船皇 (謝斐道) (已結業)

新開左冇耐，點都要黎打下卡既XD講真，唔飽(我地已經唔係叫12蚊個隻)，可能因為我做完運動黎XD,但味道唔錯我地叫左:【辣】牛肉丸+牛腩(無哂)+牛肉片 湯河 $52個湯濃既，河粉係闊身個隻，唔算好掛又好索湯，同埋佢今晚無牛腩【小辣】豬肉丸+豬肉+豬潤 湯米 $48可能我食左辣先，再食呢個小辣就覺得差梗尐... 但加左佢泰式酸汁同乾辣椒就好尐泰式炸蝦卷 (3件) $22呢個係第一個上枱既，我覺得佢個面比較燶，食落都覺得佢有尐over左，不過22蚊有3舊，算幾好串燒沙律雞肉 (2串) $22見人地叫，我又唔飽就追加呢個，聞落幾香既，食落唔“鞋”，但唔可以講得上juicy, 沙嗲味亦唔算話好重青檸梳打 $15個杯都幾得意既，但枱細，所以其實用傳統高身杯會好少少不過咁，除非銅鑼灣無左榮記同文輝，否則係銅鑼灣食粉麵應該唔會諗起佢

最近行開銅鑼灣，見到呢間新開嘅餐廳。人流都幾多下。諗住試一試。但點知上網睇評論一般，似乎好多人唔賣佢賬。諗咗一陣麵係試下。天時暑熱，呢入面都幾舒服，即使人多，但都好夠涼爽。裝修別緻，位置舒適，唔會好逼。門口外有個電視使緊介紹。睇睇個餐牌，有湯麵，有撈麵，仲有小食。而麵應該船皇係招牌菜。呢個係青檸梳打水，係原味梳打水，無乜味道，唔甜，差少少。泰式凍奶茶，非常出色，奶同茶完美混合，凍而唔駛落冰沖淡佢。主角登場，湯船皇，好多料，有牛肉，肉丸等，重點係個湯，味道一絕，配合個滑溜嘅金邊粉，一流。另外一個，撈船皇，亦是贏在個汁醬，令成碗麵加添風味，生色不少。埋單150都唔駛

I am a big fan of soup noodles, and that’s why I find boat noodles very adorable. However, portion of boat noodles is usually quite small, which is not enough for a proper meal. But this time, I found this boat noodles at Tiew Ruea Tor Charm huge and filling.For HKD$58, you have all the toppings in the restaurant to go with your boat noodles - beef, beef belly, beef meat ball, pork, pork meat ball, pork liver, chicken wing and shredded chicken, how awesome is that? Even though you only get one o

呢道選擇不多，只有4款湯麵同4款撈麵選擇，小食都有9款，算多！如果叫麵可以+錢跟餐叫埋嘢飲架！今次我為左試晒所有款式就食左三款細碗，每碗其實真係可以一啖食晒🤣，好在唔肚餓，餓真係起碼要食6-7碗先會啱啱好(未飽, 有嘢到肚果種😝)， 試完真係要推薦下大家呢道嘅湯麵，個湯嘅味道好正，金邊粉嘅質地亦非常好咬口！牛肉片+牛腩+牛丸金邊粉非常推薦，但飲品應該泰仔奶茶或汽水會好飲好多😝，大家有時間不妨去試試丫！

船皇殺到香港🇭🇰雖然去唔到泰國食😜黎左香港想食就方便得多啦🤓仲要開左係鬧市地區銅鑼灣🥳講番食物先🍜有大、小碗之分😉既然黎到叫碗大啦揀左牛三款🐮即牛腩、牛肉片、牛丸牛腩幾腍😚牛肉片即肥牛🥩份量都唔少除左有闊身河粉揀之外☺️仲有蛋麵、米粉、金邊粉選擇🤗健康D揀左米粉😁白白的米粉完全被湯染哂色😍小妹相信米粉最索湯底味道😙而且湯頭味道濃郁到不得了😋如果只想過下口癮有小碗叫🤑都係$12一碗

經過幾次都冇機會試 早兩日特登揀6點零冇乜人嘅時間去銅鑼灣試試佢 好意外 完全唔係船麵嘅船麵 😑 湯底奇淡得嚟仲有奇怪嘅假甜味 一定少左啲主要材料 食到底都見唔到有蒜頭 炸豬皮唔脆 豬肉係柴皮咁乾同嚡 我冇食豬膶評論唔到質素 唯一係豬肉丸同金邊粉正常 唔明點解咁都夠膽開喺咁貴租嘅銅鑼灣 連曼谷求其一個foodcourt 嘅船麵都比不上 只能叫一碗泰式風味嘅金邊粉 勝在夠平真心建議各位如果真係想食呢間船麵一定要叫辣 最少可以覆蓋到佢嘅假甜湯底同埋會冇咁覺佢奇淡 冇咩事我都係去番灣仔西環食船麵算啦

