胡爐 (已結業)

之前已經黎過胡爐打邊爐，深深地被佢的龍蝦湯底同新鮮海鮮記在心中，今次同屋企人出街食飯，決定再帶佢地黎食好西今次叫左個鴛鴦湯底，分別係牛乳花膠湯同麻辣湯，岩晒唔同人的口味。湯底入面有唔少真花膠！極上本地手切肥牛（$288）雖然個樣唔係好雪花，但食落唔un,又有牛味，正上次食過佢的龍蝦覺得好正，今次決定再食！見佢即場係水江捉上黎，非常新鮮，啖啖肉，鮮甜又爽口！仲有呢個令我念念不忘的和牛刺身，真係好正，繼續成為我的誠意推介聖子大大隻亦都好新鮮！水餃可以雙拼，我地叫左韭菜餃同黑松露蟹肉餃，兩種都好好食仲有我打邊爐的至愛午餐肉

無論天氣有幾熱打邊爐都係港人的至愛，身為火鍋控的我一諗唔到食咩就會想打邊爐，今晚決定同朋友去試一試呢間位於尖沙咀h8的傳統中式火鍋店胡爐。一黎到就比火鍋店的裝修吸引住，好有古式古鄉的味道！店員推薦我地的湯底，分別有花膠牛乳湯同麻辣湯底，一個滋潤一個惹味，兩種湯底都一樣正我地兩個人叫左一渣酸梅湯，可以同侍應講要小甜，好貼心！和牛刺身（$148），雪花和牛夾塊洋蔥再沾上秘制酸汁，口感味道都一流，真心推薦打邊爐當然唔少得食海鮮，聖子皇大大隻好新鮮！（$48一隻）波士頓龍蝦（$268）見住啲龍蝦係水江入面生猛游水就知新鮮，食落肉質非常爽口彈牙丸類可以係menu上自選雙拼，我地揀左牛汁芝士丸貼墨汁墨魚丸（$118），兩種平時都比較小食到，我特別鍾意個墨汁墨丸，好鮮甜彈牙呢餐海鮮火鍋食得非常滿足，下次會再來encore

今日媽媽撒嬌話今晚唔煮飯啊。。。。。。我話：咁打邊爐啦！打邊爐唔使煮啊！佢話打邊爐都要洗野準備。。。我投降啦。。。就出去食啦！之前食過尖沙咀嘅醉胡爐，我哋兩母女都對佢嘅食物念念不忘。所以我哋今次選擇左佢另外一間餐廳，胡爐；一間打邊爐嘅專門店！呢間餐廳既私隱度好高！有幾間房可以舉行private party咁。而我哋嘅呢間房，感覺好懷舊！有舊式收音機、吊燈裝飾等！個裝修好特別！！！喺等緊湯底再次返熱嘅時候，我哋先係醬料架整一款自己喜歡嘅醬料。醬料架可以選擇既有好多包括： 沙嗲醬、辣椒醬、炸蒜、花生醬、辣椒、香蔥、芫茜、生蒜等職員向我哋推介一個紅白湯底，本身佢介紹既係四川麻辣湯底，但係我媽媽唔係好食得辣，所以職員就推介另外一款紅色湯底，就係鮮茄蓉牛腩湯！配上北海道牛乳花膠木瓜湯呢個白湯，太極陰陽既視覺效果，食得又睇得！而且個湯底可以就咁飲，真係好鮮甜架！北海道牛乳花膠木瓜湯嘩！真材實料啊！花膠既膠質出晒黎，食食下就見到個湯面有層膠！份量唔少！岩晒我同媽媽呢D要養顏既女士鮮茄蓉牛腩湯其實就咁食個湯入面既料都會飽！真係唔少野！入面既蕃茄牛腩都超入味！好似食緊一味餸咁！白菜仔＄48 芋絲＄ 28

