花宵 (已結業)

今日同朋友慶祝生日 黎到銅鑼灣嘅呢間居酒屋叫做花宵 閒日嘅夜晚餐廳都全場爆滿 都幾誇張呀 侍應好細心講解今日有乜嘢時令食品 花宵刺身拼盤五款 油甘魚 三文魚 深海池魚 火炙鱈魚 牡丹蝦 當中牡丹蝦非常出色 大大隻蝦頭仲有甘甜嘅蝦膏 肉身非常鮮甜 火炙鱈魚夠曬特別油份十足入口即溶火炙左口魚裙邊壽司 火炙過嘅左口魚裙邊又瞓更加突出 可以話係入口即溶呀枝豆 送酒必備嘅小食燒白鱔 又係出色之作外皮燒得香脆 魚肉非常厚身 肉質彈牙證明好新鮮啦磯燒鮑魚 上面用咗鮑魚嘅肝臟去做成嘅醬汁 甘香味美 非常惹味 下面嘅鮑魚非常大隻 而且肉質彈牙鮮甜十足免治雞肉雞軟骨 肉質軟淋入面仲有 粒粒雞軟骨口感十足配埋日式醬油加生雞蛋黃一齊食 味道層次非常豐富最後見有啲唔飽就叫多咗個迷你海膽杯 上面有勁多三文魚子同海膽仲有入口即溶嘅吞拿魚蓉 真係超豐富

早上帶女兒返教堂，預先答應中午帶佢食日本菜，落去銅鑼灣因為選擇比較多，經朋友介紹這家「花宵」。本來女女一定最鍾意食呢個自選丼，$168三款合理，但佢有點作咳，我們今天不吃生冷，專注熟食。其他午餐定食價錢由$88起至$398，銅鑼灣區非常合理。佈置風格如居酒屋但不細小狹窄。定食附上沙律前菜及蒸蛋。日式蒸蛋正常様子，細細小碗，熱辣燙口但很滑，而且因為有菇、肉及海鮮同蒸，味香。沙律日式和麻醬汁味道酸香，成功提交生菜的食味，番茄片增濕潤。壽喜燒 （美國牛肉）$198因為水多看來似火鍋，試一口汁，非常濃甜，終於食到真正的壽喜燒，好多人唔識分 sabu sabu 及 teriyaki 以為都是火鍋！美國牛肉，大而薄有幾片，有些脂肪算肥美，嫩口，吸收了汁，味道濃郁。配料有超滑豆腐，真的很滑，尚椰菜、豆、粉絲及一只半生雞蛋，十足材料。配一碗份量十足的白飯，兩母女夠食，很有滿足感！

疫情下無得去旅行，真係好悶，亦都好耐無食過正宗嘅日本菜。近來疫情緩和，又係時候出動shopping同食野啦，今日黎銅鑼灣行街，記起朋友之前介紹過呢間位於永光中心嘅「花宵」，就打算黎試下啦。午市套餐選擇都好多，有兩個餐牌，一個係自選丼，另一個係定食，包括熟食丼飯，刺身丼，壽喜燒同埋烏冬，價錢由＄88到＄328不等，每款都配有沙律、蒸蛋同味噌湯。自選丼：自選丼可以揀3款配料，我地揀左油甘魚、吞拿魚同三文魚，賣相好吸引，刺身好嫩，質感和味道都好好，新鮮度都好高，亦都無雪藏凍氣，除左刺身之外，仲配有玉子燒同埋壽司薑，配料下面嘅飯係用珍珠米，加左少少豉油同wasabi之後真係令人食到停唔到口。壽喜燒 （美國牛肉）:壽喜燒湯底，配料都幾豐富，有荷蘭豆、菜、冬菇、金菇、豆腐、美國牛肉，湯底十分清甜，牛肉嘅條紋好清晰，味道香濃，跟餐本身係配飯，如果喜歡嘅話，可以加＄10轉烏冬。配菜方面有沙律，蒸蛋同味噌湯。沙律：薯仔沙律配上柚子汁，入口酸酸甜甜，非常開胃。蒸蛋：究竟中式蒸水蛋同日式茶碗蒸有咩唔同呢？中式蒸水蛋一般用清水混合蛋液，以碟子蒸，食用時倒上醬油調味。日式茶碗蒸好多時都係將鰹魚高湯與蛋液拌勻，放

