臺北棧 (港威商場)

营业中

休息中

Menu實在太豐富，啲菜式五花八門 琳琅滿目，今次我單拖嚟食無從入手，但都有兩樣嘢想重點推介俾大家🤗🌟1️⃣推介: 肉鬆皮蛋蛋餅估唔到皮蛋都可以做蛋餅嘅材料🫢 好有早餐喺粥鋪 配碗皮蛋瘦肉粥食嘅感覺😂 用上咗鴨蛋 真係比普通蛋餅香蛋味啲。蛋餅做得好厚實，肉鬆塞得滿滿的，用料好足 食晒一條都幾飽肚。值得一讚嘅係 肉鬆包住喺個蛋餅入邊，都仲保持到鬆脆 呢點好難得👏🏻👏🏻🌟2️⃣推介: 擔擔牛肉麵佢個麵底係刀削麵嚟嘅，但要注意係機整出嚟，而唔係手打的，不過都足夠煙韌 挺喜歡喔😘 佢碗邊有pat牛油🧈，店員會叫你加落去個湯度撈勻嚟食，個湯即刻濃厚咗，有陣打邊爐湯底嘅感覺。牛肉方面係牛展嚟嘅，薄切得嚟，筋膜位好爽彈 唔會咬唔開。

佢Menu有勁多款飲品揀，分開咗奶類、台式經典類、Cocktail等等🍹✨✅(左)：熱黑糖薑母茶(右)：荔枝玫瑰蘇打 個杯真係好想問吓佢有冇得賣/邊度買😭 味道正常發揮 唔會太甜，一貫薑母茶養生嘅感覺。荔枝玫瑰味好夾，清清甜甜咁 加埋氣泡好fresh，解渴一流🫧！✅三色鹽酥雞三隻醬用隨性嘅畫風抹開，一上枱就好似幅畫咁😍 鹽酥雞炸得嫩滑juicy💦 咬開又薄又鬆脆嘅炸衣，肉汁滿寫 小心燙嘴⚠️ 個人嘅鍾意佢當中嘅柚子醬，甜甜地配落炸雞度，鹹甜組合實冇死🤟🏻✅髒髒鹹蛋黃芋泥蛋餅淨係賣相都一百分 勁吸引流晒口水💯 裏面塞滿左滿瀉嘅芋泥餡，外面有個滿咗鹹蛋黃碎同煉奶 超級足料重手啊🥰🥰！芋泥甜度唔算好高，純天然嘅感覺 My Favourite💓

這間台式fusion菜定價真的挺高，沒想過有一天台灣菜也有食到人均$200賣單😅 不過論食物品質和創意的話，還是值得一試的👍🏻軟殼蟹麻婆豆腐撈麵 — 這好像是尖沙咀海港城店的獨有產品！本來整隻蟹放在碗上已經夠霸氣了🦀👑 誰知道那個蟹肉也滿滿當當的，簡直是視覺和味覺上的相重享受😎 麻婆豆腐的醬汁多得不得了，麻麻辣辣的，味道濃郁 醬香味十足🙌🏻 麵質也爽口彈牙，不會給醬汁弄粑了。三杯片皮鴨胸刈包 — 用鴨胸取代了平常刈包會用的三層肉，頓時降低了油膩感 非常聰明，而且並沒有違和感👏🏻 鴨肉給的大塊又不乾柴，夾入包了 一口下去，滿滿的肉感 還有汁水呢！相當滿足😆

