬菜豆腐同金菇，唔夠仲可以追加其他肉同麵另外叫咗個炸雞，份量唔算太多，外脆內軟，肉質鮮嫩仲叫咗軟殼蟹卷物，都幾鬆脆，上面仲新鮮有蟹子仲有天婦羅什錦，有三隻大蝦，幾新鮮肉質有彈性，仲有矮瓜紅蘿蔔粟米仔，炸得香口熱熱地叫咗個期間限定既雞肉冷麵，有好多材料，包括青瓜、蕃茄、梅菜、雞肉同埋半隻糖心蛋，食落去味道酸酸地幾開胃幾fresh, 岩晒夏天，雞肉又鮮嫩鍾意食雞嘅朋友就千萬唔好錯過呢間餐廳

第一次食，都係最後一次。$98 吉列豬定食，都唔預佢有驚喜，但真係有啲差。定食包吉列豬一件伴沙律，白飯，芝麻醬沙律，鹹菜，麵豉湯，茶碗蒸同果茶。芝麻醬沙律、鹹菜、麵豉湯正常，無特別。茶碗蒸好細個，有雞肉、蟹柳、一片冬菇同幾條豆苗，偏水，味道偏淡。吉列豬扒好細件，脆口，不過好油，張吸油紙成張係油，入口好油膩嘅感覺。豬扒汁正常。伴碟沙律真係伴碟用，應該唔預你食，無沙律汁，仲黃左添。白飯都係數一數二唔好食，無米香，有噏味，仲有飯焦勁黐牙，跟餐已經好細碗，但都冇辦法完成。仲叫左三文魚脆脆飯捲$98，得4件，飯包住啲熟左嘅三文魚碎，上面有啲鹹鹹地嘅汁同天婦羅碎，啲天婦羅碎好油，整體入得口，但唔係想再食嘅感覺。呢個價錢CP值勁低….

今日經過青衣城 就去試吓之前未食過嘅華鳥居餐廳位置闊落 而且裝修好日式喺Menu度，見到餐廳好推介水炊鍋我同朋友就叫咗一set黎試吓餐廳仲有列出品嚐美味博多水炊鍋既步驟上咗水炊鍋後 店員好細心咁幫我哋加雞入鍋中雞湯滾起後 就可以開始飲咗個湯先個湯嘅味道真係好濃郁 雞肉嘅精華都喺哂個湯度之後就可以開始品嚐雞肉因為雞肉只係煮左短短幾分鐘雞肉可以保持到嫩滑而且雞味十足餐廳仲建議我哋可以點醋食酸酸甜甜 別有一番風味因為個雞湯實在太好飲我哋最後加配左一個烏冬黎配湯食除咗水炊鍋外 我哋同叫左一啲串燒分別係豚肉豆苗卷 燒白鱔 同埋鹽燒骰仔和牛豚肉豆苗卷好Juicy豆苗中和左豚肉嘅肥膩同行嘅朋友好推介燒白鱔白鱔外皮香脆魚肉爽口最後我哋見到有夏季限定menu就叫咗一份金橘果凍唐揚炸雞試吓炸雞外皮酥脆內裏嫩滑 有肉汁上菜嘅時候仲係熱辣辣好食！加上金橘果凍酸酸甜甜 一雞二食👍🏻

慶祝朋友生日，朋友在青衣下班，於是選日式料理店-華鳥居。它的地點位於青衣城一期2樓，位置相當方便。門店簡潔俐落，店內裝潢是居酒屋格局，一面牆掛滿日式燈籠，簡單而不失氣派。餐牌主要分為壽司、刺身、燒物、炸物、鍋物，飲品。不過我朋友唔食牛，所以主打食雞。水炊鍋 $328內有雞湯、雞件、雞肝及一盤蔬菜。雞湯膠質濃郁，飲完一口後，嘴會黏口的，正呀!滿滿骨膠原!雞件多汁嫩滑，雞肝粉嫩。柑橘果凍唐揚炸雞 $88雞炸得卜卜脆，柑橘汁酸酸甜甜，令人想食多幾口。白椰菜脆脆沙律 $88椰菜絲、蟹肉碎再加蟹籽，脆脆有薯片同童星點心麵，好funny既組合，但出奇地夾!!有胡麻醬混在一起，爽脆新鮮既配搭。牛舌串 $48 &雞軟骨粒串 $28鹽燒外脆內軟，彈牙多汁，醃得剛好，唔太咸又入味，牛舌厚身，正!日本白桃梳打 $36 x2有汽梳打，唔太甜，配埋串燒，一流!

