莆田 (美麗華廣場2期) (已結業)

happy friday 食個好lunch! 真係名符其實嘅michelin!多謝同事又帶我食好野。本來以為米芝蓮一星餐廳多數都係貴，但係入咗餐廳之後睇睇個餐牌就發覺價錢好合理同貼地。今次我哋點咗個四人餐同埋試食紅蘑菇。前菜四款都好好食特別係個紫菜，紫菜酸酸甜甜好開胃！必吃！芋香棒！又係一個必吃之選。出面嗰個糖殼炸得啱啱好口感非常好唔會太油同漏😋主角就係呢個紅蘑菇湯，味度有啲似臘味🤭感覺好新奇可以一試。另外見到有lunch menu 碟飯/麵都係68, 下次再試！overall 低食米仔，價錢合理！想慰勞下自己嘆個lunch 就試下啦！

就算幾鍾意食西餐都好，中菜永遠都不能被取締。這個米芝蓮一星餐廳就不能錯過。位於尖沙咀黃金地段，美麗華購物商場裡，地方闊落，木製座位坐得舒適。前菜甜酸木耳帶點微辣，很醒胃。柚子鮮甜多汁，令人胃口大開。酥炒芋花，一件件長方形芋頭，外皮香脆帶點蜜糖的甜味，芋肉口香綿，口感很好。百秒黃花魚，烹調功力一流，絕不會過火，魚肉香嫩滑口，清新自然。莆田滷麵，喜喜的一度菜色，湯底濃郁，海鮮豐富新鮮，調味也剛好，很合心水口味。慢煮紅菇燉雞湯，雞肉清甜幼滑，紅菇令湯底帶粉紅色，唯獨湯面多了點油，若把油先去掉就完美。整體食物質素算高水平，這裡很旺場很熱鬧，若大班朋友來最好先預訂，免得等了又等。

今日放假去尖沙咀行街，行到累就入左呢間坐陣休息吓食個中午飯先見到有唔同特式既小菜，一於叫返幾個慢慢品嚐而且剛剛做緊紅菇節就叫返個同紅菇有關既餸試吓先。餸菜未送上時，就飲啖茶食吓碟前菜開吓胃，茶就係菊花飲落好香菊花味好清香前菜就係涼伴雲耳，食落味道幾好酸酸甜甜，雲耳咬落爽囗坐左陣慢慢有食物送上，首先係：蝦苗拌頭水紫菜：賣相幾靚，將蝦苗和紫菜放在中間，再用青瓜切薄片圍住紫菜蝦苗既用處其實用來增加紫菜囗感，至於紫菜入囗爽滑唔韌冇沙，食完之後食返片青瓜，解左個油膩感酥炒芋心：似係蒸完芋頭再用蜜糖炒至乾身，食落外皮香脆，甜甜蜜糖味，芋頭好粉冇楂百秒黃花魚：魚肉鮮甜，嫩滑味美莆田滷麵：幾大窩麵，芡汁幾好味，d麵索左個汁可軟滑，而且好多配料有蝦肉、蜆、肉絲、冬菇、豆斗、上海白菜和芹菜條，另到每一啖囗感豐富所有小菜送上食到差唔到，個湯就燉好送上枱紅菇燉土雞：紅菇入囗好爽，d湯入囗清甜，雞肉好嫩好腍至於d湯點解偏紅，係因為紅菇既天然色素，而且餐廳都有關於紅菇資訊講解，另到大家對紅菇有更多了解。食完呢餐之後，覺得呢間餐廳d嘢幾好食，而且經常見佢哋轉完菜式常試新嘢