今次又黎到海港城搵食喇，不過冇得用海港城coupon ， 因為用得既鋪頭都full 得好交關😅不過唔緊要啦，因為我都bookmark咗呢間台式料理好耐，今次一於黎試下🤣留意❗️每位會收取$8 水費，有still & sparkling water 任添既😂-鹹蛋黃芋泥球 💰$78 ✨外型好可愛，外層芋泥皮好酥脆，内餡充滿鹹蛋香😋- 三色鹽酥雞 💰$128 份量偏細，不過勝在夠惹味！炸到脆卜卜，雞肉嫩滑多汁，一咬落去啲油脂標晒出嚟🤤旁邊有黑松露醬，蜜糖芥茉醬同埋咖喱醬可以點黎食！- 大阪燒海鮮蛋餅 💰$128海鮮餡料好多，不過個蛋餅底就冇乜特別，真係好薄一層蛋😂配埋啲醬汁都幾好食嘅！- 櫻花蝦烏醋茄子🍆 💰$48面頭超級多櫻花蝦，幾有風味！- 招牌魯肉飯 💰$68個人覺得普通~- 黑糖苦瓜汁 💰$48好有係台灣夜市飲苦瓜汁既feel🥹入口微苦，尾調回甘😋- 玫瑰奶茶加珍珠🧋 💰$51冇乜特別~- 擔擔牛肉麵(寬粉絲)🍜 💰$138幾好味😋好鍾意佢特製嘅湯底，呈金黃色，好吸引！☺️- 伯爵茶凍愛玉芋圓 💰$88芋圓幾好食，煙韌得黎軟硬度適中！份量超多呀😆- 手工鳳梨酥麻糬蛋撻🍍 💰$48 ✨呢

依間舖頭喺中環已經出晒名，主打台式創意料理，將其他國家嘅元素融入台灣菜入面，仲不時會推出新口味產品，吸引好多人嚟朝聖，但注意價錢不便宜的喔～- 酸辣牛肉麵(寬粉絲) -平時食牛肉麵一係就配刀削麵，一係就配圓滾狀嘅麵條，用粉絲做牛肉麵真係第一次食。感覺上更加入味，質感更煙靭。湯底比一般牛肉麵辛辣，平時嘅藥材味換咗做酸辣米線般嘅湯底，又幾夾幾特別。牛肉夠林唔痴牙，肉味香濃。係一碗合格有餘嘅牛肉麵～- 櫻花蝦烏醋茄子 -好清新嘅配搭，以往識開茄子都係重口味嘅做法，唔係孜然就係魚香茄子。今次落咗烏醋之後，即刻變咗一道開胃小菜。茄子軟粑粑的 茄肉飽滿。配合埋櫻花蝦，一個新穎得嚟又得人中意嘅嘗試。

｜軟殼蟹麻婆豆腐撈麵｜麻婆豆腐飯就食得多啦撈麵你又食過未？個麻辣汁都幾麻，食得出比中環店重手咗好食咗🌶😜 雖然麵條嘅份量好多，但個醬汁仲多，所以撈完之後 擔擔面都係將好滿足🥰 講咗咁多 其實個重點係隻蟹度😂 原隻軟殼蟹呀媽咪🦀‼️ 炸得剛剛好，完全唔油膩，淡淡都係蟹肉，無論烹調定選料都做得好好 出色👍🏻｜招牌魯肉飯｜魯肉半肥瘦，肉質軟腍 脂肪豐盈 油脂甘香🐖❣️醬汁味道唔錯 夠濃，但重口味嘅我覺得可以再香啲hehe。份量都幾多下，男仔食晒都飽飽地。因為我食過中環店嘅出品，所以可以有個參考做對比。總括嚟講，菜式肉眼可見選擇多咗、豐富咗，而且味道都有進步到🙌🏻🙌🏻 期望佢再開多幾間分店，造福下唔同地區嘅吃貨們💕

三色鹽酥雞: 雞塊又大又厚肉，件件鮮嫩多汁，三隻醬入邊 我鍾意黑松露🍄 好夠松露香，嫌棄我陣gas味嘅同行友人 就喜歡柚子醬🍊 佢話清新啲喎～ 總括來講 有醬同冇醬爭好遠的唷，滋味好多😉.髒髒鹹蛋黃芋泥蛋餅: 蛋餅入邊有超多芋泥 感動死 同事飽腹感都好強，但都冇阻我一舊接一舊，因為真係芋泥控天堂啊💜 口感幼滑又唔算好甜，粒粒鹹蛋黃碎分布均勻。大推呢款蛋餅🙌🏻🙌🏻.蒜香三色台腸: 台灣腸甜甜地咁不嬲都好鍾意食😙 雖然相對其他菜式比較普通，不過特別嘅係佢有三種口味嘅台腸，同時蒜味香濃。作為一個一路傾偈一路jap jap jap嘅小食，很不錯😌👍🏻

