芝加哥串燒酒場 (明雲閣)

营业中

休息中

元朗新開呢間酒吧，裝修型格，有大電視睇波，又可以食埋串燒，真心覺得正👍星期一到五，8點前都係Happy Hour，平均啤酒平$10蚊杯左右。呢度d生啤又大杯又夠凍，仲有唔同味道既麒麟揀🤣今日試左杯桂花味，比平時生啤甜d同多左d桂花香，幾特別。KIRIN-Osmanthus $72KIRIN-$62黎得呢度當然唔少得食串燒，估唔到師傅咁有功力，完全係好食過大部分既串燒店🙀特別介紹下d我覺得好好食既比大家🐮牛類•汁燒牛小腸 $32 有d類似生腸，但帶有少少牛味。內裡脂肪口感Q嫩，但唔會覺得好肥膩•鹽燒牛舌心 $33 牛舌心比一半牛舌質感柔軟，同時又好爽脆•一口和牛串 $29•薄燒安格斯牛肉葱串 $32🐷豬類•炭燒豬頸肉 $22爽脆juicy•黑啤豬肉腸 $26有好香既麥味，一咬爆汁🪸海鮮•香蒜蔥花廣島蠔$32蠔肉大粒又鮮甜•鹽燒鮮白鱔串$58最最最好食，好厚肉好新鮮🐔雞類•鹽燒雞軟骨 $16香脆，飲酒一流•大蔥雞脾肉 $26雞肉永遠最夾都係大蔥🥬蔬菜類🥒•串燒娃娃菜 $16•雞脾菇 $19•原條茄子燒$35

今日喺元朗收工，同朋友諗住坐低飲杯嘢放鬆一下，無意中經過呢間餐廳覺得氣氛都幾好，所以做入去試吓 芝加哥串燒酒場。餐廳地方雖然唔大，但係都好有格調，加上播放少少音樂，同朋友喺度飲酒傾偈比到我一種好舒適嘅感覺。望一望個餐牌happy hour買一送一，酒精放題398任飲，性價比真係高。串燒方面都有好多選擇。XO醬燒廣島蠔 208元 半打，廣島蠔燒完size都算大，完全冇縮水，估唔到用XO醬可以同廣島蠔嘅味道咁夾，將生蠔嘅鮮味提升，蠔身厚肉多汁，鮮味十足，果然係必食推介。鹽燒三文魚頭 一份 68元，三文魚頭燒到好香，肉質仲係好嫩滑多汁，加上少少鹽香調味，將魚嘅鮮味帶晒出嚟。用嚟餸酒真係一流。燒汁牛仔骨 48元一份，牛肉味香濃，加上有少少脂肪，食落去特別香口，最鍾意就係牛仔骨附近嗰啲肉，有咬口味道又香。炭燒牛扒$49 ，肉質非常香滑Juice，比牛仔骨更加香牛肉味。燒雞泡魚乾 58元，飲酒一定要點雞泡魚乾，味道好香，點一點旁邊嘅沙律醬味道更加香甜。魚乾燒得好乾身特別香口惹味。炭燒法國鵝肝，鵝肝燒到好香口，入口味道香濃，口感幼滑綿綿，一個人真係可以食幾串。呢間餐廳有酒飲，而食物製作方面亦都做得好

心情麻麻，同朋友散下心，順便去Happy hour飲下食下，係元朗見到呢間芝加哥，好似幾好氣氛咁喎。好，坐低睇下有咩好食先。串燒都有幾十款，除左串燒，仲有炸物小食，食飽飲酒就唔使怕。叫左中辣，都真係幾辣，我喜歡多春魚，魚仔燒脆得黎入面唔dry雞肉軟骨串，啖啖肉軟骨又索索聲。玉子個醬汁好juicy，蛋好鬆軟，仲有4件，抵食！叫左Pina Colada，椰味同酒比例啱啱好，唔太甜。桂花味啤酒，聞落去帶有桂花味，飲落就似番啤酒，幾特別。

