船皇 (謝斐道) (已結業)

係香港食過幾間船麵都覺得麻麻，有d為左迎合香港人口味而失去正宗船麵應有風味，今晚等我黎到呢間過江龍船皇睇下搵唔搵到泰國原味。餐牌簡而精，湯麵、撈麵、小食同飲品一眼睇晒，反轉就可揀埋食咩麵。泰式粉麵店必備調味架，辣椒粉、辣椒醋、魚露。最初以為泰式炸蝦卷係普通脆皮包住隻蝦，上菜一望覺得好似蘿蔔絲酥餅幾特別，咬開發現外層係薯仔絲，外脆內軟，勁香口。串燒雞肉無燒到過火，幾香，肉唔鞋，點埋沙嗲幾正。講下船麵ge靈魂湯底先，入口充滿牛味，亦帶點藥材味，微辣香甜，貼近泰國當地食到ge味道，正。船皇湯麵集豬、雞、牛於一碗，肉香滑軟腍，丸十分彈牙，用左泰國貨，遠勝街市雪藏丸，炸豬皮好脆，一d油膉味都無。傳統船麵係細細碗一連食幾碗，船皇都可以咁叫，但香港地秒秒鐘幾廿萬上落，所以我揀左大碗河粉，好闊身，掛湯一流，份量又多，飽啊！凍泰仔奶茶用泰國銀碗裝住，由於預先沖好再雪，無得叫少甜，但比起「泰國甜」已經相當留手，香滑好飲。  

【和牛船皇湯麵】 HKD59【泰仔奶茶】 HKD28近期香港越黎越多餐廳有得食船麵，睇到都好掛住泰國🇹🇭嘅美食😭，又平又正。而船皇👑依間質素都唔錯😋。普通船皇湯麵加一蚊就可以升級做和牛船皇湯麵🤪，用料非常豐富，有和牛、牛丸、雞翼、雞絲、豬肉、豬肉丸，豬潤同口感幾過癮嘅炸豬皮，真係一次過滿足曬咁多個願望呀！泰仔奶茶亦好得意，用冰凍嘅碗裝住，好有泰國feel🤣不過得嗰碗凍，奶茶就唔夠凍，而且味道一般般，唔夠香滑，同埋定價太貴啦🤔，飲一次試下就算嚕！

上星期去咗一間質素麻麻地嘅餐廳食船麵，好唔夠喉，所以今日就專程嚟到呢間喺銅鑼灣嘅船皇，希望可以補番數一去到餐廳門口就見到好多文宣！同埋因為最近疫情嚴重，行入餐廳嘅時候店員都會為我哋探熱同埋俾酒精我哋消毒雙手，非常貼心船皇湯金邊粉 📍$58湯底味道好濃，感覺好正宗。餸嘅種類都好豐富，分別有牛腩，牛肉片，牛肉丸，雞絲，雞翼，豬肉丸，豬潤😍 唔講仲以為自己去咗泰國走咗轉😂重量級和牛船皇湯金邊粉📍$63只係需要加$5就可以食到和牛，鐘意食牛嘅朋友一定要加，真係好足料泰式奶茶📍好搞笑，奶茶係用碗裝住架，唔知係咪呢個原因，覺得杯奶茶好大杯 🤭 雖然都係用練奶，但味道唔會好似平時啲泰式奶茶咁甜，幾好飲

本來口淡淡無乜胃口，嚟到叫咗個船皇湯米粉加多一蚊要和牛。米粉細滑，湯底濃郁而不膩。跟餐龍眼冰同柚子蜜糖茶。試過之後覺得厨藝不錯，跟手加多兩款小食雞翼同春卷。以上全部都完美無瑕😙🤤

Always a big fan of thai cuisine, especially noodles! Thisis one of the rare restaurants in hk that sells thai ferry noodles. Ferry noodlesare renowned of the small portion and normally people would consume 10+ bowlsfor a meal. We got to try different soup base and ingredients. This restaurantis quite good, flavor and noodles texture are fine. Worth to try!

呢間泰國船面專門店黃藍地圖上面係搵唔到㗎，但係有放pepe、11月有罷工，過嚟留低啲腳印先💛·船皇湯麵而家做緊優惠，加一蚊可以轉和牛片（前面個碗；加五蚊可以轉全部和牛（後面個碗）～·飲左擔湯先～牛骨湯底濃厚，同我top one既元朗阿叔泰麵有得比！可以當湯飲🥘😆！·材料都幾多下，有和牛片（食唔出同肥牛有咩唔同🤫）、雞翼、豬肉丸、等等。我最愛既係豬皮，脆脆地仲要特別大條，爽！🤩蛋麵彈牙、河粉係肥身好少見，份量略少岩女仔食～·通菜表示暗淡無光🤨，圖文不符。好彩個秘製醬汁救番🤧～·菠蘿冰用左個銀碗裝住，係咪泰國都係咁，不過不失🤔🍍·門口有pepe遮住支付寶，做得好🥰！！整體唔完美但可接受，主要靠個出色既湯搭夠，值得一戰～💛-船皇湯麵轉和牛片｜$59船皇湯麵轉全和牛片｜$63泰式通菜｜$14菠蘿冰｜$15-船皇 (銅鑼灣)銅鑼灣謝斐道526號地舖