今晚來米芝蓮一星的莆田吃晚飯。獲獎當然對它有期望。食物、環境、服務都對得住這個榮譽，當然價錢也都相襯了。等朋友時看見舖天蓋地地宣傳紅菇，所以就來試試吧。紅菇燉肚雞（例）份量足夠三至四人。現場看會見到湯是稍為粉紅色的。火喉足，很鮮，還帶有說不出的香味。看資料才知道紅菇是天生地養，那種獨特的味道應該就是源於它了。紅菇口感乾爽堅實，不同於冬菇的口感，幾特別。湯料足，土雞有很多件，還很軟嫩，不像平時那些被人掉棄的湯渣。蝦苗拌頭水紫菜莆田十醉之一。堅好味。吃一口才發現是冷盤，味道鮮甜微酸，所以凍食更帶出它的美味。有點開胃，讓人忍不住口。酥炒芋芯（小）也是十醉之一。話小不小，再好吃不竟是芋頭，二人來説把它吃光有點吃力。面層酥炸香口甜甜的，其實好吃，不過太飽肚。百秒黃花魚同樣是十醉。百秒蒸熟一條魚其實都是噱頭。真材實料才最重要。魚肉嫩滑，但部份多骨要小心。湯汁薑味濃帶鹹，所以淺嚐一兩口試試味就好。莆田滷麵相片吸引，但出來的賣相有點似自己在家煮的麵。但味道不差，就是很難找到那12種食材，要細心才發現。湯濃得有點杰。二人來說份量很多。這樣地推介，不試莆田十醉也不行。可能去過福建的關係，這個看看也有趣，我

放工陪同事去尖沙咀買嘢，之後同事提議食埋飯至返家，並且帶我去美麗華商場二期的莆田，她說之前同朋友來食過紅菇燉雞，好味又有益，所以帶我來試一下。小食的花生眉豆好林甜，茶十分清香。紅菇燉土雞是時令限定的，現在正是莆田紅菇節，紅菇對身體有益，所謂不時不食，今晚就叫來試試，土雞燉左4小時，之後加入紅菇煮15分鐘，火喉十足，雞已燉到骨和肉分離，紅菇香味撲鼻，湯程紅色，味道鮮甜。百秒黃花魚，肉質細緻鮮甜，明火煮100秒後即可上枱，香氣四溢，原汁原味。蝦苗伴頭水紫菜，用每年首次採割的紫菜，加入清甜的小蝦米和香醋，口感爽口又開胃。酥炒芋芯，用上品檳榔芋，以傳統方法烹調，外酥內軟，味道鹹中帶甜。蒲田滷麵，湯底是自家秘製的濃白滷汁，加上豐富的配料、彈牙的麵條和鮮味的高湯，十分美味，令人回味無窮！

一直都好愛莆田福建菜，做法正宗巧手，環境清雅舒服，人多熱鬧人少清幽都咁適合！吃過銅鑼灣同鑽石山店，今次吃埋尖沙咀Mira2!真係總有一間係左近！今次人多可以試多d不同的菜式！好興奮呀！最後叫我哋叫咗四人餐再加一個入秋特別推薦的紅菇燉土雞湯！紅菇燉土雞- 好得意的紅菇！湯係清的淺紅色，有一股香香的臘味香！第一次來吃午餐，發現亦有一人餐嘅選擇，小驚喜！之後午餐又多一個高質選擇！價錢仲好抵！前菜係花生同木耳!精美四小拼- 一定要吃！一次過滿足曬4個口感！正！莆田荔枝肉- 凊新的口感！豬肉炸完好爽，一點都唔油浰！荔枝少少酸，出奇地搭！軟煎黃花魚- 我自己的最愛推介！魚的肉剛剛熟，又香又滑，魚湯又香濃，次次都一人一條慢慢享受！蒜片炒荷蘭豆- 跟餐先叫的，不過又幾好味，脆口！莆田湯品大白菜燉軟豆腐- 都係跟餐有的湯，想要清淡點的菜，幾好評價，大家一下子就清曬！蒲田主食蒲田老麵 - 呢到的招牌麵食，濃湯次次都好鮮甜，也有好多新鮮食材！蒲田特色甜品：白果芋泥 - 福建的甜品都要好多功夫，鍾意芋香嘅朋友不容錯過！但又唔太甜不太漏，好難得！