今日收工元朗牛帶路食串燒因為第二日仲要返工，我地就比較早去食夜晚飯所以可能去到嗰陣舖頭都暫時仲未好多人，但係可以睇得出佢座位都好闊落舒服因為天氣溫度降番啲，所以夜晚黑坐出面都幾好，別有一番風味符合番今日食串燒嘅主題雖然唔係坐喺店舖入邊，但係店員都時刻留意住我哋嘅動向，有咩需要佢哋都可以即時過嚟，欣賞👍🏼👍🏼可能因為燒嘢食都需要時間嘅緣故，所以上菜速度並唔係好快但係嘢食大致上都幾好食，特別係個土匪雞翼🐓🐓羊肉串同埋茄子少都值得一試嘢飲嗰度我哋除咗叫咗兩杯酒之外仲叫咗個紫薯鮮奶同埋呢個菠蘿梳打酒好飲，菠蘿梳打係夏天飲嘅時候特別清新而且，菠蘿都仲算係當造季節嘅水果，我覺得自己揀得好好～哈哈！

主打燒烤及啤酒的餐廳有室內亦有室外位置環境開陽有種relax 的感覺👍🏻串燒的款式非常多有豬牛羊肉類、海鮮、蔬菜、佐酒類…真係每樣野都好想食我覺得好好嘅地方係可以選擇口味不同嘅辣度（中小大bb辣都有😂)酒類亦都好多選擇同埋加錢可以free flow ，好正呀✨推介食物燒雞泡魚乾、水牛芝士條（份量超多、夠香口，送走一流）黑毛豬腩串、燒茄子、鹽燒雞翼、炭燒牛扒、孜然午餐肉串（非常惹味）汁燒京蔥串、燒尖椒串、韭菜燒（蔬菜類好多，好啱唔係好食肉嘅人）

今日放工約左朋友聚會，我地去左元朗依間極具人氣的「芝加哥串燒酒場」。最鍾意餐廳個環境氣氛，有種好放鬆既感覺。另外，最吸晴係有個大電視，睇世界盃、英超一流！同朋友一邊歎串燒一邊飲酒，放工就係要這種快樂。 ➖串燒款式選擇多，每款都有一定質素🐮牛肉類▪️招牌燒牛骨髓▪️鹽燒牛舌心▪️安格斯牛板腱珍珠飯-牛骨粹必須趁熱食，香氣最濃郁-牛舌心夠哂厚切，牛味極濃-安格斯牛板腱珍珠飯好大碗，兩個女仔食甘多串燒都食得哂個飯，因為真的好好食。牛板腱燒得香口，口感爽彈➖🐷雞肉類▪️雞肉軟骨棒▪️鹽燒雞翼▪️風味雞腎串-雞肉軟骨棒好抵食。軟綿我雞肉伴上香滑蛋汁，十分滋味。-朋友最愛鹽燒雞翼，去食串燒一定要點。外皮燒到脆卜卜，內裏肉質juicy。➖🐟海鮮及魚類▪️香蔥燒牛殼扇貝▪️蒲燒鰻魚串▪️鹽燒多春魚-扇貝相當大粒鮮甜，d 湯汁亦係精華-鰻魚質感新鮮彈牙-多春魚咸香十足，伴酒佳選➖🥬蔬菜類▪️原條茄子燒▪️串燒娃娃菜▪️韭菜燒▪️蘆筍燒食左咁多肉類，必點一些蔬菜中和一下膩滯感。 當中最鍾意是燒茄子及韮菜-茄子燒份量多，而且每一條都鋪滿了蒜蓉及蔥，十分惹味-韭菜燒面層亦鋪滿辣粉同孜然粉，辣得過癮➖🍡特式食物▪️燒紫菜年糕串 : 煙煙韌

