花宵 (已結業)

放工去間居酒屋傾下計都幾舒服，唔洗趕趕急急，今次搵到間係銅鑼灣晚居酒屋叫花宵，環境好舒服而且食物即叫即整，慢慢食，唔洗拿拿林食拿拿林走。首先叫左兩個餐前小食，鱈魚干同埋紅酒醋蕃茄。呢兩個都幾正，鱈魚干薄脆，蕃茄酸酸甜甜，兩個都好開胃。之後叫左個刺身，刺身全部都好新鮮，特別喜歡係佢個牡丹蝦同埋北海道珍寶帶子，帶子勁大粒，同埋切左薄片，好鮮甜。串燒都想試，就試左牛舌、白膳同埋焦糖燒菠蘿。牛舌勁大塊，大塊得黎係爽口，必食。白膳都好食，塊魚皮燒到脆卜卜好似薯片咁，又係正的。燒菠蘿係推介之選，加左d焦糖係面又幾特別，菠蘿係新鮮菠蘿本身都好甜，估唔到d串燒都幾高質。明太子蝦餅見到鋪哂蝦米仔係面就知比貨，咬落去都好爽好重蝦味，出色。最後個甜品都好味，中意紅豆既可以一試，綠茶味唔會話好重。居酒屋環境舒服，野食又好食，staff 都好好，會推介下有咩好食，同埋都會同你傾下計，所以放工黎relax 下都不錯。

花宵居酒屋（Causeway Bay)唔講唔知 原來香港居酒屋🏮都有原條吞拿魚🐟席前解體 仲要係日本當日直送🇯🇵 連埋清酒放題🍶 性價比超高 梗係唔可以錯過啦🤩🤩 哩個半omakase嘅季節限定餐牌目前逢禮拜六舉行 💰每位$1080（另加一服務費）想食就要趁早預約喇～ （21/5-25/6逢星期六可享原價八五折優惠🙀）⌖ 先附（鱈魚干、枝豆、柚子大根）🍴鱈魚干夠香脆 配埋隔離嘅七味粉沙律醬突出鮮味😌 枝豆嘅胡椒鹽夠晒惹味😆 柚子大根好有驚喜 酸酸甜甜好開胃 前菜仲可以無限encore🙈🙈⌖ 刺身（原條本鮪三點+伴紫菜· 紫蘇）🐟原條吞拿魚席前解體已經夠晒震撼😱😱 刺身可以試到大拖羅、中拖羅同埋赤身 大拖羅油脂感爆棚 入口即化 好香魚油味🤤 最鍾意食中拖羅 油脂感啱啱好 入口軟滑 鮮甜十足🥰🥰 赤身肉質較結實 肉味濃郁 第二輪配埋紫菜或者紫蘇葉又係另一番滋味😙😙⌖壽司（火炙吞拿魚壽司）🐟🍣火炙過嘅吞拿魚油脂更加突出 小編覺得醋飯偏酸咗少少🤏 ⌖燒物（煙燻本鮪顎）🐟煙燻吞拿魚下巴又係一款超邪惡嘅菜式😛 燒得好香口 一啲都唔腥 食完好滿足！⌖酒餚（辛辣吞拿魚牛油果他他） 吞拿魚經過辣味調製

之前同同事行過樓下，見到登龍街呢度有間日本餐廳已經心思思想試，今次行過，決定上去睇睇咩料👀入到去地方好寬敞，啱晒同同事可以靜靜地傾吓計食個lunch😌叫咗個午餐set，鵝肝牛小排丼飯，前菜有麵豉湯，沙律同埋蒸蛋。上菜速度好快，對於打工仔嚟講會拖慢你嘅lunch時間 🔥前菜嘅質素好好，到咗重點嘅鵝肝牛小排，鵝肝嘅鮮味十足，牛小排牛味亦都好重，而且肉質唔會太硬，非常抵食👍🏽建議大家去銅鑼灣食飯嘅時候，可以試試呢間隱世日本居酒屋😍

