花園餐廳 (西洋菜南街)

营业中

休息中

本人其實無咩要求..只係$30-40..同朋友聚會一下..有個地方坐一陣..就係咁簡單..今日下午叫左個set lunch (雞扒配意粉)- porsch soup: 無咩特別..叫做$33一個餐係acceptable- main course: 嘩..我未見過d意粉碎到阿媽都唔認得...d菜都算.. 雞扒1.5塊..好hea既雞..個gravy係無味ga.. 要用ketchup食佢d 雞扒同意粉.... 真係個賣相係比人食左一陣先拎比我lor最滿意係佢杯hot lemon tea..$33都唔洗比d咁既野我食a...唔洗諗住再去食...多謝哂...

原本諗住去第尾食,點知第尾做冬唔開最後都係同屋企人食花園點左:什排$75肉眼$54海陸空?$75T骨牛排$?餐湯:紅湯..好多油,唔知食緊乜餐包..普普通通,暖暖地先講什排,牛排硬到食左一舊仔就88,豬排又鞋,雞排肉質都算OK,但一D都唔香囉仲有雞翼,火腿同煙肉..總之就唔掂然後海陸空,乳鴿賣哂轉左豬排,變左豬+牛排+大蝦..豬,牛同什排餐一樣完全唔掂,大蝦又係乾哂鞋拾拾..呢兩個都算..最離譜係個T-骨..切黎切去..切極都切唔倒..唔知係把刀有問題定係我地有問題?食落口..唉,無言肉眼雖然最平,但係算係四個餐最好食一個,牛肉夠淋,多汁之後叫餐飲,個凍檸茶反而唔錯講完野食就講服務食食下飯有個侍應成盤杯廿幾隻跌哂落地下,D玻璃碎周圍飛..格離台一家人個靚仔中哂招,雖然佢冇出聲,但係我見倒都覺得慘但係D侍應就算見倒都係一句對唔住,唔好意思都冇同佢地講..淨係掛住執玻璃!!你地覺得玻璃重要D定客重要D?如果比住D唔好脾氣既,一早就反台啦..咁既服務態度........唉

今日去金魚街，經過後面街個間花園餐廳（太子西洋菜南街218-220號地庫）。因為很久沒有光顧過啦，於是走入去吃午飯。都見有人在等位；我地人少唔洗等，同太太分別叫了一號和三號午餐︰（１）蒜茸香煎牛扒餐，（３）澳洲鮮蟹肉石斑飯，餐湯︰羅宋湯。價錢三十三蚊位。食物質素表現︰a)通常羅宋湯好正，但呢間水準一般，比屋企樓下的茶餐廳還差。b)還有牛扒食落好干，好實；石斑炸得太老。c)最後叫左餐茶，凍奶茶無茶味，熱檸茶OK，但唔明隻杯邊崩左幾度，點解重用。（洗唔 切？）感覺︰a)價錢OK,不算貴。b)員工服務好求奇，可能人多掛﹗﹗﹗c)好失望，下次一定唔會再幫親。

叫左一個晚餐-肉眼扒同埋一個雜扒餐..餐湯還可以吧..料少左D肉眼扒好"林"..唔錯雜扒餐好豐富..好多野..幾正唯一唔好既係個汁..有黑椒汁同蒜茸汁揀黑椒汁都仲OK..蒜茸汁就超唔掂,好水同冇味..P.S 上菜速度慢左少少

從st teresa hospital出來, 在太子地鐵站附近, 正想著晚餐到哪裡吃時, 經過花園餐廳, 媽咪話好耐冇食過,便跟爸,媽入去了..左揀右揀, 點菜後上了餐湯和餐包, 餐湯要了紅湯, 都幾多料喎, 有好大舊薯仔,椰菜,西芹,都幾濃,但面頭個層油好厚,要"不"左先飲得落, 餐包是好普通的小型餐包, 侍應收碟也收得太快了吧?? 在客人不多,餐廳半滿還急急地把我們的東西收走, 湯我飲了大半,在吃餐包時侍應竟然把湯收走了, 我一時反應不切, 叫他他又聽不到..真的這麼趕嗎??主菜要了 : newzealand牛排配薯菜 ( $54 ) : 塊排一上桌, 我就覺得我同佢似曾相識, 好像早幾日去BBQ在佳寶買的燒烤牛排, 食落, 那天買的比佢更好好味! 放鬆肉粉的店員不知是不是掂到鬆肉粉,自己也手鬆了很多,放了很多鬆肉粉.. 不好味, 雖然價錢平, 但好差! 跟餐的薯菜就不錯, 薯條有十多條, 是粗身的薯條, 幾脆, 不太油, 但菜只有一條..焗豬排飯 ( $68 + $20 跟餐 ) : 好大盤呢, 份量十足, 而且有幾舊番茄, 但果然不出我所料, 放鬆肉粉的店員一定是掂到鬆肉粉,連