以往去大埔嗰邊成日會去芝加哥串燒酒場，估唔到原來元朗都開咗一間分店😜現場所見，餐廳有好多唔同年齡嘅消費群，年輕人、上班族、街坊客，餐廳嘅環境氛圍好適合三五知己一路吹水、一路飲酒食嘢🍻串燒種類款式非常多，牛肉、雞肉、豬肉、海鮮、瓜菜類都有提供🍽而且佢哋係主打即點即燒，確保到食物上枱保持到理想嘅溫度😄我哋剔下剔下，話咁快就叫咗以下咁多款🤣🤣🤣串燒當中比較推薦幾款，好惹味嘅燒雞翼，雞翼真係最難抵擋嘅串燒美食之一🤣碳燒牛扒，廚房會預先幫你切開好多塊，牛扒燒完之後真係好香口😋一塊只係$49，份量好多好抵食！燒韭菜、燒茄子、燒菠蘿，呢三樣都係本人比較推薦，拎嚟串燒會特別加分！KIRIN Original Frozen Beer做完一日嘢，放工忍唔住要整返杯生啤🍺大啖大啖飲落去，夠晒抒壓！Frozen Beer最上層嘅幼滑泡沫，原來係用呢部特製嘅機器打出嚟，的確唔係好多地方有呢個體驗！Peach Mojito好容易入口嘅其中一種Cocktail，口感好清新，夏天熱辣辣夠解膩！🤪Little Creatures IPA Craft Beer呢枝Little Creatures嘅Craft beer，有

呢間係我食過最最好食既串燒😂😂😂我其實已經食左三次，但依然好想分享俾大家，今日我又同第二個朋友去食，依然好正！全部好難介紹哂，但我介紹啲真係我食過幾次依然都keep到水準既🤣🤣-燒茄子好大條架！仲配埋蒜蓉同燒烤嘅香料，調得啱啱好又唔會好重口味喎！-炭燒豬頸肉真係唔係間間整得出色😂，呢間肉質岩岩好！-雞肉軟骨棒咬落去好有咬口，好正🤣玉子燒係我最好，甜甜地，又唔乾🥹韭菜燒用料正，新鮮，香口🤣燒雞泡魚干成日叫，真係唔乾架🤣仲有得睇波飲酒，成大班人去，勁興奮🤣🤣

放咗工好攰，梗係搵朋友去開心一下，有個朋友住元朗，佢話叫我入去試吓有間開咗唔係好耐嘅酒吧餐廳食嘢加飲酒，聽到佢講都好吸引，我即刻搭咗西鐵入去，沿路行去嘅途中都見到有好多酒吧同埋食肆，原來元朗都有好多餐廳咁吸引，真係得閒要去多啲元朗行到酒吧門口見到有個大螢幕非常吸睛，門口嘅接待員已經急不及待招呼我們😁一踏入門口已經感到冷氣嘅涼快，行到最入有一個大電視，當時播緊足球，啱晒啲波友，而我喜歡餐廳的音樂，所以就好好享受餐廳入邊嘅音樂😊放工聽音樂飲下酒真係好relax🤝餐廳面積唔算大入邊燈光變暗最重要係有酒飲有紅白酒清酒啤酒威士忌仲有我最鍾意嘅蘋果走氣氛非常不錯再睇一睇餐牌係主打串燒因為啱啱收工太肚餓，所以今日都叫咗個飯食，仲有其他新鮮嘅海鮮例如生蠔，扇貝，聖子，鮑魚等等加拿大黑毛豬鞍$88😚黑毛豬安炸到金黃色微焦，當我一食入口，黑毛豬安的表面卜卜脆，而且內裏軟淋，還有肉汁滲出，見到已經非常吸引，食出雙重口感，肉香的味道.可知廚房細心製作，旁邊放有沙律醬，增加食慾。招牌鹿兒島A5肉眼珍珠飯$348平時出去食牛肉飯都好少用珍珠米，珍珠米每粒渾圓飽滿，粒粒分明，入口珍珠米煙韌有口感而帶有米香，這碗珍珠

