船皇 (謝斐道)

营业中

休息中

We were old customers. This year, when we come inside and tell the waiter we are two, Then the waiter yelled at us, saying "this table", just like he would yell at a beggar or dog. it's nonsense, So we just leave this restaurant and never come back.未食過一間餐廳咁寸，澳牛都無咁寸，入去第一口嘢，企係度好聲好氣個金毛男侍應講兩位，佢好似當我地係狗咁喝：呢度！尖沙咀重有開果陣都唔係話特別好招呼，不過都正常發揮，銅鑼灣呢間直頭當人係狗咁看待。D嘢幾好食都無用，搵幾多___番黎比你好評都無，你個侍應係當人係狗咁呼喝，而且我地係好聲好氣自問五官端正果隻斯文客，我本人就唔想受氣，直接去第二間食。

「船皇」🛳️喺泰國當地有成50間分店，作為過江龍船麵品牌，過左嚟香港都一段時間，次次想食船麵既時候第一時間都會諗起佢😆真心呢間餐廳幾抵食，－個人食飯都可以試到好多款唔同既嘢，真係選擇困難症人士嘅福音嚟架😂😂聽講佢仲全新推出咗潮式牛腩船麵，等我下次過嚟再試埋先😍

豬肉丸加豬肉片加豬潤湯麵 - $48好欣賞個湯底好濃味加咗辣，但感覺可以再辣啲豬膶好爽口，唔會整得過熟中間好淋，咬開好香呢個豬潤真係好好食豬肉片都唔算多肥膏同埋都幾滑豬肉丸正正常常麵底揀咗米粉幾索湯不過呢款唔係滑米粉食落就有少少鞋口牛肉丸加牛腩加牛肉片湯麵 - $52呢碗就揀咗金邊粉金邊粉嘅軟硬程度適中牛腩同牛肉片都幾有牛味不過就略嫌有啲鞋口呢個有待改善泰仔凍奶茶 - $21好掛住呢個Thai Tea嘅甜係令人可以接受嘅甜-凍檸檬茶 - $18有別一般茶記嘅凍檸茶佢係有陣好似Thai Tea個種甜嘅茶味幾特別

午餐叫左個雜錦船麵天氣好凍但本身鍾意食撈麵結果好快凍晒碗麵既賣相基本上就係丟晒啲餸烚熟左上菜食落佢加左啲香油都有啲味既不過肉質柴啲比較可惜係個麵底好細加左$8嗌泰茶叫左熱既味道唔錯係個底沉左堆糖後來先發現佢凍泰茶用碗上又冇冰早知叫凍可惜應該都唔會再去呢間食

點左牛舌、牛柳粒串燒同一碗船麵。上菜速度快。船麵金邊粉煙韌，牛骨湯濃味。但係服務非常一般，侍應比較黑口黑面。而且牛舌係涷嘅⋯⋯牛柳粒好韌同燒得over左。下次應該會考慮去其他餐廳。

上堂前有一個鐘時間食飯，甘岩見到呢間有任食串燒的泰國船麵餐廳，真係覺得好有新意，二話不説就去試了。叫一碗船河就可以加$68任食串燒。其實個船河都好大碗，湯底不會過甜，調味ok，但河粉好粗，而且比較難消化。我係衝著串燒去的，基本上叫左menu上大半的串燒，有牛柳粒、魷魚、瓜類等。落完單等幾分鐘就有，厨房好快手。所以我都叫左兩輪。最好食係魷魚。呢個價錢不貴，過下口癮又不錯。

牛骨湯船面和泰式碗裝檸檬茶、奶茶☕️！我點的炸雞髀湯河粉（$52）、泰仔凍奶茶（$21）炸雞髀雖比較油膩，但肉汁合格的，河粉厚厚的質感。碗裝的飲料有另一番風味，甜度比較低合我心意。K先生點了車仔蛋面：雞腎、陳皮魚蛋、牛柏葉、清湯小辣（$48）、凍檸茶（$18）雞湯清爽不油膩，配特製的辣醬，小辣是正常的小辣的程度。雞腎保留到應有的鮮味，沒有醃制過量。凍檸茶是泰式的，期望港式凍檸茶的需要注意喔，畢竟是泰式餐廳🇹🇭炸雲吞皮（$12），期待鹼水味的肯定喜歡船面份量一向偏少碗，正常可以吃兩碗哦，見很多食客也+$68享60分鐘任食串燒，選擇也有很多，我和K先生都不太餓就沒點了。