佢係中環嘅時候已經好想食，但奈何要過海 唔方便呢～🥲 而家開咗喺尖沙咀，冇藉口俾我唔去試啦掛！✊🏻 佢啲Menu多到食唔晒，我胃得一個今次試住兩樣先。👉🏻 招牌魯肉飯台灣經典菜品點可以唔嗌呢😜 好鍾意佢嘅老玉肥瘦適中。醬汁都幾多但唔會過鹹。半隻糖心蛋生熟程度啱啱好，蛋黃撈落個醬度送飯食一流🤤 飯嘅份量適中，小編食完仲有位食其他小食👅👉🏻 肉鬆皮蛋蛋餅話說小編係蛋餅控，志願係食盡香港嘅蛋餅🤟🏻 呢度嘅蛋餅款式出邊揾唔到，款款都勁吸引🤩 今次率先試左肉鬆皮蛋先。軟糯嘅蛋皮夾住爽脆微鹹嘅肉鬆，皮蛋配落去蛋餅竟然完全冇違和咁🫣 整體口感好豐富 呵呵～

終於等到臺北棧開九龍區嘅分店啦⭐️⭐️可以交通方便好多 嚟到就梗係要食啲尖沙咀旗艦店獨有嘅菜式🤤叫咗個用鴨蛋整嘅大阪燒海鮮蛋餅 日式大阪燒遇上台式蛋餅皮 化身咗輕盈版嘅Pizza🍕蛋餅皮薄但依然可以好好咁承載住唔同嘅海鮮同木魚絲 加埋佢嘅煙韌口感 一流啊😆😆另外都叫咗個酸辣雲耳蓮藕 酸酸地幾開胃🤓如果想食有咬口嘅小食的話 推薦呢個🤘🏻價錢亦都相對實惠啲🤫至於魯肉伴台灣A菜就係之前係中環已經有食過 想食下菜又有啲台灣風味嘅話 叫呢個就實唔會錯了👍🏻仲可以試到餐廳招牌肥瘦均勻嘅魯肉Encore指數 ✨✨✨✨✨/5

一入到去已經覺得餐廳嘅室內設計好高級，整體都啱影相打卡。預先做咗啲資料搜集，佢地碗碟都有襯搭過，務求做到一絲不苟🤓🤓芋頭控之選💜 髒髒鹹蛋黃芋泥蛋餅一份切好有六大件 入面都有好多香滑嘅芋泥😍😍加埋鹹蛋黃嘅鹹香又幾夾 微辣鮮甜之選🦀 軟殼蟹麻婆豆腐撈麵一上菜朋友即刻嘩咗一聲😂原隻嘅軟殼蟹炸到酥脆 配合埋微辣嘅麻婆豆腐一齊食無得彈 作為旗艦店嘅限定菜當之無愧😆經典之選🇹🇼 招牌魯肉飯勁量魯肉加上粒粒分明嘅白米 每一啖都好有滿足感🤤滋味小食之選🧄 蒜香三色台腸鐘意食台灣腸必食 份量亦好足🤓抵食

無得飛去旅行之後，其中一個好掛住嘅一定係台灣又抵食又好味嘅美食！朋友仔帶咗我嚟呢間叫臺北棧嘅餐廳解一解想食台灣菜嘅口癮🙊🙊今次試咗：1. 招牌台式魯肉飯2. 魯肉伴台灣A菜3. 台南冬瓜茶4. 綠豆沙牛乳台灣嘢食嘅代表之一點少得係路邊行幾步都可以見到嘅魯肉菜式😎！朋友極力推薦底下叫咗魯肉配飯同配台灣A菜，睇返英文應該係生菜🥬，均衡飲食之選。魯肉飯嘅賣相好正～一大堆嘅魯肉鋪蓋住白米飯，仲有平時嘅最愛嘅半熟蛋🍳即刻食慾大增😛兩杯飲品都幾不錯，不過冬瓜茶甜咗啲啲，如果有得可以降低少少甜度就掂了🙈

