至尊滿屋日本料理 (已結業)

今日星期一 通常閒日食放題係比較抵食 今日就嚟試吓瓊華嘅至尊滿屋 七點上到去已經好多人 但好彩都暫時唔需要等位 餐桌密密麻麻 但放題就係咁迫咁熱鬧 個個食放題第一樣都係食刺身㗎啦我都唔例外㗎其實我哋只係兩個人 但每樣都想試吓巨型嘅刺身盤五顏六色 真係好吸引總括來講刺身都係新鮮 尤其是甜蝦好鬼正蟹子青瓜沙律 好清爽嘅前菜軟綿綿嘅蟹粥叫咗兩份雞泡魚干 估唔到真係得兩條🤣🤣鍾意食嘅朋友仔可以叫多啲 熱辣辣都幾好食好少放題會有左口魚 正呀 沒有失望每人可以叫一款雪糕 另外呢度居然有白桃酒女仔一定鍾意!! 放題梗係要飲返夠本我哋食咗個幾鐘走嘅時候已經要排隊建議如果想上嚟食嘅朋友都係早啲

生日選了這間日式放題食飯慶祝，因之前表姨甥女去過post咗d相片，看見好似好新鲜而且甜品是Haggzen Doz或Moven pick雪糕好吸引。但到後有點失望，因我訂了8人，到後安排到一張較窄可坐八人的卡位，但因有兩位男仕肚腩較大，感覺不太舒服,於是問工作人員可否調到不是卡位的枱，但工作人員表示沒有枱，我們唯有焗住坐回卡位。點食物的纸d字太细，都看不清是什麼食物……姪仔們點了一大堆壽司，簡直嚇了一跳，成枱壽司點食呀！最後我們……不說了。最不滿意就係d刺身遲遲未上又比吾足……海膽味道怪怪，最好味的算是羊架了，款式算太多，雪糕又限每人一杯，韓國飲品多尚算可以，這間放題一次夠了。

我們四個去食放題！之前去過好多次滿屋的其他分鋪！D嘢食都几好！銅鑼灣是我最先去吃既地方！是幾好既！尖沙咀都0k！同埋D職員都唔錯！但今次去旺角瓊華中心7樓！真的好失望！D伙記返工好像是個個都有帶著怨氣一樣！質素比較差！問洗手間係邊度面無表情手畫符指左下！再來問有冇溫水！她語气的的差！說自助既！自己拿！難道唔可以話我們是自助既！麻煩自己過去拿！這個女職員及其看唔起人既感覺！吃個飯又唔是唔使收錢！D食物都差左！下次再去都難啊！😡😡😡今時今日的！咁樣嘅服務態度係唔得嘅！就算你有咩問題都唔好對個客人吧！我朋友說！這個飯食得好搞笑！這種地方又唔係茶餐廳！大排檔！食個飯仲要受氣！覺得好委屈！

同朋友行行下街，接到傳單而上去，其實我地約左第二間但見呢間又幾平，我地又行我攰攰地，所以諗都無諗就上左黎食傳單寫20:45入座先有折，差15分鐘，都諗住唔會俾我地入，點知上到去經理俾我地照入，計20:45打後個價，仲俾左88折我地可能平日關係，所以有好既待遇。一坐底緊係黎個刺生先啦，黎得好快，刺生都好新鮮，我最愛佢既甜蝦，我一個人都可以食50隻仲有佢炸第個類既芝麻雞翼同炸榴連都係我最鐘意食，榴連波真係好流心，食個事小心熱呢間整體非常好，服務都好周到，我地4大1小去，一開頭俾左張4人台我地，不過唔緊要，因為都知個日多人，所以都無要求要大台，但食到一半，有位職員自動話幫我地轉過張大d既台俾我地，等我地坐我舒服d，轉左6人台後，位置多左，係食得舒服既-小朋友90cm高就要收小童價啦⋯⋯我小朋友高左1cm到，都計free。

今日約左細佬去食放題，早幾日已經打左去至尊滿屋預約左枱，今次係第一次食滿屋，7點去已經好多人😳好彩book左枱吾洗等😌一坐低我地即刻order 刺身先，基本上咩都叫 😏非常值得稱讚嘅係野上得好快而且冇咩留單嘅情況出現👍🏻d刺身好新鮮肥美，特別係三文魚非常肥美/赤蝦肉厚鮮甜/d油甘魚非常有油香，仲有鮑魚刺身真係好有鮑魚味同甜👍🏻👍🏻👍🏻成盤刺身都好高質數👍🏻完全無任何冰鮮味!而佢地嘅熟食種類都非常之多，當中特別推介佢地嘅鹽燒海蝦好惹味肉質爽口彈牙有蝦味及芝麻雞翼炸得好脆口同入味,食左幾轉😆😆同埋飲品方面佢地種類都好多，仲要有酒類飲品😏仲有M字雪糕食！ 今時今日250蚊左右一個人食放題可以食到甘高質😋😋😋😋真係少見少見，我地真係食得好滿足very good，會在返黎食😆😋😋😋

