花園餐廳 (西洋菜南街)

营业中

休息中

近排想食下扒, 今日去左旺角百老匯附近果間花園, 諗住叫佢D鐵板餐試試去到, 因為「筆直」唔多夠, 叫左個午餐算數唔錯, 一如以往牛扒唔錯(今次係T骨) , 叫做好食過扒王少少湯同扒王一樣, 得D咸味, 而比扒王仲衰既係, D湯近乎冇料30蚊黎講都算大塊抵食順帶一提, 之前去太子/其他分店間, D食物水準都係偏高既不過份量就度度唔同, 而旺角百老匯附近果間, 就係我食過最大份既, 太子分店就最細份, 輕量級...最後, 就係話員工, 工作態度散漫, 雖然唔算好差但要有心理準備D侍應係「叫十下先旭(動)一下」...做野亦都好隨便。如果唔介意員工問題, 花園都叫抵+入到口一般扒餐都係69蚊(未加一) , 算係咁...

"OK的午餐+一個做事完全無"heart"的女侍應"昨日(5/3)食0左個set lunch,係粟米石斑飯。其實要講的上次都講過﹐份量味道都OK﹐今日所食的都不錯。最近都幫襯過幾次﹐覺得服務態度的確比以前有改善。起碼這幾次serve過我的侍應們都幾有禮貌﹐態度不錯。唯獨是今日我見到一個女侍應所做的真的另到我好看不過眼﹐一定要上0黎評一評。今日我一個人食LUNCH﹐坐一張2人臺。當我食到一半的時候就有一位我估計大約最少70歲的老伯伯來到坐0係我對面位﹐佢\似乎好想食粟米石斑飯﹐人都未坐定就對住一位\"高高地﹐肥肥地﹐四眼﹐頭髮扎起一條大馬尾\"的女侍應指一指我牒飯﹐並用微弱的聲線對她說\"呢個..\"。這位老伯伯係一隻耳戴著助聽器的﹐可見得佢\0既聽覺應該唔係0甘好﹐加上年紀真係大﹐所以佢\0既動作都幾慢。OK﹐就當這位女侍應真係聽不到看不到﹐佢\一手將個餐\牌\"隊\"比老伯伯﹐老伯伯都來不及反應﹐呆了幾秒鐘﹐跟住又細細聲講\"粟米石斑飯\"﹐當時環境0甘嘈我都聽得到﹐呢位阿姐都係聽唔到﹐而且顯得好唔耐煩﹐用好悔氣的語氣同老伯伯講\"你要0羊呀?!我聽唔到呀?\"跟住老伯伯再講多次﹐呢

最近0係呢度食過兩次午餐﹐分別係三文魚扒飯同埋菠菜白酒汁龍利柳飯﹐兩個飯味道都唔錯﹐又夠份量。跟餐個羅宋湯好好飲﹐味夠濃又多料!不過呢度環境就唔係太好﹐真係嘈到爆炸﹐D侍應又好似打衝鋒0甘樣0係你旁邊走來走去(講得好聽D就叫做有效率)﹐所以絕大部份人食完都即刻走﹐就算有時間都唔會坐多陣。呢度的服務態度尚可啦﹐未至於好差﹐不過如果唔比TIPS D侍應都會有少少黑面。講到衛生﹐我就有少少意見啦﹐佢地會將D餐包放入一個櫃桶入面﹐0甘樣0局住好似唔係幾好﹐同埋D櫃桶如果有小強攔過就唔好啦。整體黎講呢間餐廳都還可以的﹐0係同區唔算貴。

本人係2005年12月16日果日成家人去咗雅蘭中心附近果間花園餐\廳食晚飯!大約8點到啦!!!坐咗有幾耐叫咗三個晚餐!!!果間d野食算ok!!!但係有d員工態度極差囉!!!尢其係負責傳食物比客果個員工!!一過到嚟就放低d食品係桌到!!一句聱都冇出!!!d食物落到桌上時重要係飛哂出黎!!!好啦都算!!!之後嚟塭果三碟意粉先精彩!!!當時有另一個員工幫我地三個晚餐\淋汁,負責傳食物比客果個員工都可以二話不說就將d意粉推落桌!攪到有碟意粉有一半係桌上囉!!!最後得知果晚負責傳食物比客果個員工叫『呀傑』!!!!如果大家之後去果間花園餐\廳食野o既話,記得要問果日係邊個負責傳食物!!!如果唔係可能會成個鐵板車落你到都似!!!!!!!!!!