今日同母親大人一齊去呢一間專食雞嘅餐廳呢度最出名嘅就係水炊鍋, 即係唔加任何調味料直接以雞肉椰菜同埋嘅湯底煮成嘅鍋物，確保食到食材最自然嘅鮮味。店員上咗嘅時候會幫手落晒啲雞件同埋雞肉丸，煮熟之後建議飲啖湯之後先再點柚子醋食雞件，最後先落蔬菜吸盡湯嘅精華。煲完雞但係湯一啲都唔油，飲落清甜感覺健康。而且佢配有多款蔬菜，好適合同阿爸阿媽（健康人士）一齊食。由於份量唔算太多所以另外叫多咗個烏冬加餸，烏冬質素非常之好，口感彈牙，最後先煮烏冬係常識吧，咁先食晒成個湯嘅精華。另外叫咗呢一度嘅炭火鐵板華味雞。食到陣陣炭嘅味道，幾特別係用單骨雞翼同埋少部份雞件同雞腎炒成嘅。叫咗個溫泉蛋椰菜銀魚仔沙律清清腸胃，食落幾清新，有陣陣沙律醋嘅酸味。食完啲清新嘢就食下少少邪惡嘅炸雞。總共四舊，最欣賞去過果凍醬，口感輕盈唔會一劈果醬，唔會過分地甜。最後叫咗個綠茶汽水配咋嘛，食到飽飽返歸！

今日同老公入青衣睇樓, 睇完就去咗青衣城食晚餐, 華鳥居, 既可以食火煱, 又係日式, 我鍾意.水炊鍋, 即係火煱 雞肉鮮嫩, 湯底夠濃, 湯滾落食材啦......鮮菇, 娃娃菜, 小棠菜, 金菇菜好新鮮鰻魚炒飯, 好香鰻魚味, 熱辣辣嘅珍珠米飯, 口感正芥末長芋照燒華味鳥雞扒, 做乜改個名咁長呢 舖在上面白包嘅係芥末醬汁, 有少少黏黏地, 幾特別, 雞扒煎到金黃食, 脆口得嚟有肉汁.要咗個兒童餐 有彈牙烏冬, 2 隻香煎餃子, 仲有 4 件壽司.你今日飲咗未？？鐵板牛油煎帶子, 上面舖了香蒜, 味道更濃郁.係咪好大粒帶子, 好想食呢！！嚟華鳥居啦

入到青衣城諗住食個快飯，見到呢間舖頭唔駛等，走入去，嗌咗個午市定食，日式惹菌炒牛肉，$72，有前菜，有飯，有餸，有嘢飲，有日式蒸蛋，有麵豉湯，感覺價錢合理。炒牛肉個味道同埋啲汁都OK嘅，送飯OK啦。蒸水蛋起晒豆皮，連普通茶餐廳蒸蛋都靚過佢，味道一般，要加麵豉湯夾硬吞咗佢。送咗杯水果汁，飲落似荔枝味，糖水開出嚟嘅，味道一般，飲咗一啖冇再飲，飲茶仲好，唔好虐待味蕾。侍應姐姐幾好，見到我飲完茶，都好快添咗比我。食咗四個字左右，全間餐廳得我一個客。我開始感到中伏。後記：食完肚痾，沒有下次！

一間餐廳即使有美味嘅食物服務態度亦是有關重要我相信沒有一個消費者願意俾錢出來還要受氣吧！相信每間餐廳都會有落錯單或者送錯餐既意外發生這是十分等閒的事情，其實都不太緊要 但明知道餐廳自己先出錯，應該要優先處理補救吧餐廳裏餐牌上的料理應該都不是慢煮項目吧⋯⋯因為餐廳失誤，結果要等多20多分鐘以上才可以送餐過來當向店內職員更進order時他們一副愛你不理，沒有一句道歉…我好像成了一個透明的客人一樣他們只是用背脊對住我到餐廳入座等了45分鐘才等到食物大人捱餓不緊要但家長要帶小朋友到此餐廳用膳請務必考慮清楚用餐時間不多嘅打工仔到此餐廳用膳亦都要考慮清楚畢竟他們對自己出錯的行為，並完全沒有歉意簡直不知所謂

驚朋友介紹所以今日嚟試吓呢一間專門食雞🐔嘅日本嘢試下我哋嗌咗個雞嘅火鍋-水炊鍋🍲蛋包飯🍳京蔥鐵板牛舌🐮芝麻雞翼 炸雞軟骨仲有個吉列華味鳥卷🍣炒雞皮水炊鍋🍲成個湯底都係奶白色 味道亦都比較清淡鮮甜😋雞件都好滑👍🏻仲有配一啲蔬菜🥬系一個健康清淡之選蛋包飯🍳味道不過不失 入面既雞肉就略為太大粒 京蔥鐵板牛舌🐮味道好香👍🏻不過份量就比較小洋蔥🧅就多過京葱吉列華鳥卷🍣呢款既壽司就比較特別 熱辣辣既吉列炸雞🍗配木魚絲既飯卷 呢個反而有啲喜出望外既好味😋其他小食就不過不失 整體來講無乜特別 同想像中有出入