昨晩爸媽去完旅行返黎, 爸爸想食扒, 附近又無乜扒房, 近近地去左花園食, 點知......唉~ (2個)鐵板肉眼牛扒餐 $54 x 2羅宋湯+超迷你餐包 味道唔算濃, 唔辣, 算ok啦, 有少少蔬菜, 個洋蔥睇得出佢係一開四之後就放落去, 完全仲未散開.......我飲飲下仲有一角檸檬tim; 個包既size仲細過個半個紙包蛋糕.....不如唔好跟餐包啦鐵板肉眼牛扒(洋蔥汁)食前感: 鐵板一黎到, waiter叫我地用餐巾遮住, 要淋汁.....點知佢攞個金屬湯壺, 用個湯勺將d汁淋上個扒上面喎......有無搞錯呀, 話晒個名都係餐廳呀, 你估茶餐廳咩?! 未食都已經扣分啦...食後感: - 肉質: order7成熟, 因為我怕生, 所以都ok啦, 唔算"un", 但個扒一d都唔似肉眼law, 又唔夠"淋"- 味道: 個扒無肉味, 又一d調味都無; 洋蔥汁無洋蔥, 又俾個鐵板蒸發晒, 唔掂!- 份量: 個扒size唔算大, 但唔跟飯/意粉(如果跟要+5/+7), 女仔食都ok, 我feel都我爸唔夠飽law(雖然我媽有俾d焗飯佢)- 配菜: 薯條ok, 正常; 但鐵板跟小棠菜,

今日去開太子, 突然想食扒, 於是去左花園餐廳, 我叫左個羊排, 我個FRIEND叫左個肉眼扒, 我食完個餐包, 飲完個湯&斜左好耐計, 但D排都仲未黎, 隔離左右岩岩黎無耐既都有得食, 我D扒去左邊呀??? 問佢又話黎緊, 但等左好耐都無, 遲過我地黎既都差唔多食完LA~~~~火都黎埋...............唉~~~終於有得食LA, 不過個羊排肥到爆, 個肉眼扒仲衰, 好似張紙咁薄, 切都切唔開, (嘜肉眼唔係好林GA咩) D蒜蓉汁好似水咁, E+飲湯咩, 無黎味道, 真係把鬼, 唔會再有下次............

見有＄３３咁平嘅特餐，一於就食特餐啦反正剛剛起身，食唔落咁多嘢喇我好鍾意飲呢間餐廳嘅羅宋湯，味夠料足，不過"飛鷹"好飲啲忌簾湯，都係好好飲架，我試完一嗒又一嗒呢1號餐 : 蒜蓉西冷扒配薯菜，可能係特餐嘅關係，塊扒縮咗水一半有多我呢明明叫2號餐 : 香煎雞扒我就唔知點解佢會黎咗3號餐 : 吉列石斑伴羊仔扒心想 : 既然黎錯咗就算啦，無咩事唔好搵班侍應呀因為我從未食過羊，所以我唔知羊係咩味亦因我唔知呢舊肉係屬於乜，所以我歸納佢係屬於牛從來無諗過佢係羊囉初初食第一口嘅時候餅餅問我好唔好食我仲答餅餅好嫩呀啲牛，你試唔試呀?餅餅話 : 唔試喇，我無乜胃口當我食第二口第三口第四口第五口時都無發現佢係羊我仲食得好滋味好開心添但當我唔知食到第幾次時，我有想嘔嘅感覺那一刻，我知道佢唔係牛了加十蚊可以轉紅豆冰，因為太耐無飲過紅豆冰，所以...飲囉，飲咗第一口時，嘩!!!難飲到吖....凍奶茶無味的相關網誌 : http://hk.myblog.yahoo.com/jessicalim1112/article?new=1&mid=5095

第一次寫食評, 竟然係寫投訢既食評昨晚同老公行開旺角, 見到食飯時間已到 (around 8:15pm), 又見好耐無去花園餐廳, 之後就走落去花園餐廳食飯, 起初都無咩特別野發生....但自上菜起就就發生左好多事~~~我和老公分別叫左2個扒, 當服務員上扒既時候, 以下係我同個男服務員既對話: 男服務員:“要咩汁呀?”我:“黑椒汁呀,唔該”我:“等我一陣, 等我打開張紙巾先!” (我只打開左一半)男服務員:“唔洗啦, 埋d啦, 埋d啦!” (已經淋緊d汁落塊扒到)我:“咩埋d呀???” (都係淋緊) 男服務員:“叫你張紙巾放埋d咪得羅!!” (佢係用吹促既語氣, 好似叫我快d唔好左住佢羅)我覺得個男服務員d態度好唔得law, 完全唔會理會客人既感受, 如果我有小朋友係到點算呀? D汁彈親佢, 邊個負責呀? 你地公司呀~~個男服務員只係識得快, 咩都要快, 又無禮貌, 嫌我地左住佢咁, 仲有呀, 原本我都唔知有件咁既事, 係我老公同我講先知羅, 老公:“d服務員唔得羅, 如果要講客人壞話下次唔好係d客面前講” 我:“佢講邊個呀?”老公:“咪你羅, 頭先你聽唔到佢話緊你咩?”我:“聽唔到

