影片
以上资料只供参考，请与餐厅确认详情
食家推介
之前食过荃湾大坝街𠮶间唔错，原来荃湾街市街近熊猫酒店都有一间。红酸汤崩沙腩台南扁粉（$68）冻柠檬茶（$0）上次无试红酸汤呢款汤底，今转唔使谂就嗌嚟试。汤底同预期中一样偏向重酸味，个人口味唔太合适。崩沙腩有四旧，标明「新鲜本地牛腩」，有肉有筋膜，有牛肉味，可惜肉质唔软嫩稍稍偏嚡。台南扁粉即系幼身河粉，口感滑身唔糊口。配菜有三款菇、猪肉碎、旺菜丝、芫茜葱，反而好欣赏啲配菜，味道不错又份量多。蕃茄浓汤虎皮凤爪扁面（$51）冻阿华田（$0）蕃茄浓汤酸酸甜甜，加埋蕃茄件及蕃茄蓉，呢款汤底啱口味啲。虎皮凤爪有三只，够腍。扁面面条有咬口，面质较扎实。配菜同样有三款菇、猪肉碎、旺菜丝、芫茜葱。下午茶时段，送冻热饮品。「临家」三款汤底试哂，每款都不错，但如要排先后，个人认为蕃茄浓汤 > 沙茶汤 > 红酸汤。
继续阅读
去朋友屋企烧烤之前，先食个晏再去买海鲜。天气太热唔知食咩好突然间谂起间面舖想试。叫咗个沙茶汤底配台湾面。个汤底相当惊艳，好似去咗台湾食沙茶汤底边炉咁。又几有客另外有啲菇菌食吓。猪软骨超大嚿，又腍滑够入味。啲腩肉都好好食唔会太肥。另外啲麻辣猪肠，处理得好干净冇怪味。食到半路有啲热，个店员自己食紧晏都好醒目，见我抹紧汗，即刻起身开冷气，呢度值得一赞。同埋佢个面嘅份量都几大，食到一半都有啲饱。另外试咗个朋友个猪润酸汤面，猪润熟到啱啱好，另外个酸菜汤都好清胃，夏天都几啱食。食完呢次之后隔咗一个星期念念不忘个沙茶汤底，又过嚟试吓佢个崩沙腩，又系大大嚿问得好腍，最钟意食𠮶块薄边位有啲咬口。呢间店相当有水准，完全可以取代我以前成日落荃食另一间鱼汤米线。
继续阅读
食物还可以，价钱可接受，但职员态度及衞生意识极差👎🏼👎🏼当客人行过时，一女职员(年约45，无眼镜)面露凶光，语气很差地叫客人: 行开！她大可以礼貌地讲声”借借”而无需用”行开”此词，而且说话无尾音，极度无礼！另外那班女职，经常没戴口罩地大声聊天，除十分滋扰外，并把口水喷落食物上，十分不卫生👎🏼👎🏼👎🏼👎🏼👎🏼我也明白现时难请人，但上面那个极无礼的女职员，既然那么不喜欢工作，那就倒不如辞职，勿再上班找客人出气，令付钱光顾的客人难受，也令香港饮食业多一个害群之马。希望此店老板能顾及香港饮食业形象，勿再纵容员工找客人发脾气！
继续阅读
红酸汤鱼片台南面路过荃湾呢间小店，见食物相片非常吸引，就决定入去一试，叫咗个红酸汤鱼片台南面，几特别系蕃茄做的酸汤，汤底非常浓郁，却感觉清爽不腻，且带有小辣，有大量娃娃菜同姑菌做配菜，感觉较健康，冇四川味嘅酸辣咁刺激同油腻，亦较易入口，食完唔会觉得太味精，因为冇劲口渴，仲有一个台湾沙茶面汤底我都好想试，下次有机会会再嚟试，店员服务ok 面55 + 冻柠茶8，合共63，价钱算合理，平时食碗啲酸辣米线都差不多呢啲价
继续阅读
行过附近,有啲肚饿，开OpenRice睇吓附近有咩嘢食啦，见到这间《阿里山酸汤粉》，决定试一试叫咗佢哋第一页推介-「红酸汤崩沙腩台南扁粉」，饮嘢我就问姐姐， 有什么选择（因为我见到餐牌有个叫特饮加$10） 有没有珍珠奶茶？😅姐姐话这间是港式店，没有台式饮品。Ok, 随便叫咗杯冻柠茶🤔有啲疑惑，我唔系读地理，但我都有听过阿里山系台湾，上网睇维基百科「阿里山是台湾地名，其意可能是指：常被称为「阿里山」的有以下：阿里山乡，位于嘉义县⋯⋯⋯⋯⋯⋯」我谂姐姐以后唔好讲话系港式店啦，简单啲没有珍珠奶茶就算啦嘢食嚟到，崩沙腩好腍，汤有啲似蕃茄汤底，还有少少微辣，几好食下午茶送饮品👍如果下次行过我都会再食
继续阅读