芝加哥串燒酒場 (明雲閣)

营业中

休息中

想去呢間串燒酒吧好耐啦，趁今日放假入元朗探fd子，就順手同佢地試埋先😆>招牌茄子燒：茄子燒到軟腍又多汁，配上大量孜然+蒜蓉+蔥，變到非常香口又惹味。>芝士黑松露大啡菇：大啡菇上既芝士燒到半溶狀態，加上黑松露既香氣，食落啖啖汁，唔會太乾身。>香蒜燒鮮鮑魚：78蚊3隻好抵，都算幾大隻，彈牙又鮮甜，加埋蒜蓉唔錯。>鹽燒鮮白鱔串：白鱔厚肉無骨，燒到個皮金黃香脆，用鹽燒都好有鮮味。>炸大八爪魚足：份量幾多，好彈牙，配埋泰式甜酸醬食好開胃。>炸辣雞槌：雞槌新鮮即炸，肉質軟嫩，火辣又滋味。>黑松露薯條：波浪形粗薯條外脆內軟，黑松露醬好好食，朋友減肥中都忍唔住偷食😵>招牌鹿兒島A5肉眼珍珠飯：A5和牛牛扒煎香後，脂肪完美地同鮮甜既牛肉融為一體，入口嫩滑，食到成口都係油脂香，超級邪惡，又要跑步減肥先得🥺>Little Creatures IPA：麥味幾重，口感柔滑飽滿。>Magnets：蘋果酒甜甜地，好易入口

我同呢個女仔朋友成日都會搵地方飲野傾下計👭🏻今次佢就我黎左元朗食串燒飲酒🍺📍芝加哥串燒酒場 (明雲閣) 呢度氣氛都唔錯嘅個bar area整得好靚🌃不過成晚都播BlackPink有少少唔夾同埋太大聲for傾計我地見到menu有Frozen Beer就問waiter係咩黎原來係面頭有碎冰啤酒泡😲😲令到個啤酒更冰凍同埋個口感豐富啲我地就一人嗌左一杯🍻✅𝘽𝙡𝙖𝙘𝙠 𝘾𝙪𝙧𝙧𝙖𝙣𝙩 𝙆𝙞𝙧𝙞𝙣 𝙄𝙘𝙝𝙞𝙗𝙖𝙣💰$82✅𝙊𝙨𝙢𝙖𝙣𝙩𝙝𝙪𝙨 𝙆𝙞𝙧𝙞𝙣 𝙄𝙘𝙝𝙞𝙗𝙖𝙣💰$82串燒我地嗌左好多嗌到成枱都係😂重點講幾樣我覺得必食嘅✅鹽燒牛舌心💰$33✅培根年糕卷💰$25✅一口和牛串💰$29✅雞肉軟骨棒💰$28✅鳳梨燒💰$23🍍另外唔係一串串嘅燒物都好好食😋✅原條茄子燒💰$35🍆✅燒雞泡魚干💰$58✅脆炸活白鱔骨💰$16本身以為好貴所以唔夠膽嗌啲貴海鮮🦐🦞🦀點知埋單都只係800蚊左右但係已經食到好飽唯有下次再去過食啦🥳

香港人　工時冠絕　困於彈丸之地　承受無邊壓力小酌一下　怡情　怡心元朗打冷附近一家酒吧以黑白雲石為設計重點門口正中央映入眼簾的酒吧距離適中的座枱及吧枱都彷似為元朗的晚上開闢一個放鬆的小天地------------------------------Long Island好飲~比例平衡但係唔好掛住傾計!!融左冰就無咁好飲~Godiva Chocolate係不善飲酒人士既恩物~原本以為會係朱古力色無諗過係白雪雪飲落的確好似飲緊白朱古力酒味係後調先慢慢滲上黎~面頭既cream令到杯野即使融冰都唔會淡左~而且顏值好高!! 平日晚但求輕酌微醺既呢杯係不錯選擇------------------------------炭燒鴨胸好食! 炭烤味十足而且燒既火喉岩岩好鴨胸燒太耐好易老但如果燒唔夠時間就唔容易夾生encore左2次　2次燒烤時間都控制得唔錯~茄子燒燒茄子呢樣野相信大部分串燒愛好者都仲意~呢間茄子燒都好食而且好大份食茄子燒最怕係調味料太多食落淨係得辣粉蒜粉孜然粉味!!!但係佢既茄子燒調味落落得好節制~可以食得番茄子味架!!黑啤豬肉腸腸如其名　真係好重黑啤味因為本人對黑啤一般所以呢條腸並沒有特別

