臨家麵館

营业中

休息中

今晚經過荃灣，發現一間以台灣特色粉麵為主打的店，非常旺場，我都忍不住一試。這裡的粉麵款式豐富，每碗麵的配料都十分講究。我試了 紅酸湯魚片台南扁粉和 醬滷大腸沙茶麵，每碗麵都各有特色。紅酸湯的酸味帶來一種非常清爽的口感，配上魚片，特別清新。扁粉吸收了湯的酸香，吃落好順口。沙茶麵則是甜甜哋，沙茶醬與炆得入味的大腸搭配得很好，鹹甜口感，食得好滿足。小食方面：台南鹽酥雞，炸得香脆，外皮酥脆，非常香口，一口一口食唔停。麻辣蒜泥五花腩片，辣中帶蒜香，五花腩片入口嫩滑，配上蒜蓉香及麻辣的刺激，食落好過癮。

阿里山酸湯可說是台灣名物，看到在香港$40幾就吃到這種發酵名物，十分難得🍜紅酸湯本地新鮮崩沙腩台南扁粉$65牆上寫著：阿里山酸湯古法發酵老壇酸湯經多年室溫發酵而成，既可降血壓，又可以減肥。那麼厲害？呷一口酸湯，果然清爽不油膩，湯底非常濃郁，茄味香濃！碗中的台式扁面，加入了糯米，口味超順滑，掛湯無比！本來的配菜：豬肉碎，旺菜，超爽脆的野菌菇，光是這些的份量就夠我吃一碗麵了！矜貴的崩沙腩，$65就有一堆！肥美甘飴的口味跟阿里山湯底互相平衡，性價比實在高麻辣牛𦟌$38把牛𦟌舖到麵上，哇，又厚又多！入口鬆軟無筋，口感微爽Q彈，麻辣度適中，飽足度滿分！值得一提：店內大姨服務超好！抵讚！臨家麵館 (荃灣)荃灣荃灣街市街142-166號坤成樓地下08號舖

荃灣都是經常出沒的地區，今日有點趕時，隨便找間餐廳快食，趕下一場活動！臨家麵館，小店一間，乾淨企理，滿有親切感！麵食為主，外來新口味，有新鮮感！點了兩份餐，沙茶肥牛粗麵+崩沙腩+凍檸樂！肥牛沙茶麵 $48，招牌沙茶醬，由十多種香料炮制出來，味道獨特。點了粗麵，粗得像一條條烏冬😂😂。新鮮崩沙腩 $52，牛腩鬆軟入味，百吃不厭！凍檸樂另一份餐是番茄🍅崩沙腩幼麵+台南鹽酥雞+凍檸茶番茄🍅崩沙腩麵 $65，崩沙腩特別軟腍，番茄🍅味湯底香濃，微酸跟牛肉很夾，特別好味！配菜有鮮番茄，鮮豬肉碎，旺菜絲，野菌菇，蔥花及莞茜台南鹽酥雞 $42，炸漿香脆，咬開有肉汁，鹽花吊味，好好食！凍檸茶

琴日同朋友兩人去咗荃灣臨家麵館食飯舖頭位置都算多，而且多卡位坐得舒服唔迫日日舖頭門口就聞到好香沙茶醬味，但係我同朋友都想食辣，所以我哋叫咗一碗紅酸湯魚片台南扁粉，另一碗係紅酸湯崩沙腩南扁粉首先個湯底好明顯見到有蕃茄丁證明真材實料唔係用茄膏，個辣味唔會好嗆喉，就算唔係食得好辣嘅人應該都接受到扁粉份量都好多，我哋一人一碗都食唔晒崩沙腩同魚片嘅份量都好多，崩沙腩炆得夠腍，而且帶少少筋嘅部位淋得來又爽口。魚片冇腥味，而且冇骨，都唔錯另外我哋仲叫咗兩個小食一個蒜泥五花腩片，一個麻辣牛腱蒜泥五花腩食落爽口，而且勁多蒜， 鍾意食蒜嘅人就啱晒，個汁少少辣幾惹味。麻辣牛腱份量都好好多，而且厚切好有咬口，佢嘅麻辣係用咗啲類似辣椒油渣 淋上牛腱到 ，所以唔食辣嘅人都會接受到

