船皇 (謝斐道) (已結業)

lunch time 突然想食泰國菜，同事同我講附近有間食船麵既幾好食，即刻好有興趣。有撈麵同湯麵可以選擇，我簡咗撈麵，而朋友食湯麵，咁share食就兩樣都可以食齊。麵仲有分大細碗，麵底都有分4款比你選擇自己鐘意既口味，兩個都叫左大碗。我既船皇湯麵，雞翼、牛腩、肥牛、肉丸、雞翼同豬潤，齊哂咁多款，好豐富。湯底好濃既牛肉味。雞絲+雞翼撈麵唔會好乾，有足夠既醬料令麵食落都濕潤，雞翼好入味。單邊雞翼好夠味，帶d辣，本人唔太食得辣就覺得好辣，對朋友黎講就岩岩好。炸蝦卷，非常滋味，外層炸得好鬆脆，咬落去仲有薯仔絲真係好正，大大隻蝦好有鮮味。泰式奶茶呈橘紅色，甜度適中，十分香滑。都真係幾唔錯，食泰國菜有個主食加個小食同飲品都係人均$80 都算幾抵食。會再約同事黎食。

上星期放假同朋友去左銅鑼灣，行街前就醫下肚就去了船皇了！環境不算太大，但勝在服務好。船皇湯面：依款湯麵只有大碗選擇，價錢與其他湯面吾會相差太遠；材料也比較多，包括：牛腩，牛肉片，牛肉丸，雞絲，雞翼，豬肉，豬肉丸，豬潤。而麵方面也是食客可以自選的，本人就揀左金邊粉。金邊粉份量好多而入口好滑又飽肚！丸類彈牙，肉片不會太乾，牛腩又夠林，整碗湯底好吃；我也不停讚呢！牛腩＋牛肉片＋牛肉丸湯麵：如果怕太多材料，可以試下依款湯麵；朋友就揀左河粉作麵底，河粉是採用粗條式河粉，食落很滑口。泰仔凍奶茶：超香滑!！奶跟茶比例平衡，唔會過甜。凍柚子檸檬梳打：很解渴的飲品，味道很清新！泰式炸蝦卷：共三件，蝦卷外皮好脆口；而入面既蝦又爽口！炸雲吞皮：雲吞皮為薄，炸至脆卜卜。

🔎銅鑼灣謝斐道526號地舖 *「正宗泰式船麵，足料湯底，再三回味」- 船皇.雞翼雞絲湯麵($48)湯麵勁濃，雞翼雞絲都夠哂料。而且雞翼都幾大隻，重要係份量都唔算細碗。朋友都話多，仲分多少少比為食嘅我。不過係食得清嘅可能會覺得太咸。船皇湯麵($58)有好多料係入面，又有豬皮個d，雞絲，仲有丸呀肥牛呀等等。鍾意試多d唔同材料嘅就建議食呢個。多少少錢但仲可以試多d唔同野。而且我揀咗米粉，再吸湯d，所以味又再濃d。🍽7.5/10

🧐最近睇左一篇飲食報導先知原來泰國野除左咖哩蟹、烏頭呢d之外，仲有船麵❗️船麵聽講係住係泰國嘅潮州人整出黎嘅，由於係船上居住同係船上食，所以就有咁嘅名稱。入面就係泰式嘅裝修，木枱上都放左食泰菜必有嘅調味料！😊好多唔同嘅面條揀啊。呢到除左麵之外，仲有串燒小食同特色飲品。😋1️⃣船皇湯麵感覺好似車仔麵，佢個湯底好濃好好味，我叫左少辣，正！有好多配菜，因為我揀左呢個船皇吧。2️⃣泰式炸春卷小吃之選，都幾多。3️⃣沙嗲雞肉串4️⃣柚子檸檬梳打好得意！佢係用個銀碗盛住。

