至尊滿屋日本料理 (已結業)

好耐冇食過放題了，今次男友建議食得豐富啲，就決定試下瓊華中心的至尊滿屋！星期四的晚上都好full,好彩我地都有一早book定枱，我地book左8:30pm的section。一黎到見到餐廳門口有一大個餐牌，睇到都覺得豐富完院滿座的餐廳一坐底當然要即刻食刺身先啦，呢到有三文魚、油甘魚、希靈魚、深海大赤蝦、吞拿魚、鮑魚片、珍珠柱貝、甜蝦同赤貝，好多選擇！而且非常新鮮，值得一讚估唔到日式放題都有泰式鳳爪，又估唔到幾好食wor!我最愛的黃金魷魚軍艦火炙左口魚壽司、火炙和風牛肉壽司、芝士醬燒帝王蟹捧壽司、黑松露牡丹蝦壽司，款款都屬水準之作！鹽燒牛舌熱烏冬，滑滑的，好味！芝麻雞翼、榴連炸彈都係即叫即炸，熱到辣口，個榴連炸彈真心好食！食到捧住個肚腩咁走，真係超級滿足的一餐呢

屈指一算 到底有幾耐無食過放題難得姐妹開到口 即本放底肥嘅念頭 陪食一下食過滿屋 又試一試至尊滿屋嘅威力 食後感 質素同款式方面都係好得！一開始緊係叫啲餐前小食開下胃啦 沙律。泰式鳯爪都好吸引手羽先勁好食 我地encore再encore 熱辣辣之餘 入口外脆 裡面嫩滑juicy 重有榴連控至愛嘅炸榴連波波 都好值得推介重有避風塘炒蝦 都係熱辣辣 味道一流串燒方面 牛舌調味ok 好有咬口 辣酒煮花螺好好食 非常惹味 唔會太辣隔離枱兩個人叫左8份 好誇張

When you arrive at the restaurant, you find that the price is more expensive than the same type of restaurants, but if the quality is good, then the sashimi platter, beef grains, sea urchin sushi, tempura, fish and rice will not be available Accept Beef grain lack of water, the entrance texture is not goodSea urchin weight is quite small, but there are 2, but also the smell of fishy, and sushi points \ weight is very small, eat can already put into full eaten. And raw fish, those fish are obviou

上星期提早約好左呢間放題食, 呢間野聽人講好多人食下, 唔book等位要等好耐book 左位, 早左15分鐘到, 準時放人入, 比好多訂左都要等勁耐既餐廳好好多一坐底立即點左魚生先 (拎位時都提我地要), 跟住再慢慢選其他野食特價時段仲抵 ($188)食品選擇勁多飲品任拎啤酒都有多人食貨去得快, 魚生勁新鮮! 壽司都係...串燒都熱辣辣好好食天婦羅.....食得即叫即炸炒菜榴蓮炸球真你不得了 + 芝麻雞翅膀蟹粥

為了這天夜晚的放題，我已將餓了整個下午，結果真的沒有令我失望。每次和朋友去食放題，最令人期待的就是刺身，而這次的刺身拼盤也沒有令人失望，我們點了最愛的三文魚和吞拿魚等，不但十分鮮甜，也很彈牙，十分有口感。在壽司方面，我們則點了飛魚子壽司、鰻魚壽司等，配合著wasapi豉油，簡直是一大享受。而在熟食方面，更加食令人食指大動，海蝦天婦羅、芝麻雞翼、雞軟骨、牛舌、炸鮮奶和日式牛肉窩等都非常美味。能夠以任食價錢食到以上的食物，真是非常的便宜。希望我和朋友在將來能再來這家任食放題餐廳食飯！

相信好多人都食過滿屋架啦，但係呢間至尊滿屋又唔知大家試過未呢🤤🤤今日同班frd就決定嚟試下，帶大家睇下到底有咩好食😎最基本既就係魚生啦☺️今次就試咁吞拿魚、三文魚、鮑片等等。比起其他日式放題，呢到既三文魚有鮮味好多☺️唔知大家鐘唔鐘意食蟹子壽司☺️真係好好味又唔會好大陣腥味！我都忍唔住叫多兩碟呀另外想問下大家會唔會叫呢啲鍋物呢？呢個肥牛鍋真係一流☺️😋啲牛肉唔會太肥又唔會太瘦，岩哂大家又唔想咁肥又想食肥牛啦！