今日同老婆大人去花園餐廳試佢兩個$49.9 既餐簡單黎講就係一個牛扒、一個芝士墨魚柳龍蝦球螺絲粉首先叫個螺絲粉, 冇意哂螺絲粉又唔講清楚, 個waitress 自言自語唔知佢係度up 乜﹗等到上果陣問佢佢先話冇哂螺絲粉轉左做意粉，激死唔好俾我估中佢係餐牌寫螺絲粉黎吸引人地入去等到俾直意粉你你唔要又唔係仲有個"螺絲粉" 用既料跟本就係用街市見到既"龍蝦丸"你冇睇錯﹗就係十幾蚊有好多粒既龍蝦丸﹗加埋少少墨魚圈, 咁就收你$49.9 ﹗另外果個牛扒就係好簡單一塊薄過鬼既牛扒(4oz 唔知有冇)又冇牛味、又多根搞到都唔知點切件隨態度極惡劣+辣過鬼又唔香既黑椒汁(個waitress 係衝埋黎大大聲"問" 你︰「黑椒"算" 茸﹗」)跟埋個完全凍哂+一舊舊既白飯搞到我都唔知自己係唔係唔去錯餐廳係主菜之前仲有餐包同餐湯個餐包呀...哇我頂丫... 賣$0.5 都唔知有冇人要冇包味, 又凍餐湯叫左羅宋湯個湯呀...我飲幾啖突然之間覺得"大家樂既羅宋湯真係好好味"佢果d 都唔知咩師傅整出黎既...飲到最後仲要"筆" 到一條好奇怪既野一咬落呀.....哇辣過鬼呀﹗原來果條係辣椒黎﹗講真我未聽過有西餐廳係會俾

平時同同學愛到花園餐廳食飯因為又有湯又有牛油包有飯有嘢飲.價錢唔太貴好過去茶餐廳啦.仲有可以煲煙,坐得耐傾嘢都得.首選花園.茶樓,餐廳都可以食煙啦,都冇乜所謂嘅.

我對bebe 食家既評語並不認同，本人昨晚都去過，可能時間唔同，所以撞唔到上述情況，旺角區食飯，嘈係預左，靜就你好彩，何況你覺得嘈可以要求轉檯，唔轉檯係閣下放棄自己應有既權利，與人無尤；第二，一入門口餐廳已經貼左大大隻字告示，「本店不設非吸煙區」，咁既環境你都知係煙產人仕樂園，睇唔到係閣下大意，睇到都仲要「中」入去，就係閣下自招，冇資格怪責餐廳，要怪就唔該怪你同事約埋Ｄ咁既地方，又或者應該檢討下自己，點解明知你唔食煙都叫你去明玩你，非吸煙人仕入左吸煙區，我諗俾龍肉你都食都冇味，既然閣下對飲食環境咁有要求，應該去酒店扒房鋸幾舊水一個既扒，而唔係黎呢度鋸幾十蚊一餐既牛柳。我對昨晚既服務同食物非常滿意，因為不設非吸煙區，睇o岩邊個位任你坐，要靜要熱鬧亦可以悉由尊便，不知幾自由。

同事約係度食飯.食完個感覺真的很差.第一,好嘈.第二.好煙,太多人食煙關係.真係成餐飯都比煙攻到好辛苦.三.食物和服務都不用多提.

對上次去花園都已經係好細過果陣對佢\既超大型T骨扒有深刻印象今日忽然想鋸扒,就即刻諗起呢度7點幾到,唔算好多人,我都有卡位餐\牌選擇黎黎去去都係豬牛羊雞魚諗都唔駛諗就要左個T骨扒首先黎個餐\包,一個類似牛角包既物體極之唔新鮮,成個包無黎口感,又硬又韌,真係唔敢相信面包竟然可以整到咁難食.但既然黎既目的係牛扒,我忍.再黎羅宋湯普通貨式,幾多牛腩,但味道無謂提等左無耐,主角終於出場我叫左6成熟,但黎到已經8-9成.係我既錯,無理到塊鐵板既威力.要左黑椒汁,一輪渣渣聲之後就食得啦.先試伴碟既薯條,我敢講係我咁大個仔食過既最難食既薯條,散收收又唔脆,仲要有d溶左.大佬啊,點食啊?不過都話黎既目的係牛扒,我再忍.同記憶一樣,T骨仲係咁巨型,成塊牛型鐵板都裝唔晒.滿心期望鋸一舊車入口,發覺已經全熟(又係我既錯,又一次唔記得左塊鐵板),一塊熟透既牛扒仲可以有咩味道呢?唯有問waiter拎支茄汁黎硬吞.埋單98,連一杯野食,呢個價錢呢個味道,唔值囉不過服務幾好,一叫即黎,仲要好好態度,抵讚