朋友都喺銅鑼灣返工，約我食lunch，平時多數食西餐，今日佢揀咗呢間日本餐廳。永光中心的晚上成日要排長龍坐lift，但lunch time 冇呢個問題。座位舒適，坐得舒服。Set lunch先來嘅係茶碗蒸同埋沙律。好欣賞茶碗蒸入面真係有銀杏、帶子、蝦等材料，係用心嘅製作。因為中醫叫我唔好食生冷野，所以我叫咗鰻魚飯，香濃多汁，大大件嘅鰻魚，條邊煎到有啲香脆，好味。最估唔到係加咗芝麻原來有畫龍點睛嘅效果，加埋d蛋絲，睇落靚好多，有心思。朋友對佢碗吞拿魚飯都係好評，係一間可以再幫襯嘅食店。午市都幾滿座，又見到有好幾枱客同店員有傾有講，有熟客就證明係一間好餐廳。

同事在晚市幫襯過這間餐廳之後讚口不絕，又因為我知道午定食價錢通常較為便宜，今天決定約朋友一試。午市定食有兩個餐牌：自選丼，或定食，全部均配麵豉湯和日式蒸蛋。自選丼配料多數以刺身為主，也有火焰燒魚等選擇。午市定食$88起，有配刺身的魚生飯、也有為不愛吃生冷食物的朋友而設的各類大路日式熟食。前菜是薯仔沙律和雜菜沙律的合體，再加上日式蒸蛋，賣相精美。我點了香蔥吞拿魚飯，份量毫不吝嗇的吞拿魚腩，配合了香蔥和切碎了的日式蘿蔔漬物，顏色絕對賞心悅目，吞拿魚新鮮加調味得宜的珍珠飯，味道也一流。吧台有少量座位，見到熟客坐那邊與店員有講有笑，更加認定了這是一間好店。另外要一提的是店員有禮， 不停細心為我們添加熱茶，絕對是一間可以再來的食店。

今日星期日就緊系出去行吓，同老公去咗銅鑼灣行街，呢日事先冇諗食乜🙈老公好中意食日本菜，永光中心向來系銅鑼灣集中咗吾少美食嘅一座大廈，得知戈度新開咗間日本餐廳，去試吓都無妨。呢度嘅午餐竟然系有自選丼可以揀🤩勁正喎！$168可以揀成3款，有魚、蝦貝、火炙等等比客人選擇。Lunch menu嘅選擇就當然更加多，有好多款熟食丼飯，仲有壽喜燒同埋烏冬。以上定食都有配蒸蛋、沙律同埋味噌湯，沙律系薯仔沙律，食到明顯嘅醋味，薯仔都淋淋哋，整體感覺清新。去戈日原來冇曬蒸蛋🥲店員轉咗雜錦天婦羅比我地，有炸南瓜、茄子、大蝦，本身自己都好中意食炸物，炸咩都覺得好食🤣脆卜卜咁。尤其系炸蝦，啲肉好新鮮，仲熱辣辣㗎。老公叫咗份西京燒銀鱈魚丼，銀鱈魚睇落好似偏細件，實際上食落又算多喎，銀鱈魚都幾清甜，口感都結實，食過有啲會散修修，好彩呢度吾會。自己叫咗份牛肉壽喜燒，配埋嘅麵豉湯好正宗。裡面嘅材料又幾豐富，有蔬菜、冬菇、豆腐、美國牛肉，湯底十分清甜，牛肉嘅條紋清晰可見，牛肉味香濃。

好耐未試過係香港食到甘好食既日本野好好坐環境好好 店員好細心解釋食物見到我杯茶凍左 仲即刻換另一杯比我 好Warm自家製酸蘿蔔很好吃~ 中意食酸MAYMAY既朋友仔~ 一定會中意食!!第一次食雪魚乾 都好有驚喜好似細個食果d 雪魚絲乾的味道 (脆版)仲加埋有我最中意的mayo 加分加分!刺身5點 厚切池魚 + 赤蝦 + 帶子 + 劍魚腩+ 黑鱸魚池魚好鮮味 食入口好清爽 赤蝦好大隻 仲要入口鮮甜 係可以ENCORE之選帶子一舊大切成4片薄再加上有個帶子邊係硬d比佢甘樣切左出來食, 又幾有彈性幾好味劍魚腩 如果再肥多小小就好了, 無入口即化既感覺黑鱸魚就表面燒過 魚皮好香 鱸魚比較有咬口同彈牙個刺身蝦頭佢問我想唔想炸然後我話都ok ah 甘佢就收走個碟轉頭就來番2隻炸到酥脆既蝦頭lu <3 加dd lemonjuice 一齊食 爽!燒帶子, 燒鮑魚, 燒大蜆所有燒的東西都燒得岩岩好燒海鮮的火喉好重要如果唔係燒得太熟就會硬到食擦膠咁!帶子鮮甜同埋燒完都無縮水仲係好大粒鮑魚好驚喜阿 佢加埋鮑魚肝醬真係畫龍點睛大蜆加左清酒一齊燒 一邊食一邊飲個啖湯都仲有dd 酒香係入面 !黑松露炙燒銀

