船皇 (謝斐道) (已結業)

去到銅鑼灣想試吓一啲泰國依家好興嘅船麵，上網見到有一間係非常之近地鐵站就試吓好唔好食啦餐牌非常之簡單一係食湯麵一係食撈麵，非常特別嘅做法係佢有大同埋細啲嘅分別，細既只係需要$12，$12一碗麵喺銅鑼灣來講係非常之抵食，細食嘅朋友可以叫下，我哋今次叫咗一碗船皇湯麵，同雞絲雞翼撈麵船皇湯麵，個湯好濃郁好正，加上你可以自己選擇叫咩麵，有河粉金邊粉等，嘢食都非常之快就有得食，效率非常之高雞絲雞翼撈河粉，汁都非常足夠唔會淡茂茂，雞翼都煲得非常之林，幾好食！泰式炸蝦卷，好新鮮熱辣辣，外邊都係揸得鬆脆個人非常喜歡依度個奶茶，因為佢係將個碗雪凍左，再加上泰式風味嘅奶茶又唔會太甜個人來講覺得非常之好飲

今日咁啱又去咗銅鑼灣做嘢，咁啱太太又係附近行街，就约埋一齊食啲嘢食返屋企，上次係船皇食過，都O K，呢次都係呢度食，一入去就叫咗一碗船皇撈麵，太太叫咗牛肉丸，牛腩，牛肉片湯麵，飲品要咗 凍柚子檸檬梳打同埋熱檸水，船皇撈麵勁多配料，有雞翼，墨魚丸，山根，鱼片，岑牛肉，牛腩，食晒都飽啦，太太碗麵都來了，都係大大碗，真抵食，啲餸都各有特色，整體上牛腩係最好食，又冧，牛肉味又濃郁，其次就係墨魚丸同牛肉丸啦，兩款丸都好彈牙，飲埋杯凍飲品，真係冇得頂，價錢又唔貴，食飽就埋单走人。

今次同男朋友一齊去試吓銅鑼灣開咗一排嘅船皇。我哋兩個都係船面的愛好者，所以一定要來試試！同男朋友分享叫咗兩碗招牌船麵，我果碗係金邊粉，男朋友係河粉。仲可以選擇不同的辣到，招牌船麵裡材料豐富包括，雞翼魚蛋肥牛炸豬皮，而我哋食當日豬養就咁岩賣晒。湯底濃郁麵條軟硬適中，小小嘅辣簡直係點綴左成碗面！當然不得不點嘅一定係凍奶茶！絕對係有泰國嘅風味！唔好睇佢個碗好似好細，但其實我同男朋友兩個人瞓到剛剛好！串燒，春卷，亦都係必試嘅食物！食過返尋味

泰國菜係香港食得多，成日食來食去最出名就係pad Thai 呀、生蝦呀個啲銅鑼灣呢間泰國野反而食泰國船麵，係香港都應該算係少見啲店舖入面嘅裝飾都唔錯，侍應都較年青。落單上菜都好快手餐牌嘅款式唔算太多，主要分湯麵同撈麵，另外有河粉金邊粉米粉個啲揀，仲有得選擇辣度我點咗個牛肉丸+牛腩+牛肉片金邊粉（小辣），其實都唔太辣。佢嘅做法似足泰國食法，麵上配一舊炸豬皮，十分香脆。另有辣椒粉比你加去調味個湯底好濃，一啖麵一啖湯送住黎食覺得好好味若大家想試下泰北地道菜可以試下呢間

放工經過銅鑼灣 見到呢間係地鐵站附近新開嘅船麵 店員在門口賣力宣傳是泰國🇹🇭正宗船麵 就被佢吸引在 試一試🧐.佢份menu好得意 因為所有麵都有分大碗&細碗 細碗只係HK$12! 所以本身我地諗住叫多幾碗細 可以試多啲唔同口味 但可惜店員話當晚要9點後先有 所有我地就點左2碗大 分別係 船皇湯河粉 (HK$58) & 雞絲雞翼撈金邊粉 (HK$48) 飲品點左泰茶 (HK$18)&龍眼冰 (HK$15).味道方便還可以 辣辣地加上湯頭不錯 但無泰國嗰啲獨特嘅香料味 不過野飲就唔得 泰茶無冰唔夠凍 龍眼冰就太多糖水.其實大碗份量都唔算多 細碗應該得一啖🤣應該可以食到好似係泰國叠起晒啲碗敢

