花園餐廳 (西洋菜南街)

营业中

休息中

今日行到餓去食下午茶, 再去花園食...服務 :侍應算OK有禮貌。食物 :**炸魚柳薯條($30)** 魚柳薄身D細件左D, 味道都鮮, 唔太咸。薯條唔熱, 有D凍, 譜譜通通。**鐵板西冷扒餐($55)**本來以為下午茶份量小D, 但出來都唔細。5成熟配黑椒汁，剛剛好。切開中間，半生熟牛肉好正，唔太生又有肉汁留出，小小血水令件扒更有鮮感!~~**湯**羅宋湯 - 比較酸，唔夠辣。 (冇影相)總結:加埋凍飲及加一$98。想食扒我仍然會去花園餐廳~~

花園餐廳經營已久，雖不太常吃，但偶爾也想回味一下。典型的港式西餐，要了雜菜湯、花園特式飯及凍咖啡。餐湯及飲品有水準，特式飯令人有驚喜。特式飯的餸料看以簡單普通，有雞蛋、午餐肉、豬扒、炸蝦、西蘭花，配搭起來真的有特色，亦做得很美味，令人很滿足。令人回味的是十分嫰滑的雞蛋、有雜菜的特式午餐肉、香脆鮮嫰的炸蝦及新鮮爽口的西蘭花和汁料豐富的炒飯，值得推介。

今天去了吃午餐,服務很差,叫了一個龍蝦球蜆肉意粉,心想就算份量小一點都好,試下D口感。黠知過左半個鐘都無野黎,叫個waitor跟進一下,個個waitor見到都吾show 人,結果過了5分鐘才有人來。個條友去check一下,一句交待都無講,只見條友補入電腦,原無落單,跟住補入單。又過了15分鐘,竟然來錯了另一樣野,叫條友轉番蝦球蜆肉意粉。成班友成口傾計,系度笑,吾理人,服務很差,結果成個鐘才來了個意粉。點知一食,原來是3粒龍蝦丸不是龍蝦球,本來想試一下龍蝦球,份量細都好,點知是龍蝦丸,以為自己入來時搞錯,食完走人算數。出門口再看一 看水牌,真系寫龍蝦球不是龍蝦丸。有被騙的感覺。

地點 : 香港區炮X山分店時間 : 中午食物 : 午餐呢間係老字號, 做學生時已食過...個時真係幾好食, 吾好話我而家出黎做事後有錢食得好野多, 以不情況大家睇完再講, 個日叫左 SET LUNCH...豬扒腸仔飯,但的飯係硬硬地同吾熱,的飯吾熱點會好食,塊扒好硬身兼冇味,的腸仔好似冇煎過,都係吾熱....最後餐茶我叫凍檸茶,但我想糖將分開上,自己加幾多就幾多,個 waiter 居然話冇呢樣野,仲話叫凍飮就一定加埋落去.....吾識講野......

1. 鐵板午餐，肉眼扒配黑汁!肉眼扒雖然林,而且有肉味,但好可惜黑汁既味道係zero,只有勁辣,完全沒有水準可言,令我意識倒呢間餐廳既水準係咁差,連配角汁既味道都煮唔好,真係浪費塊肉眼扒,就連薯條都唔熟,唉.............其它茶記差唔多價錢都好食過您呀~花~園~餐~廳~,好好檢討下啦!!!!!2. 焗意粉反而焗意粉既味道就ok bo,肉林,汁既味道ok,價錢接受.

生日月頭炮是舊同學的邀請 地點由她選, 她選了花園餐廳原來有特別含意 因為我倆曾經燭光晚餐在此, 但這些事早已在我腦袋內消失了 好彩我們早點到, 之後的客人就要等位了 老友非常客氣, 不停地推介扒類給我 但小女子非食肉獸, 所以還是主打了一碟咖哩魚柳飯 先上紅湯, 又稀又淡又唔熱, 要幾差有幾差凍冰冰的餐包也是正常貨色 接著五成熟牛扒先登場 加了很多黑椒汁 牛扒比五成略高, 反而更易接受沒有血淋淋的場面 , 呼一口氣牛肉無根, 牛味十足份量也有霸氣 對於肉, 我還是淺嚐即止朝著那咖哩魚柳飯出發, 鮮黃的咖哩汁過份搶鏡, 咖哩汁用來撈飯絕對是極品,但呢次相反, 真係咸到無朋友於是以蕃茄醬取代 咖哩汁撈飯, 但只吃了幾口已罷口了而魚柳絕對不用懷疑是雪的貨式, 而且是平價質素, 因為魚肉鬆散之餘亦無味道 最後的凍檸茶是最全晚最棒的 雖然味道好差, 但我還是要謝過老友的 還有你送既Mrs. Fields cookie

9點食dinner~同女朋友兩個人~等左一陣就有位~見到成個場都係人~唔惦唔會禁多人呀嗎坐底叫左二個set d 都係西冷扒~又係一紅一白湯~紅湯水左少少~白湯唔錯冇問題~個包就比我地放到涼曬先食~鐵板出黎再係你面前落汁~我覺得好好~好熱騰騰好多扒店比唔到就係呢樣~冇用板上件西冷好鬆軟~唔知係未因為用鐵板所以覺得好味d~一黑椒汁都好惹味環境~較暗~好多人~不過四周維都有落汁個d che........che聲幾好feel食物~lunch同tea我未試過唔敢講~但dinner就冇問題,價錢都好合理~間唔中黎食下扒~正服務~因為唔係d咩高級食市~以普通食市黎講~ok la~扒xx王同呢度~我會選呢度~扒xx王環境好~但我鍾意呢度有食扒既feel~