以前80年代屋企人成日都話，日本菜係非常高級嘅菜式。仲記得曾經有明星喺日本店慶功，差啲連張單都埋唔到。 依家當然冇呢支歌唱，日本居酒屋或者壽司店成行成市，一雞死一雞鳴，最怕你唔好食，日本菜永遠有捧場客。 就好似近來多咗同朋友出街食飯，人人都最鍾意去居酒屋，呢排試咗兩間，都想同大家介紹吓。 呢間花宵，係兵家必爭之地嘅銅鑼灣，主打各種不同嘅日本料理。三個朋友食簡簡單單又一餐。刺身拼盤當然唔少得，五款刺身，刺身拼盤，水八爪魚，海赤蝦，赤身，油甘魚，火炙銀鱈魚 ，$338有咁嘅分量同內容，絕對超值。 煙燻鰹魚，價錢相對貴，但係味道口感都精緻，個煙燻香，竟然同我哋嘅中菜有異曲同工之妙。串燒試左幾樣基本野，免治豬肉、牛舌同雞翼。大部份都可以接受，特別係免治豬肉棒。 清酒煮蜆樣子平平無奇，但食落去真心出色，上邊嘅清酒湯全部飲晒。 火灸左口魚邊壽司一直都是壽司之中嘅最愛，一個配紫菜，一個配洋蔥，兩種口味各有支持者。 牛油大蜆燒細細隻，隻隻都鮮甜，真心魅力沒法擋。 甜品都幾精緻，抹茶蕨餅，令人想到京都的美。 如果生於80年代食一餐咁樣嘅晚餐，可能要五份二嘅人工，但

今次小編同老婆嚟到呢一間位於銅鑼灣登龍街永光中心嘅日本料理餐廳用餐，每人order一份午市套餐，分別係西京燒銀雪魚同埋日式壽喜燒，每份套餐都有沙律、蒸蛋、麵豉湯，同埋日本珍珠米飯，西京燒銀雪魚烹調得相當唔錯，魚肉好滑，而日式壽喜燒牛肉有好多片，配搭埋日本珍珠米，兩者配合得相當唔錯，麵豉湯相當正宗，整個套餐有前菜到主菜亦都烹調得相當好。結帳的時候，職員仲提醒我哋叫我哋可以試吓晚飯，因為菜式多選擇，同埋喺星期一至四晚飯時段光顧有八折優惠。

生日亞妹話請客，叫我自己簡間餐廳，聽朋友講呢間唔錯，睇啲價錢唔算好貴，就選擇左呢間。前菜係枝豆，係店員推薦既有啲鹽巴調味，咸咸香香。跟住係雞泡魚干，好香既肉乾味，好鍾意食，份量又多。牛舌串燒好彈牙，又好食，完全無根。刺身好新鮮，最鍾意係火灸銀雪魚，魚油味好香濃。左口魚裙邊壽司，整得好靚，脆卜卜好香好好食😋海膽刺身同亞妹一人兩件，好鮮甜美味可口燒物燒得有啲耐，不過出黎既味道係覺得有誠意既，同亞妹亦都可以傾耐啲坐耐啲。燒物食左茄子，好肥美多肉，圓滾滾的。燒蜆，好香，啲蜆汁好好飲，一人得三粒唔係好夠喉。最尾食埋個香噴噴扇貝，就走人啦，八點前去到食到十點走。

家姐生日要我請食飯，呢度每樣野都唔算好貴，但經過家姐唔客氣又唔避免咁食，加埋一，埋單盛惠$1241。牛油大蜆燒，$88/6粒，燒得好香，啲蜆汁係個殼度好好飲，用啲幼鹽係底拓住好靚好高級既感覺，而且食落都有鹽焗香味。扇貝，$136/2隻，有三文魚籽係面，燒得又香又好食😋茄子🍆，$30一隻，一人一半都幾大舊，有啲麵鼓醬係面咁燒，面頭加啲木魚屑，都推薦食。厚切牛舌，$116/2串，好爽滑彈牙，又香又好食。火🔥灸左口魚邊壽司，$70/2舊，魚香十足仲加左啲脆卜卜既櫻花蝦，一片紫菜係底俾你包住食，好香口美味。拌碟個兩片腌蘿蔔都好好食，有花香味。花宵刺身5款，$338，有墨魚🦑鬚刺身切片/4片，兩片鯛魚，四片章紅魚，兩隻大牡丹蝦，兩片燒銀雪魚刺身。枝豆，$38，一大碗。係高蛋白質嘅健康食物日本海膽壽司，$312，4件。七十八蚊件，家姐唔客氣地叫左四件。