聽講呢間嘅湯麵好好食，星期六妟就都滿座😍兩個人等咗5分鐘左右就入得紅酸湯底好開胃唔油膩。第一次食台南扁粉，望落有啲似河粉，口感就有啲似烏冬，有啲煙韌，幾特別，原來都幾好食，可以試下😍😍崩沙腩係新鮮嘅，牛腩好淋又有牛味，份量都多！仲有其他餸，有3種菇，肉碎同旺菜，好抵食！另一碗麵就嗌咗紅燒牛腩麵，湯底有啲辣，但都幾好飲，牛腩有好多舊，同埋有啲肥嘅位，食落都覺得好新鮮，仲有菜同紅蘿蔔🥕非常豐富。另外小食嗌咗台南鹽酥雞，有好多粒雞塊，調味幾香，雞肉都好淋。仲有手拍青瓜🥒又係好大份🥰呢個就唔辣同唔油，幾開胃。侍應姐姐都好有人情味，餐廳冷氣都好夠，唔會食到出汗🤣可以一試！

今日同男朋友去荃灣上堂，上堂前拿拿臨去食個快lunch，行過見到呢間主打食麵嘅餐廳就諗住入去試吓。間餐廳望落啲裝修好新淨，睇嚟應該開業無耐，我哋嗰日大概12點幾入去，個場大概坐滿一半人，點知我哋一叫完嘢食無耐，我哋坐嘅四人枱都要搭枱，全場爆滿😂餐廳主要就係有麵食同埋唔同嘅小食，麵就有一啲酸辣湯、蕃茄湯同埋沙茶麵等等。見佢招牌主打沙茶麵，我同男朋友就分別叫咗個醬滷大腸沙茶麵同埋肥牛沙茶麵試試，而麵底我哋就喺幾款面入邊揀咗台灣麵😋兩個麵嚟都算幾大碗，而且賣相都唔錯。先試個湯底，雖然唔係好杰，但就好香濃沙茶味，啲餸嘅分量亦算多，大腸好咬口幾爽，有啲脂肪但又唔會好肥膩，男朋友嘅肥牛我試咗一舊都唔錯，唔會煮得太老，而個台灣麵底都算唔錯，煙靭有咬口同索湯👍🏻我哋除咗叫麵之外，都另外叫多咗兩個小食，鹽酥雞同埋崩沙腩，而崩沙腩作為Menu入邊最貴嘅小食，果然冇令我哋失望，橫膈膜位置，軟腍味香，肥瘦啱啱好，而且牛味夠濃又香😋至於個鹽酥雞就好有驚喜，份量多之餘炸得亦好金黃，睇得岀係啱啱炸起，仲鎖住到啲汁，同時又唔會油淋淋👍🏻 整體嚟講依間麵館嘅性價比都好高，可以再戰😉

周六午市坐無虛設, 雖然話就近多大型商場及酒店, 但若非有料到, 附近仍有類似麵店都是門堪羅雀的, 齋睇門面光猛潔亮, 主打台灣麵和本地牛肉, 當然餐廳推介的阿里山蕃茄紅酸湯底是必試的, 今次要了本地新鮮崩沙腩台南扁粉, 價錢不貴大大個銅鍋上枱, 份量十足崩沙腩也名副其實很有肉味, 而湯底微酸辣, 配料也甚多甚至有矜貴的羊肚菌、雜菇、肉碎、紅菜絲及勁多芫茜, 口感認真豐富, 另一個是魚片蕃茄濃湯米線, 魚片爽滑, 最正就是配埋冷熱飲品都只不過是加八蚊, 亦有試埋他的小吃, 鹽酥雞是近期吃過最好味的, 手拍青瓜也是比想像中清爽, 人流果然是最佳佐證。