呢間酒吧酒精類飲品有好多選擇，嗌咗 2杯cocktail - peach mojito同nothing，大杯兼精美，十分適合愛酒人士！嗌咗個拉面好有驚喜，除左個量夠多之外，面質同豬骨濃湯都十分有質素，唔輸比坊間既拉面店，蜜汁黑豚扒外香內軟，香口多汁，仲有兜蜜糖比你點！串燒方面我最鍾意雞子同玉子燒，平時打邊爐雞子就食得多，第一次食燒雞子，冇咁腥同埋口感更實淨，玉子燒甜甜地好好食。串燒嘅調味好正，好鍾意孜然粉！推介XO醬燒生蠔，d蠔幾大隻，夾埋足料XO醬一齊燒，十分香口多汁！整體嚟講非常推介呢間酒吧，嘢飲、串燒都好多多選擇，味道仲要高質素，性價比極高！

今日係元揾食，友人推介芝加哥串燒，一於入去試下！地方行大，但坐位闊落，有室內室外，啱晒鍾意呼吸嘅朋友！這裏以串燒為主，仲有幾十樣各式各樣的酒類飲品，啱晒鍾意飲酒傾偈嘅朋友！厚燒鰻魚，鰻魚外皮燒得很香脆，份量十足，魚肉亦很滑！原條燒茄子，基本上每枱都會點，蒜香味十足，不會過油，很有風味！用冰杯裝上的kirin 啤酒，係夏日炎炎真係透心涼！厚燒牛舌外皮燒得很香脆，入面亦很爽嫩！人均消費二百多元實在難得！店家座位不多，限聚令下繁忙時段要等位都係值得的！

［芝加哥串燒酒場 元朗］📍元朗金祥坊2號明雲閣地下A-B號舖-前幾日夜晚同fd去咗元朗一間氣氛幾好，環境都好唔錯嘅串燒酒場chill下放鬆下，今次已經係第二次去了，依然比持到質素🦦👏🏻👏🏻-炸拉絲水牛芝士條 $58外面炸得金黃香脆，入面嘅水牛芝士可以輕鬆拉絲～～-KIRIN-Original $62 Happy Hour-香蒜蔥花廣島蠔 $188鮮甜多汁，有好多蒜同蔥，夠重口味-香蒜燒鮮鮑魚 $148口感彈牙爽口，入口鮮甜-北海道生蠔 $328（半打）大大隻，幾鮮甜-香蔥燒蟶子皇 $98有咬口，夠新鮮-羊肉串 $23孜然燒羊腩串 $25烤得幾香，肥瘦適中-San Mig Light $39

酒吧業解禁後，終於可以同朋友盡情一齊chill 下🫶🏻 大埔芝加哥串燒酒場開到黎元朗！一定要去試試！黑色大理石裝修超華麗！仲有大電視播足球賽！岩哂波友！本Drink menu 好厚，花多眼亂！日本🇯🇵清酒🍶應有盡有！第時升職加薪一定要試吓飲［響］。記得以前係大埔分店飲過cocktail Snowball , 非常喜愛！所以都係支持下調酒師的創意和手藝！我是女生，愛吃朱古力🍫便點了以Godiva chocolate 來飲。友人聲稱自己是和尚，一生無慾無求，便點了名為Nothing 的酒飲。Godiva chocolate 🍫 (5/5)⭐️⭐️⭐️⭐️⭐️甜甜地☺️有少少Bailey 朱古力酒味，加埋面頭d cream, 似飲緊朱古力蛋糕🎂落肚～幾岩女仔飲！Nothing (5/5)⭐️⭐️⭐️⭐️⭐️Malibu 加菠蘿椰奶，pina colada 就飲得多，配蜜瓜汁真係第一次飲😍用左菠蘿乾、簿荷葉裝飾，賣相加分！飲落蜜瓜味好清新，飲多兩杯都無問題👍🏻時令即開生蠔(5/5)⭐️⭐️⭐️⭐️⭐️問咗侍應，生蠔🦪係用即日空運日本廣島蠔👍🏻，聽到［即日空運］咁就放心order la ! creamy 鮮甜！日本蠔就賣cre

