莆田 (美麗華廣場2期) (已結業)

其實我都係第一次食福建菜架 咁啱係尖沙咀買完野次之後搵搵附近有咩好食 就搵到呢間啦個茶係杞子菊花茶 唔會太濃訓唔著仲可以明目提神添呀〰️鴻運發財撈起〰️因為新年既關係 一定要食d好意頭野 呢個喻意黎緊呢年撈到風山水起七彩繽紛既蔬菜絲加入數片魚生片的食材組合而成 侍應之後加入蜜糖之後我地大家就一邊講住恭賀說話一邊撈均佢 侍應仲提我地越挑得愈高愈好兆頭架 呢個前菜充滿喜氣洋揚既感覺 好啱新年食其實我覺得呢個撈起係有少少似食緊沙律咁 酸酸甜甜既餐前小食 不過呢個頭盤既意頭先係最緊要既〰️椒鹽豬手〰️平時多數食椒鹽豬扒或者係炆豬手 呢種煮法都係第一次食 一口咬落去係肥美既豬手 配埋佈滿椒鹽既外層 減少左油膩感 呢種食豬手既方法好新鮮好特別〰️黃金荷葉包〰️炸饅頭中間夾住d醬油炒肉炒 饅頭炸得剛剛好 唔會太燶又唔會太膩〰️酥炒芋芯〰️薄薄既糖醬包住既芋頭磚 但係真係太大及太多啦 我同我既豬豬男友都食唔晒😂〰️媽祖麵線〰️開頭覺得只係麵因為佢既賣相普普通通 所以係擺左一陣先食 但係出奇地好味 麵既質地亦冇因爲吸晒d湯而變淋 仲要好入味 而且又有少少脆既紫菜 豐富左口感 正呀 我下次都會再食呢個麵😍

好正，依到既茶，係用茶包，“菊花杞梓”第一感覺比人好衛生，第二好創新好健康，，飲落好香好清新，又解渴！！！有別於一般平凡中菜既茶類！！！真的“水滾茶靚”....前菜小食：醃蘿蔔，起初就咁用眼睇以為係海哲，食落先知係蘿蔔....咸咸地，好開胃，依碟野送白粥食一流，最後臨走真係叫左個盒打包拎走！！！！鴻連發財撈起！！！新年限定！！！三文魚意即：年年有餘雖然只係脆脆片同紅綠色既調味包，但全部變左好意頭既意思！！！店員會一路講好意頭既祝賀說話一路加入材料，真係好有誠意同好令人開心！！！句句岩聽，承你貴言！！！最後就用一筷子撈起，撈到風山水起！！！味道方面，好特別，既咸又甜，同埋好多料每一口都好有口感！！！媽袓麵線：依個麵既做法係比較小湯既，比較糊身，有d海鮮蔬菜不錯的！！！椒鹽豬手：香脆可口，外脆内軟，食完成個咀都黏黏，好有膠質，食完橫財就手呀！！！黃金荷包：洋蔥炒豬肉絲，好野味，夾住個包黎食好好食，個包既口感都有d脆口！！！酥炒芋芯：味道好甜，好好味，個人覺得依款菜式放最後食更佳！！！

酥炒芋頭據説精選大甲芋最好既芋心部份，先蒸再炸然後再加糖炒，所以粉嫩既芋頭外皮有層焦糖包住，個人覺得同潮州既反沙芋好似，仲有過之而無不及！百秒黃花魚黃花魚以明火現燜100秒即熟嫩上枱，食落真係幾嫩滑同鮮甜！炒興化米粉興化米粉比新竹米粉還要幼細，米粉炒得乾身而且唔油膩，配料有蝦、蜆、紫菜、花生、肉絲、芹菜，好有驚喜！$188任選兩款海蠣菜式: 1. 海蠣煎每一次食海蠣，呢個海蠣煎超足料每啖都可以食到海蠣，賣相同味道都同潮州炸蠔餅好相似，但以煎取代炸減低份油膩感。2. 九層塔香燜海蠣海蠣炸過後再加入九層塔、蒜子等香料以細火乾燜再用鍋仔上，外皮煙煙韌韌入面包住鮮甜海蠣肉，每粒海蠣都散發住九層塔既香氣，香口惹味！