同事話俾我聽先知道，原來尖沙咀呢邊都有開莆田，今日喺附近開工，就帶埋幾個同事過嚟呢度食餐飯，見到必食十醉！百秒黃花魚之前試過鑽石山嗰間，呢個百秒黃花魚滑一滑，啲湯又正，值得再試蝦苗拌頭水紫菜第一次試紫菜做嘅冷盤，一試愛上，小小酸甜嘅醋調味，再加上仲有少少蝦苗，十分之開胃酥炒芋芯鬆化嘅芋頭外面有薄薄嘅糖層，甜度剛剛好莆田滷麵好似係一大堆配料一團，其貌不揚，但係估唔到食落幾好味喎！面身滑，而且啲配料嘅精華入晒去湯度，湯汁變得幾濃郁，竟然食到停唔到口

朋友嚟咗美麗華廣場二期食飯，佢推介呢間米之蓮一星餐廳—蒲田。姐姐的服務很好呢^-^我哋睇個餐牌都有二人餐、四人餐和八人餐⋯的選擇單點菜式也不是太貴，價錢平民。今晚雖然係平日，但係都有唔少人嚟食飯。係莆田紅菇節阿今餐食嘢都係莆田重點推介的菜式。前菜：蝦苗配頭水紫菜$52，原來是冷盤呢。調味岩岩好，食落去啲紫菜非常爽口，配上蝦苗，味道更上一層樓。酥炒芋芯$89，面頭有些焦糖，食落去甜絲絲，芋頭軟熟，都幾粉，份量勁多阿。而百秒黃花魚$69/一位，用100秒蒸熟一條魚，黃花魚魚肉軟熟，不過比較多骨，都好味。紅姑燉土雞$198，用的是莆田紅菇，傳統天然種植。湯底越紅，代表味道越鮮。嘩好夠料，湯嘅面頭雞油比較多，飲落去口感好滑。最後叫咗一碗份量好大嘅莆田滷麵$82 當中有12樣配料，包括有大蝦、海蜆，而米線的口感比較林身，加上豆粕，小白菜等等整體味道也不錯，口感很豐富。（掛著食唔記得影⋯ ：p）在此補上餐牌的圖片(o^^o)

前幾日有朋友推介,這間中菜值得幫襯，佢做緊紅菇食草，好似非常珍貴，我們便一齊品嚐.一入去有碟前菜，鮑汁花生非常入味.叫咗個紅菇燉土雞（$198），夠晒四個人飲，非菇常香甜，再加上嫩雞肉，難得好飲的燉湯,可以增強抵抗力。個湯都係紅色，印象非常深刻。蝦苗拌頭水紫菜（$52），紫菜用上湯蝦苗浸泡非常鮮味， 細細碟開胃菜剛剛好。另一碟嘅得獎菜，酥炒芋芯（$89），炸透嘅芋頭再加焦糖非常美味，女孩子們必叫。嘩！百秒黃花魚（$69），魚湯非常鮮甜，黃花魚煎得好香口，餸菜越簡單越好味。另外一鍋莆田滷麵（$82），非常滿足及入味。整體來說不錯。

自從上次試過莆田之後，對蝦苖伴頭水紫菜念念不忘，今天在尖沙咀工作完後，再來到美麗華-莆田莆田紅菇節，有紅菇煮的菜式門口擺放著一大壺黑糖薑母茶，可供未能即時入座人客享用薑母茶薑味濃郁，唔太甜，好細心餐前小食精緻雲耳爽脆帶點微辣柚子多汁唔苦，十分淸新蝦苖伴頭水紫菜紫菜入口滑溜，味道酸酸地又帶點鮮味，味道吸引，即是清新哂莆田鹵麵材料豐富有蝦、蜆、東菇等⋯並且用高湯煨麵，麵吸收哂湯及材料味道，鮮味十足，令人回味紅菇燉土雞天氣涼涼地，叫番個燉雞湯，滋補下

