華姐清湯腩

营业中

休息中

入正題，昨日我去逛花展就順道邀約一齊開飯喇！二人要了清湯牛腩河和牛肚河一齊share。牛腩河：牛腩比坊間一般食的稔，肉間亦有白色的脂肪團…或者與萬豚屋的豚肉彼此彼此，湯渣感—即有點鞋。同埋啅完大牙勁黐牙，當時我真想scream像惡夢一樣枱上的牙籤筒空空如也。牛肚河：牛肚唔錯，稔中帶爽，索晒湯就唔會乾，這算係牛肚的特色喇卦！？食後感：完全唔覺係清湯，因為同所有食粉麵地方的湯底一樣倒模…睇怕與我但求解決一餐的巿面津津一樣。既然周街都做到時，這已唔係咩獨門秘密或過人之處了。故此，我們二人都一致覺得牛肚河比牛腩河好食，同埋覺得河粉幾滑唔錯…至於口渴，基本上在得出面食飯就預左，根本沒可能與住家飯相比，只欠在味精的多與少罷了。而我們就覺得口渴程度與一般出面食肆無異，或與家中唔飲湯底享用完一碗原味出前一丁一様。(即係數小時後才渴)對於同係牛什河fans的我們都係仍然繼續尋找牛什河之旅吧啦！因為我記得小學時拖著mum去觀塘物華街食牛什河，自此就愛上了even我明白食內臟唔太有益。可惜年代久遠，已關門大吉，以致我仍常常想食一碗美味的牛什河…若然昨天食清湯腩那裡的menu有牛汁河就good~我一定會試！兩

今天得閒,便的起心肝試試自己的手藝去煮清湯腩.到街市買了一斤左右的崩沙腩,要五十多元.是最後的一份了.時間是早上十點左右,好的部位已經賣得七七八八.回家用最好的陳皮,薑,少許冰糖,兩片月桂葉,慢火煲之.聽取有經驗人士說中途要熄火焗,再開火煲,如是者數次直至淰.晚飯時,取出切開,才發覺所謂清湯腩學問殊不簡單,自己煮的湯雖然真才實料,但總欠缺華姐的清,但味濃,香.假如華姐的是一百分,自己的只有五十分.肉的方面,筋膜沒那麼淰滑,夾著的肉沒有那層最好味凝膠似的物質,附帶的瘦肉又痴牙.只可以給自己三十分.總結來說.要繼續幫襯華姐.

真係不得不讚!!! 見咁多好評, 自己好想試好耐, 今晚終於有機會!!! 叫0左個爽腩米~~~伙記態度都幾好!! 微笑對客的喔~~在如此格局的店仔, 一般0黎講要見到d伙記對你smile係幾難??? 印象不錯!!爽腩真係好爽!! sok sok聲但又唔係膠咁款!!!腩位腍但唔散!! 真係好好食!!個湯清澈但味道有層次!! 有牛味!! 少少味精吧...? 因為事後有點渴...米粉有咬口!!! GOOD!!! 而蔥就用匙另上, 照顧埋D走蔥0既人, 好CARING!!咁good 0既quality但都係22蚊, 唔係唔抵食呀嘛~~?下次試坑腩!!

可能十點幾先去~牛腩煮得太耐無哂肥, 但都總算唔太硬....還可接受個湯依然唔錯但係牛筋... 味唔係好夠

上山落斜,都係為買些記事簿同唱片,你話我係唔係傻?在龍皇道行下來,想快手快腳吃點東西,個腦一轉就轉去華姐清湯腩.下午茶時間食客也不少,相比隔離大利就少得多.兩者對比都幾強烈.雖然要快手快腳,但都要吃得衰過人一碗爽伊!)爽伊一上,自然拿住部錢七左拍右拍,幾下快門聲連下.店員插咀嘩,我地擺得咁衰先影?)擺得整齊與否是其次,最緊要個腩爽不爽.不出所料,又真夠爽.筋位爽兼充們膠質,腩肉有嚼勁.下面的清湯底,清甜又好喝.如果夾硬同九記比,前者的爽腩限時限刻,後者就隨時也有得吃.這是比九記可愛的地方.

那些牛腩真的令我回味無窮。很淋，很好味。起初還以為一定有味精，但吃飽飽後卻沒有口喝的感覺。醉雞都吾錯。餐廳不大，所以都要等下位。服務員態度良好，還同我們講Thank You，吾expect響呢D餐廳服務員會識講英文呢，感覺好友善。有客人吹order，但服務員解釋牛元/雲吞是即叫即煮的，為要熟透，所以需時耐少少。

花展已經開鑼...16號同男朋友去睇之前先黎呢到食過遲午餐, 叫左一人一碗清湯牛腩(一個面, 一個米)同豆漿再加碟菜, 男朋友牛腩好肥, 我係瘦既, 我地掉轉嚟食....總括: 牛腩係炆得腍唔會un, 湯底唔會濃到好似飲味精, 但不至於要長途跋涉去食...試過就算, 細碗同價錢略貴