今期海蠣節，屋企人近期食福建菜既地方。話每隻都係300日大既海蠣，鹹度控制好既海水養殖，食一食先！如果叫一個$108，依加兩份叫哂就$188有兩款，係咪好抵？蠶豆用五香粉整，豆粉。福建特色海蠣煎 $108雞蛋香，海蠣粒粒滑。啖啖肉，完全不熱氣！依個好好味，蛋面蛋底都無黑，黃色靚靚。九層塔香燜海蠣 $108香氣十足既九層塔同蒜子，開蓋一刻香喔。香口但不熱食，外皮係咕嚕肉皮，有d甜甜地。佢係軟咕嚕肉皮，而唔係脆個隻。因為夠香氣又帶甜，所以燜係唔錯既煮既方法。酥炒芋芯份量多，4人夠過口引嫁。外脆甜甜，有微微痴牙，內香軟芋香。兩三件都有飽暖感，非常可口既小食/甜點。百秒黃花魚莆田介紹其中一食黃花魚方法。睇到佢介紹佢地夜晚捉最金黃再冰鮮處理送去世界各地，真唔真？哈哈。薑粒夠大夠份量，無魚腥味係必須的！一開二放上做法美觀至上，魚皮都處理好無腥但滑，可以食少少。魚肉鮮甜有厚度，兩個人一條岩岩好一人一半。大家都想食魚肚，特別肥美鮮嫩！興化米粉蝦、蜆、菜、豬肉等等，多元化炒粉。冬菇紫菜配鬆細米粉又帶咬感又軟，濕潤度乾身過平時炒粉，豆卜有返汁就ok！花生同底部既米粉有點炒過火，看運氣。地方佔地大，開放式餐

美麗華行完街， 比莆田個餐牌吸引左 見到入邊座無虛席，一於試試要讚嘅係佢哋侍應姨姨服務態度都好好！先來前菜開胃小食：醋浸雲耳 一個字正鴻運發財撈起 😚 $168 配料非常豐富👍🏻各類既瓜果絲、薑絲、蘿蔔絲、炸紫菜、炒芝麻同花生碎等 😚另外仲有煙燻三文魚一齊倒入其他配料🥰最後加入特製酸甜醬汁😙店員仲會一邊撈一邊講恭賀說話話🤣黃金荷葉包 兩個起售 $29/個荷葉包外皮香脆鬆軟，包面上灑上芝麻，然後自己可以夾入蔥香味好濃的肉絲😚 幾好食！酥炒芋頭 $89貴為「莆田十醉」系列，果然係名不虛傳😱聽店員講佢哋特別選用「檳榔芋」，所以芋頭先做到外酥內軟、而且仲帶點甜味，令人食指大動💕極品椒鹽豬手 (2件起) $39/件足足蒸上8小時，肥肉全部溶解，只留下膠原蛋白豬手都幾大隻又厚肉，因為用椒鹽炸製，所以外皮焦脆而且帶鹹香莆田媽祖麵線 $82呢款麵線係寓意「長壽吉祥」，食辣湯底比較清淡，剛好可以中和返頭先食咗咁多樣佳餚嘅油膩感～

約下好耐無見的姊妹食飯，她喜愛食中餐，就揀左莆田，試下呢間米之連一星的中菜館。新年侍應姐姐介紹要食撈起，我地覺得一試無防，顏色靚靚，有大量羅白絲青瓜絲，配上甜甜酸酸的醬汁，爽口得來好開胃，仲有煙三文魚象徵年年有餘，姐姐仲會幫我地撈，一邊撈一邊講好好意頭的說話，最後就一齊叫撈起撈起，撈到風山水起，成個過程好有趣。椒鹽豬手，豬手脆卜卜，連著少少肉。黃金荷葉包，有包子夾著炒豬肉。酥炒芋芯，炒得內軟外脆。媽祖麵線，有海鮮，幾好味。

今晚同媽媽，姐姐預訂左去莆田食遲來的開年飯，之前經過呢野餐廳一直都覺得佢既菜式好特別，但一直無緣嘗試，今次終於有機會👏因為要試咁美味嘅佳餚，所以我哋都等咗40分鐘先上齊菜式。。我哋叫咗啲十大名菜同埋一啲攞好意頭嘅菜式， 名菜包括椒鹽豬手，酥炒芋芯，黃金荷葉包，好意頭菜式包括鴻運發財撈起同媽祖麵線😅椒鹽豬手超級香脆同埋超級多膠質，但感覺唔會太肥膩同太鹹，好岩我哋三個女人食😂酥炒芋芯係媽媽指明要點嘅，我本人一般芋頭🙈，不過呢個外層甜甜地同幾脆， 裏面就超級粉，但係芋頭應該係越粉越靚同越好食🙈荷葉包配咗啲炒洋蔥同肉絲夾係裡面食，個炒洋蔥肉絲味道有啲似上海粗炒， 夾喺個包裏面口感豐富啲又唔會咁dry👍鴻運發財撈起就係一堆切曬絲嘅材料再加啲生油呀蜜糖呀等等撈埋一齊攞佢既好意頭，媽媽撈得好開心😅媽祖麵線就係因為長壽健康同埋係清清地既主食， 裏面嘅蝦超級爽口， 啲唐芹係脆口唔會煮得過熟， 麵條都唔會過淋， 豐富又清清淡淡唔錯整體呢間餐廳菜式都係我比較少見，有一定水準，下次有機會可以試下其他👍