今天禮拜日過來荃灣,發現新開了一間臨家面館,我地嘗試左它的招牌沙茶麵。滑牛肉片沙茶麵麵底有幾款可以選擇,台灣粗面,幼麵,台南扁粉,米線,我揀左幼麵,超大份量的一碗麵,入面有好多配料,羊肚菌,鮮豬肉碎,野菌菇,每一啖都食到滿滿的配料,口感十分豐富,而且牛肉片好滑好新鮮的感覺,沙茶湯底好香,金黃色的而且又濃稠，棒棒的👍🏻朋友叫了醬滷豬軟骨沙茶麵粗麵,超大的一塊豬軟骨而且有好幾塊,肉質咬落都幾滑,一啖軟骨一啖肉,食到好豐富的骨膠原而且肉又不會柴,湯底金黃色的又濃稠，香辣又有海鮮味,不錯不錯。台南鹽酥雞雖然是小食,但分量一點也不少,雞肉好嫩滑多汁,外面炸得又酥脆,好好味麻辣大腸有一點點小辣,大腸滷得好入味

📍 臨家麵館-荃灣 Lunch 求其食碗麵🍜招牌沙茶麵是必食的😘✨ 醬滷豬軟骨沙茶麵有濃郁的沙茶香撲鼻而來，原本以為可能會很鹹，但其實不會耶，而且自製的沙茶吃起來也沒有這麼油，麵條軟硬適中，也很會巴醬汁，吃了第一口以後，就會接著第二口第三口，不知不覺，就食完了🥢豬軟骨慢煮燉到好腍，軟骨位已經燉到好似啫喱咁，入口即溶、而肉嘅位置燉到好入味，甜甜地嘅醫油味，之黎慢慢會有陣肉香滲出來🥢唯獨挑剔嘅係豬軟骨可以用啲比較肥嘅，咁油脂感會豐富啲，而且肉嘅部分可以更嫩滑🐷✨ 虎皮鳳爪鳳爪的質感不錯，每只都飽滿、完整，而且完全吸收了秘製的香濃滷汁。香味濃郁但不油膩，肉汁多而且口味適，好吃令人停不了口呢～！

一走入臨家麵館,飄來陣陣沙茶香味，點咗招牌嘅「沙茶醬大腸粗麵」,滑滑軟軟嘅麵配上濃濃香滑嘅沙茶醬,煮得啱啱好嘅大腸就更加完美,唔油唔膩,試完仲忍唔住想再食多啲。之後又試咗「沙茶醬五花腩粗麵」,五花腩嫩滑夠味,跟沙茶醬完美配搭,簡直係絕配。除咗麵類,佢哋嘅其他小菜都同樣出色。「鹽酥雞」外面酥脆,裏面都好嫩滑,咬落多汁好味。「手拍青瓜」又清脆解膩,為整餐飯添加咗清新感覺。臨家麵館雖然價錢平易近人,但食物質素卻毫不遜色。作為一間鄰里小店,真係俾我留下深刻嘅印象，期待下次再嚟試試其他招牌菜式。

與家人荃灣悅來坊吉之島購物後有點餓，行經《臨家麵館》下午茶時段送冷熱飲品食抵。我們點左崩沙腩台南扁麵$65送檸檬水，配料有鮮豬肉碎、牛肚菌、菇菌類、蔥花、芫茜，紅酸湯底係由新鮮蕃茄，封壇釀造90天自然發酵形成獨特酸味，新鮮崩沙腩炆得夠淋夠入味，軟腍可口，配紅酸湯非常夾，扁麵煙韌，好好味，值得推介👍台灣紅燒牛腩米線$62送檸檬可樂，頗大碗米線口感很滑，牛腩有點硬實要嘴嚼多幾口，配料小棠菜和蕃茄，湯底都不錯👍小食：新鮮崩沙腩$52，牛肉連住的筋膜很黏黏口，腍滑可口，越食越好食😋

來到大霸享和搵食, 唔係好餓, 本來想去越男仔, 點知反方向行, 經過呢間先, 好似係新開, 睇落ok, 就試一試。一入到去, 係一位廣東話唔正既哥仔, 唔通真係台灣人班底? 我知我諗多咗。食麵既過程中, 聽到職員之間亙講國語, 不過好明顯冇一個係台灣口音。 湯: 麵來到, 第一時間飲啖湯, 😋係Good既! 望落唔似台灣牛肉麵咁清, 不過味道叫做接近。麵: 有台灣朋友講, 牛肉麵唔應該用幼麵。 雖然佢唔係扁闊麵, 至少都粗粗地, 質感比上海麵彈牙, 👍合格!牛肉: 餐牌話係牛腩, 但好明顯, 一眼睇得出係牛肋條, 南美個D, 巴西定阿根庭就睇唔出啦。 肉味? 無乜。 仲有, 可以再炆淋D。配料: 👍要讚! 兩棵小塘菜, 仲有兩大舊紅蘿蔔, 顏色組合同纖維量都照顧到。可取之處: 夠飽, 56蚊包凍飲, 算抵食。 哥仔收錢識講多謝。進步空間: D牛肉.....