約咗一班中學同學去食晚飯，咁多人食就梗係去食放題比較好啦，因為多選擇呀嘛，咁我之前食過至尊滿屋都唔錯，地點又夠方便，所以我就提議食呢間！一去都唔使諗就梗係要食刺身啦，呢間嘅刺身真係無得輸，好新鮮，賣相又好看，赤貝同油甘魚都好好味，一d都唔腥，因為我好怕食好腥嘅魚！睇吓啲三文魚，非常之厚切，出曬油，超級靚，仲好有鮮味火灸壽司都好好食，又夠特別又夠創意，味道都唔錯真係要推介大家食蟹肉蟹醬軍艦，蟹味濃郁，蟹肉鮮甜識食就梗係一定要食蒲燒鰻魚啦，鰻魚整得非常之鮮甜，醬汁簡直係入晒味，口感亦都唔錯焗廣島蠔都幾正，配料夠多，調味果隻醬汁好好味，有少少酸甜味，廣島蠔都唔差，唔會話太細隻，有蠔味食放題點少得食炸物，芝麻雞翼、吉列蠔、炸一口芝士⋯⋯鐵板雪花牛柳粒，牛柳都好淋，夠曬入味仲有東風螺，好重酒味食放題好難唔飲野，飲品種類好多，都有好多選擇，啤酒汽水果汁樣樣齊呢間放題各方面都做得好出色，材料亦都好新鮮！

難得同屋企人一齊放假，咁我哋就出咗旺角區行街，經過瓊華中心，有人派傳單，就派左張至尊滿屋嘅放題宣傳單張俾我哋，屋企人見到超級想食，咁我哋就上咗7樓嘅至尊滿屋食放題啦！都幾抵架每位仲要減＄20添！介紹下啲嘢食先！芥末八爪魚手卷，係我屋企人最愛嘅手卷😍細細件，易入口，都唔錯海膽手卷，好濃好香嘅海膽味，食多兩件都唔夠喉芝麻八爪魚，好大隻，超爽口燒有機日本番薯仔，呢啲一粒粒嘅番薯仔又好咬口，又甜，幾好味燒羊架，一d都唔腥，好厚肉，但都好淋熱烏冬，烏冬應該係日本烏冬嚟嘅，超幼超滑，好有口感，湯底味道仲岩岩好避風塘炒蟹，蟹肉好入味，夠晒火候夠晒鑊氣，蟹肉亦都好鮮好多肉，食到舔舔脷避風塘炒大蝦，蝦肉超大隻，同蟹一樣好夠味，蝦好爽口馬拉盞炒芥蘭，啲芥蘭好嫩，馬拉盞嗰隻味啱啱好，惹味中帶少少香辣，十分不錯整體來講，間放題係唔錯，食物選擇多，味道唔錯！

第一次來因為鰻魚感到很驚艷，覺得下次路過還是會進來。今次第二次過來吃，漏單實在太嚴重，上菜速度太過慢，刺身極度不新鮮。其他料理類質素倒是不錯，對熟食表示很滿意，服務態度滿意，但是真的不會再來了。太失望了。。。。。。。。。。。。。。。。。。。。。。。。。。。。。。

我個有細玩到大嘅好朋友今日生日，咁生日飯就諗住帶佢食好少少啦，所以我就決定帶佢去食放題啦，大眾化之餘，選擇性又高，咁我就book咗枱，嗰晚去食啦！睇一睇嗰個餐牌都幾多嘢食架，選擇種類又多，又有刺身又有熟食又有甜品，飲品仲要係任飲添！食放題通常我哋第一時間都係攞咗嘢飲先嘅，估唔到飲品種類都幾多架喎，又有汽水啤酒果汁茶仲有清酒飲添，諗住今晚不醉無歸😂😂😂我個朋友就最鍾意食壽司架啦，所以佢瘋狂地叫壽司，話要食返夠本喎，壽司種類真係幾多架，又有軍艦、卷物、手卷、火灸壽司等等，真係好多選擇！真心推薦芝士醬燒皇帝蟹柳壽司，真係好鮮甜啲肉，仲要加埋芝士，個口感真係好唔錯軍艦壽司都好好味，好出色食日本野點可以唔食天婦羅架炸得超香超脆，尤其是炸蝦天婦羅，蝦肉係爽口嘅，又夠大隻，真心覺得好好味我個朋友就叫咗碗喇沙，非常之足料又有蝦又有青口等等，辣味程度適中，麵底係烏冬嚟嘅，非常之滑同好彈牙鹽燒雞翼都好好味架，配埋檸檬汁，真係整得幾入味！呢間放題唔錯下次再黎👍🏻