芝加哥串燒酒場元朗金祥坊明雲閣地下A-B號舖今晚幾特別 10.31萬·聖之夜 氣氛幾好酒吧入面係有唔同嘅裝飾擺設營造一個1031氣氛 店員都悉心打扮唔同造型 頭飾 另外仲請左化妝師尼化左特別look！哈哈 因應萬聖節嘢飲都有啲唔同special Edition影相打卡 睇得又食得飲兩杯食bbqHalloween 蜂蜜青檸梳打碳燒牛扒(塊）鹽燒雞翼（2只）磯燒蜜椒雞翼串燒宮崎去骨雞腿（塊）玉子燒（4件）汁燒京蔥串韭菜燒(串）蒜蓉牛油燒大頭蝦(隻）咖喱魷魚串烤黑松露蝦串(2串）燒三文魚柳(串）鹽燒多春魚（份）燒雞泡魚干SpecialMojito

杯上杯落快快樂樂！基本上一個星期都會嚟最少一次，有得坐Outdoor，呼吸下新鮮空氣門口仲有位泊車好方便～串燒味道真係唔錯，火候啱啱好，但通常我哋都係食和牛，餐牌上淨係牛、豬，雞已經半版紙可以揀蔬菜類亦都好多選擇⋯⋯ Cocktail嘅話就爭少少🤏🏻冇我最愛嘅Dry Martini ，款式亦不太多選擇，但係杯Magarita都ok，有時比較淡，但係同返職員講，佢哋都會幫我哋加返啱味道嘅整體環境都好舒服，可以慢慢坐慢慢傾

下班後我和媽媽血拼得盡興萬分，我們讓那興致繼續延伸下去，去芝加哥串燒酒場小酌一番，吃吃燒物，把酒言歡，芝加哥串燒酒場過百款燒物供應，任君選擇。蒲燒鰻魚串一口咬下，脆裂的魚皮就發出悅聽聲響，我邊沉醉於這美妙聲音，同時邊吃到蹦脆的魚皮，還有其下那豐腴柔嫩的魚脂以及甜美的鰻魚肉，蒲燒鰻魚串賦予味覺和聽覺的滿足。廚師掌控火侯了得，香蒜燒鮑魚燒得恰如其分，鮑魚新不新鮮就要看咬下去的那一瞬間，香蒜燒鮑魚那彈舌口感至今仍令我回味無窮，蒜香滲透鮑魚中，那美味程度恨不得再多來幾隻。厚薄剛好的鹽燒牛舌心，只需要海鹽調味現烤，牛舌心那份美妙教人垂涎三尺。一口咬下鹽燒牛舌心，嘴巴濃濃牛肉香，至今仍難以忘懷屬於牛舌心獨有的風采，口腔中的鹽燒牛舌心有著脆彈感，香嫩多汁，叫人多來幾串。黑糖雞脾肉串顛覆我對串燒醬汁的使用認知，雞腿串刷上甜滋滋的黑糖，烤到外層有焦糖的效果，在炭火加持下濃郁的黑糖全都滲到雞脾肉裡，雞脾肉嫰彈不乾柴，黑糖增添雞脾肉的味道層次。甜中帶彈的香蔥燒蟶子王，燒的熟度和時間都抓得恰恰好，蟶子王水份足，厚肉彈牙，香蔥帶出蟶子王原始的海鮮鮮美度，使人猶如置身海洋中。芝士黑松露大啡菇的火侯有控制好，大啡菇