先生之前上網見到紅菇很有益，營養價值非常豐富，有滋補養顏功效。而今日來到尖沙咀的美麗華商埸莆田正好見到有紅菇燉土雞湯，於是今晚的晚餐就決定在莆田食了。餐廳整潔舒適，枱與枱之間都很寬敞。既然為紅菇而來，當然就要個紅菇湯了，見到有一個紅菇試食二人餐$384，有小食，酥炒芋芯，百秒黃花魚，蒲田鹵水麵，紅菇燉土雞，覺得都很抵食。先上枱的是小食鹵水花生及眉豆，蝦苗拌頭水紫菜。鹵水花生及眉豆又淋又入味。蝦苗拌頭水紫菜紫菜酸酸甜甜，帶著小小爽口。第一次食酥炒芋芯，上枱見到顔色帶少少灰及有㸃焦黃，不覺得會怎麼樣起眼，我的目的不是這個菜，夾一件入口，先感覺面上焦糖帶脆及清甜，再一咬之後隻感覺裡面芋頭軟酥，帶著外層的焦糖，嘩，芋頭炸到外焦脆，內鬆軟，口感與味道，令人感覺非常驚喜。:百秒黃花魚，黃花魚也非常多的薑粒，十分腍滑，魚肉鮮甜。看似簡單的一個蒲田鹵水麵，裡面有蝦及蜆，蝦非常爽口，蜆不是很大隻，但也很甜，有少少青菜及豆腐卜，湯底十分清甜，湯與面一齊食，真是有驚喜。紅菇燉土雞湯紅菇燉土雞，材料很足，有很多紅菇及雞件，雞件已經煲到很腍，吸收回湯的味道，雞件依然腍滑有雞味。紅菇質感比較結實，不過我也食了兩件

尖沙咀美麗華商場的「莆田」其實也不是第一次到，今日約左朋友傾計，佢不約而同的話來呢度，真係知我者莫若佢😬佢哋定期有唔同主題，今期佢地係推廣紅菇節，我哋當然唔會錯過啦😋環境方面其實唔使多講，莆田咁多間分店，都各有特式，給人的感覺就是舒服乾淨企理，光光猛猛，服務人員態度都好好，啱哂有要求的我😬第一個開胃前菜 「蝦苗伴頭水紫菜」 ，除了賣相精緻之外，味道酸酸尾尾，特別開胃醒神，很不錯的冷盤👍🏻 「紅菇燉土雞」 ，用木製的一個桶來盛載著，看上去湯的顏色帶粉紅，很特別，先嚐一口，清甜入味，入口喉嚨舒服清潤，可愛的小紅菇帶有甘甜的味道，而雞肉又比想像更嫰滑👍🏻 百秒黃花魚 和 「酥炒芋芯」 是我每次都必點的莆田名菜，這道黃花魚嫰滑無比，鮮甜清香😋酥炒竽芯外脆而內軟，芋頭味十足，入口小心燙咀，店員溫馨提示👍🏻最後的 「莆田滷麵」 更是代表之作，蝦肉大大隻和濃湯掛在每條麵上，吃得我們甚是滿足。環境好、服務佳、食物有質素，難怪人客絡繹不絕🤗

今日同老婆出尖沙咀買嘢，行到美麗華商場見到莆田，就被門口嘅紅菇擺設吸引左埋去。莆田係少數獲得米芝蓮一星殊榮嘅餐廳，再望望個餐牌，其實價錢都唔貴吖，於是就決定今晚喺度開餐了。呢度嘅招牌菜多不勝數，除左「紅菇燉土雞」、仲有莆田10醉，每款都別出心裁，用心製作。前菜先黎一碟黑醋木耳，老婆話木耳好爽口但醋味較重，而我就覺得啱啱好，可能我比較重口味吧。蝦苗拌頭水紫菜--紫菜經醋煮過後味道酸甜，認真開胃，而且紫菜營養豐富，好味又有益。作為莆田主食銷量冠軍，呢個莆田滷麵配料非常豐富，鮮蝦、海蜆、肉絲、雜菜等，而且份量十足，一窩足可3-4人食用，呢個莆田獨創嘅百秒黃花魚，魚肉鮮甜，骨少肉多。聞說是以明火燜100 秒後即上碟，就可體現黃花魚嘅鮮味。故以「百秒黃花魚」而命名。酥炒芋芯用上優質「檳榔芋」，炒得外酥內軟，夠晒香口，絕對讓你可以食過不停。最後就上呢個當季推薦嘅紅菇燉土雞，用文火慢煲黑腳土雞4小時，再加入紅菇燜煮多15分鐘，讓紅菇嘅香味同顏色慢慢滲入湯裡面，個湯夠晒鮮甜美味，而紅菇更係營養價值相當高，有養血、滋補、解毒等功效。米芝蓮一星餐廳果然無介紹錯，我同老婆決定下次叫埋阿爸阿媽黎試下，相信佢地