成日食莆田既下午茶，又抵又好食，今次同朋友仔行尖沙咀，見美麗華有莆田，就去試下佢既午餐先！餐廳好開揚，感覺舒服一坐低就有個好好味既豆做前菜，菊花茶好香好好飲先泥一客撈起，新年必食，喻意風生水起，生意興隆，豬籠入水，好味！好清爽，甜甜地，當中有薄脆，營造唔同既口感，正！椒鹽豬手好香！好正既孜然粉同椒鹽味，皮脆肉嫩，食落去滿口既collagen，正！黃金荷葉包非常鬆化，就好似上海既京醬肉絲夾餅，包面有白芝麻，好香好好食酥炒芋芯甜甜地，外脆內軟，配上既洋蔥都好好食媽祖麵線好足料！味道好，好似反左福建食家鄉野咁，有媽媽既味道，如果可以再多啲湯就好了，不過無計，麵線太索水兩個女仔食到捧住個肚走，正呀下午茶都唔使食

莆田一淨係我嘅心水餐廳！新年約埋朋友黎呢到聚下！前菜雲耳爽甜，配上青椒同香醋，香辣開胃鴻運發財撈起撈起撈起,風生水起！第一碟菜當然要好意頭!職員一路幫我地撈一路講好多恭賀說話！令人心情非常愉快!😂呢一款前菜有多款蔬菜,仲有金橘、柚子,煙三文魚等等，令人開胃。椒鹽豬手呢度嘅椒鹽豬手，基本上每次嚟到就一定要食！豬手椒鹽味恰到好處，唔會太咸。炸得香脆，內裡多汁！每次嚟到都保持水準，冇令人失望。黃金荷葉包麵包揸得香脆，表面嘅白芝麻更加增添口感，內裏嘅麵包則非常軟熟。豬柳和洋蔥炒得香口！好好食。酥炒芋蕊莆田芋頭好靚！又粉又甜！表面香脆，甜度啱啱好。媽祖麵線麵線嘅湯底好甜，可以食到香蔥、海鮮、香菇等等食材。仲有豬柳、雞蛋、聖子、紫菜等食材，味道極為豐富。麵線口感柔滑， 就算放耐左d都唔會發脹。餐廳保持一貫水準，的確係信心保證！

一向好喜歡莆田這間福建菜，菜式細膩，好多都是心機菜，考食材鮮味亦考廚師功力，加上裝修雅致，抵佢入選米芝蓮。雖然莆田好多菜式都試過，但賀年菜還是第一次在這裡食，當然要點撈起啦。這裡的撈起十分足料，超過20款的材料，充滿不同的味道及口感，又香又甜又酸，味蕾真的十分忙，但真的好好味，各種味道都配合得很好。侍應還會在你面前一邊落各種配料一邊講配合該食材的吉祥說話，好有氣氛。如落蜜糖時會話甜甜蜜蜜，落紫菜就話紫氣東來等。另外還有一味難忘的椒鹽豬手，炸得香脆的豬手仔剛好一隻手拿起，（餐廳還貼心地付上手套）豪邁地咬下，椒鹽的香味加上香脆的外皮，十分香口。更重要的是香脆的外皮底下是滿滿的骨膠原，女士恩物。酥炒芋心及黃金荷葉包亦做得十分美味，特別是酥炒芋心，營養豐富的當造芋頭炸後沾上香甜醬汁，即使有些飽肚亦一件接一件地放入口。最後來一個必食的媽祖麵線，香濃的湯底還有海鮮及蔬菜配上軟滑的麵線，為今餐劃上完美句號。

本人好喜歡食蠔仔煎, 聽聞米芝蓮餐廰「莆田」推出了季節限定的「莆田海蠣節」, 唔使$200就有兩種蠔的菜式, 當然要去試下。雖然餐廰係尖沙咀大商塲內, 晚市時間唔算好FULL, 7點去到唔使等位。海蠣菜式一共有6款, $188就可以任選其中2款, 大大碟, 我地喜歡香口野, 揀左2款乾身的。頭水紫菜海蠣煎蛋養左300日的海蠣粒粒都新鮮飽滿, 同蛋和頭水紫菜一齊煎, 個味道好夾又唔會無晒水份, 營養豐富。酥炸椒鹽海蠣海蠣炸得香脆可口, 送酒一流。興化炒米粉（$82）未食過呢種米粉, 比一般果D幼身細膩, 配料有冬菇、紫菜、花生、蜆、蝦、肉片、菜心、白菜同芹菜，口感好有層次, 完全唔油膩。百秒黃花魚（$69）魚肉非常鮮嫩, 無咩骨, 最岩我地呢D怕麻煩GE人, 個個搶住食!酥炒芋芯（$89）芋頭綿甜香糯,口感細軟，外層糖衣好脆。

