華鳥居 (已結業)

今日同朋友入咗青衣城，無意中發現一間日式餐廳都幾吸引所以去試吓。華鳥居，餐廳地方都算大，而且裝修得好整潔，帶有日本居酒屋格調，喺度食嘢感覺都幾舒適。水炊鍋，第一次嘗試，源自日本九州博多。首先係雞湯湯上面放入雞件，雞件煮熟嘅時候就可以嘗到鮮甜嘅雞湯味，本身雞湯已經用雞骨熬製多時，湯味極道鮮甜，雞味濃郁。飲完湯就可以加其他配菜去打邊爐，連啲菜都吸收咗雞湯嘅鮮味，味道特別清甜香濃。鮮味十足。第一次嘗試水炊鍋，非常有驚喜，真係好好食，好值得推介一下。羊架串 羊架燒到啱啱好，邊位大有少少焦香，入口肉味香濃而且仲好Juice，首先食到肉香跟住就係脂香，接住就係香料味道，整體味道好有層次而且配合得啱啱好。鵝肝串，燒香咗鵝肝特別香口惹味，入口綿綿幼滑，鵝肝味香濃，口感非常特別。柑橘果凍唐陽炸雞，炸雞味道非常特別，炸到金黃色好香脆，入口有陣陣嘅果香，再到雞肉嘅香味，本身雞肉比較嫩滑多汁，帶點開胃醒神嘅柑橘味。味道真係好有層次。下次過開嚟青衣城，一定會再嚟幫襯，食物質素非常高，喺度食嘢有一種好舒適嘅感覺。