至尊滿屋日本料理 (已結業)

門口個牌已經show到有好多好嘢食，坐低就緊係唔執輸，即刻嗌嘢食啦填好哂紙諗住落單嗰陣，有侍應已經主動過嚟收單，落完單大約過嗰五六分鐘，刺身已經到咗，刺身款類頗多，大赤蝦都有，刺身夠新鮮食梗刺身嘅同時壽司都到咗，花之戀不錯，另外火灸壽司亦都燒得啱啱好，芝士鰻魚卷非常好味不得不提嘅，當然仲有任食嘅海膽手卷啦，雖然係手卷，但呢間鋪頭特登整到細細舊，可以留返多啲位食多幾件，俾海膽亦都唔太孤寒，有兩片倒啦，海膽鮮甜蒲燒鰻魚雖然比吾上日本餐廳既鰻魚，但個燒汁味道都吾算差，魚肉肉質算冧，算好滑。焗廣島蠔，醬汁好惹味，蠔口感creamy而串燒方面等得就比較耐少少，但慢工出細貨～鹽燒海蝦蝦肉爽口之餘亦鮮甜而牛舌都好夠味，唔錯！飽肚之選仲有鰻魚炒飯，有啲油但好好食亦都唔好太大碟可以留返胃口食甜品～食完出面嘅西餅之後仲可以點雪糕雪糕有得揀係哈根大師定M牌雪糕覺得太膩嘅仲有西瓜同橙食吓添，兩者都夠甜總括而言，呢次放題絕對物超所值，鐘意任點任食捧住個肚走。

又係gathering嘅日子，要就返各人嘅口味，又點可以唔揀放題呢?約左夜晚黎位於瓊華嘅至尊滿屋食，一嚟到已經比樓下嗰條長龍嚇親，目測應該有100人左右， 苦等左10分鐘終於上到7樓,果然食好嘢係要有啲付出。呢間放題最大優點就系款式多，有d出面其他放題無既選擇，例如蒲燒鰻魚，避風塘炒海鮮，特色飲品等等今次試左好多刺身，有三文魚、鮮帶子、甜蝦、鮑魚片。刺身都ok新鮮。壽司款都有唔少創新款，好有創意，其他壽司好似花之戀咁都不過不失。海膽手卷，海膽份量適中，食落冇苦味夠鮮甜芝麻雞翼非常香脆咬落去個皮夠薄，又夠多肉汁，juicy ！特色飲品系吾同水果味既特飲，好意外，食放題都有呢d嘢食，同出面買三四十蚊既有得比。可惜雪糕(每人限一杯)movenpick朱古力雪糕Haagen-dazs新口味雪糕

出街食飯最怕就是選擇餐廳，有時候我想吃日本菜但其他人又不想，這個時間最方便就是選擇放題！應該可以照顧到不同人需要。這次所選擇的就是旺角的至尊滿屋，雖然是星期四，但830時人依舊有點多，幸好等大約5mins就有位置！放題必叫的刺身我最喜歡當中的鮑片，味道鮮甜、又有口感，不會軟軟的。三文魚和帶子也很肥美、新鮮！最令我驚喜的是蝦有2款，選擇不錯！雖然放題吃壽司會飽，但這樣小小的就很合適。而且芒果烤蝦天婦羅卷還真的很不錯！可以一試炸物的部分我不算太喜歡吃太炸的東西，所以都沒點了太多。但雞翼是必叫的，肉質嫩滑多汁，外面又香脆有口感，必食！燒菠蘿雖然很簡單，但也是我每次都會點的食物飲品很特別，除了雪櫃內的外，還有可加蘆薈粒等配料的特飲，我個人推薦荔枝。除了這些，還熱清酒，很特別。甜品選擇就較少整體上除了甜品以外選擇都多，而且質疑都不錯，水準以上！

四點五十幾分倒上到去見到門外有人已經開始等位，五點準時開門，劃分位置俾我地入去食嘢坐低嗰陣，侍應提我地飲品同甜品係自助，非常方便，一坐低見到有兩本簿，一本係刺身壽司，另一本係熟食，呢一點幾貼心刺身既選擇特別在有大蝦，真系好大好鮮，其他都正正常常，吾算多，但味道ok新鮮。甜蝦爽甜彈牙，三文魚十分厚切，帆立貝相對冇咁岀色但還可以。熟食都好多選擇，講吓唔同食物嘅感受先，聽講呢到出名好食嘅係芝麻雞翼，果然冇講錯！雞翼新鮮炸起，外脆內嫩，非常好食炒牛肉粒同蒲燒鰻魚亦都係唔錯嘅選擇，牛肉粒夠牛味加埋蒜片幾好食，鰻魚其中一兩條雖有細骨但有味道搭救炸一口芝士，咬開熱辣辣，啲芝士湧哂出黎，不過叫一舊半舊還好，叫得多有啲溜。蟹棒天婦羅，蟹棒唔係好似一舊粉咁，十分香口出嚟食嘢又點可以唔叫下蔬菜呢，份炒雜菜都幾ok，係所有濃味食物之中，食上少少平衡下就啱哂總括嚟講，呢度水準都OK，坐嘅地方都幾闊落，叫啲食物都冇乜漏單，而且算快上菜如果想飲罐裝野飲(蜂蜜綠茶、利賓納)可以自己出去拎最後每人仲會免費送一個#movenpick 雪糕或 #Häagen-Dazs ，包你食到飽住咁走。下次有機會都會考慮呢度再食過