喺香港地，似乎好少聽見人會特登去食福建菜。但原來有間起源自新加坡的〈莆田〉福建餐廳曾榮獲美芝蓮一星榮譽，〈莆田〉在香港有咁多分店，沒理由不去試吧！！位於美麗華商場二期的二樓，商場平時人流較少，但一到晚飯時間有很多人特意來幫襯，足見其美味威力喔！！今天是閒日，還未到七點，但入座率就已經有六成！！店內還簡單的介紹了餐廳的起緣，當然還有是榮獲米芝蓮一星的威水事啦〈鴻運發財撈起〉新年流流當然要吃個撈起，大吉大利好意頭，越撈越起，旺足全年嘛！！侍應姨姨會替食客把一個個象徵好意頭的餸料和醬汁倒進色彩繽紛的蔬菜絲中，包括象徵年年有餘的三文魚片，紫氣東來的紫菜，甜甜蜜蜜的柚子醬汁等。放好醬汁同配料之後就可以去越撈越起，真係夠曬好意頭。〈黃金荷葉包〉肉絲和酥脆嘅荷葉包分開而上，吃的時候才把肉絲放進包內，新鮮整好就送進口中，確保荷葉包一定酥脆。肉絲經過汁煮後味道非常濃郁，而且本身也肉汁多又有咬口配埋爽脆嘅爽脆嘅洋葱絲，口感同味道都係一流的〈酥炒芋芯〉選用芋頭芯而製成，口感外酥內糯，味道甜甜的，趁熱就最好吃。〈椒鹽豬手〉這個椒鹽豬手絕對不得！！咬開香脆惹味的外層後，內裏竟然是滿滿的膠原蛋白，一點肥肉和油膩也

今日有幸喺米芝蓮一級嘅餐廳，品嚐新春賀年大餐:1)鴻運發財撈起 : 撈起撈起風山水起，呢個係星加坡出名嘅名菜。服務員服務一流，一路上菜，一路都講祝福語。2)椒鹽豬手 : 豬手就炸到入面嘅豬肉化曬，充滿骨膠原。3)黃金荷葉包: 麵包好鬆軟，但係佢太細，好難擺餡料入去。4)酥炒芋芯: 好難炒得好，因為好易燶。 但係佢炒得非常之好，好好味。5)媽祖麵線: 媽祖麵線好多餡料，好飽肚。總結:這間餐廳果然係米芝蓮，因為佢製作用心，服務一流，同埋食品好有特色及水引準。

新年一班好友嚷著要團拜、柴娃娃成班人係the one 睇完戲，行過去美麗華商場嘅蒲田醫肚，食飯時間成場爆滿，好彩好友已訂位，新年嘅中菜大部分都有套餐，我地一行八人叫左個六人套餐再加點其他野冷盤： 九轉大肥，唔好睇佢好似有點肥膩、食落口估不到咁爽口，仲要乾淨冇怪味
香拌海蟄頭，爽口加上醬油更好味冰浸苦瓜，賣相精美，點上蜜糖一起吃，可減低苦味
冰鎮南日鮑、大大隻，爽口彈牙竹蓀海蔘羹，清新可口風味麥皮蝦、用麥皮炒大蝦，味道甜甜地，幾有趣軟煎黃花魚，黃花魚質軟滑、不過多骨，食時要小心進食
脆皮蒜香雞，雞醃得咸香味道濃，雞肉滑溜椒鹽豬手，一口咬落外皮鬆脆，豬手既粘粘感，好似注入滿滿嘅骨膠原，美顏又滋補
金湯時蔬，豆苗青綠爽口
興化米粉，尼款米粉比一般米粉幼細，但滑溜柔軟，值得一試芋圓紅豆沙, 雖然貌似即食紅豆沙，但味道可接受

太耐冇食家鄉福建菜, 所以相約朋友一齊去尖沙咀分店莆田食晚飯。 店裝潢時尚,用餐區舒適。* **【酥炒芋芯】這芋芯外酥內糯,口感帶鹹鹹甜甜味道,特別好味。**【九層塔香燜海蠣】 這海蠣外酥內嫩,滿口有九層塔香味, 特別香, 惹味非常。** 【江口家鄉海蠣湯】 這湯內有多樣配料有海蠣、豬肉、菜等, 湯和配料的味道不錯, 而湯是粘稠的,整體濃鮮美。**【百秒黃花魚】 這黃花魚百秒時間燜煮, 煮得剛剛好, 不會煮得過老。 這簡單烹調,可食出黃花魚原汁原味,魚勁滑嫩鮮甜,甚少魚骨,吃得津津有味！**【興化米粉】 興化米粉特別幼身不腍身不粉糊, 配上多款配料有蝦、蜆、豬肉、菜等, 入口鲜嫩味濃。