至尊滿屋日本料理 (已結業)

旺角睇戲食飯直落，放題個時間zip得剛剛好，加上朋友我次食過推薦，所以就豪不猶豫跟左佢黎。一入黎路經佢個野飲櫃同甜品櫃，甜品既選擇都幾多，但都係後話。座底左之後都係點左刺身先！刺身整體水平幾高，睇得又食得，雖然種類唔算多，但勝在質素高，我朋友係咁啪甜蝦，我就係咁食三文魚，十分過癮！食左一輪刺身我地開始食熟食野，叫左好多燒物，燒雞翼牛舌波蘿冬菇等等，整體質素中上，好juicy唔會燒到太乾或太燶，燒蝦我地點左幾轉，食完絕對想再食。最後仲叫左少量壽司同手卷，食埋已經好飽了。呢間放題刺身，燒物，同壽司質素都好好，唯一缺點就係啲甜品真係麻麻地😂