芝加哥串燒酒場 (太和中心)

放工約左朋友食野吹水,緊係去屋企附近方便D,依排返工時間都長返好多去左屋企附近既芝加哥串燒酒場,依度出名飲酒,不過都係第一次食野叫左杯啤酒,都幾大杯,但係唔貴,幾好飲,最後叫左2杯野食食左好多串燒,不過最特別都係燒鱔魚,鮮味幾重,幾大條其他串燒都係正常水準,唔算特別但幾好食.而且價錢唔貴,好合理,串燒其他地方食好似幾貴依度既店員唔會趕你走,見到有D會同D熟客吹水,幾有禮貌同朋友食完野傾到11點先走,感覺唔錯

最近疫情無咁嚴重，都趁依段時間同朋友出下街食野我地去左大埔芝加哥飲酒，順便放低口罩傾下計，都好耐無同朋友慢慢食野傾計啦叫左Ｄ串燒同小食，好快黎到，不過坐低後越黎越多客，如果之後先叫野食應該會慢Ｄ朋友個特式薯條好香好脆，係粗果種，好有咬口，配埋茄汁同鹽仲有味道我個拼盤比較豐富，燒茄子好好味甲羅燒好新鮮，雖然肥膩但好有味燒磨茹都唔錯依度可以慢慢傾計，唔駛食完整訂走，會開心Ｄ一般人黎食串燒，飲杯酒，但佢餐牌上有好多野食，有機會嘅真係要試一試其他芝加哥串燒酒場 大埔太和路24號太和中心地下37號舖

尋晚大約8點去到 已經好多人好有feel bar枱前面有部大電視 可以比你一路飲酒一路睇電視幾爽。就算係旺場但係一啲都唔感覺得好迫 環境同枱都令人覺得好寬躺係未order晚飯之前佢比左一客抄花生我地食先。本身以為普通花生無咩特別但係原來他的花生已經過調味炒香食起來10分美味。在吃串燒之前當然要order兩杯酒我叫了一杯Nothing一杯1664。Nothing椰子味香 當中散發淡淡的酒味我哋叫咗好多串燒 我原本好怕佢會一碟碟上每款菜式一個碟 令到成個枱都係碟10分混亂。但係佢竟然將我眾多的全消放在一個木板上擺盤。令我覺得十分美觀 不同於一般串燒店完全係可以用嚟打卡。我們叫了燒帶子，燒鮑魚，牛舌心，羊肉串 ，燒羊架，燒茄子，燒大啡菇及和牛串等等首先燒帶子是原隻燒當中有淡淡的海水味10分新鮮 肉感厚實燒鮑魚好有咬口 鮑魚味10分濃牛舌心十分厚實 牛味十足！羊肉串 羊味好夠 但又唔會有騷味！燒茄子多汁調味粉十足！香味濃郁！大啡菇外層鬆軟內裏多汁和牛串濃牛肉味！總括而言這間餐廳全消及酒類飲品都做得10分有誠意餐廳環境也不錯擺盤也10分好！ 下次一定會再來光顧

今日剛剛去完沙灘，天氣熱而且剛剛曬完，好想搵個地方飲下啤酒再chill下。返到大埔就去咗附近的芝加哥串燒酒場，飲番杯啤酒嘆吓。之前都有朋友去過呢度食過，環境唔錯，而且食物都好好，所以再來encore！一坐落緊係要每人一杯KIRIN啤酒啦！曬完最岩就係飲酒放鬆下。呢度串燒種類多，即叫即燒，所以煮都需要時間，不過唔緊要，黎得酒場就係要慢慢嘆！第一輪就點了一堆肉類串燒。辣度揀左中辣，都幾辣。大蔥雞髀肉串$19雞髀肉好滑，有肉汁，而且好入味，配搭大蔥香氣十足，燒得些少焦香，爽甜。好好味！水牛城雞翼 $23本身帶有辣味既水牛城雞翼，味道已經好濃郁，再加上辣粉，辣到出汗！超正。不過食完頭先既雞髀肉串，就覺得雞翼燒得乾左些少。燒雞翅包飯 $19 必食推介！之前食過一直念念不忘的就是呢個雞包飯！雞翅肉質滑溜，雞皮塗上了蜜糖，香甜再點辣，好食！裏面的飯去煙韌有口感，份量小小，但有飽肚感，係必食！ 日本一口番薯仔燒 $19日本番薯仔本身夠甜，已經好好食，燒過後更有焦糖味道，就更正！招牌茄子燒 $32味道十分濃郁，而且茄子水份多，很濕潤，配上上面的蒜香和香蔥很惹味！酥炸芝士條非常芝心，而且能夠拉絲，配以沙律