一家人出黎食好西，到了好多人讚的胡爐試試，一撘上到黎，個感覺好中國風，古式古香的裝修，實木間格，仲有大紅燈籠高高掛（雖然唔係紅色）果種feel。店員問有無book位，因為餐廳較full，繁忙時段已不接受walk-in，好彩聽朋友講有book定啫，如果唔係摸門釘都幾慘。醬料費（$22/ea）坐低後店員隨即送上醬料格，辣醬，沙茶醬，麻醬，芫荽等都係至愛，即刻整返碟混醬先。椰青水（$18/ea）飲品方面有不少選擇，除了汽水，仲有竹庶茅根，酸梅湯等自家制，另外又有泰式青檸疏打等特飲，仲有新鮮椰青，啤酒，同中國烈酒等，如不想飲甜的，也可以開一壺鐵觀音，是晚怕熱就叫了椰青水，泰國制的，坊間好像無見過有賣呢？飲落好清甜，仲有粒粒椰肉。（明明點了三罐，未影相已被阿爸偷飲左😑）胡爐四格鍋（$238）：沙嗲，芫荽皮蛋，麻辣，蕃茄雖然細細格，但每款湯底都是十分足料的，沙嗲湯有豬皮，勁香花生味（？）仲帶微辣，芫荽皮蛋湯極多芫荽，仲有唔少皮蛋，豆腐同馬蹄，好清甜飲左成碗，麻辣湯勁多椒同其他香料，剛剛開始還好，後尾真係超勁辣😂，蕃茄湯內有蕃茄薯仔同牛腩，有點過濃味呢款唔飲啦。白鱔片（$128）阿媽至愛魚，叫個鱔

一家人出黎打邊爐食好西，揀間靚靚餐廳先，黎左好多笑面的爐鍋，嘩嘩，環境真係靚喎，好中式，有書卷味，仲有好勁的麻辣火鍋味，一嗅就知好野黎。見枱枱都係叫四式鍋，咁我地都叫呢款啦，四式鍋有沙嗲湯，芫荽湯，蕃茄湯，同麻辣湯，有辣有唔辣睇下你鍾意邊款啦。野飲除左汽水仲有椰青，叫左一個鮮椰青同一罐椰青水試下，兩樣都清甜，不過就係真野清啲啦，罐裝始終加左野，失真左，雖然都好飲。我見入面枱客叫左幾支二鍋頭，犀利犀利，食麻辣火鍋再加二鍋頭，咁刺激！！個白鱔片勁新鮮，完全無腥味，好鬼正。仲有個帶子餃好爽口，帶子鮮甜，真係皮薄餡靚。豬肉片厚切，但都係滾一滾就熟，巧味！！仲叫左烏冬，但食完都唔記得影相。湯底勁正，正到根本唔使點醬，食完碟醬都無郁過。

是日收工，同幾個朋友黎到尖沙咀打邊爐，本來今日心情一般，今次試左呢間喺厚福街嘅胡爐，質素唔錯，心情都好啲。火鍋店環境都ok，雖然唔算好大，但坐得舒適，裝修、餐具等等，都幾古色古香。雖然係平日，但都幾多人。店員好快安排好位置，我地點好湯底之後就開始畫野食。呢度一律散叫，本來想試佢地個九宮格鍋，但有朋友唔食辣，所以點左個紅白湯底，一邊麻辣，一邊係牛乳木瓜花膠湯底，幾滋補。麻辣個邊好足料！入面有豬皮、豬紅、腐竹呢啲材料，樣樣都好入味，辣度都幾高，朋友食得辣，都覺得有啲料到。之後都係加番麻辣湯，唔會話愈食愈淡；至於牛乳湯底，都好鮮甜呀，清清地，又有好腍嘅木瓜食。胡爐牛拼盤($488)：出色之作，成碟牛切得好靚仔，份量分大、小，相差一百蚊，我地四個人點左個大嘅，足夠食。入面有牛舌、金錢展、手切肥牛、日本和牛、牛柳粒，啱哂想試多幾款肉嘅朋友。而且我地麻麻地豬肉，寧願留番個quota黎點牛肉。肉質都幾靚，基本上全部食落都腍身唔韌，完全唔老，特別係日本和牛，肉汁豐富，手切牛都唔差，嫩腍有咬口。牛汁芝士丸($88)：推介呢個芝士牛丸呀，裡面有好多芝士，淥起一咬落去，啲芝士湧住出黎，熱辣辣，牛丸都好有牛味

