臨家麵館

营业中

休息中

麵食離唔開米線，食得多有少少悶😅配料來來去去果幾款 。呢區近酒店，遊客比較多，餐廳好旺場，連遊客及本地客都幫襯，應該唔會太差👍🏻台灣紅燒牛腩麵 $56足足有四大條牛腩，炆得入味又鬆軟，不失牛肉質感，配上台灣扁粉，煙煙韌韌好順滑。湯底超濃，吸盡湯汁，好惹味🫰🏻臨家牛腱撈麵 $52牛腱厚切，味道調校剛剛好，乾撈有加入肉碎，唔會太乾爭爭🫰🏻配飲品加$8，價錢合理 。台南鹽酥雞 $42外脆內軟又多汁，我皮唔會炸得太厚，雞肉肉汁豐富 。麻辣大腸 $32辣到屬於BB辣😆大量蒜蓉配上特製醬汁，軟糯入味。