芝加哥串燒酒場 (太和中心)

這間芝加哥串燒酒場我一路都好想食架喇! 因為我鐘意食串燒啦，二來係黃店～成個環境好岩一班朋友來傾計食飯～發現串燒都有好多款式，海鮮、肉類、蔬菜乜都有得你揀！！等左一陣終於有野食喇，原來佢地要一次過整好哂先一盆盆先上碟，有茄子～雞軟骨　蛙蛙菜～羊架～牛舌～雞腎～韭菜～大蔥～菠蘿等等～味道岩岩好，唔會太濃之後仲有大啡菇啦，２款菇我地都叫哂，不過我比較鐘意食黑松露煙肉大啡菇～勁多黑松露醬！！！海鮮我地叫左：帶子、扇貝，都有少少黑松露醬但又唔會冇哂啲海鮮味。另外我地仲嗌左大頭蝦、蟶子～大頭蝦超正！勁多肉又多汁！必叫食物之一！！！最後我地仲叫左個松露薯條比小朋友食～見佢地食唔停口就知好味啦～！最後我仲同老公叫左２杯酒飲ＴＩＭ！真係輕鬆愉快既一天～