以前就話天氣凍就打邊爐、食雞煲，而家邊有呢樣野，熱一熱都可以打邊邊，最近我都經常食火鍋，而且試左幾間都係新式、兼有麻辣鍋湯底嘅火鍋店呢，幾間質素都唔錯。尖沙咀厚福街一向都多野食，呢棟H8有幾間餐廳都未試過，是日收工就黎到16樓嘅胡爐，餐廳位置唔大，幸好一早預訂左位置，見到呢度嘅裝潢，古色古香、懷舊擺設、木色屏風等都令我諗起最近試過嘅另一家走宮廷風格嘅火鍋店，呢度嘅枱櫈就較密麻，不過座位間空間感足，可惜當日坐嘅位置有少少滴水情況，有礙進食。餐牌選擇豐富，價錢中上，湯底都有超過15款，靚料嘅有龍蝦海鮮鍋($368)、花膠雞翅鍋、花膠雪耳大眼雞；另外有而家好熱門嘅多格湯底、九宮格湯底($168)；價格最低嘅有三款：潮汕沙嗲鍋、雜菜清湯鍋、芫茜皮蛋鍋，定價$98。醬料每位$22，需要嘅都有，不過由於湯底都幾濃郁，我都冇乜點沾過。店員推介呢個紅白湯底，一邊紅彤彤嘅就係四川麻辣湯底，另一邊係牛乳花膠木瓜湯底。店員提示我地可以等湯滾起先飲牛乳湯底，飲落就比想像中清淡啲，裡面有唔少花膠，都幾滋補，木瓜食落清甜，食唔到辣嘅朋友就可以用呢邊湯底；至於四川麻辣鍋底，裡面有豬皮、豬紅、腐竹等配料呢，非常入味，

同朋友聚舊，唔想趕頭趕命，揀左一間火鍋店慢慢滾，慢慢傾上左呢間樓上鋪，試下好唔好味呢間餐廳既環境都有d心思，有好多日式既古舊玩意同擺設好多種湯底同火鍋配料選擇，我同朋友剩係諗都用左20分鐘，價錢唔算非常便宜，但都唔算好貴，屬於中等價錢，同埋有好多日本酒選擇，奈何同行友人唔飲酒，所以都無嗌到好多火鍋醬料比大家配搭，特別推介麻醬，個人覺得配肉類係好滋味最後叫左一個紅白湯底，紅色一邊係傳统川辣，辣而不麻，唔算好特別，但都幾適合唔鐘意麻香既香港人另外白色一邊真係好好味!!! 係牛奶豆腐花膠湯底，仲要飲得既，牛奶同豆腐既滑加上花膠既香濃，真係襯到一絕，差d忍唔住飲哂佢，好特別，好入味，而且好足料好多花膠，強烈建議大家一試自家製響鈴，好大舊好香脆餃子雲吞，好好味不過美中不足係d餃子如果你放得太耐會爛哂，要小心我自己覺得重點要試下呢度既丸，好多款式，我地叫左黑松露墨魚丸，鵝肝蝦丸，蟹粉包心丸同牛汁芝士丸，全部都好好味，重點推肝黑松露墨魚丸同牛汁芝士丸，前者黑松露味極香，後者充滿牛味，加上熱溶芝士，正到爆呢個霜降牛柳粒，獲同行友人激讚，充滿牛肉香味野食好好味，不過美中不足係個爐成日鬆掣，好彩員工都好熱

一行四位火鍋辣妹又想試新野！今次就去會一會帝王般環境嘅「胡爐」。一上到去，環境已經好古色古香，擺設已經好吸精。一坐低咩都唔理揀野食！湯底：四川麻辣（愈食愈辣，入面有豬皮同豬紅） + 胡椒豬肚（有驚喜，未開始食就飲左碗湯先）老友鬼鬼（個名咁搞野就試試佢，有驚喜喎！浸一浸湯仲）野生竹笙（好有口感，又吸湯）黑牛柏葉 （未有太大驚喜）牛骨牛汁丸併蟹粉包丸（牛丸夠juicy夠彈牙）豬潤夠爽口牛肉未見有太大特色一路食一路有柔和嘅中國特色音樂作襯托，但未知是否坐左入房，搵店員幫忙時有啲困難。枱都夠闊去放食物，但變相同朋友傾計時就有啲困難，要大大聲咁傾計..整/夾食物時亦有時要企一企起身先得（可能本人比較矮小又手短

