華姐清湯腩

营业中

休息中

看了幾個負面的食評有d奇怪因為我前幾日幫襯過個人覺得相當不俗今次是我第一次食這間店店子小小沒有什麼特別沒有人等位坐下來便叫了招牌清湯牛腩河($23)我的是滿滿的一大碗6-7件牛腩大件又整齊的排在河粉上食落去好軟好入味唔肥都是肉輕易就可以用牙分開但有d咬口的湯甜但唔濃的確係清湯河粉份量唔小23元值腩汁蘿蔔($10)十分普通唔甜唔夠名份量普通可以唔叫牛腩菜飯($2x-3x)份量普通牛腩依舊好連湯同飯分上的但菜飯唔得冇味有d油唔可以算得上係一碗合格的菜飯豆漿($6)普通野如果要飲好豆漿大家不妨到石硤尾南山村平台的一間粥店飲夠豆味又涷地址有機會補上但其他野食好普通而且早收nice招呼重有同我們say bye 唔錯值得一試佢的牛腩河

好失望!!!仲食到一肚火!!!!!>四<肉: d牛腩勁un，un到好似湯渣咁, 食完d 一定要用toothpick.湯: 冇咩味，不過好神奇，食完好口渴service: 唔好，見食完d麵，仲有野未到，我只不過提下個女人，仲有野未到，佢就好大聲講"d 野要煮，然後係咁講!!!"我真係好似俾佢鬧，食到一肚氣!!!

今日下晝同女友特登去試下呢間openrice o既人氣之選, 點知好失望~我自己叫o左個清湯腩河,d 牛腩un,口感差之餘,我亦食唔出香同鮮味,加上河粉太淋,同份量偏少,唔值$23。女友o個清湯腩伊面d牛腩都係差唔多, 不過個伊面就好食少少。再要o左個腩汁油菜,腩汁都唔okay, $10 亦都係偏貴。反而個豆漿幾好飲($6)。老實講,呢間食物o既質素實在唔值咁多個笑口,唔知係因為熟客食o既牛腩好食d (俾坑腩?) 定係因為有人有vested interest ,煲呢間d食評狂落笑口。總之, sorry, 我唔會再去喇。

今日我同青檸先生好乖，從旺角出發到香港大學借material教書，之後我地仲去埋孫中山先生的博物館，間屋(甘堂第)好靚。行完之後，就落左中環食小小野，然後就好浪漫地乘叮叮到銅鑼灣行街，可惜買唔到野，再乘叮叮到天后華姐。見它是得獎餐廳，就試試啦，誰知，惡夢就隨即開始……我地叫左清湯腩加蘿白，醉雞和豆漿。d牛腩un到死，咬都咬唔到，簡直係食左會胃痛個隻。我唔明點解打正flag號賣牛腩，d質素都可以咁。可能有食客睇到我的評論會doubt，但我可以講at least 我同青檸個碗都係咁。我試過企在他們果邊想，會唔會係因為腩的位置不同所政呢？但咁多個人食過，咁多個食評，無理由咁巧合，所有人都有坑腩，而我唔係ga，唉，所以我都唔知點解，救命。另外，碟醉雞同杯豆漿是無問題，正常的。對不起，我不會再來。

星期四的晚上, 突然間想來吃清湯腩, 就拉文迪過來天后. 其實由北區過來都要一大段路, 謝過文迪陪我這樣地走圍食.七點幾來到, 也有不少人客, 剛好還有兩個位置, 馬上坐低. 以粉麵鋪來講, 這裡係幾光猛的, 加上大大的落地玻璃, 都算不錯的環境. 來得這裡, 當然係吃掛頭牌的清湯腩. 也不想兩個人吃的一樣, 於是再加碗金錢肚, 另外要碟醉雞, 可以試多幾樣, 都幾豐富.酒味醉雞$35: 8分, 見係招牌之一, 就兩個人分吃一碟, 做得好入味, 酒味幾香. 見圖也知係大大件白肉, 但也不會實實的, 仲算嫩滑. 作為食腩之外的一道小食, 合格有餘.清湯牛腩河$22: 9分, 落單時問有無坑腩, 答案係大大聲的有! 好! 是日吃的坑腩係好靚, 肥的部份甘香, 瘦的部份也夠淋. 很出色. 實在令人回味. 見隔離沒有叫坑腩, 看落去也係好靚的. 這裡的清湯牛腩, 係值得令人山長水遠來吃的.清湯金錢肚米$22: 8分, 金錢肚係這裡的另一重點, 其實這裡係沒有牛雜的, 只係專攻金錢肚, 吃落口夠淋, 也入味. 從前小弟係不太喜歡吃牛雜或者牛肚的, 當然也因為腸胃問題, 吃完內臟, 肚痛的機會率係

３月２２日維園花展同姪女行完見餓，咪入去食羅里度Ｄ水準一向keep得好好我叫爽腩河、菜心、蘿蔔及coke姪女食雲吞粗面及coke但食食下呢有個亞叔物體既侍應就依依哦哦仲夾住Ｄ粗口雖然佢地內部問題但令我食得唔舒服<----扣分

雖然對牛腩無咩研究..但清湯腩的確有水準..牛腩又香又腍..脂肪同肉分佈得好平均..湯底都幾清..而腩汁蘿蔔無渣..但亦無味..不及車品品般清甜..但個湯底幾好味...加上伙計同客人傾得兩嘴..態度友善..加左唔少分數...對我黎講清湯腩係中上質素..有機會一定再黎！

上次因為太多人排隊, 所以過左隔離店食. 今日趁住兩點半諗住應該吾會咁多人, 所以來試下. 果然大把位任我揀...點了招牌清湯腩河, 菜心加腩汁. 牛腩瘦得來一點都不韌. 湯底反而無隔離店的濃味. 河粉有點"林" 左少少. 菜心不錯, 很嫰.