今日同男朋友行行吓街發現咗好似新開左一間泰國船面嘅餐廳我就叫咗個牛肉加牛肉丸加牛腩嘅船面面都有幾種選擇 有蛋麵 米粉 金邊粉同埋河粉面我就揀咗金邊粉再加埋啲辣粉 真係超正個湯又夠濃 金邊粉索晒啲湯 好正啲配料都好好食男朋友就叫咗個船皇湯麵有勁多配料 有牛有雞有豬等等佢揀咗河粉 但呢度嘅河粉好特別係比較闊身嘅 佢話好好食你仲叫咗泰式炸蝦卷 同埋泰妹雞翼全部都好惹味而且不得不讚嘅係佢個泰式奶茶我覺得好符合香港人嘅口味而且佢係冇冰嘅 但係都做得夠凍最特別嘅係用碗裝住 好特別

招牌船王湯麵 湯底濃郁香甜，餸菜豐富，有牛肉丸、牛腩、牛肉片、雞絲、雞翼、豬肉、炸豬皮、豬肉丸及豬潤。亦可自選粉麵，而我同朋友都選蛋麵。特別一提既係炸豬皮外層酥脆、內層空心，咬落去會有湯汁爆出來，加入左炸豬皮後，整碗麵既口感非常豐富! 豬肉、豬肉丸、豬潤湯麵 朋友唔食牛肉，所以黎個全豬宴! 朋友讚不絕口! 最後連湯都飲埋呀! 如果覺得唔夠味枱上都有醬料供應，例如魚露等可以加。 串燒沙嗲雞肉 雞肉嫰滑多汁再加上沙嗲醬，超惹味!!凍柚子檸檬梳打 柚子味較重而檸檬味較少，味道清新開胃，相當醒神，透心涼嘅特飲! 柚子蜜糖茶 濃郁的柚子香甜再加上淡淡既蜜糖甜香，味道清香可口，女士們一定非常喜歡!

🥢銅鑼灣過江龍泰國船麵🥢請支持即刻俾心👍🏻仲有follow @eatgoodwesteatbadwest 🥢剛剛泰國回來已很想念當地美食，由其是船麵，銅鑼灣有泰國過江龍船麵專門店，這牌子於全泰國有50間分店，價錢與泰國物價一樣至抵，最平一碗小船麵只售$12, 粉麵可選蛋麵，米粉，河粉，金邊粉🥢牛腩+牛肉片+牛肉丸湯麵（大$52,小$12)🥢船麵是由新鮮豬血製湯底加上大量牛骨、斑蘭葉、刺芹及十多款香料制成所以很味道濃郁，餸菜丸類都是正正常常，但唯一不好麵上的炸豬皮是不脆的🥢青檸梳打，跟餐$15見到店員用上泰國樽仔梳打去沖，飲落很爽多氣，不可不提最吸引眼球的是用上錫碗用來盛載飲品，很有異國風情🥢船皇湯麵-牛腩，牛肉片，牛肉丸雞𢇁，雞翼豬肉，豬肉丸，豬潤(大$58,小$12)🥢顏色比較深的湯底味道帶點點藥材味，點了中辣但其實不辣的，檯面提供了青醬，魚露，辣粉，加入魚露及辣粉即時令整碗麵鮮味辣味提升，很有泰國食到的感覺🥢泰仔奶茶，跟餐$18完完全全就是泰國奶茶手標茶的味道，很濃很好飲🥢炸雲吞皮$12炸得鬆脆，碟上有跟

船皇湯麵 $58泰式炸蝦卷 3件 $22串燒沙嗲豬肉 2串 $22凍柚子檸檬梳打 $15凍青檸梳打 $22去到銅鑼灣鬧市，喺SOGO嘅後街發現左呢間泰式傳統船河。我好鍾意食河粉，朋友就拖住我一定要嚟呢度試吓佢哋嘅河粉。佢哋採用嘅河粉種類好特別，係一種非常之闊嘅河粉，再加上佢哋秘製嘅湯底，同出面普遍食到嘅泰國湯底完全唔同。因為諗唔到揀咩餸，我叫咗個船皇湯麵，入邊包括有牛腩，肉片，牛肉丸，雞絲，雞翼，豬肉，豬肉丸，豬膶。一次過食晒咁多餸。牛腩，豬肉，豬肉丸，雞翼都好好味，尤其是湯底，食到舔舔脷，真材實料。朋友就食小食,叫咗炸蝦卷同埋沙嗲豬肉串，蝦卷新鮮炸起,隔離枱見到都忍唔住點咗份。串燒豬肉新鮮嫩滑。我哋各自要咗梳打,佢用咗泰國碗裝俾我地，好特別，味道亦都唔錯。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️