今日同男朋友去左旺角食放題，我男朋友個同事介紹咗佢去一間喺瓊華中心7樓叫至尊滿屋嘅放題，佢話同事誠心推薦，所以我哋就去咗試吓！一去到，都好多人已經食緊，好彩我哋有book位唔使等位，座位都坐得幾舒服，唔錯👍🏻一去到就梗係要叫咗啲刺身先啦，三文魚真係超新鮮呀，仲要超厚切，深海大赤蝦刺身真係要推薦大家食，超鮮甜超美味😋蜜糖芥末三文魚腩壽司都好好味，三文魚腩都幾靚，加埋啲蜜糖芥茉醬，又真係幾好味😊蟹籽沙律就係我嘅最愛啦，沙律份量唔多，細細地，幾啱我哋啲女仔食，仲要超足料超多蟹籽同蟹柳！燒菠蘿同燒翠玉瓜都唔錯架，夠晒入味，燒菠蘿仲要好甜，好多汁！鹽燒海蝦都要介紹大家食，因為蝦肉真係幾爽口，又夠大隻，鹹味十足！牛油炒粟米呢個一定係放題必點，好香好香嘅牛油味，份量適中👍🏻最後佢會送上甜品，我想講呢個甜品非常之有誠意，因為係Haagen-Dazs同movenpick !我就選擇左士多啤梨味啦，呢個經典味實在太正，無法抗拒！呢間放題誠意太高，我下次都會再嚟食過！

mongkok放題， 有非非非常多 而滿屋好似好多人食哦，就一於同朋友們一起去食夜晩啦食物種䫋有勁多選擇for 我地， 上野都唔算叫做慢，因為食住等又唔覺得慢食物有好有差紫貝天葵白桃梳打 非常之大背好多冰 但係超級非常甜 甜到要係咁飲茶先得,不適飲品有啲中伏最冇得輸就係movenpick雪糕泰式天使蝦 份量唔多 啲肉唔算太新鮮 唔夠爽滑彈牙最好都係傳統嘅刺身 三文魚 肥美火焰壽司同壽司飯唔算太夾 唔夠熱手捲就一般般 海膽上算有鮮味

星期五晚上相約了朋友食飯，在午飯時間朋友提議食放題，臨時臨急都驚無位，找了旺角的至尊滿屋試試，竟然訂到位，心想訂即日晚上，還要是星期五，竟然有位，都有啲驚驚會唔會中伏！誰不知去到，發現menu食物种類繁多，而且味道美味，刺身亦生鮮，絕對唔hea.....羊架同芝麻雞翼都好好味， 熟食的一口牛有牛味之餘又夠腍....野飲方面仲有大大杯的特飲任飲，亦有暖暖的清酒！重點係價錢唔貴，每人都只是大概250連加一！放題黎講以食物的種類同味道價錢黎比，我覺得至尊滿屋性價比好高！好抵食是次惠顧沒有特別影相，美中不足係出現漏單情況！

食放題,款式又多,樣樣都可以試下,真係食極都唔會厭!!!又一好介紹,就係依間位於旺角瓊華中心7樓既至尊滿屋日本料理!!!依隻尖椒真係辣到跳舞,好有後勁真係好過癮!!!栗米有牛油香食落甜甜地依到既蟹粥重會有蝦栗米,無咁單調!!!三成日都覺得刺身師傅好似藝術家,將刺身擺放得好精緻美觀,單憑外觀已經流口水!!! 刺身好新鮮,三文魚希靈魚吞拿魚全部切到厚厚的,入口好滿足!! 叫完再叫,每次都比足份量同無漏單!!!焗蠔有好多配料,芝士蟹柳等等,食落口感好豐富!羊架燒到六.七成熟,唔會唔熟又唔會太老,生熟度拿捏得好好,岩曬大眾口味!鹽燒海蝦同炒芥蘭燒鰻魚真係無得頂,燒汁濃味,軟綿綿入口即溶,真難忘!!!燒紫薯仔,連皮食,依隻紫薯特別甜!!燒牛舌好爽口好有咬口!

相隔了一段時間,再次光臨這間至尊滿屋,食物水準質素同樣高,沒有退步!• 刺身可謂日式放題的靈魂,前題必须要夠新鮮,再者就是選擇多寡!• 這裏的刺身兩者都做得很好,質素高!特別是吞拿魚.甜蝦.帶子跟榮螺!• 沙律清新配泰式鳳爪酸酸辣辣很開胃,作前菜一流!•壽司種類款式多又有特色!• 避風塘炒蟹有鑊氣十分野味,蟹肉結實而不霉,一份的份量已很多,毫不吝嗇!• 椒鹽鴨舌,炸過後口感十足,這裏有任飲啤酒,這道鴨舌佐酒一流!• 避風塘炒蝦有鑊氣十分野味,先炸後炒的蝦殼脆卜卜連殼都可以食!• 東風螺很入味,一粒又一粒食不停口!• 燒菠蘿,燒海蝦• 冷面配料豐富,攪伴後每條冷面均掛著胡麻醬,冷面做得很出色!• 炒野菜,炒芥蘭,味偏濃很美味!• 兩款特飲,顏色十分漂亮,一啖飲下透心涼!