串燒呀😍🙈新搬入大埔，一直都好想試下當區既餐廳，芝加哥串燒酒場就成為今晚既食堂！男士叫左craft beer, 女士無甘鍾意酒，但又覺得串燒應該配酒，就都一齊叫左支桃酒，甜甜地配串燒～ 餐廳個杯仔好得意，有條錦鋰係杯入面😍😍有人話想食飯，就叫左個原條鰻魚飯😂😂鰻魚好大條，醬汁好濃郁，蔥好香脆，配埋珍珠飯成件事好岩！如果想食多少少鰻魚味既朋友仔，建議”筆”酒d 汁，因為店家好慷慨甘真係比左好多鰻魚汁😂食完飯，等左一陣，重頭戲就黎喇！因為呢次主要係想食串燒，但又已經比個飯填左胃，所以串燒反而叫得唔多😂我地叫左和牛粒、黃立倉、韭菜、燒牛舌、鮑魚、同汁燒原隻帆立貝。帆立貝同鮑魚都正！又抵！但最令到我地驚喜既係黃立倉！！燒得岩岩好！個皮燒得好香脆，但裡面又有魚肉汁，所以話有d 野真係屋企真係燒唔到，要出街先食到🙈😋最後我地見個肚仲有少少位，叫多左份炸魷魚。講明炸，呢份野真係有少少熱氣，因為d 炸粉都炸到偏啡色，下次叫師傳較細d 個火可能會好d 😂 下次再黎既話想試燒茄子🍆，見到隔離枱食好正，但我地今次唔記得左叫🙈🙈整體而言，朋友圍埋一齊你一串我一串配酒係幾開心，價錢又唔貴！因為餐廳處理串燒都要比

星期一雖然係Blue Monday，但係放工都要同朋友Chill下，今晚就同朋友去咗食串燒，呢一間係大埔區裏面都算出名，座無虛席，就知佢有幾受歡迎啦！我同朋友叫咗Cocktail飲，我叫咗Sex on the beach，朋友就叫咗Long Island，一開始就先上咗兩杯酒，我個杯一上已經覺得佢勁靚，個芒果仔好誘人哈哈！兩個女仔叫咗勁多串燒食，不過都飲咗酒傾左一段時間，啲串燒先一次過上，不過啲串燒都仲暖嘅～我最推介嘅係宮崎燒無骨雞腿，呢個真係好正，肉質嫩滑，外皮都燒到勁脆，又多汁，朋友都勁鍾意食，所以我好推介呢一款。朋友話送酒一定要叫雞泡魚，所以我哋都叫咗份，但係份量唔算多～另外，我哋都叫咗好多蔬菜、有燒茄子、大啡菇、仲有我最愛食嘅一口番薯仔！期間有唔少當場朋友生日，餐廳可以配合播生日歌，我覺得同朋友慶生嚟呢到都唔錯！

難得可以放鬆一下點可以唔食餐好嘅呢！環境舒適又Chill又開心我地飲咗Dog Days Draught脆辣炸雞槌有三個大大嘅 雞槌，炸到熱辣辣送上嚟！味道真係唔錯，再加上泰式自製甜酸醬！炸鮮蝦角呢個份量都唔少有好多件而且蝦肉嘅份量啱啱好，脆脆的好爽口！香蒜芝士燒帶子芝士蛋配帶子真係冇得輸！再加埋酒一齊飲真係好唔錯～芝士味好香！甲羅燒好大浸蟹味而且蟹膏都好多我覺得呢個真係好好味！好想再食多啖！燒雞翼包飯呢個有少少辣，不過都好惹味，腌製好入味而且燒得啱啱好～如果可以再大隻啲就好啦我覺得食完都唔夠又想再食～最後要埋蒲燒原條鰻魚珍珠飯大大嚿鰻魚再配上珍珠飯真係 冇得頂！鰻魚燒得好香濃，而且配嘅甜汁都好啱送飯！估唔到呢度嘅煮食都做得好出色～