其實成日經過，佢亦開咗唔短嘅時間。因為之前食過覺得佢偏咸，就冇再去。加上附近實在太多選擇，見佢個餐牌樣好似唔同左，終於再嚟食吓佢🫡🫡🫡下午茶時段 係唔洗等位嘅，直入坐低，就已經有紙筆，自行畫單，呢個時段得一個樓面哥哥一腳踢嚟講 服務係ok 同埋 屬於快👌👌💪🏻💪🏻食物出品佳，下午茶餐 - 1主食1小食1飲品，份量足，豬皮放湯度都夠脆。今次食雞，雞翼讚銅鑼灣 性價比 算幾好，可以再試 🤭🤭臨走先見到佢有個串燒放題，下次會夜晚去朝勝吓先。

早前在銅鑼灣上班，同事們一齊食飯， 來到一間以正宗泰國🇹🇭船麵為主題的餐廳！其中吸引我的是全新推出了的潮式牛腩，以清湯燉煮而成的牛腩，口感肉質鮮美，軟腍剛剛好，十分之可口又惹味！加上配合了泰式船麵湯底，使我垂涎欲滴🤤！另外二人餐更有個小食併盤， 多款香口炸物極滋味！聽店員說原來食大碗船麵或精選飯，就可以用限定優惠價$68升級串燒放題任食60分鐘，下次都要再來喔！船皇📍地址：銅鑼灣謝斐道526號地鋪

「船皇」系泰國當地有成50間分店既過江龍船麵品牌，過左梨香港都一段時間，次次想食船麵既時候第一時間都會諗起佢😆行開附近突然又癮起，即刻入去嗦番碗麵🍜先👉🏻而家食大碗船麵🍜或精選飯，仲可以用限定優惠價＋＄68升級串燒放題任食60分鐘😍😍我咁食得就梗係加$升級喇😍佢有串燒雞、豬頸肉、燒菠蘿、燒粟米、娃娃菜、牛柳粒、雞軟骨、鮮菇、豬肉、雞腎⋯⋯等等可以揀最估唔到連陳皮魚蛋、豬大腸都有👍🏻都算幾多選擇❤️燒陳皮魚蛋真係好出色😋佢－串既size唔會好大，我呢d様樣都想試但又食唔哂咁多就最岩😂所以我幾乎每款都試勻哂😆值得－讚係我落單落左幾多串，上枱就有幾多串，上菜速度仲幾快👍🏻👍🏻呢間野呢個價錢真心幾抵食，－個人食飯都可以試到好多款唔同既嘢，真係選擇困難症人士嘅福音😂😂聽講佢仲全新推出咗潮式牛腩船麵，等我下次過嚟再試埋先😍🚢船皇📍銅鑼灣謝斐道526號地舖港鐵銅鑼灣站D4出口,步行約2分鐘#香港探店 #香港美食 #香港打卡 ＃船皇 ＃船麵 #Torcharm#銅鑼灣美食 食#泰國菜 #泰國餐廳推薦