今日又要上律師樓，所以俾咗個藉口我可以出下去，離開咗律師樓我去咗銅鑼灣諗住搵好嘢食！但係天氣不似預期，竟然落雨，今到我嘅選擇變狹窄咗，我唯有跟隋自己個路線行，咁梗係行去我平時去嘅食街啦，但係當我經過Tower 535對面竟然俾我發現咗一間叫船皇嘅店，就係食泰國船面嘅鋪頭。我第一時間就諗不如試吓呢間，咁我見到佢哋下午茶係由14:30-17:30，剛好仲趕得切可以試一吓，下午茶總共有三款，每款可以選擇三碗麵，收費只係$36元，仲送一杯飲品，如果加多$8元可以再加一份小食。我叫咗 豬肉九＋豬肉＋豬肉湯麵牛肉丸＋牛腩＋牛肉片湯麵雞翼＋雞絲湯麵我揀咗米粉，小食我揀咗泰國妹雞翼三件，再加一杯凍青檸梳打個侍應同我講每碗麵只有兩啖，但係唔知係咪我個嘴細，我食咗三四啖🤦🏻‍♀️ 不得不提，一進入店面，侍應會先幫你量體溫，跟住幫你兩隻手消毒，你先至可以坐低，真係10分體貼，疫症期間，個人和公眾地方都應該更加要保持清潔衞生！值得推介：泰國妹雞翼

週末每一餐對我來說都很重要，因為平時一至五比較節制就是為了儲存quota，好讓星期六日品嚐美食。多次從報章雜誌見到大家推介這家餐廳，亦見不少好評，所以行完山非常肚餓時便決定一是他的招牌船麵。一般收費$58一碗正常份量，加$5可以全面改和牛，由於不吃豬潤 （原本版本有）所以決定一試！即使餓着都真的沒有把整碗吃掉，因為質素、味道都強差人意。第一，湯底完全沒有做出泰國船麵的特色，和一般牛肉麵沒太大分別；第二，所謂的和牛亦沒有多出食；第三，女店員在店內大呼小叫，非常令人倒胃口我已經很久沒有試過只吃兩口便停下來，可能期望越大失望越大吧

呢排好耐冇出街，行完世貿經過見到有間新開嘅泰式船麵店。見到下午茶時間幾抵食就嚟試吓。由於疫情影響，坐低左之後員工都主動幫我探熱，重有支消毒噴手液俾我消毒雙手。都係第一次見到餐廳咁樣做，非常好，食都食得安心。一來保障客人亦都保障員工。下午茶Menu，驚喜嘅係佢有得揀傳統船麵咁細細碗定係大碗版！我叫咗大碗版仲有得揀咩粉面，我揀咗粗河粉。加$8仲有飲品同埋小食。青檸梳打用泰國傳統容器，添加幾方泰國風味！到主角啦大大碗好足料！仲有條脆脆豬皮係上面！我最欣賞佢係用返泰國嘅粗河粉，吸曬濃濃湯底。味道同係泰國食真係差唔到多！幾正宗。呢個就係小食，泰妹雞翼，單骨雞翼最好方便食！點泰式雞醬係唔會錯。

機緣巧合下又去左食呢間船麵🤤之前食過已經覺得好好食😋今次又再去食順便介紹下😉🍴船皇湯麵($58+$1升級和牛/大碗)餐廳做梗優惠可以轉加錢轉和牛所以就叫黎試下😋和牛牛味好夠加一蚊黎講係幾正👍🏻好鍾意餐廳船麵嘅湯底好夠濃❤️啲麵浸落去都會索曬湯超入味❤️我今次就叫左金邊粉湯底係中辣👍🏻🍴和牛湯麵($63)呢個其實就即係船皇湯麵~不過加$5就可以將本來嘅餸全部轉曬和牛🤪🍴泰式炸蝦卷($22/pcs)小食就普通唔係特別好食~係薯絲包住一隻蝦~要配埋泰式辣醬就會好食啲😉

今日去左依間泰國過江龍食船麵疫情影響下 餐廳會探熱同消毒雙手先可以入座 令客人放心又安心餐牌推介 船皇湯麵同船皇撈麵 兩碗麵再加 三串沙嗲雞肉串燒 同兩個泰式奶茶都只係191蚊 上菜速度好快 湯麵 望落比較豐富 (撈麵忘記影相）我地叫左 小辣 對於食辣BB班黎講 絕對可以接受 如果食得比較辣嘅可以嗌大辣 對比起撈麵，湯麵味道比較濃郁 仲可以選擇河粉，金邊粉，蛋麵同米粉。 我就揀左金邊粉 美味既配搭😋😋雖然配菜之一嘅豬潤賣晒但整體來講都值得一試！飲品既盛載方法比較特別 但味道都唔錯 凍飲但係無冰 每一啖都原汁原味Btw, 串燒就比較細串 下次再黎只食船皇湯麵就夠了