高質居酒屋，除咗食材靚，更加要有特色🤓係銅鑼灣，鬧市之中發掘新奇小店！🥢肥美拖羅口感足🍣珍寶帶子添焦香🔥香脆蝦頭脆酥化🥰鮮美元貝鮑肝醬日式料理，新鮮用料，廚師為你重新演繹。菜式獨特，精緻點綴，創意滿滿驚喜一百分。

性價比極高嘅日本菜(廚師發板)首先要講吓老闆娘 每一道菜都好有禮貌走埋嚟問好唔好食 同埋間唔中會簡介一下 所以我覺得服務態度超好♥️前菜沙律🥗 沙律同平時唔同啦冇落過沙律醬下佢就靠啲檸檬汁去鈎味啊然之後有啲蘆薈呀好清甜啊！特別啲！🥰水蛋好清甜因為比較本身唔係好鍾意食濃味嘅嘢，瑤柱好大粒瑤柱我味道啊！深海池魚好重魚味同埋好多魚油估唔到薄薄一片咁濃郁咁香口魷魚仔好鮮甜同埋有個爆漿嘅口感裏面d膏❤️帶子好厚肉！正！啲海膽上面有一浸金箔喺度感覺好奢華✨ 海膽食落去有一陣回甘嘅味道😍馬友一夜干煎得好香 食落好多魚油做法非常之特別聽老闆娘講會風乾左然後先至去燒嘅跟返日本傳統😋麵豉湯有兩隻大大粒嘅蜆 覺得佢哋呢間餐廳出手都非常之闊綽因為出面嘅麵豉湯剩係得啲昆布冇蜆肉嘅最後個甜品抹茶蕨餅🍵抹茶粉恰到好處 完全唔會苦同埋佢係比起啫喱煙韌少少但又未去到出面做到好似麻薯咁樣加埋紅豆一齊食甜甜地又帶啲清新好可惜冇得獨立買如果唔係一定買好多返屋企🥰

朋友介紹omakase本身好鍾意食日本嘢！但係又覺得omakase 係比較貴！即係而家做緊優惠價錢超親民冇試過嘅你絕對可以試吓食！唔好以為好少嘢其實好飽前菜有沙律同埋茶碗蒸沙律好特別因為佢有少少蘆薈粒喺入邊另外茶碗蒸真係好足料！個蛋超級滑 另外你見到面頭有啲芫荽我本身唔食 芫荽因為有草青味但係呢個真係好好食佢食落去好似有啲西洋菜咁完全唔孤寒裏邊仲有 幾粒大大粒嘅瑤柱仲有滑雞肉 所以成個茶碗蒸都好香 裏面啲湯汁好正深海池魚雖然薄薄一塊 但係好香魚油 好鮮甜佢仲有柚子醬可以俾你點黎食魷魚仔同埋帶子 魷魚仔好滑 味道濃郁 出面好少有得食帶子燒好香同埋啖啖肉 食落口勁滿足海膽杯 三樣食材都好新鮮 平視我唔食三文魚子都食晒好鮮甜生八爪魚 意想唔到嘅驚喜佢個吸盤 食落口好似脆肉鯇 好爽口壽司方面其實每一個我都好鍾意但係如果要特別講我會講頭兩舊左口魚 魚油好香 包住紫菜食一流第二個係黑松露 唔記得咗咩魚但係真係好好味食完成個口好香另外呢個簿牛肉多士呢佢包住左香蔥同埋蒜片 令到佢哋冇咁油膩 隔離仲配左沙律牛味濃！最後 麵豉湯入邊有蜆肉 菇 菜 海帶完全唔係平價貨真係最後最後啦 個甜品係冇得獨立買㗎真係

This newly opened Japanese restaurant in causeway bay is quite ok for its price. It’s $388 per person so it’s such a good deal especially it’s in HK island lol The food quality is good and the seafood is fresh. I like the urchin, minced tuna and salmon roe thing the most! It consists of a mouthful of seafood and u needa have these three ingredients in one bite! Trust me it’s so good And the matcha warabi mochi wraps up the lunch pretty well!Nomnoms:8/10