臨家麵館

营业中

休息中

平時Lunch都會附近搵食，Lunch時間見都多人係門口等位～上星期終於入咗去試下🥢職員都算禮貌👍點咗紅酸湯魚片麵，原來入面都好多蔬菜仲有雲耳，湯嘅味道好開胃，魚片都唔少。另外叫咗個豬腸，好淋， 幾野味，整體質素不錯呀 下次試下沙茶湯底 個同事叫咗味道都好香👍👍

因為第一次試呢間餐廳 唔係幾知道食物份量所以就好似平時咁.. 一人一碗麵+一個小食~而最後就係食唔晒😹個份量真心好多🙋🏼‍♀️紅酸湯牛肉片扁粉個size真係大到有啲嚇親我!碗麵係用個好大既金色鍋裝住 望落都好有gimmick~份量絕對夠一個成年男人食飽晒!紅酸湯其實係蕃茄湯底真係見到好多蕃茄肉 絕對唔係用湯粉沖出嚟既感覺~牛肉既量好多, 而且個形狀都幾特別唔係一片片嗰種鮮牛肉既shape,而係有啲似牛肉碎~但一夾上黎就係一大抽牛肉碎~口感好好 有嚼勁!至於麵底~ 我就揀咗扁粉個口感似撳扁咗既烏冬🙋🏻‍♂️台灣紅燒牛肉麵有兩大舊牛腩~ 炆到好淋 好索湯汁一咬落去唔止牛味 仲一定會食倒湯頭既鮮甜!除咗主角牛肉之外~ 仲有好多大大舊紅蘿蔔所以飲啖湯嘅時候就會發現有份紅蘿蔔既甜~麵底份量足夠! 算彈牙~🐣台南鹽酥雞見到價錢, 以為得幾舊雞..心諗我哋兩個人一定食得晒啦!點知一黎到, 原來有成1x 舊雞😹勁多外皮炸得夠脆, 雞肉嫩滑但調味方面可以再香口啲~🐖麻辣大腸可能因為要迎合大眾對辣既接受程度所以個麻辣唔算好辣~反而調味方面加左好多蒜頭令到個大腸好香口份量方面..多得好誇張😹

今天光顧了這家新的台灣餐廳，見到餐牌門口貼滿了食物的相片，非常吸引，望入去見到以金色容器承載着一大碗麵，非常好味似的，於是抱着即管一試的心態進入餐廳。這家麵館有很多選擇，有阿里山酸湯粉、蕃茄濃湯底、台南沙茶麵、肉燥撈麵及各款特色小食。麵底可選台灣麵、台南扁粉、台灣扁面及米線。我們叫了：💐 紅酸湯牛雜台南粉紅酸湯很特別，有蕃茄甜甜酸酸味道，非常開胃，帶少少辣味，材料豐富：有牛肚、牛肺、牛腸等，真係好大碗！💐 醬滷大腸沙茶麵比想像中辣，很多大腸，另外亦好多配菜包括肉碎、旺菜絲、野菌菇，蔥花及芫荽等，好味！跟餐飲品加$8可配奶茶、咖啡、檸茶，冷熱同價。👍🏻Remarks:台南扁粉：好似較幼身的河粉，煙煙韌韌台灣扁面：與台灣麵差不多，沒那麼粗身而已，我最喜歡。

麵食離唔開米線，食得多有少少悶😅配料來來去去果幾款 。呢區近酒店，遊客比較多，餐廳好旺場，連遊客及本地客都幫襯，應該唔會太差👍🏻台灣紅燒牛腩麵 $56足足有四大條牛腩，炆得入味又鬆軟，不失牛肉質感，配上台灣扁粉，煙煙韌韌好順滑。湯底超濃，吸盡湯汁，好惹味🫰🏻臨家牛腱撈麵 $52牛腱厚切，味道調校剛剛好，乾撈有加入肉碎，唔會太乾爭爭🫰🏻配飲品加$8，價錢合理 。台南鹽酥雞 $42外脆內軟又多汁，我皮唔會炸得太厚，雞肉肉汁豐富 。麻辣大腸 $32辣到屬於BB辣😆大量蒜蓉配上特製醬汁，軟糯入味。