近來新興泰國既船麵 ，唔駛去泰國係銅鑼灣都有得食。泰國廉價地道美味。船皇原本係艇上食，所以細細碗以止倒瀉同埋快快食完。岩哂我食完快脆去行街。船皇賣既船麵有分乾濕兩種 ，濕既係有湯既。我就揀左乾身既幼麵。其實河粉好粗身都好特別呀。根據個人口味仲可以揀要牛定豬版，我就要最傳統果種船麵，貪佢一個價錢食哂咁多種餸。麵彈牙有蛋味，要左少辣令個麵好香口惹味。餸菜十分多，最愛炸豬皮和魚蛋和牛肉。全部都質素唔錯，再加杯柚子蜂蜜茶冷飲。補充好體力後再行街。見到炸雲吞皮幾特別，果然似薯片，脆脆會油膩，做得好好食。餐廳服務態度好，位置理想，係銅鑼灣食飯同傾計既好去處。

經常聽朋友提起泰式船麵很不錯，又得知銅鑼灣也開了專門店，於是約齊飯友開餐。船皇環境乾淨企理，牆上璧畫簡介了店家歷史，既能粉飾舖面又可傳遞信訊，一舉兩得。餐牌簡潔，沒太多花巧的選擇，重點專攻船麵。招牌船王湯麵 $58，餸菜豐富，有牛腩、牛肉片、牛肉丸、雞絲、雞翼、豬肉、豬肉丸及豬潤。可自選粉麵，這碗配了河粉，這裏的河粉比較粗大，沒慣常吃到的那麼細嫩。濃底濃郁，有需要可以要求多加一點船湯，安排貼心 🖒👍👍 泰仔凍奶茶$18，茶底味道淡口，質地順滑。花奶味道濃烈，跟一般茶記奶茶分別很大。沒加冰的凍奶茶，不會被溝淡，味道始終如一。另一款是豬肉、豬肉丸、豬潤撈米 $48，由於撈麵沒有另跟上湯，吃起來會有點乾，要加點魚露來解決這問題。魚露不咸，放多了也沒大礙。撈米附有秘制泰式醬汁，味道甜中帶咸，還算不錯。小二哥還主動為小妹加醬，很貼心 😍😍凍柚子檸檬梳打 $18，正常而普通，越普通就越容易讓普羅大眾接受 😄😄炸雲吞皮 $12，脆口鬆化，醬汁是主要味道來源，過過口癮還算蠻不錯。串燒沙嗲牛肉 $28 兩串，牛肉味不重，配濃味的沙嗲醬，剛剛好。船皇價錢大眾化，味道尚好，雲吞麵牛腩麵又多了對手了 😂😂

在網路上看到有間來自泰國的船麵登陸香港，基於好奇心的驅使，今天中午便來到了。牆壁上有幅壁畫介紹食肆的歷史。船麵有四款粉麵可以選擇，蛋麵、金邊粉、米粉和河粉。船皇撈麵$58，內有牛腩、牛肉片、牛肉丸、雞絲、雞翼、豬肉、豬肉丸。其中以雞翼和牛腩，最為入味又惹味。蛋麵沒有鹼水味，爽口彈牙，因為沒有湯，所以有些自家製的醬油和辣醬，增加撈麵的味道，雞翼雞絲湯面轉河粉$48，內有雞翼、雞絲和炸豬皮，湯頭是傳統的船麵味道，藥材味道濃郁。雞翼大隻又有醬油味，炸豬皮吸收湯頭，變得軟腍更加吸引。河粉是闊河粉，嫩滑中帶點嚼勁。泰式炸春卷(3件)$22，春卷皮脆香口，點些泰式辣醬更加好。泰妹雞翼(5件)，雞翼是單骨，方便進食，味道香辣。

雖然沒有去泰國吃過船麵，但是任何麵類我都很喜歡，所以迫不及待拉著🐽來船皇試一下泰國正宗船麵。雖然應該試小碗的，可是晚飯時間來到餐廳只提供大碗，而且我們兩個的胃口一一定需要大size才能滿足🙈🍽 船皇湯麵大胃王當然選擇了大雜燴！配料有雞翼、豬肉丸、牛丸、牛腩、雞絲......雖然每樣只有一點，但是勝在能試到所有配料！牛腩非常入味，而且不會太乾柴👍🏻麵底選擇了金邊粉，幼幼的吸湯力一流。最欣賞是它的湯底，非常濃郁，一點不會油膩，男友吃完麵後都忍不住把湯喝完！🍽雞絲+雞翼撈麵我選擇了試一下撈麵。雞翼也非常入味，甜甜的豉油味。雞絲不會乾柴，雖然份量如果多一點會更好。豬皮非常脆口👍🏻如果比較大食的朋友叫米粉可能會不夠，建議可以叫河粉會比較飽肚。