同太太旺角行街，佢忽然間話好耐冇食放題，於是馬上睇吓附近有乜嘢餐廳，結果就過咗嚟呢間一試。喺餐廳門口見到banner食物款式都算多，於是就試吓。食放題一開始叫魚生是常識吧，我每款種類都叫咗少少，方便試味道，佢哋上盤嘅數量都跟足order，唔似其他餐廳有邊樣平啲就俾多啲嘅問題。魚生我都覺得係其他放題餐廳水準之上，特別係油甘魚，魚油味非常濃郁叫咗其他小食，唔係樣樣嘢食我都有影相，不過整體水準都好好，唔會忽然間有一樣野特別覺得唔好食，推介溫泉蛋五花腩味道真係做得好好，泰式鳳爪做得比其他餐廳酸甜，我太太非常鍾意食另外放題重點串燒，控制火候都做得好好，唔會有太乾嘅情況，肉類同蔬菜類都係燒到啱啱好，加上佢調味簡單只係加上少少鹽，真係食到食材新鮮嘅味道另外不得不提服務員態度都好好，嗰日其實成間餐廳都爆場，但係服務員依然保持笑容，我有幾次問啲菜式係咩黎，佢哋都耐心解答，值得一讚！

今日去左一間叫至尊滿屋日本料理，講明至尊應該嘢食好正同新鮮。首先一黎到當然要叫個剌身先啦，三文魚，大蝦，吞拿魚……每件都係厚厚，大大件同好新鮮。去到飲品櫃，選擇又多，咩都有得飲。我最鐘意食就係 炒蜆，兩個人的份量又夠大， 辣辣地好惹味。串燒都有好多簡架，有羊架，雞翼都好正架最後當然要食甜品啦，佢係成個雪櫃都係甜品，雪糕有movenpick同haagen dazs好多隻雪糕俾你簡，但係只係一款。總括黎講都係一間幾好放題

這間放題我其實已經知道有一段時間，但因為朋友的食評說唔太吸引，所以一直都唔會將佢放做第一選擇。最近係放工路過見到佢地派傳單，所以就想去試一試。剛巧有兩位朋友有時間，就即日出發了。因為人數少，所以刺身盤唔會太大，試完後發覺三文魚都真係唔太好吃，其他普通的刺身也不太吸引。他們供應嘅刺身唔多，最想吃細甜虾都無，刺身和碎冰結合，很難分開。這個真的要改善我一向對放題的炸物興趣不大，但因只吃刺身實在不飽，所以便試試天婦羅,試完後發覺真係不好吃,炸得很油,內裡的食物不新鮮的。。這個希望也會改善。其實這兒的食物真的非常普通,不過找個理由和朋友聊天都係好事。不過我應該唔會再去，因為選擇真係太少。可能競爭太大。,這里的職員禮貌一流，我想佢地都想做起返間食店，不過食物真的有很大很大的改善空間,希望我們的意見他們會接受並改善吧

朋友旅行回來要送手信, 就約在最方便的旺角吧!餐牌選擇極多, 多得就算如果每款食物只點一件, 都應該會吃不下那麼多飲品方面有較少見到的LOTTE 其他味道, 如這個蜂蜜梨汁第一碟上來的鰻魚壽司, 質素不錯炒蜆夠辣惹味, 蜆肉有彈性, 不是死古古的那種口感外脆內軟的芝麻雞翼, 上枱時熱辣辣, 原來即燒的, 一讚燒鮮菠蘿很新鮮及 juicy, 連續點了幾次之選鹽燒海蝦異常好味, 肉質彈牙之餘, 外面的海鹽將蝦肉味道提升, 是為是晚最正的一款(之一) 連帶味噌湯裡的蜆肉也有一定厚度, 不會是那種超迷你的 size比較特別這裡有清酒提供, 好一杯的朋友應該很高興最後甜品還會送一杯季節限定版的Haagen-Dazs 或 Movenpick雪糕, 好開心

好友想去食日式放題，這個提議都不錯大家都可以選擇唔口味去叫嘢食，於是我訂了係旺角的至尊滿屋日本料理可以近她放工方便過來，晚上時間7點幾都已經坐滿了，好彩一早訂了位。坐底之後侍應給我們兩本薄原來是點嘢食的，每張點食物單都要寫自己嘅枱號同埋人數，有好多嘢食選擇，刺身，壽司，手捲，天婦羅，串燒，燒烤，小炒，粥，特飲、雪榚真是喜歡食多少任你點的，餐廳有一個位置是自取飲品，生果及甜點都是自己任攞的。今餐日式放題主攻了熱食，串燒系列有燒有機鮮菠蘿好鮮甜，串燒冬菇燒得好乾身和鹽燒海蝦少許海鹽好惹味肉質爽口彈牙。炸物系列芝麻雞翼炸得好脆口雞翼味道好入味，仲有的至愛榴槤炸彈外層炸到金黃色一啖咬落去榴槤流心好好味呀。天婦羅系列虎蝦，蕃薯，溫室南瓜，天婦羅漿粉炸得好薄好鬆脆。和風料理系列蜆仔麵豉湯中規中矩，熱烏冬烏冬好滑質感好彈牙。最後還有一人一杯雪糕有不同味道選擇，我們都食得很滿足。