環境西式, 比較有睇球既氣氛. 圓桌我覺得會坐得辛苦dd. 串燒價錢不貴, 平均40-50元左右.藍色杯係The Sexy Monica 我覺得幾唔錯, 甜甜地, 酒味唔算重.偏清新既口感. 有小小氣. 紅色係Sea Breeze.就帶有小小甘苦既味道, 小小酸甜個人推薦The Sexy Monica.串燒出得算快, 無燒到好老, 我覺得火侯岩岩好, 小鮑魚唔錯, 口感彈牙同埋唔重金屬味.玉子燒反而覺得有小小硬, 內身有小小老. 牛扒燒得好好, 大約可能7-8成熟左右, 口感唔會硬.易入口同埋味道岩岩好, 如果想重味小小可以點下醬.牛仔骨就硬身返小小,  燒得岩岩好, 本身肉味反而唔算太重, 點下醬食會更好食.羊架偏香, 口感小小硬, 羶味唔算重.整體黎講係睇波好去處, 主力推薦都係cocktail!不算太貴 , 人均消費300左右.

兩公婆👫今晚麻甩下食串燒, 但就唔係街頭串燒, 係酒吧環境下食, 感覺完全唔一樣, 舒適悠閑😄1/ Magners Original Apple Cider🍺 $58你平時飲到嘅Apple Cider多種酸果味, 反而仲易入口同襯托到串燒👍🏾2/ San Miguel Negra🍺 $68黑啤麥味就一定比較重, 而我就好中意個份麥味, 爽呀！3/ 薄燒安格斯牛肉葱串🐄 $32牛肉薄切重味但配上葱立即兩者中和4/ 黑毛豬腩串🐖 $23肥瘦度岩岩好, 食落油脂味高😋5/ 雞肉軟骨棒🍗 $28雞肉軟骨點埋生雞蛋食好滑身😋6/ 黑糖雞脾肉串🐓 $22食落啖啖雞肉, 燒得好入味7/ 茄子燒🍆 $35食串燒點可以冇茄子, 茄肉燒到淋哂, 我最中意捲起黎食😋8/ 韭菜燒🌱 $15呢個抵食就緊係要叫啦, 新鮮韭菜既食👍🏾9/ 芝士黑松露大啡菇🍄 $45兩大隻大啡菇, 內裡仲係好Juicy 😋10/ 枝豆🫘 $29同樣地飲酒一定要有豆, 等野食期間食就最好不過！11/ 鹽燒鮮竹鱔串🐠 $58比較多骨, 但鮮味十足！必叫之一！12/ 巨型甲羅燒🦀 $99滿滿蟹肉加蟹膏, 如果拎黎撈飯真係不得了！13/ 浦

Happy Friday 又係要搵一間餐廳chill下～經朋友強烈推介下就同佢去試下啦，酒吧位於元朗嘉城廣場後面，酒吧裝修以黑色為主。坐低一人叫番一杯桂花麒麟啤爽一爽！桂花味甜甜地好岩女仔飲，易入口～🍻🍻🍻串燒種類好多，今次叫咗蔥燒生蠔、XO醬燒鮮鮑、咖哩魷魚串、燒三文魚柳、一口和牛串、安格斯牛肉露荀串，孜然燒茄子🍆今次叫咗4隻蔥燒生蠔，完全唔夠喉，生蠔隻隻飽滑充滿海水蠔味，火侯掌握得好好，而且每隻生蠔都鋪滿咗滿滿既蔥花！！一口和牛串醃得好味，肉質偏軟淋唔會好韌🤩燒茄子絕對係必叫既串燒好物～茄子叫咗小辣加上大量孜然粉非常惹味！第2 round我地簡咗食串燒必點既鹽燒白鱔串，肉質實淨夠新鮮，燒鱔皮燒到乾身脆口，撒咗少少海鹽已經好滋味😋😋😋安格斯牛肉露荀串牛肉包裹著新鮮露荀，牛肉油脂滲透哂露荀到，牛肉外層唔會燒到老哂，好好食😎😎😎