乜都唔好講住講咗個凍奶茶先 之前喺其他食評都見到佢用呢個泰國嘅缽載住 如果大家對泰國比較熟識嘅話 都知道呢個唔係一個食具 呢個叫做 ขัน kann 泰國人嚟講係愛嚟拜神 呢即係 浴佛節嗰陣 用呢個咁靚嘅撥嚟載住啲水 然後用嚟浴佛又或者在住啲水然後浸住啲花 和尚會用嗰啲水嚟幫人祝福 講咁多都冇鬼用㗎喇 總之冇人愛嚟飲嘢 非常建議你用返一般嘅杯 講番碗麵 今次叫咗船王麵 即係乜嘢都有 個湯底非常之ok 上面啲餸勉強合格 係塊豬皮浸耐咗之後太韌 咬唔開 其他都ok冇咩特別 叫咗個小辣 都真係得好少辣 要自己再加辣椒粉 話時話檯面只得三兜調味料 有啲奇怪 去過正宗食船麵嘅地方嘅人 都知道一定有四兜 有乾嘅辣椒 魚露 檸檬汁 做一定有一兜糖 你可能覺得香港人唔會落糖 你可能啱嘅不過就爭啲精髓囉 仲有你呢兜魚露 你嗰隻羹仔細到不得了 要人逐啲逐啲咁樣針落去 你係買返嚟嘅時候佢已經配一個咁嘅更仔呀 定係你想慳住唔想畀人落咁多 唔係有心挑剔你咁多 不過你收得呢個價錢應該細心好多

對泰國不熟識，所以不知「船皇」在泰國🇹🇭是不是很出名，但既然係香港第一間店，所以同朋友走左去試。 看完餐牌，唔知食咩好，所以叫了一個船皇湯麵（因為咩餸都有）。上枱後，原本船皇湯麵係有豬潤，但正好今天餐廳無豬潤，而我又不食豬潤，所以正好😅餐廳話因為無了豬潤，相對會多左豬肉丸或其他餸⋯對女生而言，一碗湯河加一「碗」奶茶係已經夠飽，但男生一碗可能未必夠飽。味道上，湯味夠濃，加上粗身河粉，連湯食好食！叫了一杯奶茶，竟然係用碗上😱味道唔錯，加上無冰，所以飲到尾都唔會淡同朋友叫了兩個小食，串燒豬肉可一試，但份量較小，炸蝦卷粉較厚、味道普通。價錢上，兩碗船皇、2碗奶茶、2小食，在銅鑼灣這地方，只要$196，算合理！衛生方面，一直都有一隻烏蠅飛嚟飛去，一邊食一邊撥⚠️注意：因為係可以撘枱，所以其實好多顧客都食完就走，如果想坐耐少少或傾計嘅朋友，就不適宜在此「聚會」。

午餐搵新野食，走到呢間新開嘅船皇，主打泰式菜。餐牌主要係麵食🍜及串燒🍢 第一次食都係揀d餐牌推介嘅食😃首先揀左船皇湯麵，配料十分豐富，有牛腩、牛肉片、牛丸、雞絲、雞翼、豬肉、豬潤及豬肉丸😍 麵可以揀金邊粉、米粉、河粉、蛋麵🍜 仲可以揀辣度🌶️先試金邊粉小辣😎先講湯底，有泰式風味，湯底濃，你仲可以自己另外加調味，幾正！少辣其實完全唔辣，下次可以叫中辣😝我鍾意意食丸類， 泰式嘅細細粒又彈牙。 肉片帶點肥膏，所以唔會鞋😗 雞翼夠入味，但就老咗少少。整體都幾好食😋船皇撈麵配料同船皇湯麵一樣, 揀左蛋麵。麵質幾爽口，撈埋辣汁好惹味。唔同風味😋點少得叫返杯泰式奶茶，泰式嘅味道，凍飲個杯好似個碗咁，好搞笑 。不過我個人喜歡茶味濃，如果濃啲就好了。午餐幾抵食，值得回頭👍

知道泰國的船皇黎左香港開分店之後，即刻約左同事一起去試下！船皇係泰國都幾出名，而且有好多分店。香港的的船皇分店裝修都挺雅致，而且座位都挺舒適。餐廳主要都係食船面為主，不過都有一些泰國的小食同飲品選擇。而船面都有4款的面可以選擇，包括：金邊粉，米粉，河粉同埋蛋皇面。船皇湯麵：船皇湯麵的配料十分豐富！包括：肥牛、牛腩、牛丸、雞絲、雞翼、豬肉、豬肉丸和豬潤，真係可以一次過試曬咁多款。首先湯底味道濃郁亦很正宗！相信熬製的時間都唔短。湯河粉和能吸收湯底味道。船麵配料各有千秋，其中我覺得做得最好的係牛腩！牛腩軟霖，而且重牛味加上有少少牛根。雞翼和雞絲湯麵：湯底和河粉的味道依舊濃郁並沒有什麽不一樣，但配料就是雞翼和雞絲。雞肉絲絲分明，加上雞翼滷得好入味，值得一讚。泰妹雞翼：小食都一樣整得唔錯，雞翼皮脆肉嫩，配埋泰式辣醬十分惹味。連飲品的用具都好有泰國特色。