今日約左好耐無見的朋友，於是找了一間食日式放題的餐廳試下，食物的款式好多，價格都合理，有刺身、串燒、熱食等等。 刺身好新鮮，三文魚好好食，飲品是自助形式方便選擇自己想飲的飲品！仲有可以在自助區取甜品！但雪糕的選擇比較少，應該提供多的不同味道供選擇！

上星期吃的放題，第一次黎瓊華食，質素都唔錯，食物齊全冇漏單！主要係想讚下d創作壽司，款式多而且個配搭都好夾。黑松露配蝦獨特得黎幾夾，成口充滿好濃列嘅黑松露味，令人回味無窮～三文魚腩上面有酸酸甜甜嘅汁，鮮味都吊晒出黎，火灸三文魚就係正常水準。芒果魚子壽司，同一般魚生完全唔同感覺，芒果係又甜又多汁，有小小似食緊芒果糯米飯。刺身除了必備三文魚甜蝦帶子之外，令人驚喜嘅有赤貝！平時食壽司先食到嘅野，竟然有的刺身食用，而且爽脆鮮美！！同埋有瓜瓜菜菜食真係非常好，唔係常見嘅炒雜菜，係燒翠玉瓜～仲有各式嘅甜品生果！不過我留胃食是日雪糕，仲有兩款大牌雪糕可以揀，唔係雀牌個d呀～個日有咖啡味同士多啤梨yogurt，同frd一人叫一個味share,結果兩個都超！好！食！好高質，雪糕令成餐完滿抵返晒。座置都坐得舒服，唔多人嘅時候可以用埋隔離枱，就算嗌到成枱食物都可以慢慢食，當然要食得晒先好嗌啦～～

之前女朋友一直想食放題，知道今晚會出旺角拍拖，上星期提早訂左呢間放題食一早聽人講呢間野好多人食下, 唔book都唔知要等位等幾耐早15分鐘到, 餐廳準時放人入, 都算唔錯啦，好多餐廳訂左都要等勁耐拎位時提我地要一坐底要立即點左魚生先 , 先再慢慢選其他野食不同時段有不同收費食品選擇都幾多下飲品任拎（啤酒都有）魚生勁新鮮！應該因為多人食流轉快關係壽司都好出色...串燒好食即叫即炸天婦羅炒菜榴蓮炸球 + 芝麻雞翅膀（必試）蟹粥又係必試之選

每次約朋友食放題前都會唔食咁多，所以今日呢餐真係期待左好耐，I'm ready. 整體而言，點左的熱食，熟食都好味道！熱食係未攤凍前都上到，食到。除左廚師對食物火喉同時間的掌握外，真係辛苦一班勞苦功高的waiter,waitress，令我無後悔揀左係呢度食！食放題一定要點刺身，透過刺身質素判斷想唔想食落去。三文魚係厚切架😍，甜蝦同赤蝦夠都無失手，夠甜同唔腥。食食下刺身，再食下泰式鳯爪，酸酸甜甜，好開胃。全晚的highlight絕對係呢個芝麻雞翼，啱啱炸起，熱辣辣，雞翼炸到金黃，咬落去好脆，有聲架！好食到再叫！雪花牛柳粒肉質夠嫩，忍唔住啪多左幾粒🙈見到海鮮類的避風塘頭抽炒海蝦有推薦兩粒字，於是叫左黎試。唔錯唔錯，海蝦夠大而且爽口。成晚大魚大肉，於是喺臨尾個下叫左個炒芥蘭，覺得健康d (自我感覺良好)。芥蘭唔苦唔老，味道偏咸，好想配般個飯黎食。喺雪糕呀，有誠意！仲要係Haagen-Dazs同Movenpick。成晚食左好多野，但幾飽都要食埋個雪糕先肯走人。一人可以揀一杯，好想食多幾杯先走人,haha.食埋雪糕好滿足~