好開心今日約到幾個好耐無見啲朋友去打邊爐，其中一位朋友提意去尖沙咀厚福街胡爐，上到去見到位置唔算好大，但都幾雅緻又有點中國風落單後先嚟咗個小食，係炸雞軟骨，外皮炸得很香身脆口，入面仲好爽脆，送酒好正之後到龍蝦湯底出場了，湯底好濃郁，真係好鮮甜龍蝦味，有飲西湯感覺，仲有成隻龍蝦係鍋入面先落酒點火炒香，再倒入龍蝦湯胡爐豚拼盤有豬肉根位，爽口有咬口，豬頸肉好嫩腍，仲有油脂香嘅雪花豚肉飛禪和牛肉眼A5真係不得了，粉嫩帶紅，入口即溶牛舌芯爽口得嚟牛味好夠聖子好大隻，新鮮無沙，好彈牙鮮甜馬刀貝都好好隻又新鮮，烚完唔縮水又夠肥美

又到打邊爐時間！就算是夏天，仍然堅持定時定侯打邊爐！餐具用上精緻的碗碟，好美觀！湯底點了最貴的火焰海鮮龍蝦湯底。店員先用將龍蝦用牛油爆炒一下，然後加酒點火！火焰龍蝦湯底大功告成！酒香四散，賣相已經100分！之後淋上極濃龍蝦湯，鮮味十足！第一時間飲一碗靚湯，味道好婆郁，充滿龍蝦鮮味。再食舊龍蝦腳，彈牙到十足，好爽口好味。大蟶子，一人點一隻，真係好大隻！最緊要新鮮，咬落好甜好爽口。仲有呢個都好滿意，同樣體型大隻，肉汁飽滿好吃！必點A4飛驒牛脂肪比例高，望到滿滿的油花，已覺好正，食落入口即溶，嫩滑無比！仲有竹笙，吸哂龍蝦湯底，啖啖都好爽又好食！

今日熱辣辣，開住冷氣都要打邊邊呀，打邊邊是我女友的至愛，加上女性每個月會流失鐵質，更加要打邊邊食牛牛。雪花肥牛肥牛雪花紋又多、又靚同平均分佈，放落芫荽皮蛋湯度灼一灼，入口已經有滿滿的牛味，打邊邊的牛唔韌係最重要，肉質細緻柔嫩，一塊接一塊食，好快大家已經清左碟牛。鮑魚起片我真係好欣賞鮑魚起片，鮑魚起片好考師傅嘅刀功，每一切都好薄透，灼一灼好快熟，亦都免卻左厚身鮑魚唔熟嘅情況，更重要是省卻了我們等待的時間。基圍蝦基圍蝦厚身多肉，有爽彈的口感。點埋辣椒豉油，真係絕配。蔬菜拼盤蔬菜新鮮有多樣款式，蔬菜拼盤最擔心的是將菜切頭切尾俾你，好似食回收菜咁，當然呢度無咁嘅情況，而且蔬菜款款新鮮，灼一灼又食得，食完菜好快就飽晒。

五月繼續食不停，來胡爐打邊慶生 !早前去過醉胡爐，見字體設計一樣，應該係同一集團!H8 內海一食肆應該也是一層一戶，這家以擺設櫃作遮擋升降機，多一份私隱。舖以清宮大宅作為設計概念，有多間VIP房，而廳面只有數張枱。要招呼的檯數不多，大大提升環境和服務質素。胡爐是一家打邊爐店，打邊爐當然不少得醬料出場 好欣賞這家的二合一湯殼，一物二用非常好 ! 有我喜愛的芝麻醬同沙茶醬 印象好深係醉胡爐既湯底，因為有好多好多款：火焰龍蝦海鮮鍋、鮮椰青雞鍋、冬瓜花膠雞翅鍋、花膠豆腐鱲魚鍋(鱲魚+$88二食刺身)、花膠雪耳大眼雞鍋、清湯蘿蔔牛腩鍋*、鰹魚汁昆布鮑魚鍋*、四川麻辣九宮格(大/中/小/辣)*、胡椒豬肚鍋*、菜乾豬肺湯*、鮮番茄茸牛腩鍋*、潮汕沙嗲鍋*、雜菜清湯鍋*、芫茜皮蛋鍋* [* 鍋底可以加錢雙併]其實，淨係諗要邊款湯底都會有選擇困難，皆因有好多款都好想好想試下，個人好鍾意飲椰子雞湯，鍾意食花膠，鍾意食海鮮，鍾意飲魚湯，鍾意食鮑魚.... 最後問下STAFF意見，本話想試冬瓜花膠雞翅果個，但STAFF話個鍋底好大份，擔心我地淨係食個鍋底都未必食得晒，所以推介如果鍾意食辣可以試麻辣九宮格，鍾意