影片
更多
2005-08-20
8 浏览
秉承港式豉油西餐文化，牛扒預先用o急汁同香料醃過，連燒紅左既鐵板上檯，「渣渣」聲仲要彈到成面黑椒汁先叫做有氣氛，鬼佬可能覺得好奇怪，但原來，港人已經習以為常。傳聞花園餐廳以連鎖店形式經營，所以食扒都係黎返呢間，質素先有保証，晚餐六十幾，一般扒餐七十幾，牛柳都係多十皮，點左個八成熟既鑊仔牛柳配黑椒汁，先上麵包、牛油同餐湯，牛油已經半軟，好適合搽麵包，湯好普通，冇乜味，同飲水又差不多，最可取係速道，呢頭落單，一分鐘內已上齊刀叉麵包同餐湯，飲完湯三分鐘內又上埋個扒，簡直快過淥公仔麵，o岩晒我呢亭又心急又肚餓人士，八成熟牛柳o岩o岩仲見到少少血沁出黎，師父火喉控制得相當到家，無他既，你見到成個場都係食扒，就知道乜野係工多藝熟，何況呢間老店都有十幾年歷史，水準當然keep 到，牛柳有四塊，每塊手掌心咁大同咁厚（兩個女仔share 食都夠），肉汁豐富，夠腍又爽口，加上個黑椒汁非常惹味，好食到唔停得口。環境幽暗，每檯一支洋燭，（幾十蚊食燭光晚餐你話又可以去邊度搵？）唯一美中不足係幾部大LCD 電視播緊電視劇，所以有少少嘈同破壞氣氛，不過港式食店冇電視播下又點做生意丫？想享受二人世界燭光晚餐咪搵張角落
傳聞花園餐廳以連鎖店形式經營，所以食扒都係黎返呢間，質素先有保証，晚餐六十幾，一般扒餐七十幾，牛柳都係多十皮，點左個八成熟既鑊仔牛柳配黑椒汁，先上麵包、牛油同餐湯，牛油已經半軟，好適合搽麵包，湯好普通，冇乜味，同飲水又差不多，最可取係速道，呢頭落單，一分鐘內已上齊刀叉麵包同餐湯，飲完湯三分鐘內又上埋個扒，簡直快過淥公仔麵，o岩晒我呢亭又心急又肚餓人士，八成熟牛柳o岩o岩仲見到少少血沁出黎，師父火喉控制得相當到家，無他既，你見到成個場都係食扒，就知道乜野係工多藝熟，何況呢間老店都有十幾年歷史，水準當然keep 到，牛柳有四塊，每塊手掌心咁大同咁厚（兩個女仔share 食都夠），肉汁豐富，夠腍又爽口，加上個黑椒汁非常惹味，好食到唔停得口。
環境幽暗，每檯一支洋燭，（幾十蚊食燭光晚餐你話又可以去邊度搵？）唯一美中不足係幾部大LCD 電視播緊電視劇，所以有少少嘈同破壞氣氛，不過港式食店冇電視播下又點做生意丫？想享受二人世界燭光晚餐咪搵張角落頭既檯囉，侍應招呼一般，總之快靚正三個字講晒，臨尾送杯啫喱做甜品再飲埋杯餐茶，真係飽到唔識郁。
埋單百七蚊兩個牛柳餐連餐凍飲，睇完個價錢之後，唔知點解我忽然覺得自己好似一個勝利者咁o係度偷笑。
注意：全店吸煙，不設非吸煙區！
张贴