胡爐 (已結業)

約左一行10人去慶祝生日打邊爐, 食到一肚氣, 要轉場食過!講真食物味道就ok嘅 好似呢個卜卜蜆蟹煲咁,. 煲完出嚟好鮮甜,都有特登飲左一碗先! 牛肉都係唔錯嘅，但之後好多嘅配料都不合心水, 一個黑松露墨魚丸- 係有松露味，但咬落去好似咬舊膠咁。仲有叫咗一個脆鯇魚腩,佢嚟咗普通魚腩完全唔脆, 淋PAT PAT 一夾就d 魚肉就散, 向職員投訴是否比錯普通鯇魚腩, 佢地仲好串咁話每個人覺得脆O既程序唔同O者! 最後佢幫我地取消order 話因為佢所有脆鯇魚腩都係咁,再換都係。 食過脆鯇魚腩都知唔脆都算但唔會夾起就散囉, 仲要咁o既態度, 真係貼錢買難受!10 個人7點入座, 從來冇講過限時的, 但到8:47 職員自己攞張單入黎叫我地埋單…埋單就每人$4xx, 服務又唔係好， 就算未飽都唔想再留係個到， 最後決定轉場再食過個晚餐!

今個月真係數唔到打咗幾多次邊爐，今日同朋友仔來到尖沙咀厚福街H8圍爐店員推介新出嘅鴛鴦鍋，麻辣配木瓜鮮奶，麻辣層次幾多，香中帶辣，只有少少麻，而木瓜奶好幼滑香濃飲品要了酸梅金桔，酸酸咪咪幾香甜醒胃極上本地手切肥牛，油脂唔算多，但我愛本地牛嘅實在有咬口，牛味好重飛驒和牛肉眼A5就油脂分佈平均，雪花好分明，入口嫩腍帶香濃牛脂聖子好新鮮又夠哂大隻，好鮮甜爽口野生竹笙好厚身，焯一陣吸哂啲木瓜奶湯好正，野生真係特別爽身佢哋嘅自家製韭菜餃同黑松露餃都做得幾好

同幾個同事辛苦左兩個星期做個project，終於完成啦約埋一齊去食餐好嘅，搜索左一輪係尖沙咀搵左一間火鍋，有A5和牛而且仲有新鮮龍蝦，辛苦左咁耐梗係唔好刻薄自己啦，入到去裝修都好有特色而且環境都令人好舒服幾條友叫左個卜卜蜆鮮蟹鍋，兩隻大花蟹一嚟已經擺咗係個鍋入邊，個店員話個蟹要滾耐啲先好食，蜆嘅份量同用料十足侍應跟手會倒啲魚湯落去，個湯連花蟹一齊煲真係好甜入晒味梗係唔少得頭先講緊嘅飛驒A5和牛啦，雪花真係均勻冇呃人，滾兩滾就食得，佢嘅A五和牛仲要係厚切，比平時出去食嘅薄切切嗰啲真係冇得比響鈴新鮮即炸熱辣就咁食都熱辣辣脆鯇魚骨腩件件都爽脆彈牙，又唔多骨好新鮮西班牙黑毛豬豚肉，佢連啲肉都深色過其他豬肉，想唔信佢黑毛豬都唔得黑松露蟹肉餃黑松露味好香，證明放咗好多黑松露係入邊絕無偷工減料芝心蝦丸食嘅時候真係要小心啲，裏面芝士溶咗會辣口架

前日老闆請食飯，帶我黎呢間勁classic嘅火鍋店，裝潢好中國風，一入黎就feel到呢間應該好正杯杯碟碟、櫈都好靚入正題啦！ 配料有呢d 小食係醃蘿蔔同埋牛肉，幾開胃嘅，鹹鹹地酸酸地個煲來啦老闆揀咗卜卜蜆鮮蟹鍋，兩隻三點蟹，下面鋪滿蜆。店員一路到魚湯一路同我地講滾左之後可以試飲吓d湯佢咁講，我真係好想試喎！湯底除咗有魚味，仲有好香嘅蟹味，好清甜肉黎啦！ 一開始我以為老闆叫咗兩碟牛，點知原來下面嗰碟係西班牙黑毛豬豚肉A5飛驒和牛，一睇花紋就知唔講得笑，真係A5! 最正嘅係佢唔係紙咁薄，係有厚度架厚厚地先食得出佢嘅嫩滑口感同埋牛味更出！ 真係好好食！諗起都好懷念黑毛豬肉質都幾嫩！估唔到佢係咁嘅色，咁我平時食果d係咩....脆脘腩，有色澤好新鮮，食落爽脆冬瓜，略為薄，個人鐘意厚的， 入晒d魚湯味黑松露蟹肉餃 呢個餃都係大推介！！勁重黑松露味，好好食！皮薄，餡多。呢餐真係好高級特別係碟和牛同個鍋，食左真係番唔到轉頭！

