至尊滿屋日本料理 (已結業)

星期日約班朋友食晏，我要求搵間位置要方便、人唔太多、可以傾得耐、價錢唔貴、食物質素唔錯、最好有大玻璃，見到啲陽光嘅⋯⋯我以為拋啲難題刁難一下朋友，估唔到有人話真係有間符合我要求喎，就係呢間至尊滿屋日本料理，位於旺角近銀行中心嘅瓊華中心，方便大家聚集，上到七樓雖然唔係好高，但有兩邊大玻璃窗，陽光直接射入好舒服，放題時間由中午十二點至下午三點，都只係$178 + 10%，每人 二百蚊都唔駛就可以食足飲足三個鐘，向繁忙嘅星期日嘅講，真係好唔錯，呢間放題不論食物或飲品選擇唔太多，可能係咁，全層都只坐到三分一，相對唔嘈，較其他放題清靜好多，唔會同朋友傾計傾到好似艾交咁，話雖無咁多選擇，但其實啲食物都已經滿足到我哋，後半部份我哋不段飮清酒食雞泡魚干，都唔知幾爽。