紅酸湯海鮮台南扁粉，海鮮包括蝦和魷魚鬚，新鮮且彈牙，當中的嚼勁為整道菜增添了豐富的層次感。鮮豬肉碎的加入更是提升了肉香，讓湯品更具滿足感。旺菜絲、野菌菇、蔥花和芫茜的搭配，不僅增添了色彩，還讓湯品的味道更為豐富。旺菜的清香與野菌的鮮味相得益彰，讓整道菜的口感更加立體。。紅酸湯的湯頭酸辣開胃，鮮明的口感讓人一試難忘。扁粉的口感滑順，與湯底完美結合，吸收了湯汁的鮮香，讓每一口都充滿味道。手拍青瓜口感爽脆，咬下去時發出清脆的聲音，讓人食欲大開。加入蒜末、辣椒和醬油等調味料，調味均勻後，青瓜的清新與香辣的味道相互融合，形成獨特的口感層次。檸蜜清新怡人，檸檬的酸味與蜂蜜的甜味完美結合，帶來一種平衡感。冰涼的飲品在炎熱的天氣中尤其解渴，讓人感覺瞬間清爽。

#chuchu食在荃灣📍 臨家麵館 係食台南特色麵的！大大個紅色招牌！keep住都好多人入！好光猛，坐得好舒服！💡好近悅來熊貓酒店的！—————————————————————❣️ 紅酸湯本地（新鮮）崩沙腩台南扁粉 $65崩沙腩大大舊！好腍好有牛味的！紅酸湯甜甜酸酸似加左小少辣嘅蕃茄湯，好開胃！唔算好辣！可以一試！第一次食台南扁粉幾特別，有啲似幼河粉，吸滿湯底味，好好食！仲有鮮豬肉碎、旺菜絲、野菌菇、葱花及芫茜！✨ 牆上寫住-阿里山酸湯古法發酵老壇酸湯經多年室溫發酵而成，可降血壓又可以減肥😏.❣️ 臨家牛𦟌撈麵 $52呢碗就係台灣麵做底，硬身啲啲！牛𦟌夠厚份量都好多！入口無筋彈牙的！有秘製炸醬，旺菜絲，青瓜絲，花生，酸菜，蔥花及芫茜，超大碗的！.❣️ 麻辣大腸 $32豬大腸炆得超淋，又唔會話太辣，唔食得辣嘅🐷都好ok! .❣️ 台南鹽酥雞 $42去台灣旅行必食！有台灣嘅味道！炸到脆卜卜，入面肉都好嫩！炸粉好薄！.❣️ 凍熱檸蜜 +$10 （跟餐）.💬 姨姨好好！服務好又醒目！見到佢對客人好細心又有耐性！—————————————————————不專業評分👅好味指數: 8.5/10 💰性價比: 8

今日行過荃灣，見到呢間臨家麵館，店舖細細，但係入邊勁多人！一睇就知係臥虎藏龍嘅餐廳！所以我都唔執輸即刻入去試吓，餐牌有好多唔同嘅麵食，主打台灣麵，而呢度嘅招牌菜係沙茶牛肉麵，咁我梗係要叫返碗嚟試吓啦！$48一碗，價錢好實惠，但係份量驚人！勁足料！除咗有好多環牛肉之外，仲有海量芫荽，配料仲有白蘑菇同黑蘑菇，重點就梗係湯底啦！沙茶味超級重！仲有台灣入口正宗嘅麵線，超級掛湯，淡淡都係沙茶味，超正！加$10仲有一杯大大嘅檸樂，解渴之選，下次一定食！