第一次食泰式船河，雖然賣相麻麻地不過好好食，叫咗個船皇湯麵同埋一個撈河，開頭見到佢上碟個樣，心諗係咪中伏，但食落又真係估佢唔到幾好味。推介食撈河，個撈河睇落平平無奇好似冇乜味咁，不過個味道令人有啲驚喜，唔識講佢係咩調味，可以講嘅係平時喺香港冇乜點食過嘅味道。今次仲特登叫咗一個泰式奶茶，泰式奶茶飲落同香港奶茶好唔一樣，個人覺得幾好飲，不過用碗裝就比較容易倒瀉，個人比較論盡食飯期間都爭啲倒瀉幾次。總結黎講呢間係幾好食同有驚喜嘅

今晚係銅鑼灣行街經過見到呢間食泰國船麵既餐廳，價錢又唔係貴，入去試下~ 睇完MENU，呢度見到有撈麵/ 湯麵，因為鐘意飲濃湯，所以今日揀左湯麵～最吸引既就係船皇湯麵，$58，非常抵食。入面勁多材料，有牛腩、牛肉片、牛肉丸、豬肉、豬肉丸、雞絲、雞翼．．．等；湯底係用多種香料熬成，飲落味道夠濃，我揀左河粉，食落爽口滑溜，而 豬肉丸、牛肉丸都好彈牙～！飲咸檸七，唔錯，夠凍～小食叫左個雞翼，食落好惹味，唔錯！OVERALL 價錢唔貴, 但食物質素高, 下次會同朋友再試下!

尋日6點鬆去到 客好少叫左一個大船皇 一個撈 一杯泰奶一杯檸茶 同泰妹雞亦個野飲其實已有少失望 跟餐加$18 黎到得半碗 我覺得其實比2/3碗奶茶賺到佢笑依到有少失望味道ok既 但奶味好重 所以泰奶特有個個茶味唔太出 如果係一心想飲正宗泰奶會唔岩 但想一般當奶茶飲係ok檸茶 原來係港式檸茶味 可能我期待係泰式個隻所以都係會失望左船麵湯個個 料唔算少 但肉有少少（唉）口豬肉丸唔錯 有泰國風味之前有人講個豬皮好un 但尋日又無依個問題都幾脆口唔錯個湯 佢有少少泰式船麵既味 但同正宗真係差好遠可能因為成日去泰國 所以會期待好大撈麵如果當佢泰式佢又完全唔泰式當佢一般撈麵佢又唔夠口味好似全部野都差少少差少少咁雞亦ok既 脆得黎唔乾 有肉汁$22 5隻單邊 即2隻半雞亦就有點....整體黎講 佢唔係難食但依個味道黎講 我會有更多平價選擇所以我就唔會再去

船皇，一間由泰國過來的餐廳。主打地道船河，地點雖有點偏遠，由銅鑼灣站行去需時十五分鐘。還未行到門口，已聽船皇的員工大聲招客。可能新開不久的原因，食客不算多。裝修帶點東南亞的風格，餐牌的選擇，以船河為主，還有一些小食及飲品。船河有分大細碗，但晚餐只供應大碗。我選了船皇撈麵，女朋友則選了船皇湯河，再加炸豬皮一份。船皇，即大雜燴，甚麼都有，牛腩、牛肉丸、牛肉片、豬潤、豬肉丸、豬肉及雞翼。粉麵亦有四種可選，蛋麵、河粉、米粉及金邊粉。上菜速度十分快。先品嚐女朋友的船皇河粉，湯底不太咸，夠味，河粉比普通的闊兩倍。我的撈麵用的是蛋黃麵，加了點辣更好食，麵質爽口，不過鹼水味仍然有點。餸的份量不少，豬肉牛肉比較一船，丸類形狀雖少，但味道不錯。當天沒有豬潤，用了其他餸代替，可惜！炸豬皮，邪惡但美味，入口香脆，必試，一份只需12元，真扺。兩碗麵、一份小食、一罐可樂，138元埋單，不貴！船皇 (銅鑼灣)人均消費60元抵玩指數2/3銅鑼灣謝斐道526號地舖