趁假期終於可以出去行下，除左一啲連鎖餐廳，有時都諗唔到可以食咩，之前朋友推介左一間樓上嘅日本料理，佢話晚餐好高質，今次我就去食lunch！😆餐廳大概10檯左右，正午時分餐廳未坐滿，如果喜歡私人空間，可以考慮呢啲時間黎食，因為去到1點左右就開始多人入座，變得較熱鬧。前菜係野菜沙律+茶碗蒸午市定時選擇非常多，除左刺身或魚生飯，仲有好多熟食選擇，唔鍾意食魚生嘅都唔需要擔心。見到Menu有西京燒銀鱈魚，我就決定要食！因為比較少日本餐廳有得食燒銀鱈魚。▪️2大塊燒魚柳非常吸引▪️肉質鮮嫩，真係燒得好滑！▪️醬汁甜甜地好好味！超推薦俾鍾意食魚嘅朋友！朋友叫左鵝肝牛小排飯▪️一個好惹味嘅燒肉飯▪️鵝肝令成個飯加分！味道好濃郁！店員話佢地嘅咖啡好值得試▪️側邊嘅係阿蘇奶，聞落已經好香濃平時飲開西食咖啡，好少飲日式咖啡▪️奶令咖啡嘅質感濃厚左好多▪️有別於平時嘅咖啡，多左一份超濃嘅奶香同厚度呢個定食百幾蚊，由前菜食到咖啡，真係超飽好滿足！💓

永光中心一向都野食，見到呢間OpenRice lunch有八折又一直想試就去左，今次揀左自選魚生丼，包左沙律、湯向蒸蛋。沙律用左柚子汁比較清新，蒸蛋有菇同蝦都幾滑。魚生丼分別叫了吞拿魚、油甘魚、吞拿魚腩溶、燒左口魚裙邊、真鯛和深海池魚。每一樣刺身都算厚，而且仲有四塊，好多勁抵食。燒左口魚裙邊一放入口充滿油脂，幾正～至於真鯛同池魚最有驚喜，口感帶點爽口，好新鮮，一d腥味都無，其他刺身都好好食，係性價比幾高，下次可以再黎！

銅鑼灣登龍街，是名符其實的美食一條街！又有新店開業，是我喜歡的日本料理，約了朋友來探店。我們點了２份午市定食套餐，包括以下的：#沙律：野菜沙律，加了薯蓉，豐富了口感，喜歡！#日式蒸蛋：很滑，加了冬菇，不錯！#味噌湯：有點鹹！#蔥花吞拿魚丼：我吃這個，非常足料，吞拿魚蓉和白飯的比例約為4：6，吞拿魚蓉新鮮，日本米煮的白飯軟糯好吃，滿足！#精選壽司８貫：８款手握壽司配湯烏冬，朋友表示吃撐了！#抹茶雪糕：抹茶獨有的回甘，我喜歡！

魚生及熟食質素都好好，尤其是喜歡火炙左口魚變壽司、蕭記鮑魚、燒芝士年糕。日本清酒也多選擇，上次試過一次帶有菠蘿香味的sake, 十分特別👏🏻 雖然地方不是太大，但也坐得舒服；跟朋友們慶祝生日，都有送好香的日本雪糕給我們☺️！

第三次光顧，今次試吓好多人推薦的午市Omakase ($388)。這個價錢非常便宜，所以我的期望價相對比較低。由於餐廳沒什麼吧枱位置，大部分客人都是坐枱的，我也不例外。前菜前菜包括了沙律及蒸蛋。沙律幾款沙律菜加蕃茄配上酸汁，清甜開胃。蒸蛋蒸蛋是配上日式花菇及鴨兒芹，蒸蛋也滑溜，表面也有埋茨，是正常水準。鯛魚薄切接下來想的是鯛魚薄切，老實說上桌的時候我真的覺得有驚喜，賣相很美，起碼以這個價錢來說物超所值。鯛魚切得非常薄，基本可以見透到碟上的顏色，配上柚子蘿蔔、芥末及酸汁同吃，味道清新。雖然鯛魚的味道不算很濃郁，但咀嚼之下也有淡淡的清甜味，新鮮度也是不錯的。評分：7.5/10本來以為接下來的貝類刺身會是一款貝類，但居然是一個刺身拼盤，共有四款刺身：活北寄貝刺身煮螺海膽墨魚串燒帆立貝活北寄貝刺身一般餐廳給的北寄貝都是已經煮熟的現貨，但這裏這個價錢居然可以給到活的北寄貝刺身，完全是一個驚喜。北寄貝刺身很新鮮，仍然吃到貝類的甜味，頗為滿意。煮螺接下來是兩個酒煮的花螺，甜醬油及酒味煮得入味，螺肉稍為有少許硬但可以接受，上枱已經是凍的，如果是熱的會更加好吃。海膽墨魚海膽墨魚也是有誠意的一道，師傅也細