見好評眾多決定試一試😄不論蕃茄湯底及沙茶湯底都試過只係簡單搭配牛肉餸就算！連凍飲堂食價58蚊都算便宜先評論蕃茄湯底，酸酸辣辣的確幾開胃！但辣度真係有點兒嬉！要問職員拎辣椒油先有足夠辣度！最後當然連湯底都飲哂但沙茶湯底質素真係唔得！死咸，有好足夠既沙茶味...令人十分卻步完全唔知自己飲梗乜野湯！自己係屋企用沙茶醬膽煮既湯底冇分別每碗都幾多配料，有菇丫，娃娃菜等等！我兩次都係點選台灣麵，其實麵質同上海麵口感一樣，完全唔覺有任何分別碗野份量其實唔多，我坐正廚房出面見佢煮！見女廚師執麵既份量只有半隻手份量！當然可以要求加底，但我試過就算了

.荃灣好多間食台灣菜既地方呢間主打台南地道風味吸引左我去試試.紅酸湯本地新鮮崩沙腩台南篇粉 $65話係阿里山鮮蕃茄古法自然發酵果然蕃茄味好特別，而且仲有少少辣味崩沙腩大大舊又好林，加埋配菜既雜菌 羊肚菌 菇 娃娃菜湯底健康到想飲晒佢.醬鹵豬軟骨沙茶麵 $52沙茶味非常之濃郁，豬軟骨不是那種燉煮的，故仍是有軟骨口感同樣配搭雜菌 吸收左沙茶湯非常之惹味.台南鹽酥雞 $42去台灣旅行必食既小食表面炸辣椒葉無骨雞粒外皮炸粉薄而香脆、中間肉仍嫩挺出色.麻辣蒜泥五花腩片 $32呢個小食既麻辣味比我想像中偏淡但蒜味濃，而且五花腩片唔肥，岩怕肥既我.

昨日經過荃灣依間小店，發現非常旺場，原來依間餐廳係食台灣特色麵食！門口仲寫住正宗阿里山酸，全港首創，咁特別一於就入去試吓！紅酸湯海鮮台南扁粉紅酸湯甜甜甜酸味道似蕃茄湯，十分開胃。海鮮有鮮蝦同魷魚鬚，但份量唔算多。鮮蝦非常新鮮肉質彈牙。台南扁粉幾特別，質感似河粉，台南扁粉吸滿湯底味，好好食。醬滷豬軟骨沙茶台灣麵沙茶湯底非常濃郁，每一啖都充滿着濃郁嘅沙茶香味。台灣麵十分掛湯，質感彈牙。豬軟骨大大嚿，非常軟腍，醬汁滷得非常入味。新鮮崩沙腩崩沙腩肥瘦啱啱好，肉質軟腍，充滿牛肉嘅香味！份量亦都好多，起碼有四至五件。麻辣大腸豬大腸非常軟腍，味道唔會太辣，啱晒唔食得辣辣嘅朋友！檸檬蜜味道酸酸甜甜，幾開胃👍🏻

夜晚係附近睇完戲都差唔多10點 大部分餐廳都截單咁啱呢間仲做緊生意佢啲湯底都幾特別聲稱係台灣嘅沙茶湯同紅酸湯1️⃣紅酸湯海鮮米線一個煲上枱米線份量都幾多海鮮有蝦同魷魚湯底嘅蕃茄粒好足料經過發酵嘅酸味 少少辣 味道來講都唔錯 幾開胃仲有羊肚菌、白色菇2️⃣台南沙茶牛腩台灣扁粉招牌沙茶湯沙爹味好濃郁 好香花生味叫咗台灣扁粉 係香港無見過麵質似港式河粉 滑捋捋牛腩淋身 有4-5舊3️⃣鹽酥雞酥脆香口熱辣辣總結價錢幾實惠 50幾蚊有一大碗味道都唔錯另外佢個辣椒醬好出色

臨家麵館，出名台南沙茶，但佢地既台灣牛肉麵都好好味天氣熱都唔想煮飯，俚間面館好抵食而且味道好又多選擇又夠份量😍台南醬滷大腸沙茶面，沙茶依照古早配方，由十多種辛香料和中藥银成，加入大童的老畫，辛辣味變得溫潤，湯抵特別濃郁，帶點花生醬味，好正，滷大腸鹵到入晒味又夠林，一個特定鐵碗一大盤額係好滿足😋台灣蕃茄牛腩面，一大碗，天然酵素蕃茄制釀，阿里山紅酸湯，蕃茄既香，酸酸甜甜，跟牛腩好夾，每舊牛腩肥瘦適中，都炇到唔會太林，但維持到肉咬勁😋湯抵真係好正，佢地啲面都好有特色，有扁面，都係好有咬口，煙煙韌韌，真係好似去台灣食面好正宗😋手拍青瓜🥒，以為冇調味料，店員話你撈勻一下，原來係碟底😂好中意加左芫茜，青瓜夠脆，好爽口好開胃🤤一間精心制面館，好食抵食，排隊等都係值得👍