最近見到身邊嘅朋友都周圍飛，搞到我都想飛埋一份✈️ 可惜呢排都多野做行唔開，心心念念嘅泰國之旅要暫停一下🥹不過俾我發現咗即使去唔到泰國住都一樣可以食到好好味嘅船麵😍 仲有任食串燒添🍢1️⃣ 船皇湯麵 🍜揀咗小辣嘅金邊粉，食落幼身得嚟好滑，湯底好濃郁亦唔會太鹹💓而配料有牛腩、肥牛、牛丸、雞翼同豬膶等等，份量多到差唔多ᴄᴏᴠᴇʀ哂啲粉，好吸睛😍 雖然有蔥花但唔係好多，如果可以多啲就好啦🤩2️⃣ 牛腩+牛肉丸+牛肉片 船麵 🐂成碗麵都係以牛為主，上面仲有塊炸豬皮，脆卜卜好香口，有一半唔覺意浸咗落湯度即刻”渣渣聲”，但係食落一樣咁好食的😚牛腩肉質鮮美，軟腍適中，好好味🥹而少辣真係得好輕微嘅辣，但係正正因為咁就更加凸顯出有好濃嘅牛骨湯味🫢3️⃣ 泰仔凍奶茶 🇹🇭好驚喜好驚喜好驚喜‼️ 好少見凍飲唔加冰🧊 完全無溝稀過茶味點都濃啲，但又唔會死甜👍🏻4️⃣ 任食串燒🍢等我戴翻個頭盔先🪖 雖然做唔到串燒店嘅味道，但係都好好食嫁，串燒款式超過20款，又可以任食，我覺得完全對得住個價錢🙌🏻燒菜燒肉燒水果乜都有，款款都各有特色～ 而附上嘅醬汁係甜甜地又辣辣地嘅沙嗲汁，好過癮🤣㊙️㊙️㊙️學生同銅鑼灣某部分員工仲有9折優惠添😍

話說每星期都會送囡過嚟上堂，喜愛船面嘅我總會搵幾日嚟食碗麵，邊等個女放學。今日難得有frd陪我等，梗係帶佢嚟食我到時至鍾意嘅船面。事實上，船面我最緊張就係個湯，每次我都會先飲幾啖，由於湯好影響到個粉。雖然對於船面未算上專家，但都好有要求。呢度嘅船麵個湯算係中上，啲粉朔左啲湯別好食，加上餸嘅份量都好多，所以整體嚟講都好滿意。另外，小食方面，我地仲叫左酸辣鳳爪同埋炸豬皮，個人比較滿意炸豬皮，不過由於太邪惡，所以都係唔敢食太多。

叫咗一個船面 一個撈麵 加串燒放題船面味道正常 撈麵黎到乜汁都味 原來要自己撈支所謂既撈麵汁係杰身甜豉油⋯所謂既串燒 其實係油炸串燒 全部肉都無肉味 本身咁平都預咗唔會有咩好既肉 但係每一串都係得油味 滴緊油 頂唔順要用紙巾索油 索完串肉都仲滴緊油除咗油 啲串燒一啲串燒既調味 鹹味都無 沙嗲醬都係紅油 完全無味 擺係底既串燒好似金字塔咁 頂層既油流晒最底 又花生油又沙嗲紅油 食完成口都係油如果想中風或者飲花生油真係可以一試 第一篇食評 救得一個得一個 見字請quit

放工搵野食，入咗呢間店。本身都無乜期望，一個人食要求唔多。見到餐牌寫住「廚師推薦」，就揀咗船皇湯麵配河粉，加個秘制通菜。一見到碗麵有啲驚喜，啲肉好吸引，多到蓋過啲河粉！啲湯濃度適中唔會太咸。河粉係粗河粉，唔會黎到淋晒仲有咬口值得讚嘅係店家嘅誠意，碗野有牛腩、肥牛、牛丸、雞翼、魚蛋、豬潤好多料，只係$57🫢唯一美中不足係通菜份量少，不過$14一碟，好似都合理。同埋秘制醬太少，唔係好夠成碟通菜。唔講咁多，睇相～

去完泰國番黎真係好掛住泰國既船麵見人話呢間好好食 見OpenRice評分都唔錯因為比較趕時間堂食唔到就買咗外賣其實外賣嘅話都預咗冇堂食咁好味但依間連湯底都搞唔掂‼️‼️淡到似食緊滾水烚河粉‼️‼️叫左一個豬肉丸豬肉片豬潤河粉豬肉丸有 3粒普通啦豬肉片兩塊碎上 豬潤 3塊其實＄48都ok如果唔講個味道😂但個豬潤真係一眼望落係💢極唔新鮮💢食落去係硬到趙唔到唔知個廚師平時有冇食下自己煮既野真係難食到擺唔到入口🤮同埋個店員有問我要咩辣 我話中辣 唔知佢d辣係點衡量 我就食唔到有辣啦 完全冇泰國個種船面既味同真係只係覺得成碗係落左老抽黎教色既滾水煮河粉🤮🤮