影片
更多
2008-02-07
19 浏览
今日年三十放一點我同我事都唔想在公司附近食所以就走左去始創後面果間花園餐廳食(因為我從未幫襯過任何一間花園餐廳！)我同同事坐低冇耐我就決定點肉醬意粉由於我好肚餓我同事又未決定到食咩所以我決定叫先！一個貌似街市潑婦婆0既瘦侍應就行左過來我好快就同佢講左我要肉醬意粉、白湯、凍檸茶佢等左一陣見我同事仲未決定好食咩跟住就走開左 我以為佢會先幫我落單跟住我同事諗到食咩就再叫佢埋來話要鐵板肉眼扒餐個瘦侍應就話賣晒跟手點左兩款貴扒同我同事講話好食(差唔多要$100)我見佢冇講在menu上有0既鐵板西冷扒餐(在肉眼扒下一行，一樣價錢$42)所以就多口問佢西冷扒係咪都賣晒個瘦侍應就話有我同返我同事講話西冷扒有wor！但我同事話西冷扒唔好食最後佢選左食第二樣 過左一陣佢就放左一份餐包在我檯面(其實只是半塊方包！)咁我就梗係食啦！因為餐通常都跟餐包過左一陣有個侍應放低左塊西冷扒俾我！我就好奇怪咁話唔係我點0架！跟住個瘦侍應就話check check過左冇耐個瘦侍應就走埋來指住我話:"你頭先話要西冷扒0架嘛？"(其實我由始至終都只係問佢有冇西冷扒，從來就冇話過要！)我:"冇呀！我話要肉醬意粉呀！我一直都係要肉
我同我事都唔想在公司附近食
所以就走左去始創後面果間花園餐廳食
(因為我從未幫襯過任何一間花園餐廳！)
我同同事坐低冇耐
我就決定點肉醬意粉
由於我好肚餓
我同事又未決定到食咩
所以我決定叫先！
一個貌似街市潑婦婆0既瘦侍應就行左過來
我好快就同佢講左我要肉醬意粉、白湯、凍檸茶
佢等左一陣
見我同事仲未決定好食咩
跟住就走開左
我以為佢會先幫我落單
跟住我同事諗到食咩
就再叫佢埋來
話要鐵板肉眼扒餐
個瘦侍應就話賣晒
跟手點左兩款貴扒同我同事講話好食
(差唔多要$100)
我見佢冇講在menu上有0既鐵板西冷扒餐
(在肉眼扒下一行，一樣價錢$42)
所以就多口問佢西冷扒係咪都賣晒
個瘦侍應就話有
我同返我同事講話西冷扒有wor！
但我同事話西冷扒唔好食
最後佢選左食第二樣
過左一陣
佢就放左一份餐包在我檯面
(其實只是半塊方包！)
咁我就梗係食啦！
因為餐通常都跟餐包
過左一陣
有個侍應放低左塊西冷扒俾我！
我就好奇怪咁話唔係我點0架！
跟住個瘦侍應就話check check
過左冇耐
個瘦侍應就走埋來
指住我話:"你頭先話要西冷扒0架嘛？"
(其實我由始至終都只係問佢有冇西冷扒，從來就冇話過要！)
我:"冇呀！我話要肉醬意粉呀！我一直都係要肉醬意粉呀……"
跟住我都未講完
個瘦侍應就好大聲咁話:"得啦！"
跟住就走開左
雖然我打左個突
但我見佢去左改單就算啦！
點知
過左一陣佢又走過來講
"我頭先放低左個餐包俾你呀！係咪？"
我話係！
跟住佢就講:"鐵板餐先跟餐包0架，你而家食左個餐包要加$2！"
我即刻好火
就話:"你落錯order點解要收我錢呀？我第一次來花園餐廳食，我點知你要鐵板餐先跟餐包遮！"
(今次係第一次，亦會係最後一次！)
佢仲繼續話:"頭先咪同你講左鐵板餐先跟餐包囉！你個餐要加$2啦！"
我同我同事當堂O晒嘴！！=_=
我因為費事佢會在食物度加0野
所以最後都冇出聲
跟住我個肉醬意粉終於都來左
但0的意粉卻係粹的
用spoon食都得！
到俾錢0既時候
係齊頭$80
我俾左$100
佢地居然唱散張$20
等我俾tips wor！
我梗係啋佢都傻啦！
果$2餐包錢咪係tips囉！
张贴