至尊滿屋日本料理 (已結業)

門口個牌已經show到有好多好嘢食，坐低就緊係唔執輸，即刻嗌嘢食啦填好哂紙諗住落單嗰陣，有侍應已經主動過嚟收單，落完單大約過嗰五六分鐘，刺身已經到咗，刺身款類頗多，大赤蝦都有，刺身夠新鮮食梗刺身嘅同時壽司都到咗，花之戀不錯，另外火灸壽司亦都燒得啱啱好，芝士鰻魚卷非常好味不得不提嘅，當然仲有任食嘅海膽手卷啦，雖然係手卷，但呢間鋪頭特登整到細細舊，可以留返多啲位食多幾件，俾海膽亦都唔太孤寒，有兩片倒啦，海膽鮮甜蒲燒鰻魚雖然比吾上日本餐廳既鰻魚，但個燒汁味道都吾算差，魚肉肉質算冧，算好滑。焗廣島蠔，醬汁好惹味，蠔口感creamy而串燒方面等得就比較耐少少，但慢工出細貨～鹽燒海蝦蝦肉爽口之餘亦鮮甜而牛舌都好夠味，唔錯！飽肚之選仲有鰻魚炒飯，有啲油但好好食亦都唔好太大碟可以留返胃口食甜品～食完出面嘅西餅之後仲可以點雪糕雪糕有得揀係哈根大師定M牌雪糕覺得太膩嘅仲有西瓜同橙食吓添，兩者都夠甜總括而言，呢次放題絕對物超所值，鐘意任點任食捧住個肚走。