天氣咁熱去bbq真係會熱到傻😂咁不如去餐廳食串燒！有人燒埋俾你食仲有酒飲，重點係有冷氣呢間串燒店氣氛十分好，最啱同三五知己黎傾下計吹下水，仲有電視可以睇足球live🤪menu串燒選擇都非常多，酒類有另一本menu添！我同朋友一齊點左一杯draft beer同一啲串燒～大部分野食都好滿意 ✨Samuel Adams Rebel IPA $58/glass 荔枝味都算幾出，麥味回甘！又唔會覺得苦，因為個人唔太鐘意苦嘅味道 ✨鹽燒牛舌心 $29 牛舌非常juicy! 好好食！ ✨燒羊架 $33 個羊羶味幾香！我地要左7成熟，不過絕對唔會韌 ✨烤黑松露蝦串 $28 超多黑松露，蝦肉新鮮彈牙 ✨招牌燒茄子 $30 原條茄子超大，落左孜然粉，好惹味～ ✨燒宮崎去骨雞腿 $33 外皮非常脆，皮薄冇乜肥膏，雞肉都唔會孩口，非常推薦！ ✨蜜糖雞亦 $20 蜜糖味夠，但略嫌燒得唔夠香 ✨風味燒雞腎 $13 口感好爽脆！幾好食 ✨炭燒豬頸肉 $19 要講番句，豬有豬味！唔會燒到好柴～ ✨玉子子燒 $31 甜甜地嘅玉子燒到外皮脆脆地，有焦香～ 如果同朋友係附近想食串燒又飲酒嘅話黎呢道真係唔錯呀.

這間芝加哥串燒酒場我一路都好想食架喇! 因為我鐘意食串燒啦，二來係黃店～成個環境好岩一班朋友來傾計食飯～發現串燒都有好多款式，海鮮、肉類、蔬菜乜都有得你揀！！等左一陣終於有野食喇，原來佢地要一次過整好哂先一盆盆先上碟，有茄子～雞軟骨　蛙蛙菜～羊架～牛舌～雞腎～韭菜～大蔥～菠蘿等等～味道岩岩好，唔會太濃之後仲有大啡菇啦，２款菇我地都叫哂，不過我比較鐘意食黑松露煙肉大啡菇～勁多黑松露醬！！！海鮮我地叫左：帶子、扇貝，都有少少黑松露醬但又唔會冇哂啲海鮮味。另外我地仲嗌左大頭蝦、蟶子～大頭蝦超正！勁多肉又多汁！必叫食物之一！！！最後我地仲叫左個松露薯條比小朋友食～見佢地食唔停口就知好味啦～！最後我仲同老公叫左２杯酒飲ＴＩＭ！真係輕鬆愉快既一天～

🌸酒，呢隻有微甜 ，有啲似蜜糖果種 ，yeah 所以女仔應該真會鍾意多啲🌸奄春蛋 ,外面灑上芥末粉 冇太多其他調味料 所以有少少苦 ，有少少辛辣 🌟會令人有少少感覺🌸雞皮有啲啲鹹左啲啲，但係好香口但唔會燒琴好硬 ，仲有雞油香😋，送酒一流🌸人氣茄子🍆同出面有啲唔同，有啲酸味，令成件事唔會好似食緊油咁 ，可惜我食太慢 😔凍左 ，唔係應該仲好食，香料味冇出面咁重手🌸鮑魚好彈口，鮮甜🥳真心，呢間幾好食呀，老闆好好人呀👍🏻值得同朋友一齊嚟吹水，食嘢飲杯

大埔近太和火車站一帶可以話係大埔夜生活嘅聚腳點之一，唔少附近食肆都集中於此，亦因為咁周邊即使入夜仍然相當熱鬧，火鍋、燒肉、雞煲、德意日多國菜嘅餐廳小店琳琅滿目，當中仲有唔少酒吧仔，啱晒飯後chill下飲返杯。今日同朋友大埔一日遊，回程前就嚟到其中一間close area嘅餐廳，見佢主打saka同日式串燒，未到10點就人頭踴踴！餐廳名好打耳，叫串燒酒場，有種日本大浴場嘅豪邁感。食品方面好豐富，令有選擇困難症嘅我遲遲不能決定點菜lol食物方面：🐷 健力士黑啤豬肉腸：入口黑啤味一如預期唔自好濃好𥤮出，但豬肉有粒粒咬口好juicy，豬肉味亦相當香，fit晒用嚟當小食佐酒！💧 香蒜蔥花廣島蠔同豬肉腸一樣入口juciy多汁，但當然就多返份海鮮嘅天然咸香味，配上香蒜同蔥花辟腥，個人認為相當有鮮味。🐂 鹽燒牛舌心肉質比較乾身, 但仍然彈牙有咬口，厚薄適中而牛味濃，令人忍唔住想再encore。🐂 碳燒牛扒燒得恰到好處，中間仲有少少粉紅夠juicy而肉質軟腍！🐟 鹽燒鯖魚算係水準之作！魚皮燒得有啲脆身而魚肉又唔會燒得鬆散或太乾實，加返少許檸檬汁點綴提鮮，perfect 池！🐟 蒲燒鰻魚Stardard貨色

