華姐清湯腩

营业中

休息中

華姐既食物我覺得好唔錯~樣樣都好好味、so far 都未踩過地雷。前幾篇有位人兄話o的湯頭唔夠濃、覺得唔掂...但呢間舖頭賣o既係「清湯腩」、清淡先係正常。但我反而係想提呢間舖頭o既服務。四眼叔叔o既態度真係好好~真係好少舖頭有咁好o既服務態度；尤其係個名做大o左o既舖頭。佢o地o既服務係 keep 住我繼續去o既主因~

專程渡海到華姐吃牛腩,皆因為食之過.這次很失望.下午三時,入門口時只有兩個食客,華姐躲在角落裡睡覺.如常的叫了爽腩撈麵.十分鐘有得吃.爽腩的份量比平時多,大喜之際,吃一口麵後郤大為失望.麵給漿在一起,用筷子大力鬆開才吃得到,已心知不妙.這水平,送給我也不會吃.加上極重的梘水味麵身淋patpat,是以前未試過的.爽腩方面份量多而水平和以往一樣,又淋又有肉味,這是滿意的.但是麵的水平假如是一時失手,還可原諒,如果繼續壞下去我便不會再來了.湯是和平時的水準一般,清,香,濃.但是四眼哥哥的手指又黑又骯髒,差點浸在湯裡,嚇死人.

五月三日(六)港島之行晚餐o念好左試試華姐清湯腩，因為見到好多好評。於是七點幾到就開始由銅鑼灣步行過去。由於之前返學都係尼頭轉車 好順利就搵到間舖~去到九成座滿，搭枱坐了圓枱~叫了牛腩牛根河，老婆則要了牛腩上海麵，外加一碟生菜配腩汁牛腩牛根河($26)先咬一口牛腩，炆得幾淋，有牛味，但可能不太肥未夠滑牛根亦都炆得好淋，清清的，都幾好味河粉亦唔錯幾滑，湯底因為之前係中環都食過一次清湯腩，預計之中清淡，不過都應該無太多味精，算ok~牛腩上海麵($24)牛腩同上，但隻上海麵係担担麵果隻麵，唔知担担麵隻麵其實係咪上海麵，但就唔係想叫果隻，尼隻麵配合清湯食到一種麵既"巷"味 唔太掂~腩汁生菜($10)估唔到清湯腩腩汁原來都係清湯~ ~" 早知做多d功課睇多d食評先清湯加生菜完全唔同啡色腩汁果回事，整碟菜都好清淡似烚菜一碟~ 食唔到有咩牛腩味~尼度牛腩河唔算差，但個人喜愛黃椒八角炆出黎香濃腩汁多d同埋食到既味道都唔算好特別，始終牛腩河都係大路野，大家由細食大~個人覺得同鳳凰村明記質素相約，觀塘廿蚊碗好似比佢好，無必要走到咁遠黎試 ，價錢方面亦都唔算平，廿二蚊碗小小貴添~特登黎就真係唔使 路過試下都

今日食完大坑伯伯的雞蛋仔，決定再到華姐一試馳名的爽腩河，強烈建議叫爽腩，因為坑腩其實周街都有得食，爽腩比較罕有，係連住牛骨髓的一團肉，所以比較爽口，咬落 "chop chop" 聲，如果只懂叫牛腩河，就無緣一試這美味的爽腩了去到華姐一坐底當然係叫爽腩河，侍應叔叔同我講今日無乜爽腩喎，盡爽得唔得? 當然無問題啦，結果有大半碗都係爽腩，其他的是半肥瘦的坑腩，一碗河粉試齊兩種腩肉，的確抵食，爽腩脆口，坑腩嫩滑，湯底的確很清，但也傳來陣陣肉味，這樣才 $22，難怪是可長駐 Openrice 十大的食店!值得一提，當時華姐正在店內午睡，都幾嘆架喎

因為見到 d post...所以試下....二個人叫左出名ga 牛腩河 + 蘿蔔牛腩都ok.. 但淋左d... d 湯唔夠濃蘿蔔好唔得...煮得太耐.... 好淋, 好"難" (我地都係 7:00 pm 去食)食左 $58