近排成日見到挨住有人賣船皇廣告，本身都好鍾意食船面嘅我特登過咗嚟銅鑼灣試吓，中午時段人都幾多，我就叫咗個豬肉丸豬肉片同埋豬膶麵，揀咗金邊粉。飲第一啖湯估唔到都幾好味，湯底嘅味道幾特別同平時啲麻辣湯酸菜湯完全一樣。不過呢$50一碗個餸嘅份量真係少得滯啦得好細粒共三粒嘅豬肉丸，幾塊豬肉片，同埋兩塊豬潤。我一個女仔都食唔飽。$50唔包嘢飲喺銅鑼灣可以有更多多嘅選擇。去食過南記可能仲好啲。總括嚟講呢間餐廳味道可以不過價錢就有少少貴

個個都食貪得意試HK$12碗細嘅，但見到真係好細，所以都係食反個正常嘅size 🤭.🍜 船皇湯麵 HK$58基本上就係牛、雞、豬款麵嘅材料嘅結合，多啲款自然比其他三款麵貴。佢個湯都幾似係泰國食嘅味道，不過就無夠濃。揀咗辣，我同朋友覺得唔辣，所以唔太食辣都唔洗怕。.🍜 豬肉 豬肉丸 豬潤 湯麵 HK$48純粹材料少啲.🍶 泰式奶茶 (跟餐HK$18)原本已經好大碗，而且佢無冰，所以感覺好似好大杯咁 。偏奶味重啲。

是日中午黎到位於銅鑼灣謝斐道的「船皇」吃午餐，係一間喺泰國有20年歷史的連鎖麵店。餐廳就喺總統戲院斜對面，非常方便！難怪中午時段都咁受歡迎啦菜單上的選擇以湯麵或撈麵為主，亦有多款串燒小食，麵底可以選擇蛋麵、河粉、檬粉或米粉船皇湯麵掙扎係撈麵同湯麵之間，最後都係揀咗湯麵。湯底味道鹹中帶鮮，內裏加咗秘製醬料，所以特別香口，生麵吸收左湯底嘅精華！船皇即係大雜燴乜配料都有d嘅，材料好豐富架有雞絲、雞翼、豬肉丸、牛肉片等等，啖啖肉，份量十足！雞翼肥美厚肉，正啊串燒沙嗲雞肉$22就有兩串，都幾抵食！雞肉同沙嗲醬係分開的，香軟滑嫩的雞肉串配上沙嗲醬，香口又惹味！凍咖啡咖啡好似泰國咁用碗裝住，別具風味！咖啡味濃郁，同奶嘅比例啱啱好，正啊

見呢到個員工好努力不停係門口大叫，（正宗泰國「船麵」！），我即刻望一望，原來泰國🇹🇭餐廳🍴，吸引！入！Menus好清晰見到有咩食，種類唔算多，但足夠。原本想叫所有既細碗，望上去食上去都霸氣啲，但原來有時限架（要留意）。所以叫左「船皇湯面」同「船皇撈麵」各一兩碗入面嘅材料一樣，一食兩味。「船皇湯面」湯味唔怕好濃，建議食之前飲一啖湯先，再食河粉，咁樣個味道再會出啲。「船皇撈麵」撈埋特製既醬汁，金邊粉每條都沾有醬汁嘅味，正！再叫左其他小食。特別推介「泰仔奶茶」用碗裝架，第一次咁飲😋

因為今個星期去左試泰麵，個船麵真係令我一試忘！但價錢實在唔係親民，唔可以成日食。跟住俾我上網搵到依間野！雖然有d遠，但今日難得星期五lunch，遠d就遠d啦～我同同事加埋3個人叫左三個麵同埋一個蝦春卷。船麵(8/10)有四種麵底俾你簡，面我叫簡個米粉底，我覺得米粉同船麵係最襯既，個牛腩好好食！好入味，牛丸都唔錯！但豬皮就麻麻地。但麵既份量唔太多，如果太肚餓去食可能會唔飽。泰色奶茶 (7/10)有小小太甜，同埋跟餐都要成廿蚊，唔太抵。但船麵麵好出色！行開銅鑼灣又想食船麵既朋友麵可以一試！

朋友帶我黎銅鑼灣食好野，泰國船面正，又平又抵食好味～船皇湯面，有晒所有配料，牛腩、牛肉、牛丸、雞絲、雞翼、豬肉同豬丸，包羅萬有，面底揀左金邊粉，吸晒啲湯汁，好香濃！撈面，豬肉丸加豬肉，撈面就揀左蛋面，好重蛋香，超彈牙，幾驚喜，撈勻啲甜甜地既醬汁，好yummy!炸蝦卷,炸得香脆，蝦肉彈滑～單骨雞翼，少少辣，都幾惹味～凍奶茶同龍眼冰，用碗裝住，賣相幾特別，冰涼解渴～店員落單同收碟都好快手，服務態度good!