臺北棧係一間行Fusion台灣風嘅食店～雖然價錢都偏少少高，菜式樣樣吸引，結合環境賣相味道都值得一食！主食: 招牌台式魯肉飯($68)、三杯片皮鴨胸刈包 ($198)魯肉粒口感香口，有油香但不油膩係一個本領嚟。三杯片皮鴨又係驚喜之作，一般片皮鴨主要係嗰醬主導成個味道，今次淨係食鴨胸本身都好夠味，三杯雞嘅調味落到鴨到都依然合拍。小食&飲品：明太子甜不辣($78)、魯肉伴台灣A菜($98)、酸辣雲耳蓮藕($58)、芭樂苦瓜汁($58)三款小食嘅表現亦都不錯，不過如果份量多少少就好～ 苦瓜汁意外地易入口，配搭芭樂清涼解渴。

香港唔少嘅台灣嘢食舖頭嘅環境都比較有古早味😂😂即係會走比較舊式嘅風格 位於尖沙咀海港城嘅呢間臺北棧係走現代風嘅設計 光線充足之餘 啲位亦坐得舒服 嗰日無乜人所以我哋三個人都安排到卡位 高質高質🤤🤤 自問我哋胃口唔算細 但呢到嘅嘢食亦都好足料 大大碟🤩🤩叫咗個台式魯肉飯同軟殼蟹麻婆豆腐撈麵 再配埋三杯片皮鴨胸刈包加蒜香三色台腸🤓🤓食到我哋個個嗌哂飽打包咗啲走😂😂個人最欣賞個魯肉飯🤎魯肉同平時食到嘅肉碎唔同 長條形嘅粒粒嘅豬肉有齊肥肉同瘦肉 鹹味配豬肉油香🐷再加埋面頭半隻嘅流心滷水蛋 超級無敵好送飯😈

髒髒鹹蛋黃芋泥蛋餅($88)見到Menu有呢款咁吸引嘅蛋餅即刻落咗單，一上菜見到實物嘅顏色配搭好搶眼 加蛋餅入面好足料，啲芋泥湧啲出嚟添！食落口仲好濃厚，蛋餅皮亦都唔會過厚，又有創意又抵食。酸辣牛肉麵配寬粉絲 ($128)台灣料理嘅代表又點少得牛肉麵，餐廳淨係牛肉麵都有成五個選擇，辣與唔辣任君選擇。今次揀咗酸辣，寬粉絲吸哂啲湯頭嘅精華勁好食！明太子甜不辣 ($78) 小食嚟講價錢有啲進取，不過甜不辣配明太子又幾夾～木瓜牛乳 ($58) 新鮮木瓜配牛乳係不敗組合～我愛台妹 ($108) 由普洱茶酒調製而成嘅雞尾酒，都幾易入口。

尖沙咀長期都有好多人 自己一個人想搵間餐廳靜靜地咁食咗下午茶都唔容易🙈即刻問朋友就推薦咗我去臺北棧（尖沙咀分店）店舖都算幾大 啲座位亦都好闊落🤞🏻🤞🏻一個人叫咗酸辣雲耳蓮藕，三杯片皮鴨胸刈包同一杯珍珠奶茶🧋🧋酸辣嘅小食涼涼地好適合咁熱嘅天氣食 酸酸地亦都幾開胃 三杯調味嘅片皮鴨幾滋味😋配埋有少少麵粉香刈包同青瓜又幾不錯🤓份量唔會好大份 作為下午茶啱啱好😎仲有台灣嘢嘅精髓之一 珍珠奶茶一杯都幾大杯😹😹 每一啖都好滿足🧋奶茶嘅味道有輕微茶香 如果可以茶味重多少少 奶味輕少少就好滿意了🙈