個日接完男朋友收工 想食串燒就過左黎大和呢度食由於男朋友唔太中意食太多醬汁的串燒，我估計芝加哥串燒酒場應該幾岩佢食。果然不出我所料，餐廳啲串燒大多都是即叫即燒，而不會落太多的醬汁應該岩男朋友仔食啦掛簡簡單單都是叫左十幾款串燒，具體食左咩唔太記得，不過普遍全部都好食的。 當中最令我齒頰留香的是香蔥燒半殼扇貝、招牌茄子燒、燒大啡菇、車厘茄雞髀肉串🥳🥳呢四樣野好味到令我好深刻，因為燒得熱辣辣之餘仲好香噴噴。特別燒大啡菇，熱辣辣之餘上面加隻生蛋，食落口個味道好Match 如果用open rice book位仲有兩隻燒蠔送，味道也不錯👏🏻餐廳環境都算有feel, 就算對住大街都唔算好熱。男朋友肥仔多汁，佢都無嫌熱👏🏻👏🏻如果有朋友仔都中意睇波的話，都建議佢地黎呢間，因為有電視可以睇波話明酒吧，更係飲返兩杯，不過飲得多酒都唔代表有親密行為架，最緊要大家飲得做先嗌呀下邊幾張圖係有價錢嘅餐牌，方便大家睇

兩個人去完shopping，又熱又口乾，一坐低即刻叫番杯嘢飲先，我叫咗Kirin Ichiban, 朋友就叫咗Apple Cider, 眨一吓眼就嚟到，嗱嗱聲飲返啖先，Kirin超高品質，強烈嘅小麥味，感覺同喺東京嘅居酒屋飲生啤一樣品質，真係好味透心涼😁跟住就點咗幾樣食物，等咗大約15分鐘，就用木砧板一次過上晒，賣相好掂。椒鹽鮮白鱔串：表皮燒到脆脆哋，鱔身好厚肉，鮮嫩多汁，非常好味，呢個強烈推介燒喜知次一夜干：不嬲都鍾意食一夜干，呢條燒得啱啱熟，帶少少鹹香，兩個人2分鐘掃清😅燒雞翼：燒雞翼我鍾意食，皮脆肉嫩多汁燒雞腎：有咬頭，配上椒鹽，送啤酒非常醒神黑糖雞脾肉串：帶有黑糖甘香味，微甜，絕對唔係甜死你嗰種，味道幾得意跟住再後加一個火焰日式叉燒片，薄切叉燒表面燒得帶些少燶，脆脆地，肉身好多汁，但係又有啲咬頭，兼肥瘦適中，叉燒表面再灑上幾粒蔥，超級好食，係今晚高潮之一食得飽飽，非常滿足。

燒咸豬腩肉咸豬肉味道果然夠出,咬落啖啖肉油脂分佈都好平均, 但本人覺得偏咸仲帶點微辣,如果用黎配啤酒一齊食係唔錯的選擇!燒大啡菇上菜時已聞到陣陣菇味,Size仲好大舊,當你切開時仲有好多汁爆哂出黎,咬落口仲駛乜講,當然一樣充滿菇汁😂鹽燒牛舌心牛舌心的外圍食落有焦香,火喉控制得剛剛好,肉質唔會好un味道咸淡適中,配啤酒一齊食味道好夾! 蘆筍燒食完一輪肉類的燒物,朋友話想食燒蔬菜平衡下飲食,雖然蘆筍燒都係燒物"但食落唔會太油仲食到有菜的青味 好清新! 但本人覺得份量少了一點香蒜燒鮮鮑魚鮑魚一份三隻份量適中, 唔算好重蒜味肉汁都唔算好多,有點乾身 建議可以放多d蒜蓉!雞軟骨佐酒小食必嗌之選,加幾滴檸檬汁落去可去油膩感食幾串都唔會覺得膩,加上食落口的感覺好爽口唔會好咸!大蔥雞髀肉串開頭以為燒雞髀肉會好硬冇咩肉汁,仲怕大蔥會好大味,點個同感覺相反,雞髀肉口感好嫩滑配埋大蔥一齊食味道出奇地夾,推介之選!脆辣炸雞膇味道不選太突出,食唔到有辣味,炸粉唔太夠脆身,但勝在炸粉少肉多 有待改善!

本身見咁多Lam lam脷以為好好味啦， 叫咗燒鵪鶉蛋、白鱔、羊架、牛肉、菠蘿、玉子、扇貝、金菇肥牛.........等咗成個鐘先有得食.........由唔係好肚餓等到勁肚餓，諗住好味等耐啲冇所謂......點知單又上錯...嘢食方面白鱔勁韌、扇貝啲肉勁實、金菇肥牛韌到咬唔開、玉子燒又好咸......其他嘢都只係過得去不過不失......完全唔應該Lam Lam 脷比例咁高......感覺中晒伏......