話說日前朋友的腩河先上場, 是正常有肥有瘦的腩, 自問是"肥肉filter"的我已有吐肥肉的準備, 不料當我的腩粗登場時, 竟是98%全瘦的牛腩, 莫非師傅知我的脾性(我只是第一次光顧呢)最神奇的事就如題所指, 瘦腩是鬆軟的, 一點都不黏牙的, 而湯也是極度清甜的, 可惜蘿蔔已經完全不是季節, 下次還是點油菜算了

mar 24, 08, 3人來early dinner,叫咗 : 1) 淨蘿蔔-好清,真喺食個原味,睇佢連糖都無落,嗰日個蘿蔔比較淡口,無咪味(喺有蘿蔔味),但勝在無渣,亦腍 2) 清湯牛腩河-無+腩汁-試咗友人1舊,雖然無嘜膏,但都唔鞋唔"un",好腍-河粉滑,湯底夠味,唔太濃味 3) 淨清湯崩沙腩-見有外賣客叫淨崩沙腩,所以照跟-肉腍,筋膜就帶爽,有口感-好味 4) 牛肚伊麵-金錢肚腍中帶爽,反而呢個帶多d牛臊味(呢點我個人就麻麻哋),味道不溫不火,剛剛好-因見到有食家寫特別叫伊麵,咁我又跟吓,原來真喺好好味,有質感,又有d香口,因為形狀捲曲,索埋d湯,所以好味 5) 淨米粉- 友人話因為個湯底夠味,所以淨米粉都好味 6) 淨河粉 - 6點鬆少少嚟到,要等位,你話幾多客呀 - 見到有對青年男女,坐低好1個時間,但無人幫佢落單,發老4走咗。因為樓面得華哥(睇店內d鱔稿知道,我並唔識佢)同亞姐打點(華姐瞓緊覺),2對手招呼絡繹不絕嘅客人

星期日同女友出去港島(平時我地好少好少出香港的)，見食評唔錯，所以特別來試試。我地1點多去到，但都有好多人，我唔知係唔係平時都1多人定係因為假期了，等了15 mins 度啦。我點了清湯腩河，女友就點了牛肚河，再要多個羅白。首先，佢地的服務真係一流，雖然已經咁多人，但佢地個個都好好笑面，好好禮貌，比好多茶餐廳好幾多倍。河粉的湯十分清甜，羅白個湯仲甜，好正，一定係用了好耐，可能會係好多年。河粉就普普通通。而個腩就真係好好味，好瘦但又唔硬。好軟，一咬就得了。正！真係用這個$$，得到咁的服務，真係好抵。

排隊等位，以為真係好多人好受歡迎，原來只係人手不足，坐低兩個字都未有人執，落單又等兩個字先有得食，怪不得要排隊。最弊就係招牌食品清湯腩，個湯真係清到呢，完全無腩既味道，Ｄ牛腩仲唔掂，好似煲完湯Ｄ湯渣咁「鞋」。對面既太太們一樣有咁既感覺，於是問侍應點解Ｄ腩咁樣，佢竟然答「仲咩你地叫半肥瘦？」之但係餐牌無寫有半肥瘦喎！原來招牌菜係煲湯腩．．．好彩無試埋個腩汁蘿蔔，對面太太們叫左，原來又係清過清水既清湯，ｄ蘿蔔仲要係硬既。

你地試過食好似橡筋咁ge牛筋未??我同男朋友特登去天后試下佢d清湯腩有幾好味..但..非常失望..唔知係咪我地唔好彩..d牛腩好似木頭渣,又痴牙..又肥..d牛筋唔夠味又充滿"彈性"..咬左好耐先吞到...總之...失望而回香港仔求其一間粉麵都好味過佢.

同朋友去食，大家都叫清湯腩，但佢件瘦Ｄ，我件肥Ｄ。唔好以為我件肥Ｄ易‘召’Ｄ，我碗唔知點解Ｄ牛係順紋切，唉！搞到我‘召’好鬼死耐先吞到落肚。不過，Ｄ湯都ＯＫ。所以，好唔好味，都要睇o下你o個碗上Ｄ咩肉~~~

3月17日，15:45趁放假，十一時到達維園看花展，三時許才離去。星期一竟然人山人海>m<。期間祇吃過一份燒賣併魚蛋，花展範圍內竟無啤供應>m<離場便到這常滿的人氣店碰運氣，竟被我攝到位。馬上要了腩河，人多十分鐘後才有得吃。湯底：仍清鮮甜美，當然無九記和群記的濃烈，但肯定屬上佳。牛腩：肥瘦有序，淋而不失咬口。伙計們越來越投入，笑容滿面，有求必應。這店是港島東清湯腩河首選。題外話：花展年年去，在盆景區的展品，全都"熟口熟面"，在北區花鳥蟲魚展和維園都出現。但冬去春來，小東西們都穿上新衣，開花的開花，長嫩葉的長嫩葉。看著植物的變化，是其樂無窮。