鮮牛肉沙茶醬配台南扁粉$48鮮嫩多汁的牛肉，搭配上香氣撲鼻的沙茶醬，真是一道令人垂涎的美食佳餚！這碗臺南扁粉，其口感滑順細膩，搭配特製的鮮牛肉沙茶醬，更是令人眼前一高。每一口都能感受到滿滿的肉香和獨特的沙茶香氣，讓人回味無窮。這樣的美食，無論是口感還是味道，都會令人想再試試！紅酸湯崩沙腩米線$62紅酸湯係由新鮮蕃茄，經多重工序，常溫一年發酵所形成嘅天然酵素。另外佢嘅配菜 （鮮豬肉碎/旺菜絲/野菌菇/蔥花及芫茜）配搭非常合適，在加上本地嘅新鮮崩沙腩，全部混合起來口感十分獨特，讓人一吃就會愛上。當紅酸湯和崩沙腩米線結合在一起的時候，就成為了一道非常特別的菜餚，讓人欲罷不能。如果你還沒有嘗試過這道美食的話，一定要找個機會試一下，湯底也是越食越好味。

1.紅酸湯本地新鮮崩沙腩米線 $62紅酸湯，第一次聽到以為係酸辣湯。但同店員查詢後，先知原來紅酸湯係由新鮮蕃茄，經多重工序，常溫全年發酵，形成嘅天然酵素。另外佢嘅配菜：鮮豬肉碎，旺菜絲，野菌菇，蔥花及芫茜，在加上本地嘅新鮮崩沙腩，混合起上嚟非常好食。開頭第一啖好酸，個人鍾意甜番少少，繼續食落會慢慢習慣，都唔錯。2.鮮牛肉沙茶醬扁粉 $48對比起紅酸湯，沙茶醬面較為遜色，第一啖會偏鹹，但繼續食落去會越來越好吃。牛肉食落幾彈牙，好食。第一次食扁粉，個質感似彈牙嘅河粉，幾好食，推介。

今（14-6-2024 Fri）晚返團契，我自己一個人食晚飯，諗去邊喥食，諗嚟諗去，記得呢間我上次冇食到台南扁粉，咁上網睇下有啲乜嘢唔辣嘅扁粉食，就見到有蕃茄濃湯嘅鹽酥雞麵，咁就一於試呢個。放咗工嚟到，時間尚早，但都已經算多人，我又坐喺門口第一張枱， 再睇一次menu，就決定都係要$52.00嘅蕃茄濃湯台灣鹽酥雞麵，轉扁粉，再加$10.00要台南魚丸。落完單等咗都幾耐先至有扁粉同魚丸，鹽酥雞就後上 ，咁我食先，搞一搞啲扁粉，係黐埋一舊，要自己夾返開，扁粉口感有啲過腍，魚丸就直情太腍，但原來裏面有啲肉燥餡，味道就有返啲層次，蕃茄濃湯 唔算好濃，亦唔係太酸，味道都啱啱好，其他配料都冇乜問題。然後鹽酥雞嚟咗，每一粒都唔算好大粒，食落都算脆口同juicy又唔太鹹ok嘅。價錢:喺食食下麵嘅時候，我睇睇張單印咗$67.00，再睇返menu，明明台灣鹽酥雞麵係$52.00，加$10.00魚丸都係$62.00，於是問一問店員，點知又啱啱有幾個外賣客要處理，處理完我即再捉住問， 店員解釋原來唔知道有台灣鹽酥雞麵以為係蕃茄湯麵加鹽酥雞 蕃茄湯麵要$42.00， 加鹽酥雞要$15.00， 所以$67.00，