昨晚打風悶了一天在家，落晒風球和太太出去走走。到了厚福街H8。看見有這間火鍋店照常營業，最後選擇入去試試，本來都不抱太大期望。進店後後發覺裝修幾特別好中國古典風氣， 不過地方略嫌細。如果多點人可以頂貴賓房會好些。我們兩個人本來想order一個椰青雞鍋，因為之前都有喺網上睇過評價10分好。但最後還是選擇了卜卜蜆蟹鍋，因為原來每天只限買三至四個。果然冇令我們失望，魚湯10分鮮甜，還有兩隻蟹上枱時仍在動。

放工前就開始打風，知道明天要掛八號風球，不用上班，就約朋友一起打邊爐！一行三人來到尖沙咀H8吃飯！先自己調配調味料，生熟蒜也有，已經很足夠了！點了這個鴛鴦火鍋，麻辣那邊湯底看到就很興奮了！感覺有啲料到！響鈴是必點的，浸在麻辣火鍋中，盡吸濃郁的湯底，美味得很。竹笙是我常點的材料，喜歡它爽口的口感，同樣是吸味得很！丸類點了兩款，右手邊的墨魚滑很出色，咬下是彈下的，還吃到些蟹子。飛驒和牛，滿佈雪花，油份極重，看到就流口水，吃下更是滿足得很，入口即溶，非常好吃。䈑筍 新鮮翠綠，數量不少，不是很多火鍋店有。

冬天一年比一年遲來，等不及天氣轉涼就決定要打個邊爐，止下邊爐癮~我地揀左尖沙咀既胡爐，完全係比佢既飛驒和牛吸引住黎，而且唔洗過海岩哂我地d九龍人~星期日晚上7點幾黎到，坐了九成客，地方唔算大，現場非常熱鬧~卜卜蚬鮮蟹鍋 $238打邊爐最愛海鮮同牛，見到menu有個蟹鍋，所以揀呢個試下~一上枱已覺驚喜，鍋著面放左兩隻大花蟹~店員為我地介紹，加湯滾至蚬熟先食左蚬先 ，再滾多陣至食蟹，然後飲碗湯先再加配料去打邊爐~蚬熟了~一撈之際先發現，超級多蚬~味道鮮甜無砂，我地努力地一邊食蚬一邊等蟹熟~花蟹蟹殼脆身，多膏多肉，肉嫩札實，膏是軟身流質的，鮮甜至極~二百多元的湯底，只係呢兩隻新鮮靚蟹已物超所值至於個湯，經大量蚬同蟹滾過，鮮味十足，食完蚬，蟹，再喝湯，其實已開始感覺飽，不過接下來還陸續有來~飛驒和牛肉眼a5 $338薄切的和牛肉眼，雪花分佈得好靚，輕輕卓幾秒就食得，肉質嫩，滿口油香冰鎮鮑魚 $88鮑片切至薄身，亦係卓一卓就食得，口感爽脆，味鮮~黃金墨魚丸拼牛骨牛汁丸 $108黃金墨魚丸中間包裹著咸蛋黃，比較乾身，味道一般~牛骨牛汁丸味道香又惹味，混入左牛軟骨增加口感，推介黑松露蟹肉餃拼鮮蝦帶子

見到佢d餐具係別緻嘅，贊！但服務生嘅態度就真係麻麻，地方又迫，食物無乜特別，都係一般打邊爐嘅standard 食物。我地叫咗火焰龍蝦湯底，諗住食d特別嘢，點知火焰完，佢係加龍蝦濃湯去做湯底，仲叫我地可以飲😰😰其實又龍蝦又蜆又洋蔥番茄乾蔥，就咁放魚湯、高湯都已經好好味，用濃湯真係over咗。同埋個湯底d蜆有沙，成鍋嘢都食到sok sok聲，感覺唔係咁好。今次當係試下新嘢囉，太迫喇，真係唔會嚟第二次，同埋三個人食咗$14xx都幾貴