係我最鐘意嘅肥嘟嘟河粉啊😍一直想試不過無安排過 咁啱嗰日去完朋友度整頭 船皇就喺正樓下食咩粉麵都好 湯底好重要 呢度個牛骨湯底好濃郁又唔死咸 食完都唔會口乾 主要我都係想食牛 所以叫咗呢個有牛腩牛肉片同牛肉丸 由於我越嚟越食得辣(😂) 揀小辣真係覺得無乜辣味 另外佢仲有個船皇湯麵應該係最受歡迎 有晒豬牛雞 👍🏻所有麵有兩個size你揀 我食呢個係正常嘅 另外有細size只係$12碗 可以比你試到多啲款最後 泰仔奶茶好啱我口味 夠甜🤤

上兩個星期品嚐過旺角一間劣質的泰國餐廳後,這一次來到銅鑼灣區另一個以船面為主題的餐廳,今次做好調查,知道是好評如潮,應該不會失望吧。來到門面,才發現是一間黃店,實在驚喜,作為一名手足,一定要支持同路人。店內環境都以小桌小椅為主,還是建議速戰速決,吃完就離開,始終比較狹窄。食物方面,以下會逐一介紹：1. 船皇湯面(金邊粉)  4.5/5分  - 喝了一口牛湯,我想起了去年在芭堤雅路邊吃過人生最美味的船河,這碗船河絕對是我在香港吃過排名首位,足料之餘牛肉異常軟熟入味,湯底充滿牛肉的脂肪,是一碗實實在在的正宗泰國船河。唯一可以挑剔就是油脂過多,如果可以改善就會拿到滿分!2. 船皇撈面(撈面)  3/5分  - 與湯面的分別就是失去了湯底,面底比較乏味,還是建議湯河吧!3. 炸蝦卷   3/5分 - 可能我吃慣越式炸蝦卷,對這道泰式炸蝦卷不是特別稱道,味道是完全可以的4. 凍泰式奶茶   5/5分  - 相當懷念的味道,完全是在泰國喝到的奶茶,而且必須一讚改用冰鎮形式,免去冰塊的缺點;份量剛剛好,不會太大杯5. 凍青檸梳打   2/5分  - 充滿青檸的酸澀味,喝出了過去人生的傷痛,我還是喜歡

今天放假，不用返工 ， 約了朋友往銅鑼灣逛逛街、順便 新年行大運，轉角看到這家新開的(？)泰式船麵餐廳， 在好奇心驅使下，便入去一試！船麵。。。我其實是第一次吃！ 它的分量不多，聽朋友講：船麵就是泰國人的家常麵食， 因為通常在船上casual地吃，不能太大碗，以免倒瀉 。。。我想有點像我們平常吃一碗小的車仔麵/那渣麵吧！今晚，我叫了一碗 樣樣配料都有一些的船皇signature 湯麵（$58）！碗內每樣配菜都有一些：目測看到有豬肉、牛肉、豬潤、 牛腩、牛丸、豬肉丸、雞絲、雞翼、 炸豬皮、 金邊粉 加一個濃都的湯底。對於平常吃得清淡的福福郎來說， 今晚的這個輕盈晚餐真的很重口味！！ 不過偶然吃一點濃味的東西，原來口感挺不錯！今晚可以一嚐泰國船麵 。。。 又長知識了！。。。🦉我的朋友則點了店家的船皇撈麵（$58）！ 配料跟湯麵是一樣的多 ， 只是沒有了湯，變成了撈麵醬汁 。。。朋友隨意加了自助的秘製魚露和辣醬後，看來也挺不錯！飲品方面：我們則試了凍泰仔奶茶（跟餐加$18）和凍柚子檸檬梳打(跟餐加$15）！ 盛載飲品的這隻碗很特別， 我記得曾經有同事去完泰國送了一隻細的給我做手信。。。 但已

喺銅鑼灣東角行完街，就去咗附近嘅船皇食晚飯。呢一度嘅麵都比較經濟實惠，我點左一個船皇湯麵，揀咗金邊粉，中辣。呢一個湯麵都算幾抵，入邊有好多唔同嘅材料，包括牛腩、牛肉片、雞絲、牛肉丸、豬肉丸、豬肉同雞翼，本身仲有豬潤，不過因為嗰日冇貨，所以得以上嘅配料。每款配料大概有一件，啱唒乜都想試的吃貨！-湯底好濃味，而且肉類都非常之入味，金邊粉亦都係好掛汁，真係好有泰國風味！-而且仲有送三條好脆卜卜的豬皮，就算一路浸係湯麵面頭超過五分鐘，都無變淋，幾正！-建議食得辣嘅朋友可以點大辣！我自己點左中辣，就覺得辣度還好，可以再辣d!!-泰仔奶茶 唔太甜但濃味，而且用一個雪過的冰凍碗盛載，無落冰所以味道可以keep住濃郁，唔錯！