4月5日, 我唔鍾意食清湯腩, 因為嫌佢個味太淡. 不過呀比話食華姐講左好耐. 今日終於去左食. 老實講我由細到大住附近都唔覺得呢度有幾好食… 即係, 就算係好食都未至於係最好食的港式食店呱…::: 牛腩河 ::: $ 22清湯無味牛腩亦都無乜牛味. 而且呢度既清湯真係好清. 河粉又碎濕濕. 真係唔好期望有任何味囉. ::: 腩汁籮白 ::: $ 10都係1個字… 淡. 既然佢係清湯腩所謂既腩汁籮白個腩汁其實咪又係淡味清湯… 又冇車品品甘淋. 又有d根. 真係超普通.::: 豆漿 ::: $ 6叫做正常. 但係唔知係咪成餐D野都好淡我覺得個豆漿都比其他地方淡.佢唔算貴. 但係甘既食物我寧願過對面食新興D濃腩汁牛腩粉. 人地仲要$1X.

閱過不少食評，都說華姐清湯腩如何的不濟。奇哉，儘管如此，我自己在華姐的經驗卻總是愉快的。可能是平日晚上的關係，不用等位已經可以入座。甫坐下，就向那面上常帶笑容的伙記老哥詢問:「請問還有沒有砂腩?」伙記老哥帶笑回到: 「要幫你同廚房問問, 盡砂好唔好?」好，就來一個淨腩盡砂走青，再來多一個坑腩米走青。不一會，先來淨腩，果然多砂，亦難得炆得夠稔入味，湯亦膿郁，有不少油脂泛在湯面，後來的坑腩米亦有水準，美哉！總奇怪總有人去一些盛名的小店食肆品嘗一些非盛名的東西後會得出一些「一竹篙打一船人」的負面食評，就如去永華唔食麵，去樂園或勝利唔食牛丸，去華南唔食柱侯牛腩，去金鳳唔飲凍奶茶然後強行要吃焗肉醬意粉失望後一樣，又怪得誰呢？

O係天后都住左十幾年, 諗諗下原來好多餐廳都冇試過. 初初華姐清湯腩開時, 有街坊話個老闆係O係隔離"大X清湯腩"拆伙出黎. 而"大X清湯腩"我由細到大都覺得超難食, 所以對華姐都冇期望.但前日個朋友話見倒OPENRICE介紹好食, 我咪抱住放下成見, 畀機會試下囉!點知真係中晒計, 同我想像中既一樣! 我最頂唔順就係佢地用『清湯』二字, 所謂清湯, 真係用九份水開一份味精, 大家諗下, 有乜可能間野賣牛腩而唔用返牛腩D肉汁咁浪費? 擺到明就係低成本搵笨的技巧.再講下D牛腩, 食落冇味, 同我自己解凍再出水一樣味...終於明白點解用清湯, 因為佢D牛腩都係白烚咁滯.....野飲就普通啦, 清潔都一般啦, 不過以喱個價錢, 用咁既方法去煮又真係合乎經濟原則.但我食依個食評, 都係想反影下, 喱間野唔值咁多個笑面....如果各位認為個『清湯』真係好『清』,唔該你地再諗下『清湯』同『清水』有時真係一線之差.............

慕名來一試，叫了碗爽腩伊加碗腩汁蘿蔔，牛腩偏瘦（可能要叫半肥腩）算鬆化不過有啲嚡，牛味一般，清湯的確清，少油，有淡淡肉香，味道很直接，最後我成碗飲晒，伊麵就普通。蘿蔔清甜無渣有腩味，係幾好。Overall食得過，不過同九記比真係有啲距離，人哋碗湯清得嚟有很濃肉味，仲有after-taste—如果你唔嫌油的話。

今日中午難得來到美食林立的電氣道, 最終決定吃這間.$22一碗牛腩河, 其實都唔係好抵. 但如果質素係好, 我絕對唔介意價錢.牛腩河上枱的賣相和份量都可以.話明清河腩, 味道較潮式用花椒八角蘸的牛腩淡, 我完全可以理解.不過, 較失望的是出名的牛腩卻沒有相像中淋, 有些un和鞋口.可粉反而都幾滑, 唔錯.