秋風起，未有腊味食.....就先去打個邊爐先突然邊爐癮起，之前聽朋友提過呢度既環境唔錯，而邊爐材料都好新鮮，所以今晚就叫女皇唔好煮飯，等埋大帝放工一齊去試下先係我地揀緊食咩好既期間，店員先為我地送送上一小碟既開胃前菜“蘿白牛腩”之後就有火鍋邊爐不可少既“混醬”HKd$22+10%(一位)兩老話想食辣，但我今晚唔想食辣呀...咁就要個“北海道牛乳花膠豆腐鍋”HKd$198+10%，之後再加HKd$28+10%黎個鴛鴦湯底啦打邊爐又點少得牛牛呢，我地小小地點左碟細既“極上手切本地肥牛”HKd$288+10%不過呢碟牛的確令人好失望，雪花唔好，食落較嚡偏韌......好彩個“爽脆豬膶”HKd$68+10%補返數加返分，豬膶乾淨無筋，食落爽口嫩滑無怪味大帝點上既“脆鯇魚腩”HKd88+10%就不過不失，都幾新鮮同爽脆食左咁多肉，點都要嗌返個菜平衡下既！！我地要左盤翠綠清甜既“油麥菜”HKd$48+10%最後我地仲叫左個飽肚既“紅薯粉”HKd$38+10%不過呢度既紅薯粉同平時食開既有啲唔同，唔係煙煙韌韌既，反而係偏淋而吸湯~~~原來店家仲會送上“椰汁糕”作為甜品，一人一件岩岩好對於我黎講，呢度

尖沙咀厚福街可說是美食雲集嘅好地方，而當中嘅H8就係我今次去覓食嘅目的地，無耐前試過飽覽維港夜境嘅打邊爐，另一間享受氣氛嘅打邊爐，今次我係為靚湯而黎嘅---胡爐混醬對我而言係食火鍋必須坐底無耐，女侍應就十分推介他們新出嘅卜卜蜆鮮蟹鍋滿滿肥美嘅蜆，仲有倆隻中等身材花蟹，芹菜，椒絲，姜絲配搭加入去唔係一般湯底，係師傅精心炮製嘅奶白色魚湯，滾起無耐，女侍應就行埋黎問我點，我話試真啲先難怪信心十足咁黎問我，因為真係好好飲，鮮，甜。手切牛拼盤，包括有本地牛，和牛，牛舌同牛肉粒，其中本地牛牛味濃郁，而牛肉粒就有咬口飛驒A5和牛，雖然牛味唔算重，但帶牛香，而且油脂分布衡均燙熟後入口即溶，口感有啲似網狀，好特別牛汁牛丸，手打黃金墨魚丸，牛丸唔錯雖然唔太明顯咬到牛汁效果，但牛味的確突出，而墨魚丸就真係有啲失色，所謂黃金係包入咸蛋黃，但口感就有啲唔襯，食落蛋黃仲欠缺鮮味南菲鮑魚片，個人應為切得過薄蘿蔔清甜無筋，吸埋個靚湯無得輸啦黑松露蟹肉水餃同鮮蝦帶子水餃，倆個都做得好，睇他細細隻但原來餡料飽滿，連女皇都話好食

很久沒有打邊爐，難得席間有朋友都吃辣，當然要吃麻辣火鍋。這裡湯底選擇頗多而且配搭特別。番茄牛腩鍋 適合重口味人士、豪一點可以試冬瓜花膠雞翅、清潤亦有小見的有菜乾豬肺湯底。同行女友人在椰青雞鍋與牛奶鍋之間選了牛奶鍋，我們男子組一條心當然試麻辣湯底！四川麻辣火鍋出名辣勁十足，同朋友商量後決定要小辣小試牛刀。醬料有八款材料以供選擇，我們按喜好調配好醬料後就吹水等食。湯底很快就來到，一邊白一邊紅　顏色分明很吸引。這次點了美國桶蠔、冰豆腐、鮮枝竹、手切本地肥牛、黑松露蟹肉餃、手打芝心牛丸 等冰豆腐在麻辣湯底翻滾，一夾起已聞到陣陣麻辣味道！豆腐口感較硬，與普通豆腐的滑溜有所不同。豆腐有大量蜂巢氣孔，內含大量湯汁，麻辣湯頭濃郁，不是很辣但吃完舌頭有點發麻！過癮挑戰另一款同樣吸湯的枝竹，枝竹經麻辣洗禮後香辣無比，但豆味被遮蓋了不少。美國桶蠔一碟有5大隻，每隻都有三份之二手掌大。同行友人細心地替我們逐一灼蠔，避免過熟。桶蠔飽滿多汁，麻辣很惹味。咬開牛丸芝士隨之流出，牛丸加上芝士令味道變得更豐富。黑松露蟹肉餃松露味香，有點像西式的黑松露雲吞，若粉皮再薄一點更好！打邊爐當然唔少得肥牛！手切本地肥牛是新鮮牛肉