新界區地段，地方始終比較寬敞，這間芝加哥酒吧，環境舒適，比起九龍區的酒吧，寬闊得多；而且地方清潔，環境有氣氛，但不算太嘈吵 👍💕Saint Louie 紅白酒，每杯$49 ，比啤酒還要便宜，立刻點了兩杯試一試。小妹並不擅長品酒，感覺是易入口，不錯的餐酒。蒲燒原條鰻魚珍珠飯$128，原條鰻魚直接燒烤，再加上鰻魚汁，鰻魚肉質鬆軟，味道很不錯珍珠米做出來的飯，特別口感不同，加上粟米小蔥花同埋醬汁，已經是一碗很好味的飯。吃點飯先吃點飯不會那麼易醉。日本黑毛和牛肉眼150 gram $328，味道非常好，肉質鬆軟，入口油香滿溢，$328雖不便宜，貴得有道理。燒土匪雞翼$24兩件，用孜然粉醃製嘅雞翼，份外惹味啊 🥰🥰燒大啡菇一隻$32，大啡菇本身味道好好，非常juicy，加咗鹹香的煙肉吊味，要是煙肉碎上，吃起來會更方便。招牌茄子燒原條$35，同樣是落了孜然粉醃製嘅茄子，加上蔥花，味道甚為出眾，不愧為王牌食物，黑松露蝦串一份$32，這份燒蝦一客三件，蝦肉鮮味爽口，加上重手的松露醬，非常抵食！玉子燒四件$35，燒得很好味，醬汁味加上蛋的甜香，正！另類的甜品！燒三文魚鮫一串$28，跟預期中的三文魚鮫有點

雖然飲得兩杯，但係唔好酒，真係好少落bar落酒場。 不過要同朋友「捉蝨」詳談，又唔想去starbucks，元朗好少呢類串燒酒場，就試下呢間串燒舖。 門外門內都好有氣氛，適合book場搞party、睇波。 水吧同高枱位置都面向大門， 大大個門口， 好鍾意呢種可以同街坊交流嘅人情味。好耐未試過同朋友拎住個餐牌，睇足半個鐘。 款式太多了吧。 我懷疑個廚房 其實係一個超市。食物配上圖片，飲品寫清楚有咩喺裏面， 好似揀香水咁， 成分清清楚楚，俾你搵一款適合自己嘅。仲要貼心到有牛奶提供，畀你墊墊個底，唔會醉。Menu少碳水化合物, 主要係特色飲料、串燒、海鮮、小食...... 好適合做晚餐。Sangria 一杯$ 98紅酒、果汁、果肉各佔一份。 橘類同紅酒好夾， 甜、香、順喉，唔單止容易入口，仲會令你忍唔住想叫多幾杯。 差啲想放低$399嚟個酒精放題，再＋99 任飲whisky ＆ cocktail。MADRAS 一杯$89蔓越莓汁、橙汁配伏特加。橙汁味重，杯底充滿新鮮人手切粒果肉，有後勁。冷盤日本磯燒鮑魚 $88似鹽漬鮑魚，入味又容易咬。有三隻。炭燒豬頸肉（一串）$22肥瘦厚薄適中，叫咗小辣，表

錦上路🚇站附近呢間🇺🇸芝加哥🔥串燒🍻酒場串燒🔥款式多🤩又夠火候😋，而且啤酒🍺同埋cocktail 款式都好多！呢度🤩地方唔算好大，不過😎裝修幾型格。有大電視📺，同朋友仔一齊來🥂飲嘢🍴食嘢睇波⚽️啱晒！呢度仲有😍多款市面少見嘅🍺啤酒供應，一邊食串燒🔥一邊飲🍻啤酒，爽呀！🔥炸厚切🥔薯片好香脆，🔥炸大八爪魚🐙足啖啖肉🤤。🌿香草🧀芝士焗🍄雜菌熱🔥辣辣好芝🧀味😋。味增🏯甲羅燒🦀味道濃郁又鮮味🥰。碳燒🔥牛扒🥩又𣺉又香滑，陳年🍶花雕酒🐖黑豚腸食落有淡淡嘅🍶花雕酒香🤤，芝士🧀雞脾肉🐓串嫩滑🧀芝味😋。🔥火焰🇯🇵日式🐖叉燒片燒得好香，不過就唔算好嫩滑。脆炸🔥活白鱔骨🦴好脆口鮮味，佐酒🍻一流呀！