船麵近年在香港愈來愈流行，港九新界處處開花，以下便是值得一吃的餐廳。環境以泰國民居常見的淺橙色為主，不逼狹, 很舒服。船皇船麵, 價錢不算貴, 自 配 7 款 粉 麵:河粉、米粉、蛋麵、粗蛋 ，配搭非常靈活。湯頭與粉麵都是靈魂, 這種深棕色湯底、配料為豬牛肉片、豬膶、炸蒜、牛肉 丸、豬肉 丸, 雞絲、雞翼、芽菜的湯麵，相當足料！深沉濃郁，啖啖惹味, 鮮甜濃郁, 米粉煙韌爽滑，做得出色。另外套餐加錢, 飲咗杯凍柚子檸檬梳打, 用鐵碗來盛載, 有泰國特色, 入口清涼鮮甜

位於銅鑼灣謝斐道526號地舖的船皇，主打泰式粉麵，佈置頗有泰國風情，侍應也穿上了夏老威服裝，頗為有趣。餐廳的粉麵價格頗經濟，五十元便有一碗，所以有不少上班族中午來到吃午餐。今次中午來用膳，入座率約有八成。落單時，客人可在四款麵裡選擇一款，餐牌上有著四款麵的圖片。而且店員也會詢問需要的辣度，有大辣、中辣、小辣、走辣四款辣度。船皇撈麵 (大) 來到了，落單時選了金邊粉和小辣口味。這款船皇撈麵的配料豐富，有豬肉丸、豬肉片、炸豬皮條、牛肉丸。個人喜歡把辣醬攪拌均勻，再享用。小辣的辣度十分溫和，味道甜甜辣辣的，旁邊還有一些爽口的芽菜，令整體口感更加清新。順便一提，餐廳稍後才會推出小碗裝的麵，約十多元一碗，份量約兩三口。🙆‍♀️泰式凍奶茶用一個充滿泰式感覺的冰碗盛著，口感冰涼滑溜，奶味比茶味更重，味道不會太甜。串燒泰式豬肉丸子燒得頗香口，新鮮熱辣，口感實淨不咬口，頗濃肉味，點上旁邊微甜的特製醬料，更能吊起肉的鮮味。串燒沙嗲牛肉和雞肉，即點即燒，熱騰騰，旁邊的沙嗲醬味道鹹香，頗惹味，點串燒一流。牛肉的質感不會太韌，如果雞肉串燒能再濕潤少許便更佳。

放LUNCH時間見到有間新開既餐廳係食泰國船麵,重自稱係『皇』一於去試下。一個船皇湯麵蛋麵+柚子檸檬梳打,一個船皇撈麵蛋麵(我的) +熱泰式奶茶。 + 串燒沙嗲雞肉**麵底方面,佢係有四款麵選擇,可以反轉個MENU睇**超鍾意我個撈麵!!!!!!!個人認為係比湯麵好食得多,咁簡得船皇麵就係咩材料都有D,咩都可以食D。大讚佢個秘製醬,無論湯定撈麵都有嫁,味道超濃郁,用黎配我個撈麵一流,又讚下佢個雞麵,好爽口彈牙,口感勁高分,配埋雞絲醬汁撈埋,YUMMY YUMMY泰式奶茶,唔知大家有冇飲過茶理史呢?大概就係果隻味,佢地既甜係練奶既甜。柚子檸檬梳打,一上檯估唔到個盛器係咁,又幾盏鬼。串燒沙嗲雞肉,個沙嗲醬係我鐘意既味道員工制服又幾搞笑,唔知係咪想帶比客人泰國既感覺呢?船皇地址:銅鑼灣謝斐道526號地舖電話號碼:26616880營業時間:星期一至日11:00 - 23:00

Searched "new restaurants" to try in Causeway Bay and several selections came up.  Tiew Rua Tor Charm is one of them and without hesitation I chose this as I love boat noodles.  Although there're few reviews, I thought nothing could go wrong with boat noodles.The restaurant is spacious and staff are friendly.  Menu is clear and simple.  The staff told me $12 noodles isn't available today.  $12 noodles....wonder what the portion is like. Noodles with Beef $523 beef balls and 4 beef brisket with 2

之前見佢賣廣告話係最正宗船麵 所以稔住試下係真唔係去到門口佢地都係咁講 叫左個一號豬肉豬肉丸蛋麵 對我就無乜特別既 七點幾去到食 唔洗等位仲有都唔少位 但發現都有唔少人走入黎試新野佢係就用電話落單既 但啲服務員就唔係好熟個app 但兩個人食一百蚊算係咁