秉承港式豉油西餐文化，牛扒預先用o急汁同香料醃過，連燒紅左既鐵板上檯，「渣渣」聲仲要彈到成面黑椒汁先叫做有氣氛，鬼佬可能覺得好奇怪，但原來，港人已經習以為常。傳聞花園餐廳以連鎖店形式經營，所以食扒都係黎返呢間，質素先有保証，晚餐六十幾，一般扒餐七十幾，牛柳都係多十皮，點左個八成熟既鑊仔牛柳配黑椒汁，先上麵包、牛油同餐湯，牛油已經半軟，好適合搽麵包，湯好普通，冇乜味，同飲水又差不多，最可取係速道，呢頭落單，一分鐘內已上齊刀叉麵包同餐湯，飲完湯三分鐘內又上埋個扒，簡直快過淥公仔麵，o岩晒我呢亭又心急又肚餓人士，八成熟牛柳o岩o岩仲見到少少血沁出黎，師父火喉控制得相當到家，無他既，你見到成個場都係食扒，就知道乜野係工多藝熟，何況呢間老店都有十幾年歷史，水準當然keep 到，牛柳有四塊，每塊手掌心咁大同咁厚（兩個女仔share 食都夠），肉汁豐富，夠腍又爽口，加上個黑椒汁非常惹味，好食到唔停得口。環境幽暗，每檯一支洋燭，（幾十蚊食燭光晚餐你話又可以去邊度搵？）唯一美中不足係幾部大LCD 電視播緊電視劇，所以有少少嘈同破壞氣氛，不過港式食店冇電視播下又點做生意丫？想享受二人世界燭光晚餐咪搵張角落

昨晚在旺電買完，唔想諗去邊度食，於是掟個彎去花園醫肚。叫了是日晚餐，焗芝士石斑帶子飯，我當然要走芝士。食物中規中矩，但石斑意外地唔口，不過頗溜，因為係炒飯底，油幾多o下。講番服務，唔知係咪因為好多阿輩o既伙計退晒休，serve我的那位哥哥仔，我問佢今日晚餐係乜時，佢好似借佐聾耳陳隻耳，當我冇到，放低餐具時好大力，叫餐茶又係十問九唔應，都幾激氣！

個日想食個tea, 見到花園放係度個下午茶餐牌, 見佢個d tea set都係$8至$20, 西多士$14, 三文冶$8, 咁抵?即刻入去!!落到去人唔多喎, 打開餐牌, 原來上面個d只係食物價錢, 如加飲品要另付$8, 涷飲重要加多$2, !!!!食過西多加涷飲咁咪要$24??咁咪貴過茶記好多??搵苯!!!不過坐底左都要食啦!!叫左個吞拿魚冶同雞翼沙律, 吞拿魚冶都係同一般街邊個d無咩唔同, 可能街邊個d重多料呢!!! 雞翼salad都ok啦, 雞翼即炸熱辣辣緊係好味, salad都係個d勁多salad醬同唔好味囉, 唉......總之下次唔會比佢再呃到!!

個晚去花園食飯, 好耐無去呢度啦, 以前呢度真係好多人去架, 次次都例必排15mins, 今次週六晚去食, 竟然唔駛排不等止, 重有卡位坐order左紅白湯各一,叫一個set dinner牛柳餐$65另散叫羊扒餐$69, 呢度紅湯同白湯都好好飲,以前都係,個餐飽好熱好軟熟, 好正!!牛柳上枱啦, 跟個意粉另上, 但係牛柳底下都有勁多薯菜,牛柳有2大件,水準ok啦, 唔太un又唔鞋, 一定好味過金鳳, 但係落單個時佢都無問我要幾成熟喎, 係咪set dinner就無得指明幾成先?羊扒餐重騎呢,跟飯要加$5,有無搞錯?? 羊扒底都有好多薯菜, 下次可以唔跟飯, 羊扒有3件, 好多喎, 咁鬼抵,羊扒都幾多肉, 只係有一件多肥膏, 味濃又入味, 正啊~~~~~~ 由於我地岩岩坐係個麵包櫃前面, 見到個班伙記原來個d飽好似個飽山咁堆係個microwave度叮, 好壯觀啊!!重有就係雖然客唔係好多, 但係個班waiter都唔知點解成日捧住d鐵板走來走去, 行到超快, 好似好趕時間咁, 其實佢知唔知道咁樣我會覺得好危險同食得唔安落架!!開櫃關櫃又超大力, 好鬼嘈, 好disturb架, 正一衝鋒隊!

尋晚同女友去食, 我叫左我既例牌菜黑椒牛柳6成熟, 女友叫左個牛仔肉, 講講個湯先, 我真係好耐好耐冇飲過甘難飲既羅宋湯, 差既指數係接近極點, 女友就飲白湯, 味道就無乜特別, 但裹面就有隻八爪魚仔, 真騎呢!! 我份牛柳上先, 佢上枱前巳經淋左汁, 仲係感覺到淋左有段時間, 因為完全冇"炸炸"聲, 一刀切落去......係十成熟, 或者我吹大左少少, 可能只係9成半熟, 晚餐=食柴, Shit !! 女友叫既牛仔肉反而唔錯, 幾滑口, 呢間野我好耐冇黎啦, 唔知係一時失準, 定係己經人面全非...

今次是第一次留言，多多指教!!之前都多次於此餐廳的不同分店食飯，若不太講究環境、服務及清潔等等的話，以一個大眾化的價錢到此食飯都ok !!