炎熱的一日原來旺角幾多花園餐廳的分店，這次來了洋菜南街地庫這間，呢間花園餐廳正正就在紅螞蟻餐廳旁。羅宋湯濃而且多料主要有牛腩和紅蘿蔔，味道無問題，餐包新鮮。雞扒肉大塊有雞肉味黑淑汁濃而辣食落想飲多D水，飯就唔係好新鮮有少部份灰黑算啦$38的套餐價。最失敗是凍檸檬茶太甜，服務不細心話明少甜都係甜飲到一半放棄。

呢間餐廳D牛排好似愈來愈差叫左個午餐食, 要羅宋湯+蒜蓉牛排.個蒜蓉汁好似水咁, 最後我決定用茄汁點牛排食.個牛排算OK, 不過不失. D薯條認真麻麻, 內裡都無薯肉既, 一條乾淨淨既野.雖然三十幾蚊真係平, 但係食物都要有質素先得GA

去九龍醫院探完病, 坐小巴落太子, 行過見到晚餐A)澳洲T骨扒 $56, 問老婆&阿女, 佢地話無所謂, 咁就入去啦。6點45分入坐, 6點50分入單, 要3份A餐, 6成熟。6點55分上羅宋湯&麵包 (見門口已有十幾人等位), 轉頭麵包都未食完, 湯都未飲,牛扒已送到, 真快捷。7點20分埋單, 全程35分鐘。味道 : 鹹咗D嘅黑椒汁掩蓋哂牛扒味,

去左尖咀亞士里度個間，7點半入到去見到間舖大半無人已經心知不妙。樓下怒SELL，一場黎到，照試。落完單，黎左個飽同碗湯，飲完收埋，過左三個字先黎話唔好意思，頭先無入單，你地想食咩，唔該講多次。我叫左牛扒，女朋友叫雞扒，我塊扒完全無味，食黎食去都係勁重黑椒汁，有味既係薯條，鹹到呢。。。我女朋友就一路望住碟雞扒，食左少少已經食唔落。雖然附近台完全無人食，不過都係勁趕咁巡，一食完即收野，好似要出面好多人等緊咁。。。員工講野好易有意無意寸親客，開口埋口叫人靚仔, 衰在冇睇食評就入錯左黎除非真係無咩錢，差，一次就夠, 下次都係唔好食到唔開心。。。

時間係 1800 左右, 叫咗兩個餐, 一個鐵板龍利柳, 另一個係咖哩牛根腩.環境 : 不過不失, 因為係 basement, 已經唔光, 重要突然將 D 燈較暗咗, 好彩唔係黑椒汁, 唔係食咩都唔知, 黑到睇唔到鐵板龍利柳 : 有餐飲, 係海鮮忌廉湯, 都有料, 不過完全無忌廉味, 好似加咗水咁, 主棻, 要蒜蓉汁, 呀, 唔可以話汁, 只可以話係蒜蓉水, 食完重有一大灘"汁", 重有件伴菜, 小棠菜, 未見過咁大件. 咖哩牛根腩 : 咖哩汁好好味, 牛根得兩件, 其餘係腩同薯仔, 飯少外加 : 走人時見有人叫鐵板牛扒, 塊扒重大過塊鐵板, 神奇

昨日同朋友一齊去食下午茶，入到去的裝修比較舊，但係總算乾淨。我叫左個雙拼三文治，都算ok。但係我朋友叫左個雞槌沙律，就好有驚喜，總共有五件雞槌，而沙律的份量好多，味道亦唔錯。而且成碟的賣相好靚，一d都唔係平時二十幾文的茶餐可比。走的時候，見到其他枱的食物份量都好多，絶對無將貨就價。重有，飲熱檸樂重唔駛加錢，好味﹗題外話，由於下午茶時間比較少人，幾個年輕的員工在人客面前不斷嬉戲，始乎唔係太好﹗

一行5人去太子花園餐廳, 8:00pm, 要等位…等咗15分鐘。我要咗：餐包：夠熱。白湯：ｏｋ　creamy。耙大蝦牛柳 (基本上我十次有8次都係食呢個, 因為我like蝦&牛)：7成熟的牛柳, 無血流, 不過都見紅, ok。D肉都幾”林”, ok。有2隻（４邊）蝦，　真係好大隻，　個頭都好多膏。餐飲：凍奶茶　ｏｋ。Service　都ｏｋ，　不過因為太多人，　ｄ　侍應係應咗你都未得閒理你果隻．．．其實花園餐廳係我由中學開始就已經幫襯咖啦．．．．都ｏｋ咖．．哈哈

31號放半日立即走去旺角約人食飯朋友叫我是但搵住位先我見到花園餐廳好以好耐沒有食過就去食吓點知....感覺嘛嘛哋而且味道一般如果冇乜特別應該都唔會再去食