( ͡° ͜ʖ ͡°) 芝加哥串燒酒場——香港嘢——❝ 元朗串燒酒場飲飽食醉多款串燒重有𝚑𝚊𝚙𝚙𝚢 𝚑𝚛 ❞去開元朗同朋友搵個地方飲酒食野吹水見到有間暗黑系型格串燒酒吧靜靜地又坐得幾舒服～我哋叫咗好多串燒share😋私心推薦🌟✿ 健力士黑啤腸 $26 🌟燒得非常惹味 豬肉腸彈牙有口感～✿ 燒豬大腸 $28🌟燒到皮好脆身內裏軟彈 正呀！✿ 燒阿波美雞肝 $29🌟本身好鍾意食日本雞肝好有口感 好味～✿ 原條茄子燒 $35 🌟配以香濃孜然粉同蒜蓉調味再燒一燒 好香口好滋味～✿ 鹽燒鮮白鱔串 $58🌟哩個真係要讚！白鱔好厚肉 火喉燒得剛剛好 鱔肉彈牙有口感 鹽燒調味夠入味再加少少檸檬汁提鮮 好好食🤤✿ 炸厚切薯片 $19🌟炸得脆口薯仔片 外型好正調味夠哂惹味～✿ 烤魷魚 $20🌟好香口鹹香味濃 送酒真係絕配一流！我哋encore咗～正✿ 鹽燒牛舌芯 $33✿ 金菇牛肉卷 $28✿ 炭燒豬頸肉 $22✿ 蔥燒半殼扇貝（2隻）$48✿ 鹽燒多春魚 $28✿ 孜然羊筋腩串 $25✿ 燒和牛胸爽串 $32總括串燒調味香濃入味 辣度可以選擇好多款式揀～✿ 麒麟生啤 $62 HH生啤新鮮又夠汽一邊食串燒一邊飲啤

3號波都無阻我搵好嘢食嘅決心(⁎⁍̴̛ᴗ⁍̴̛⁎) 前排經朋友介紹咗呢間bar 係難得環境+食物都一流嘅bar🤭 個到地方闊落舒服，見到有家長帶埋小朋友嚟都一樣得~ 下次我都要帶埋一班好朋友再去睇波happy😍講下食物先，同frd兩個人chill左成晚 埋單$1002 🙆🏻‍♀️ 人均嚟講可能係偏高少少，但跟返個環境同食物質素 成件事又好合理🤣等我同大家一齊回顧下我個food list 😙~汁燒牛小腸🐮 安格斯牛肉蘆筍串🐮燒韓式牛肋條串🐮 炭燒豬頸肉🐷培根年糕串🍡 風味燒雞腎串🐔芝士黑松露玉子燒🐣 燒大啡菇🍄蒜蓉牛油燒大頭蝦🦐 燒原隻魷魚串燒🦑燒雞泡魚乾🐡 鹽燒雞軟骨🐥炸拉絲水牛芝士條🧀串燒可以簡5個辣度 我地簡左BB辣 夠哂惹味又唔會太刺激！仲要勁多選擇 真係好正🥹特別推薦✨🍴炭燒豬頸肉 ( ̀⌄ ́)撒上孜然既豬頸肉 燒完一啲都唔乾 啖啖都充滿肉汁 而且完全唔會燒到好硬咬唔到 入口有被驚艷到~ 芝士黑松露玉子燒 ( ̀⌄ ́)一份有四件 好岩同朋友一齊開心share 每一件都放滿黑松露 一啲都無孤寒 玉子燒都好紮實，大 滿 足 ( ´ ▽ ` )ﾉ燒大啡菇 ( ̀⌄ ́)平時食開大啡菇可能都係就甘加芝士