花園餐廳 (西洋菜南街)

营业中

休息中

前排放大假自己一個人嚟据扒，其實爭扎咗好耐究竟食金鳳好丫？第尾牛扒好丫？扒王之王好丫？有好多好多選擇在腦海浮現，最終決定嚟花園。我以前放假會自己嚟食lunch，西冷扒都係約50蚊，都幾抵食，個都羅宋湯ok啦，但夜晚就......個餐成90蚊，但質素仲差個lunch，啲湯依舊ok，個扒就"嗱"到好"林"，但個扒一啲肉味都無.....都唔知食緊啲咩落肚！夜晚啲燈較到好黑，黑到我相機影完睇唔到(我又唔想開閃光燈...)呢度service....唔駛講.....呢個餐我絕對唔覺得值90蚊，街邊茶餐廳都可能好過佢。

價錢 : 普通平優點 : 份量多!! 食左咁多年既扒, 焗意飯, 雜菜湯!! 都無咩失水準!!缺點 : 服務態度只係剛剛合格!! 不過, 咁多年都習慣啦!! 呢 d 係 "花園" 特色之一既!! 衛生程度合格既....

昨晚食野係喺花園!我見西冷牛扒餐要七十幾蚊份,但係有骨西冷牛扒餐只係五十幾,所以梗係食五十幾蚊一份嗰隻啦!個侍應無問我要幾成熟,出嚟既時候係八成左右,我估可能呢隻牛肉係唔可2食太生啦!味道方面,都幾好,個黑椒汁始終有番咁上下水準!羅宋湯佢地一向都做得唔錯!五十幾蚊一個扒,幾係咁!

今日中午去花園餐廳食晏,我食既係一客西冷牛扒餐!餐包很軟熟,加埋牛油食味道ok,但係件牛油林bet bet,有點不好感覺!紅湯味道普通,唔算係好好飲!牛扒叫左七成熟,但係我覺得只有五成左右,份量唔少,算好大塊,不過味道都係一般!凍檸茶又係一般,細細杯!只可以話係不過不失!

公司黎緊一年會加人工, 呢個咁開心既時刻值得慶祝!又咁岩抽獎抽中免費戲飛, 一於就出去食啦~~其實旺角仲有其他選擇之地, 但偏偏黎呢度食既原因係因為我同阿D以前黎過呢間! 咪當緬懷過去就入去啦.由於去到時間尚早, 一入到就已經有位. 好快咁揀左餐單上既食物, 5分鐘後黎左餐湯同包. 餐湯淡如水, 任我加幾多PEPPER都係一樣. 餐包相比下好好多, 至少係軟熟. 20分鐘後, 主餐仲未黎到, 我倆以前人多上唔切;眼見隔離幾台遲我地落ORDER都陸續已經上菜, 有台仲食完埋單添! 知道情況不尋常, 即刻追問下原來漏左單!! 侍應話即刻去落, 好!, 就由得佢. 15分鐘後, 仲未見到主菜, 又去追問另一位侍應. 該位侍應我問完佢轉個頭又唔記得. 最後再追問一位主管, 佢又話"跟緊啦" 終於等了一個鐘, 我倆既牛排餐才出現.味道如何, 唔講啦, 反正都係一肚氣.環境如何, 咪又係一樣黑媽媽, 駁你有小強陪食飯都睇唔到嘛.

今日年三十放一點我同我事都唔想在公司附近食所以就走左去始創後面果間花園餐廳食(因為我從未幫襯過任何一間花園餐廳！)我同同事坐低冇耐我就決定點肉醬意粉由於我好肚餓我同事又未決定到食咩所以我決定叫先！一個貌似街市潑婦婆0既瘦侍應就行左過來我好快就同佢講左我要肉醬意粉、白湯、凍檸茶佢等左一陣見我同事仲未決定好食咩跟住就走開左 我以為佢會先幫我落單跟住我同事諗到食咩就再叫佢埋來話要鐵板肉眼扒餐個瘦侍應就話賣晒跟手點左兩款貴扒同我同事講話好食(差唔多要$100)我見佢冇講在menu上有0既鐵板西冷扒餐(在肉眼扒下一行，一樣價錢$42)所以就多口問佢西冷扒係咪都賣晒個瘦侍應就話有我同返我同事講話西冷扒有wor！但我同事話西冷扒唔好食最後佢選左食第二樣 過左一陣佢就放左一份餐包在我檯面(其實只是半塊方包！)咁我就梗係食啦！因為餐通常都跟餐包過左一陣有個侍應放低左塊西冷扒俾我！我就好奇怪咁話唔係我點0架！跟住個瘦侍應就話check check過左冇耐個瘦侍應就走埋來指住我話:"你頭先話要西冷扒0架嘛？"(其實我由始至終都只係問佢有冇西冷扒，從來就冇話過要！)我:"冇呀！我話要肉醬意粉呀！我一直都係要肉

極力推介呢度既黑椒汁同羅宋湯黑椒汁夠辣, 羅宋湯夠茄膏味西冷扒好好味, 要幾成熟真係俾幾成熟你, 唔會亂來仲有呢度既咖喱牛腩飯都very goodP.S. 呢度既員工服務態度好好, 做野好有效率, 值得讚

試過旺角同埋觀塘既花園餐廳補完習..等阿爸阿媽出黎就去試下太子呢間啦..入到去..係lunch time同high tea 既時間中間入面都ok多人..幾滿..坐唔到卡位..幸好唔使搭台..叫左個美國薄牛扒併司華力腸+飯..之後佢好快送左黎..諗住"下..咁快?"前後5分鐘左右..佢黎既係一個美國薄牛扒併司華力腸+薯菜我個人善忘..以為係我叫錯..咁算啦..之後又過左5分鐘..佢送黎一個美國薄牛扒併司華力腸+飯真係無奈..之後好似仲要俾面色我睇咁..大大聲話..個客食錯野呀..換過要薯菜你送錯..係咪你錯先呢?!?!完全唔係專業既態度..呢d服務真的不合格..小費亦收番果然一山還有一山低..