元朗最近新開一間酒吧，雲石主題，新淨企理朋友唔飲得酒，叫左杯紫薯鮮奶，我要啤一啤，簡左桂花味旗麟啤～生蠔肥美，蒜味十足，真係食一打都唔夠～呢間串燒真心一流，水準十足

#芝加哥串燒酒場 #元朗#明雲閣 #串燒今次繼續同大家分享我去過嘅串燒酒吧💕因為我真係好鍾意食串燒😂📋$82黑加倫子啤酒 -買一送一🫢造型好可愛💕上面好似雪糕咁樣嘅造型其實係啤酒沙冰嚟，幾特別。🔅$22 炭燒豬頸肉串 -燒得好香又脆身🔅$78 炭燒法國鵝肝串 🌟推介🙌🏻 鵝肝口感細滑，油脂豐膄，食落去每一啖都充滿油香🤤🔅$16 炭燒雞軟骨🔅$35 茄子燒🔅$55 燒魔鬼魚翅干 -絕佳的下酒菜🔅$32 香蒜蔥花廣島蠔 -廣島蠔好肥美好大🙌🏻🔅$48香蒜燒牛殻扇貝(2隻）-火喉控制得啱啱好，燒到啱離殼，口感爽彈，容易咀嚼。🔅$118燒黑松露帶子珍珠飯 -本身帆立貝大大粒已很滿足，再加上香氣及味道同樣濃郁的松露，齒頰留香。💘可以選擇的串燒種類繁多🙌🏻睇到眼花撩亂😂食物質素整體不錯👍🏻主要是價錢便宜。🏘有吧台位和卡位可以選擇，吧台位近距離看着調酒師調酒🫣💰設有加一服務費📍 地址：元朗金祥坊2號明雲閣地下A-B號舖

今日閨蜜收早，同佢去咗行街，行到大約七點幾又係晚飯時候，又想搵個地方啤啤佢見到呢間新開嘅串燒場非常多人氣氛仲好好，門口非常吸引有個動感火焰嘅招牌，環境唔錯好適合同朋友傾偈睇波，以後唔使特登出到尖沙咀😁喺出邊望入去已經見到有一張好大嘅吧枱，入面燈光較為暗但感到係一間好高級嘅酒吧😁因為今日沒有book位所以等位等咗大約幾分鐘，職員好快就安排咗我入坐串燒可以選擇辣到所以適合唔同嘅人，無論食辣同唔食辣嘅你都啱食，牛仔骨燒到剛剛好入口又嫩滑，中間肉質粉紅色，入口滿口油脂，越食越出味牛味濃郁，非常好食😋Xo 醬廣島蠔，賣相十分吸引，表面加上蔥花和蒜頭，廣島蠔蠔身飽滿，肥嘟嘟，一口一隻，入口蠔身肉質爽脆，蠔味濃郁，証明食材十分新鮮，我十分喜歡。點了一串薄燒安格斯牛肉蔥串，安格斯牛肉包住蔥段來燒，牛肉一路燒，油脂慢慢滲出，蔥段吸收了肉汁和油脂，一食入口滿口油脂甘香，安格斯牛肉肉質嫩滑，牛味真的很濃，加上蔥段的爽口感，入口有雙重口感，超正！點了香蒜芝士燒大虎蝦，很大隻的虎蝦，表面加上芝士來燒，大虎蝦表面燒到金黃色帶一點微焦，蝦身有很香的蒜香味，食一口蝦肉，啖啖肉，非常滿足。加上一柸NH/Glablanc