今晚同朋友去旺角行街，因為有太多選擇之下我地竟然揀左放題(因為咩都可以食下，果然無失望)我地就揀左係瓊華嘅至尊滿屋，夠近！有去到已經坐無虛席，好多人，但好彩唔使等好耐一坐低我地已經拎左最想食個幾張紙落order，刺身好快就到，好大盤，無偷功減料，望落去已經好開胃果然，三文魚好新鮮，厚得黎唔會太肥，我仲一次食左好多舊。之後熟食嘅野就開始陸續到，芝麻雞翼、牛肉粒同羊鞍必須encore!!!肉唔會太稔又不會太熟，多汁易入口，雞翼仲比我encore 左3次，超好食至於羊鞍比預期中有水準，一啲都唔so，連唔食羊嘅朋友都話好食;另外飲品中有熱有凍，最特別嘅係竟然有得自己倒酒飲熟食中仲叫左炒介蘭，不過不失終於黎到甜品，佢有個櫃係自助甜品，食左一兩件之後就黎到今晚嘅重點，我地揀呢間放題都係見到佢地有哈根大師同Movenpick嘅雪榚回本之選！原來每人只可叫一杯，不過都要食！總括黎講，以旺角現在咁多放題選擇之下，呢到有水準之餘又抵食，實屬難得！

最好食就係杯Movenpick雪糕，但係每人得一杯咋,相當小價錢貴過其他放題，但係刺身唔好食，熟食、飲品同甜品的選擇都比其他放題少，又冇好食過其他放題，價錢同食物水平不符，我就唔會再選擇嚟食喇。自問自己的要求不是很高，大瀛喜已經覺得很好食了, 其實就對今次放題係非常之失望嘅，唔明點解會有咁多人推介，唔知今次嘅失水準係咪因為喺節日嘅前後啦而且服務態度欠佳,絕對揮手也沒有人理會,很討厭這種感覺所以絕對不會再來,寧願吃其他放題

本身我對食嘅要求只屬於一半嘅, 但這間放題店嘅質素, 喺我嘅要求之下, 所以我就覺得唔係好值LA! 魚生, 壽司方面, 尚算新鮮LA, 但係壽司黎講SIZE太細嚿, 呢個我覺得要扣分! 而且, 壽司上面嘅刺身, 同壽司飯, 經常分離, 咁不如食刺身好過啦! 喺熟食方面, 佢嘅質素, 似茶餐廳嘅質素, 認真, 我唔覺得食緊日本料理, 味道嚟講算係不錯, 食過一次就算啦, 未必會再去食第二次! 除非朋友叫到冇得推啦! 如果食過一次就算啦未必會再去食第二次除非朋友叫到冇得退

出糧日食好啲！同男人去食放題放縱一下佢話一係唔食 一食就食至尊 好啦⋯叫得至尊滿屋 又的確令人表示滿意嘅先黎個刺身拼盤 通常第一盤都係最正嘅真係唔好講笑 啲蝦鮮甜到不得之了重有拖羅同三文魚 厚切 好鮮羊架好正 唔會太熟 有羊味又juicy芝麻雞翼基本上枱枱都有點 雞皮炸到脆脆到 雞肉入口嫩滑juicy鰻魚·辣酒煮花螺都值得一食重有天婦羅 都幾多人叫 不過我地一般估佢唔到有避風塘炒蟹 唔係hea野喎入口啲蟹肉鮮甜 好食最後啪多個movenpick 完全大滿足

天氣凍食放題真係挑戰極限不過諗唔到食乜又乜都想食所以是食放題無誤第一輪先食刺身 最愛甜蝦帶子 好甜～另外赤貝都比較特別 平時食放題都好少見超爽脆呀 要追加！！幾款創作壽司不錯 火灸三文魚好食過就咁刺身食 蝦配黑松露都幾好食芝麻雞翼正到我喉嚨痛都要食兩隻 次次放題都必食芝蓮雞翼牛柳粒有炸蒜片係上面 夾埋一齊食好正螺都好辣好惹味好開心有菜食 係芥蘭頭～除左普通紙包飲品仲有特飲可以嗌食到成枱都係 努力中雪糕有哈根大師！！季節限定的士多啤梨yogurt 酸酸地嘅水果味

餐廳名氣很大，今天和朋友特意到來,試試是否那麼出色,但到過一次後有點失望,這兒通道較窄，經常都比人出入時碰到。沒有如要求的數量提供食物，特別是刺身! 我們3人用餐,落單12片帶子，來的只有5片，需要多入幾次單!大家都對這一點抱有不滿食物質素不算十分差!  最喜歡燒菠蘿、榴槤球及壽司都好食。但海膽手卷很腥!天婦羅炸得不太脆場內的服務員很好，收碟速度快，態度友善。不過價錢較同級質素貴,我寧願到附近的大喜家,性價比會較高

因為係平日，所以等位都唔算耐一入座就首先送咗兩隻鮮甜大蝦俾我哋第一擊當然係要食刺身啦！甜蝦三文魚同帶子都好新鮮雖然卷物係飯類，放題食飯好似好唔抵，但係見到依個炸蝦芝士飯卷就即刻俾佢吸引左！好好食！牛脷好軟熟推介: 榴槤芝士波波 好香榴槤味，同夠熱 炸生蠔俾大家，夠熱，好食依個壽喜燒牛肉鍋甜甜地好好食，再加上裏面有金菇同菜真係一流