同朋友去銅鑼灣行街想搵下啲平價實惠嘅嘢食😆上網見到呢間食泰式船麵嘅 而且好方便喺總統戲院對面就係 所以就去咗試下啦🤓🤓餐廳裝潢泰式風有啲船家嘅帽嘅掛飾枱上面仲有幾乎唔同嘅醬料😎除咗湯麵仲有撈麵 小食 同埋飲品朋友試咗個船皇湯麵 $52船皇湯麵係呢度嘅招牌菜 有好多款配料🆙有🐮牛腩 🐮牛肉片 🐷牛肉丸 🐥雞絲 🍗雞翼 🐷豬肉 🐽豬肉丸同埋🐖豬潤 一碗麵可以試曬咁多款嘢食都幾抵食💕而且我朋友唔食牛腩同豬潤可以唔要呢兩款咁就唔使嘥嘢食啦😎雞翼雞絲湯麵 $48揀咗蛋麵因為平時好似好少有得食蛋麵好彈牙 幾好咬要讚下呢個嘅湯底 好濃郁但係一啲都唔會咸唔會飲到好口渴👍🏻👍🏻雞絲好嫩滑 雞翼都住得好入味 😋呢個價錢真係好抵食🤗🤗🍢串燒沙嗲豬肉 (2串) $28串燒都燒得幾好 同埋呢度嘅沙嗲醬好好味😋嘢飲跟餐都係15蚊好抵飲同埋係用咗個好靚嘅碗裝住好有泰式風味😍😍🍸凍青檸梳打 $15🍹泰式龍眼冰 $15龍眼冰好清新食完麵飲一流

今日放工約咗好姊妹去銅鑼灣睇戲, 特登約早咗開場前一個鐘一齊去食d野先, 經過既時候, 全因聽到店員嗌出餐廳外, 我地先擰轉頭望一望, 嗯 環境ok又唔洗等位就決定入去啦🤣除左主食既麵食, 仲有d小食選擇！雖然食物款式唔算多, 但我地目標都係食船麵, 所以覺得ok！🍜船皇湯麵-大 ($58)呢碗係揀咗中辣同米粉🍜牛腩+牛肉片+牛肉丸湯麵-大 ($52)呢碗係揀咗小辣同金邊粉⭐️大家只係需要按照鐘意嘅餸 麵 同辣度去揀就ok湯底味道方面, 非常之香同濃, 雖然兩碗揀嘅辣度唔同, 其實分別都唔太大, 因為佢嘅辣係後期加上去, 絕對唔係為加辣而加, 唔會加到會影響到成碗麵, 正正因為咁連我平時唔係話食得好辣既人黎講都唔太食到辣😋份量方面, 非常大碗, 無錯係非常呀, 對於正常食量女仔黎講真係會有d over, 男仔黎講絕對夠當然好嘅要讚, 唔好嘅都要講, d餸就真係失色咗d, 除咗粒牛肉丸ok, 所有肉都好乾, 明顯over cook, 就係因為d餸令我5️⃣⭐️變4️⃣⭐️Anyway, 咁嘅價錢係銅鑼灣食到一間好味嘅餐廳真係唔容易, 下次要再去試埋佢個撈麵先😋

一路同朋友麵想試下船麵係點，咁岩今日去開銅鑼灣見到有間鋪頭sell正宗船麵就同朋友入去試下點。我同朋友叫左一碗船皇湯金邊粉，一碗全牛湯河粉，一份泰妹雞翼同埋一碗泰式奶茶。先講下船皇湯金邊，入面超級多料，總共有8款餸，絕對令人滿足。呢款配有一大pat超香口既蒜蓉醬，就咁試一啖仔已經feel到個種濃郁既蒜味，超級正。之後全牛個碗個湯底都差唔多，分別在於餸主要係牛肉片，牛丸同牛腩，一樣咁好食。食完正宗與否唔敢講，但味道絕對一流。再到雞翼，雞翼食落好香口帶有小小辣味，幾惹味，個人幾中意。炸完既雞翼仲要嫩身，真係幾難得。奶茶就同平時泰式奶茶差不多，不過呢到無咁甜，個人幾中意。呢外用個碗裝住都幾得意，有賣相。