銅鑼灣有好多日式居酒屋，其中花宵無論串燒、刺身、海鮮既水準都幾高，今次主要講刺身😍我同男友好鍾意吞拿魚，所以以下四款刺身/壽司之中有三款都包含吞拿魚😝- 吞拿魚他他材料主要有吞拿魚、麻油同炸蒜片。做法同平時食開既吞拿魚他他完全唔同。吞拿魚切成一片片，並非西餐咁切成碎粒。麻油更加突出吞拿魚既鮮甜，至於炸蒜片中和返油膩感👍🏻- 魚太薄切師傅刀工出色，每一件厚度相若。魚身晶瑩剔透，魚本身比較淡口，配上蘿蔔蓉，wasabi同柚子醋味，味道即刻豐富起來🤩- 花宵刺身拼盤刺身拼盤包括鯛魚、吞拿魚同油甘魚。鯛魚油脂唔算好豐厚，但肉質清爽，雪白既魚肉帶一點紅。至於油甘魚味道甘甜，肉質比起鯛魚肥嫩得多。- 吞拿魚卷又係我最鍾意吞拿魚😍，吞拿魚剁成蓉，非常肥美。

下班後與同事吃著串燒把酒談天，總是樂事。這晚來到這家位於銅鑼灣的「花宵」，放肆一下。枝豆居酒屋必備的下酒菜，只以少量的鹽調味，味道簡單卻也更能吃出枝豆的香甜味道。花宵刺身拼盤(5款)刺身拼盤包括有池魚、深海池魚、油甘魚、牡丹蝦及拖羅，大體厚切鮮甜，沒帶半點雪藏味，居酒屋來說質素很不俗。厚切牛舌厚身的牛舌啖啖肉，很有質感。月見免治雞肉棒手打的免治雞肉層次感十足，煙韌彈牙，沾以滑溜的蛋汁醬油同食，很有風味燒茄子鮮嫩的茄子肉身飽滿而且入味非常，多汁之餘仍保持嚼頭，加上自家製的燒汁及木魚絲，酸甜開胃。燒鮑魚入口有嚼勁而不會過韌，爽甜彈牙，適度的火路充分呈現出其獨有的鮮甜味，配上濃郁甘甜鮑魚肝醬，帶來複雜多變的美味。牛油大蜆燒份量喜人的大蜆配上牛油及蔥花，味道油潤鮮甜，每一口都散發咸淡淡海水香味。火炙左口魚邊壽司熟練的火炙處理使魚油滲透而出，非常惹味。火炙銀鱈魚手卷魚脂極重的白身魚，加上爽脆的紫菜同吃，濃郁的魚油香味愈嚼愈出，片刻就充滿整個口腔，超滿足。

🐟原條羽太 $320羽太係石斑嘅一種味道十分鮮肉質偏實加咗啲檸檬皮係表面食落十分清新而且一啲都唔腥個人建議係配搭柚子醋食鮮味會更昇華壽司醋會遜色咗🐚原隻粒貝刺身 $320爽口彈牙即使上邊有黑松露做點綴但唔會太蓋過粒貝本身嘅味道可以配番柚子醋/壽司醋食用如果直接食用會有少少腥整體而言，佢嘅海鮮菜式都十分值得推介串燒平均都中上豬嘅串燒都係會同其他日本餐廳一樣會有少少乾份量都充足2個女仔去食平均大概每人400-500蚊我覺得都物有所值所以都推介大家去試

最近遇到一間高質日本料理，環境、服務、食物質素都超讚呢！首先嚟個小食燒鱈魚干，鱈魚干超脆口，薄脆好似薯片咁涮嘴，蘸埋醬後讓人食唔停口。日本料理唔少得刺身，乾脆點個花宵刺身拼盤滿足一下，數一數都好多款刺身呢！帆立貝超鮮甜，甜蝦甜糯漿口感讓人感覺好幸福！魚類中葉血引係我地第一次食，魚皮位有彈性同咬口，魚味都幾濃，好特別！另外嘅油甘魚、吞拿魚等都好高質，想食刺身嘅心都被滿足了！仲點咗兩款壽司，分別係火炙左口魚邊壽司及火炙銀鱈魚壽司。前者入口即溶，重點係魚油香，後者魚肉細緻嫩滑。串燒嗌咗幾款，免治雞肉配月見同埋厚切牛舌都係必點item，食得出師傅燒嘅功力，燒得剛剛好。燒白鱔皮燒到超脆，魚肉好鮮，厚中帶爽彈。雞心比較少見，咬落愈嚼愈香。鮑魚面頭有濃郁嘅醬，鮑魚肉食得出鮮味又有彈牙口感。鹽燒大頭蝦都可以係度食到，大大隻鮮蝦只要鹽燒就已經好夠，肉好爽口仲帶膏。