如題咁講, 個湯底真係幾好, 而且牛腩唔肥。但要一提大家，蘿蔔唔好單點，太多而且好淡，如果想食既，食腩河加蘿蔔好d。

吃了一堆冷東西，也要吃點熱食，才會舒服一點。來這裡吃牛腩，再呷一口牛清湯，也不錯。十一時左右進店，只得一檯客。去廚房一看，交帶師傅要了碗淨腩，要盡量肥的，及一碗淨伊麵。師傅拿來牛腩，哈哈的道「今天的肥腩，好爽口呢！」，已知沒有叫錯。牛腩肥肉佔一半有多，相當對辦。吃一口牛油脂，真的如師傅所言，相當之爽口，沒有多少油膩的感覺，卻又不失油脂絕頂甘香的味道，絕對是人間美味。吃肥腩的另一個好處，就是連帶的廋肉部份也會較為鬆化可口，肉質亦不會韌。見時差不多閉店時間，還有如此妙品應市，明顯地欣賞的食客不多。不怕吃油脂的，務必要一試。呷一口牛骨湯，這裡做的是清湯，只淡淡的牛臊味，跟九記或群姐的濃郁牛骨湯是「蘋果與橙」的分別。吃了滿肚子凍食物，喝了這口牛骨清湯，遍身溫暖的感覺；伊麵在這裡是配角，純粹伴吃，浸得夠腍身，也不錯。埋單42蚊，想起也會再來。

好多時都會自己一個黎呢度食碗爽腩米($22),佢d品質真係keep得好好,無一次會失望,加杯豆漿($6),真係好滿足!*同埋佢個醉雞都好好食,大家有機會可以試下!

今晚7點晌天后學整蛋糕，6點就要食飯，食咩好呢？時間尚早，唔係話太肚餓，朋友又話佢細食左(well...)，咁不如食碗米線、河粉喇！結果就黎左哩間華姐~~我食筋腩河($26)加豆漿($6)，朋友就食筋腩米($26)。黎到，嘩！個湯真係好清！但係又好夠味道~~有好多舊牛腩，其實係林，但因為我始終箍緊牙，o趙兩o趙已經好，迫不得已食剩左兩舊仔。筋係比較爽口個隻~~成碗加埋d蔥花一齊食，正呀~~~!!!

其實想慕名而來一試很久, 但之前都是無緣, 不是人太多或時間不合而錯過了,前天專登在下4時非繁忙時段去叫一碗清湯腩河. 牛腩份量很少, 清湯是整碗湯河的靈魂!! 非常清甜, 香味濃郁, 沒有味精, 飲了不覺口乾. 吃到一半,我要求再加湯也不用收附加費. @$22 一碗頗貴! 地方淺窄, 不好坐.

今天下午三時親自去試一趟、只因下星期約了朋友去天后食牛腩河, 大利及華姐選其一. 大利在一年前嚐過、沒有特別.點了一碗牛腩河, 湯底真的很香甜. 加湯不用收錢. 只是@$22.00飲了一大碗也不口乾、真材實料、不用味精!!

頭先和亞妹在銅鑼灣聽完講座，見咁近天后，我們便行去電氣街那間華姐清湯腩食嘢！那時大槪已是晚上八點三十分後，一去到剛好有一家三口食飽走人，我們坐落便落了一碗清牛腩河（d牛腩好正正正呀，又唔係太腍又有少許彈口）、腩汁蘿蔔（d蘿蔔都幾甜，但就唔係好入腩汁味）、清湯牛筋撈粗麵（牛筋腍得嚟有咬口，正正正）、豆漿一杯、道地柚子綠茶，後來我們見d客猛咁問仲有冇菜飯呀！外賣同堂食都有人嗌噃！嗌多個清湯牛腩菜飯留比亞妹帶飯，番到家打開！嘩！d牛腩原來都有幾多；菜飯都好香添；又冇乜油噃！味道唔錯，正正正正！*連埋外賣都係$111。

清湯腩清湯腩..一直想試，終於有機會了。nicole試了清湯腩再加墨魚丸，woody吃了雲吞擔擔麵。吃後，再後現我們傻了，忘記了加"送"-蘿蔔，那麼我們另叫一碗蘿蔔!!清湯腩，真的很美味，湯很清，而且這裡牛腩跟牛展是分開的(nicole不愛吃牛展)，所以這次吃得很開心，不用再掉走那些牛展那麼浪費了。擔擔麵，有很香的花生味，很特別，很好味，清湯腩是清，擔擔麵是香濃。而那碗蘿蔔只是十元，但很好味，很甜，也不會苦。我覺得這間是我吃過那麼多間麵店，是最好味的一間，即使是元朗的勝利牛丸，上水的成記..還是要屈居於華姐清湯牛腩之下。說過味道，便說說環境，我們對麵店的環境要求很低，但這裡卻是很乾淨很整潔。而服務，便更好，那個男的，還會跟我們說笑。