花園餐廳 (西洋菜南街)

营业中

休息中

給大家參考:好食:忌廉什菌豬頸肉飯福建抄飯焗芝士海鮮意焗芝士鮮菇雞柳意焗芝士大片豬柳闊麵普通:紅酒燴牛尾蟹肉龍利T骨扒牛仔扒火腿焗芝士吞那魚意雞片+西難花+飯龍下丸焗意粉扒三文魚豬扒+火腿扒帶子意粉海南雞飯不好食:蒜香照燒雞扒意大利豬扒蝦人炒蛋+香茅雞翼飯牛扒腸仔西班牙石斑

星期六下午，跟男友在旺角蹓達了很久，因為唔知食乜好，行o下行o下已經到了下午茶時間，剛好路經花園餐廳，便下去了。落到餐廳，full house兼好嘈，有個女侍應離遠大嗌︰兩位？過呢邊！坐下後，那位waitress好大力放低兩杯水後便走開，我和男友分別要了一個焗牛意粉和一客鐵板西冷。意粉好味，不過牛有點韌，男友說過西冷冇乜牛味，跟晚市水準差好遠，但想真點，午市價錢係晚市一半，質素當然會係咁啦。我們吃到一半半，那個waitress走過來又好大聲咁問︰餐菜要乜？要了餐飲後，我覺得呢個waitress真係超粗豪，唔知係咪因為清一色是男侍應，被他們的豪氣感染。結帳時仲搞笑，我舉手向她示意埋單，她又向收銀大嗌︰14號埋。之後只有一隻手便清理晒所有杯碟，好似玩雜技咁，我只能說︰佩服。

很多時都會跟姐姐來吃下午茶餐，因為姐姐很喜歡吃那個鐵板牛柳絲烏冬，幾乎每次必點。說實話，炒烏冬真是極之惹味，可惜黑椒太多，嗆喉，而且油分極多，吃完必定增磅，牛柳及七彩絲都頗多，最好share來食，另外若清一點可吃北菇湯麵或吞拿魚三文治，兩款做得不錯，而且份量不細，不過此茶餐不包飲品，但只要加$8便可有一杯，在不收加一的情況下，埋單每人不過$30，划算得來啊！

我未去上海前(應該係上年o既事)都去過食set lunch, 我仲記得我係order魚柳set, overall由餐湯、餐飽、main course都唔錯ga, 不過係service麻麻, 要等頗耐, waiter又冇乜禮貌~~

琴晚同阿媽兩個人,費事煮飯,所以就黎花園餐廳開餐,真係無黎錯!我要鐵板朧脷,好好食呀!關鍵係包住朧脷柳個層皮,層好薄好薄既蛋,但係絶對唔係蛋皮,見到係蛋之餘,又隱約見到魚肉,好香好好味。(我咁形容,知大家明唔明呢?)而且仲要有兩大塊,可以食到飽飽!順帶一提個餐包,雖然似嘉頓餐包,但係上枱時叮番熱,好香軟,再加埋牛油,又係想唔食都唔得啦!不過,環境幾黑…

由其是女侍應, 當我坐低後, 有兩個女侍應在我後面好大聲講野, 又大爆粗口, 講到我落單. 落單時態度非常差, 好似好趕時間咁, 不知所為

睇完麥兜，懷著沉重既心情步出戲院，縱使到達花園餐廳兼坐定定都未能及時平復，感染力驚人。由於到花園都只會食牛扒，所以只略為望一望餐牌就點左碟上西冷牛扒($65)，而女友就點左是日晚餐B($59)。唔知幾時開始食牛扒喜愛用碟上代替鐵板，猶記得重係細路既時候十分喜歡鐵板傳黎既”炸炸”聲，貪其要攤開餐巾擋汁，噱頭十足。記得以前曾投訴牛扒太熟既情況，當時老侍應透露，佢地既牛扒只有好生、半生同全熟三種之分，所以你要三成四成都只會歸為半生云云。今次切開牛扒，烹調技巧比以前進步，牛扒真係四成熟，證明唔只得三種生熟程度，有驚喜。梳打牛雖然稍缺肉味，但混埋黑椒汁，又真係幾得我歡心，加上份量夠大，幹掉整件肉後己經飽到上心口了。己經再三警告花園餐廳既晚餐十分行貨，但女友仍然一意孤行，結果食剩唔少，真浪費。埋單兩舊水有找，食得滿足，懷舊味又十足，己算超額完成。用餐後，麥兜戲內某幾段情節同對白仍然在腦內歷久不散，煩死人。

我同男友o係好耐之前試過一次...可能之前已經試過〔金鳳〕同〔扒王之王〕...我真係唔覺得呢間舖頭有乜好食？？？佢o既環境又唔夠〔扒王之王〕好...佢o既扒類又唔夠〔金鳳〕鮮嫩...仲有，佢o既服務態度都唔係咁好...我唔知其他食物食唔食得過，但係我覺得扒類就絕對食唔過>.<

花園餐廳在旺角隨處可見,她大約有三十年的歷史吧！本人由細食到大..論品質,現今好幾家食扒的都與她不相百仲..但論價錢她是比其他的平雖然裝修是比較普通.但當你一走進餐廳..滿室都是鐵版燒的香氣,當堂使人食肉大增~~^^我最喜愛她的牛柳..還要4 成熟..嘩~~~好味!!

我最唔鐘意去呢間花園,人又多成日要排隊,又黑到死,佢個重燈光令人感覺間野好似好污漕咁,D伙記係好醒目,但成日好似打衝風,好似想你快D食完快D走一樣,扒又好似好多油咁,所以我唔會再去呢間花園

tea set 中有一炸豬扒湯麵我很喜愛。豬扒是用蛋漿包著炸而不是麵包糠的吉列，大大減低了油膩感，不失香口之餘，肉汁不至流失而仍軟熟。麵是粗麵，既爽又帶嚼頭，青菜翠綠，又平又靚之選。

有日我去到太子花園餐廳，又係見到個夥計跌左塊扒落地，不過佢無撿番俾個客，我見佢掉落垃圾筒後仲俾其他夥計笑。其實，食物就一般，不過以個價錢看，佢地已經交足功課，有時食野唔好太貪心！

$29個午餐唔會偷工減料, 都係俾咁大碗湯, 咁大個餐包, 咁大碟主菜同埋咁大杯野飲.響華人餐廳愈來愈差時, 佢地的生意愈來愈好.

2 person<br />Have eaten $143<br />but the meat is not good.....<br />the environment also is not good~

花園餐廳去過好多間，呢間都算係一般之水準，服務算錯啦，唔好當佢地係高級扒房，只可以當茶餐廳睇。食物勝抵食夾大件囉，幾十元，大大件扒，但味道就麻麻啦。另外佢地係豉油街有間新分店，都錯呀，二、二樓，比較闊落，服飾都好D，九點後有特價，六十幾元一個牛扒，重平過‘乜皇之皇’呀。