轉左menu又同屋企人嚟品嚐下小食係花生眉豆好粉粉，八角味重。蝦苗拌頭水紫菜入口咸咸地好水潤，有點似中華沙律咁既薄款。當中有蝦仔調整口感到有微咬感，整體開胃解肥感。百秒黃花魚一客一鼻聞落去有少少腥味配薑味，唔會嚇到我地，事因常吃黃花魚知佢係咁。廚師放咗好多薑粒係魚底增強去腥力度，落足力！無去魚皮，成條清哂！肉好嫩同有薑汁，特別魚肚魚油感強而滑。連魚眼都食埋，證明真係好軟林！莆田滷麵係莆田十醉之一材料有唐芹、蝦、蜆、肉絲、冬菇、津白、豆斗、洋蔥等等。感覺小朋友同老人家會好岩食，濕濕軟軟好易入口。所有料都比較諗，只係蜆可能硬身少少。面少少鹹啦，唔嚴重既，就算冇算啦打可能因為有唐芹所以都幾香口，麵條圓圓咁，蝦爽口！紅菇燉土雞黑腳土雞燉4小時，老火湯了喔。係當季推薦就試下佢啦，成個湯微微玫瑰紅色，唔通係嚇人萬聖節限定？哈哈，講笑啦！第一次食看顧，有少少似茶樹菇咁既樣，有菇香味同纖維好多。有雞脾肉、雞翼再加點雞胸好足料，由白肉變成紅菇紅肉！雖然佢係老火湯，但係佢唔熱氣同油沖感覺。清清足味，愈飲會臉色紅潤嗎？哈哈！雞既軟骨完全燉軟成啫喱咁，非常之正，口感可愛！一路飲湯會飲到二窩頭酒味，唔會醉既，唔

福建菜在香港不是很多地方可以吃到，今晚朋友介紹之下，便來到這裡。蝦苖伴頭水紫菜，這個紫菜的味道不像平時吃到的味道，原來用上了每年第一次成長的紫菜，紫菜味道不算濃郁，反而帶點酸酸甜甜的味道，作為頭盤就非常適合。百秒黃花魚，黃花魚是有些幼骨，進食時要小心點，不過味道鮮美，果然是這裡的招牌菜。莆田鹵面，配料有蝦、冬菇、蜆、豬肉和菜，加上湯頭清甜，麵質偏腍，像上海燴麵，令我們很快吃掉了整窩麵。酥炒芋芯，外表有些糖，芋芯很腍又很粉，吃落好像潮州的反沙芋，不過是帶點鹹味，這個菜色很特別，是必吃之選。紅菇燉土雞，雞湯不會大油腻，飲落清甜帶點菇味，原來紅菇的營養價值非常豐富，有很多人體必須的蛋白質、氨基酸、碳水化合物、礦物質、維生素B、維生素D以及維生素E，此外，紅菇中還含有其實食品中稀少的尼克酸、鐵、鋅、硒、錳等多種微量元素。外面很少地方用紅菇來燉雞，這個是愛湯人仕必選。今晚的福建菜，比我想像中好，期待下次再吃另一些菜色。