睇完戲到咗大壩街食晚飯，貪呢條街多嘢揀吖嘛，行過見有間新粉麵鋪開咗，價錢唔貴就入去試試啦。睇睇餐牌，主打阿里山酸湯粉或沙茶湯，仲有台南扁粉，唔唔，就界定佢係食台灣嘢啦。⭐紅酸湯豬潤台南扁粉既然係主打咁就試下呢個紅酸湯同埋台南扁粉先，餸就揀咗要豬潤。湯頭酸酸地帶有蕃茄香，入面仲混咗唔少雜菌、菜絲、芫茜同肉碎，味道豐富。豬潤下的相當多，一鍋入面起碼有十幾塊，而台南扁粉口感有啲似河粉，滑滑地又有咬口。呢一鍋真係唔簡單，湯底本身已經好多配料，加上豬潤同粉又好多，一鍋根本食唔曬😂⭐台灣紅燒牛腩麵朋友就話揀個大路嘅紅燒牛肉麵，不過睇清楚餐牌，呢度係寫紅燒牛腩麵嘅。朋友個碗一樣好大碗，牛腩有五、六件，件件厚切，炆得軟腍入味，咬落仲係膠質狀添🤤個湯底濃郁鮮甜，台灣麵彈牙有咬口，好好食呀。⭐麻辣蒜泥五花腩片落單時冇諗過兩碗粉已經咁多肉，仲嗌咗兩款肉食系小食添，先嚟呢個麻辣蒜泥五花腩，五花腩薄切但肥美，咬落甘香好正。個生蒜好辣口，但越食越上癮，最後忍唔住食曬成盤蒜😆⭐麻辣大腸仲有麻辣大腸，雖然個名冇蒜泥兩字，但係上面都係鋪滿麻辣加蒜泥，基本上同五花腩片調味一樣嘅。大腸清理乾淨冇異味，肥滋滋有咬口，吸左麻辣

星期三AEON特價日 係附近搵野食 見到有間台灣麵店面細細 入座率都幾高 就決定試一試點左台灣特色沙茶麵 配菜有好多配搭選擇 另一款就係蕃茄湯麵 配搭崩沙腩蕃茄湯味道濃郁 崩沙腩牛香味足 粗麵條相對吸收到蕃茄湯汁 唔錯醬滷大腸沙茶麵 沙茶味醬料帶點辛辣口味 滷大腸口感帶點煙靭 湯底的花生香味俱全 另外都點左兩款台式小食鹽酥雞 和手拍青瓜🥒鹽酥雞份量十足 皮脆肉質較嫩 保持到肉汁水份手拍青瓜口感清新解膩凍檸蜜 凍菜蜜諗唔到經過內街的一間台式小店 食物水準都唔錯 價錢相宜 難怪入座率高

今日入咗荃灣，朋友介紹一間麵館，話佢哋嘅招牌沙茶湯底不錯！麵館叫「臨家麵館」…….魚片沙茶麵湯…. 估唔到魚片份量不少配料亦足⋯⋯而且魚片不是薄切，味道鮮甜🫣台灣扁麵……口感煙靭!湯底濃郁好香嘅沙茶味…….朋友真係冇介紹錯！紅酸湯豬潤台南粗粉……味道似蕃茄湯，不過好好飲，唔錯👍豬潤嘅份量好多而且都係厚切好有口感….豬潤嘅味都好鮮！虎皮鳳爪,鳳爪質感不錯，隻隻飽滿而且好入味！麻辣蒜泥五花腩片也不錯！