羅宋湯-- 唔好飲,但又未至於難飲!牛扒-- 好似油浸咁,又多肥膏!另外我去洗手間o既時候,見到有一個員工岩岩係厠格出黎,冇洗手就出番去做野.....@@睇佢d制服,我諗佢應該係負責洗碗o既......真係好唔衛生!

一向是花園常客，貪其經濟實惠，而且愛喝它的羅宋湯，第一次午餐時間光顧，真的很便宜！今次沒吃牛扒，要了是日午餐，黑椒雞扒意粉(連湯及餐飲)($30)- 雞扒只有一塊，不太夠汁撈意粉，不過以這樣的價錢，真的okay喇焗肉醬意粉(連湯及餐飲)($38)- 一般質素，味道不錯

下午茶我地去花園餐廳食,叫左個芝士白汁吞拿魚天使面/芝士雞肉法包.前者天使面都算軟熟,不過白汁味道好淡,又冇芝士味,都係一般. 另外的芝士雞肉法包都幾脆,但上面的雞肉同埋芝士一樣好淡,同面包都唔夾.下次都應該唔會再黎呢度食了.

記得細細個時媽媽成日帶我去花園餐廳据扒今日行過諗住再回味下.. 點知=_=入到去, 我地講明只坐卡位,ｄｗａｉｔｅｒ都總算冇俾面色我地睇但我地竟然見到個ｗａｉｔｅｒ指住張冇人但有d杯既檯問隔離d食客o個張檯d人走左未！！乜佢唔係應該好請楚邊張檯賣左單~邊張未架咩？？反而仲要問返d食客？莫名奇妙＠＠好喇叫野食我地叫左個西冷扒ｓｅｔｄｉｎｎｅｒ首先有個湯(例牌羅宋或忌廉). 我冇試所以唔知點.有個餐包連一細包牛油跟. 我冇食不過模落都暖暖地.主菜西冷扒令人極度失望！個ｓｅｔｄｉｎｎｅｒ價錢屬中上，但塊扒睇落好薄，亦有照我地意思整到７成熟但仍然好“ｕｎ”好難咬！！！仲有筋的．．牛味又唔算好濃～我食左少少就唔想食ｄ配菜呢．薯條“ｌｕｍ”得好緊要！！ｄ菜冇咩特別（小棠菜？小白菜？唔識分—ｖ—ｓｏｒ）仲有兩粒車厘茄！至於飲品呢．我加＄１０轉左杯“石板街奶昔棒棒樂”杯野都幾細杯．仲插左一支朱古力ｎｕｔｓ百力支！飲落去幾淡的．但食完扒再飲又好少少杯野真係有類似棉花糖既野（唔知係咪真係棉花糖）同有ｄ朱古力碎飲完之後好驚會肚痾，因為唔知ｌｅｄ特飲幾耐冇人嗌過-_-好彩，而家隔左７個鐘頭都未有唔舒服既跡象至

內地親友提意喜歡据扒剛剛在旺角便過去花園餐\廳,坐下來我們全部都叫了扒類.我更點了至愛牛柳,要Pink.碟上.Order完我看見服務員從櫃桶裹取出麵包,送過來給我們.我打個突,但我冇出聲,因環境較幽暗所以內地親友完全沒注意到.吃得很滋味,不到幾分鐘.熱辣辣我的牛柳首先送到.但吃後感到牛柳本身已接近全熟,較為韌咗所以有渣.正在緊時突然出現一位服務員望住電視問我們飲Ｄ乜.右手支筆篤住左手本薄.大家都忿住笑.終寫完飲品.亦很有效律很快送上.最後好在內地親友亦十分滿意這晚餐\還讚那些忌廉湯和餐\包.好味.我微笑說黑椒牛扒見你吃得咁快汁都冇晒我都知好味了.最後問了服務員有否吸煙區限制,他說沒有還給我們多一個煙灰盔.坐到九點幾先走.<br />

今日同地盤班工友話去据扒慶祝生日.大家便去花園.大吃一餐後各工友結論牛扒真係麻麻,猪 扒就幾好味,但Ｄ服務好似好趕時間咁.都唔係好明點解咁趕收Ｄ碗碟,有人都未食完就收咗去.<br />唯一好就係可隨便食煙,對我們呢Ｄ煙民嚟 講冇吸煙區, 真係太好啦.

原本發神經想食海陸空套餐，但又真係好似過份o左...難得閒日午市o係旺角，都係食番午市套餐。今日主打係紅酒汁燴牛脷拼石斑薯菜。紅湯唔講：一般港式扒房既紅湯水準唔差得遠；紅酒汁燴牛肉似酸茄炆牛脷多D：超酸（雖然鍾意）、過火候同太稔；石斑同薯條，大堆頭製作之新貨也，難食極有限。餐茶熱啡，好水既overheated coffee。比起成舊水既海陸空套餐，$29 午市套餐可謂超抵食；但原來佢同第尾（大興）o個$1 差價原來係因為個餐包。