間唔中要食一次既放題，選擇間間都差唔多。人人都係先來個刺身盤。全部刺身都係正常水準 有個真雕魚就不太建議叫。三文魚比較好蟹籽沙律大大兜，幾個人叫一個share就夠，欠缺蟹柳絲滿屋咁多張紙最好食係咩？真係出乎意料係創意壽司，火燒完口感同味道都好好，強烈推薦大家食創意壽司，雖然食放題叫壽司好怪，不過呢個好食就當然要叫啦而熟食方面最好既就係牛肉鍋，我每次食放題都必點，呢到既牛肉鍋肥牛份量夠，有4塊，而且鍋底菜啊豆腐都夠食，叫一個就啱啱好。海膽手卷，唔講太多，大家自己看雪糕有movenpick，不過就唔係任食，只可以食一個每人

琴晚收工決定慰勞下自己 去食翻餐放題。食親放題就梗係叫翻個刺身拼盤先啦，點可以冇三文魚，吞拿魚，蝦，帶子，依d必點嘅食物！依度嘅刺身選擇都ok多，雖然我地都剩係食左幾樣熟食我地都叫左好多，而且出奇地，依度嘅熟食真係幾好味！印象最深嘅就係雞翼同牛舌，我地重複要左三四次，食極都唔厭lol當然 下面嘅避風頭炒魷魚，冬菇，同埋羊架都好唔錯，不過羊架食一件就夠啦，唔係嘅話就食唔落其它嘢㗎啦～除左上面題到嘅嘢食，我地仲食左下面相入面嘅嘢，好飽咁離開左lol

依家物價指數上升，一個午餐都要60.味道都係一般，放題我就最喜歡，上次食左放題，今次回味再黎，因為真係出少少錢，食N多好味道嘅野👍 首先係頭盤刺身，我最愛，好豐富，大蝦，甜蝦，新鮮到不得了，點知？目測蝦頭係紅色，食落口，蝦肉係彈牙架，而且好清甜，🤟蟹柳真係實滴滴啖啖肉架，味道係清甜的，鮑片更加係無得頂，有嚼頭，鮮甜鮮甜架，帶子都有返咁上下大粒，不是雪左好耐的貨，彈牙，甜蛋螺肉都好好味，拖羅和吞拿都有，肥厚適中，咬落去好彈牙，鮮甜原味充滿整個味蕾😍超級幸福的感覺！ 壽司更加係特別點睛，有黑松露甜蝦壽司，濃濃嘅黑松露，配甜蝦，非常夾，蜜糖芥末三文魚腩又係非常特別，小小攻鼻感覺好正，三文魚腩好滑，好新鮮。 火熾鰻魚熱熱地食，好滑，好正鰻魚好好食吖，仲有結實嘅蟹柳，好似做左好多運動般結實彈牙，正，火熾牛肉又係滑彈牙，好有嚼頭，👍最期待嘅蟹粥，唔係間間有得食，蟹粥係好甜，粥又好滑，每次都必點之一，因為唔係周圍有得食，而且有價錢都唔平架。 燒牛舌超級無敵好味，牛舌好彈牙容易嚼，炒蜆好惹味，小小辣，好夠火候，好味，咖喱蟹

又去食放題啦，好掛住魚生刺身呀！呢間之前食過，一直念念不忘，想再食好耐，今次決定放工即刻衝去食！瘋狂點了刺身，同上次一樣，水準質數仍舊好味新鮮，我最食得多係甜蝦！不斷叫不斷叫，非常鮮甜，仲有大隻嘅牡丹蝦，大大隻，口感一流，加埋啲蝦膏，超正！三文魚也很滿意，好肥美，新鮮，色澤也很好。其餘放題食品基本上其他店舖有的佢都有，特別一提咖喱炒蟹，份量好多，隻蟹吾細隻，咖喱味都好夠，好match好香。另外仲有我最愛嘅燒波羅，上碟速度好快，熱呼呼，好甜，good ar ~有驚喜嘅係羊扒，放題嘅通常都會實卜卜，今次吾同，真係食緊有質數嘅羊扒，值得加分！最後飲品方面比上次黎多咗選擇，有色彩繽紛嘅手調飲品，我就叫左荔枝，吾會好多糖漿，仲幾好飲添！

放題近年開到緊有一間係附近，忽然很想吃刺生，所以就去吃放題。本來是想吃大喜屋的，但full booking ，在openrice 內看了看，就選了這間。 Book了枱，遲了一點到，幸好仍可以即時入座，當然不客氣的叫了刺生，新鮮度不錯，三文魚蠻厚的，大蝦也鮮味。不過手卷較一般，紫菜不脆。 但最驚喜的是熟食，不論是牛柳粒，粟米，香芋丸，榴蓮丸，串燒牛舌也很美味，較預期出色很多。 反而特色飲品，味道似藥水，亦沒有圖片上漂亮，不過反正有隨意拎的罐裝及盒裝飲品，試試也沒關係了。 這裡是下次可以再考慮吃放題的地方。