餐廳大概10檯左右，正午時分餐廳未坐滿，如果喜歡私人空間，可以考慮呢啲時間黎食，因為去到1點左右就開始多人入座，變得較熱鬧。
前菜係野菜沙律+茶碗蒸
午市定時選擇非常多，除左刺身或魚生飯，仲有好多熟食選擇，唔鍾意食魚生嘅都唔需要擔心。
見到Menu有西京燒銀鱈魚，我就決定要食！因為比較少日本餐廳有得食燒銀鱈魚。
▪️2大塊燒魚柳非常吸引
▪️肉質鮮嫩，真係燒得好滑！
▪️醬汁甜甜地好好味！超推薦俾鍾意食魚嘅朋友！
朋友叫左鵝肝牛小排飯
▪️一個好惹味嘅燒肉飯
▪️鵝肝令成個飯加分！味道好濃郁！
店員話佢地嘅咖啡好值得試
▪️側邊嘅係阿蘇奶，聞落已經好香濃
平時飲開西食咖啡，好少飲日式咖啡
▪️奶令咖啡嘅質感濃厚左好多
▪️有別於平時嘅咖啡，多左一份超濃嘅奶香同厚度
呢個定食百幾蚊，由前菜食到咖啡，真係超飽好滿足！💓