冇得去旅行咁耐 時不時都好掛住日本嘅美食所以今日特登搵日本達人朋友帶我食好野呢次佢帶左我黎永光中心嘅樓上居酒屋先發現到有咁正嘅日本菜#花宵刺身拼盤(5款) $338有深海池魚、鯛魚、油甘魚、蝦同帆立貝魚刺身全部都係厚切 所以有甘香嘅鮮甜味 充分發揮佢地嘅原汁原味 當中我最鐘意深海池魚而蝦刺身亦都好出色 起晒殼可以成隻放入口啖啖肉帆立貝就用左薄切 味道清新#灸燒鰹魚呢度灸燒鰹魚用上酸汁 仲配上大量蔥花同炸蒜片夾埋一齊食真係好滋味 #火灸左口魚邊壽司 $70大大塊紫菜包住 配埋入口即溶嘅左口魚真係好幸福#火炙銀鱈魚壽司 $70平日係屋企阿媽都會煎銀鱈魚係但呢度嘅銀鱈魚味道截然不同相信係炙燒輕輕燒到魚肉半生熟嘅原固味道甘香#鵝肝多士 $68烤過嘅鵝肝好香 放入口前已經嗅到佢嘅香味令我地食指大動入口即溶嘅鵝肝配上香脆多士可謂絕配#串燒 一口牛 $58牛肉肉質結實嫩滑 又冇肥膩嘅部分 仲配上芥末醬 五花肉 $28五花肉油脂好香 配上青甜大蔥令到味道昇華豚肉露筍 $38都係豬肉但係食落同五花肉好唔同 粗身露筍都好幼嫩燒白膳$58: 厚身嘅白膳有佢獨有嘅魚脂甘香 完全冇骨-#牛油大蜆燒 $88擺碟好

好友生日， 當然要搵間高質餐廳兩個女生， 最愛一定係食日本菜！雞泡魚肝 ＄78口感煙韌有嚼勁， 佐酒一流花宵刺身拼盤 $338由師傅揀選當造食材所以特別新鮮好味赤身味道鮮美， 肉質實有咬口油甘魚肉厚肥嫩，魚肉細緻甘甜深海池魚魚油甘香細膩，入口質感爽脆帶子、甜蝦肉身極富彈性，食落鮮味甘甜火炙鰹魚 鰹魚刺身表面輕烤仲有生洋蔥同番紅花加酸汁帶出多層次鮮味， 清新開胃免治雞肉串燒連埋日本卵做醬汁肉嫩多汁混入咗雞軟骨， 口感味道層次豐富另外牛舌串燒厚身彈牙焦香脆嫩有嚼勁火灸左口魚邊壽司火灸銀鱈魚壽司經火炙後逼出魚油，入口油脂四溢磯燒鮑魚 $68醬汁濃郁，味道十分鮮甜不過有少少韌牛油大蜆燒 $88是期間限定品牛油香味突出， 蜆肉鮮甜美味

我同女友一樣好鍾意日本美食無論串燒、刺身或壽司。居酒屋正正有齊以上所有食物款式，所以居酒屋絕對係我地下班後既「避難所」，今次揀左位於銅鑼灣既花宵。花宵以木色為主調，環境唔算太大，但有一定既空間感。- 螢光魷魚沖漬每一條都好迷你，螢光魷魚本身幾爽脆，沖漬後加添一份鹹香風味。不過我女友唔太接受滑溜既口感🤣- 燒左口魚邊壽司灸燒後魚油非常豐富，左口魚變得好軟滑，甚至有入口即化既感覺。壽司下面放咗一片紫菜，一齊食口感更豐富。- 磯燒鮑魚鮑魚相當大隻，肉質彈牙，濃郁既鮑魚肝醬均勻地喺鮑魚表面，令鮑魚味道鮮上加鮮另外師傅非常細心，將鮑魚一分為四，方便客人進食👍🏻串燒方面我地叫左四款，包括免治雞肉棒、雞心、自白鱔同豚肉露荀。- 免治雞肉（月見）根據個人經驗，免治雞肉棒充滿指標性，只要雞肉棒出色，其他串燒都會好食🤣。花宵既免治雞肉棒外層焦香，肉質唔會話好乾，而且雞蛋色澤特別光亮，蛋香十足。- 雞心自己第一次食雞心串燒，以為關於內臟既串燒會比較難接受🤔。不過食落幾爽口，雞心上面亦塗上適量嘅醬汁，非常滋味。- 白鱔魚肉肥美厚身，而且去曬骨。調味方面比較淡，不過更加食到魚既鮮甜。- 豚肉蘆筍薄薄既豚肉包住爽