我昨既11點幾去到, 佢地都照比 order, 我地叫左兩個西冷扒餐加 一個蜆肉Bacon意粉.我本來唸住是但一餐平平地, 無所謂啦,點知個扒吾錯, 比起同類扒店如: ("第尾" <--名不虛傳 "旺角花園餐廳" & "金鳳" ) 好味d肉質ok不太林, 有咬口, 汁同金鳳接近, 由外面到中間漸漸由熟到生好分明, 大舊, 無 "金鳳"禁大但算大. 蜆肉Bacon意粉 只係蜆肉有DD吾新鮮...意粉幼細,芝士香滑服務比"金鳳" 同"第尾"好好多，不過可能因為人小Ｄ，

某周二晚流落太子, 欲啖大塊肉又想到金鳳排長龍, 與友到花園犯險去.點了最便宜的T骨扒餐, 友忘了示意幾成熟, 侍應也沒有問, 上枱的自自然然成了全熟. 下刀即告中招. 不知是否梳打扒一詞令不少食客生厭, 厨師索性不在軟腍一項上下功夫, 且讓牛扒襟咬去也. 廢了我九牛二虎之力方將盤中T骨收掉, 手軟牙較更軟! 十元八塊不能少, 還是隔壁第尾穩陣.

晏晝同爸媽諗住去始創睇下傢俬, 行過花園餐廳就走入去食以前爸成日都帶我地去ga...味道唔錯又几抵食但係點知一入到去就好失望...成個場既setting 變到好似茶餐廳連西餐基本要有既檯布都無...>.<安排位已經有問題, 我地三個, 後面又三個, 竟然係遲黎先上岸! 到有位坐低, 張檯又未抹, 叫人黎抹, 佢淨係將檯面既野掃晒落地同櫈度嘩...d 櫈真係搵你坐囉...揀野食, 發現加左好多價....最尾都係一人一個午市扒餐算了...叫完野食, 侍應黎擺位, 佢係將d 紙巾同埋刀叉匙飛落張檯度比你囉你呢d 咩態度? 雖然我只係食過四十几蚊既餐, 但唔代表你可以咁黎到呢一刻...大家都好後悔入左黎, 爸媽都話"一定無下次!!!"餐湯, 餐包同主菜, 侍應們都係好似好唔願做咁掉0係你面前想叫人寫餐茶或者有任何要求, 都受到侍應們呼喝式既"等等!!!!!!!!!! "衛生差得好緊要, 除左將d 野掃晒落地同櫈之外爸個鐵板側邊有好多意粉碎...好似人地食淨d 野跌落去咁...我同媽怕到連廁所都唔敢去...見到呢班人咁樣都估個廁所唔荒乾淨...總之一定無下次...$40個扒都係

今日7點鐘行街,見到佢大大張貼左燒乳鴿套餐, 諗住試吓~ 落去坐低左, 點完餐, 上左個湯同面包, 個waiter 先話乳鴿賣晒, 叫我地點個另一樣, 之後我都算數, 點左個豬頸肉烏冬, 但佢竟然話個烏冬唔係餐, 無湯同面包,飲品, 一係就加20元, 一係就收返d野, ~~ 全程一句唔好意思同對唔住都無~ 之後出個豬頸肉超燶~ 真係想播劉德華個廣告俾佢地睇~

一諗起食西餐要唔太貴就諗起花園餐廳…成8點半諗住應該唔洗等位…點知一落到去… 都係成10個8個等緊… 佢最近launch左d50幾蚊既晚餐… 仲要有安格斯牛排… 我勁好牛...當然即刻叫啦… 我babe就叫左個豬排加鴨… 我仲加左個田螺… 鴨都ok… 但我所謂既安格斯牛排就...係十成熟(個waiter完全冇問我要幾多成..而我又expect咁平都冇成選擇… 連用刀都切唔開… 個田螺就幾好味…

晚餐落到花園餐廳，侍應手指指示意我同男朋友坐卡位．個四眼女侍應語氣超惡咁問：食乜呀？之後我點左一份什扒，男朋友就點都西冷扒．（完全冇問過幾成熟）什扒就好大份，不過我男朋友塊西冷扒就少得好可憐／＿＼；一試西冷扒，已經食唔出係咩肉，佢地”拿”到ｄ肉冇晒原本應有０既口感同味道，超難食．什扒就當中有塊牛扒仲硬得滯，咬到牙都軟埋．豬扒好大陣冷藏味．四眼女侍應見我地食完就突然好好禮貌咁問我地要咩餐飲（因為經理０係佢後面）．埋單一百四十幾．感覺好唔抵．野食唔掂．服務唔掂．周圍黑媽媽．真係食左小強都唔知！