兩人晚上過路，夾著出名的心態試試。本來想叫雲吞面，店員阿叔都事先講明係菜肉雲吞，唔係先蝦雲吞，咁唔要啦，都好在佢講一講。最后叫左腩河+ 腩面+ 腩汁蘿蔔。牛腩: 唔係淋，但唔鞋，但完全冇晒味，值1.5/5分湯底: 諗住d腩冇乜味，可能會去晒個湯底度，試一啖先......"嘩，乜淡都咁既，溝左水?" 值1/5分腩汁蘿蔔($10): 最后希望，唔通d味入晒落蘿蔔度? 頂，又係冇味，d腩汁又係同碗面果d一樣味，一樣係冇味!! 值2/5分Conclude: 沒有下次!!

Saw it won the best 10 restaurant again in march, and since i live just next to it I asked my BF to buy take away on the 9th even he said he tried it b4 and discouraged me to give it a second chance.When he bought back the food, there's three different kind of beef brisket cuz i wanna try different parts but they were all very very fatty.... i also ordered the famous radish'lo bak' but no taste, i had 'ho fan' as well but it's no taste too... only one good thing is the beef are all very soft...

上星期我專情帶男朋友去試..見佢拎獎關係..好靜,唔知系咪就收工關係..哈"叫左個牛腩河..好好味!D湯真系好清*但D清潔到唔系我想像中甘好!=﹏=好平..值得去食!

其實在我們居住的附近有很多很多的食店可能一生也都無幫襯個，我在這家店附近工作了超過二十年，從未試過，很出名的上環九記清湯腩就幾不就腳都會去食下，那當然會拿出來比較，我常覺得九記怎樣好吃，那地方環境怎也不值得一碗麵賣廿幾元，但個腩同華姐個清湯腩比較還是要強得多，要是一見多人比笑臉就滿心期待，那以後都要用自己試過才算數的心態會比較持平一些，不如試試在店內發掘一些大家可能忽略了的好東西呢，不要再人話那樣好吃就一窩風去嘗試同一樣東西，做個真正的試食大員吧！對嗎？

時間: 4月7日21:30人數: 2 咁岩個日經過見到都幾多人推介既華姐清湯腩，就諗住入去試下。可能去個時都已經比較夜，店裡面冇咩人，亦都即刻有位。我同老婆叫左碗腩河同腩麵。食完真係"嘩"一聲，都真係忍唔住係呢度開番個ACC寫食評。講下呢間傳聞中"咁有水準"既"清"湯腩。先講兩碗粉麵，湯出奇地清，味道簡直同滾水加少量味精冇分別。牛腩份量"精緻"，5%肥肉，逆紋切，一咬就散，但又越食越黏牙。河粉都算OK，很滑。另一碗D牛腩就肥少少，D麵都係一般貨仔。食到咁上下唔係好夠飽，就叫多碗雲吞同豆漿，亦都係成餐最精彩既部份。先來杯豆漿，同其他舖頭既冇咩分別，甜甜地冇咩豆味。去到呢個時間我都係覺得因為自已夜去先食唔到好野，而且幾十蚊就算啦。最最最離晒罩係碗雲吞，十幾分鐘都未到。問一下係咪漏左既答覆係"D雲吞係生煮，要耐D"。FINE...都欣賞你唔係整定晒。等多陣見阿姐住碗野"料下料下"咁行過黎，放係面係我見過最恐怖既雲吞。D雲吞好似生中左毒咁一撻撻啡色，問佢做咩咁既樣，阿姐竟然答"可能係煮"火農"左"，OK我都聞到，咁唔知可唔可以換過呢?尤其有兩隻特別作嘔。我俾番個兩隻佢地換，已經聽到廚房D人話"