朋友又再搵我去食 最近打左好多次邊爐 呢間一入去環境舒服 夠冷氣 餐具好有復古😋注意番會收醬油費  自己調較醬油野飲方面呢我就決定叫左一札竹庶芧根水最喜歡既飲品 夠曬新鮮 甜度OK 開胃小食又幾好食 唔錯蟹子丸都係喜歡食物之一好新鮮既蟹子丸唔係平時街市買個隻 比較粉 比較好味 而我個人打邊爐最愛點既食物 丸/餃子/肉就一定要叫一碟我喜歡有菜有肉 ~~叫左碟肥牛 都幾大碟 色澤均勻叫左個手包餃子 入面係黑松露 肉量較少 夠味又特別我個人覺得打邊爐最緊要就係睇D 肉/丸/餃子 只要好食 大部份食物都會無問題^^大部份人打邊爐時都係叫烏冬 相反我個人就喜歡出前一丁多d 價錢合理 位置方便 

平時打邊爐，通常選比較清熱氣湯底，諗都冇諗過牛奶都可以打邊爐。這裏的牛奶鍋除了有木瓜，還有花膠，比常見的滋補紅棗杞子鍋少了份燥熱。同行女友人聽到立即心心眼！女士選牛奶鍋，男士就選麻辣湯底！一於來個雙併鴛鴦火鍋～湯底未到就先調製需要的醬料，湯底一到，立即看看牛奶鍋材料，木瓜與花膠數量不少，花膠比想像中大隻。冰豆腐水份比一般豆腐少，豆味更濃。而且冰豆腐表面藏有很多氣孔，在鍋內吸收大量牛奶，正！鮮枝竹大大條，與響鈴相似，味道比響鈴軟滑點。冰豆腐、枝竹 是豆類製品，與牛奶鍋味道當然不會差，不知道配上肉類的味道又是如何？！極上手切本地肥牛靚靚出場！肥牛顏色鮮嫩紅卜卜，一看就知新鮮！立即試吃～Wa! 估唔到牛奶鍋跟肉類也蠻匹配。肥牛輕輕一灼就可以吃，算厚身，牛味濃郁，有嚼勁。牛奶鍋湯底不是想像中的甜，而是有點鹹，所以無論配蔬菜或肉類，味道都不會奇怪，反而出奇地夾。鮮蝦帶子餃大大隻，應該是新鮮自家包製。海鮮很足料，啖啖蝦肉、帶子，略嫌雲吞皮較厚。新鮮手打黃金墨魚丸爽口彈牙，如增加芥末味道會更刺激！期待已久的美國桶蠔終於到，小心翼翼地把它們放到鍋中，以免大蠔變蠔仔。看著它們在鍋中暢泳感覺很治癒~hah

胡爐係厚福街H8，屬於打邊爐界中既fine dinning，選料靚，環境好，服務掂。聽餐廳講如果閒日去既話就一定要訂位，星期六日反而會少d人，想食得清靜既朋友可以揀週末黎。餐廳裝修行中國古典風，枱椅都用了富民族氣息既圖騰，餐具精緻。我覺得呢間餐廳特別既地方係湯底既選擇相當多，食物選擇好多，足足有兩版紙。好乾淨企理既調味配料，食得我好放心。OMG 呢煲野真心抵! 呢個其實係湯底黎，但做湯底前可以食咗d料同飲埋個湯先，湯底係事先煲好成乳白色既魚湯，加上大量既卜卜蜆同兩隻大大隻既肉蟹，成個煲就滿瀉咁濟，都只係$238，即場煲熟後，蟹同蜆食咗先，再飲埋個勁鮮甜既湯，值得讚既係加咗咁多蜆，都無食到沙，餐廳真係落足了工夫，之後侍應會再加魚湯，咁就可以開始打邊爐啦。胡爐牛拼盤: 呢個拼盤有齊曬牛脷,手切肥牛,日本和牛,金錢𦟌同牛粒，份量好多，食極都仲有咁, 當中最鍾意日本和牛，雪花好靚，肉質香滑，好正。特登影一影個湯勺，呢個設計可以俾你瀝乾d肉，好好用。腐竹方面，聽餐廳介紹係深水埗某非常出名既荳品老字號拿貨，用佢黎整即炸響玲，比較厚身，但豆味非常香濃，好surprise! 勁好食! 十級推介。呢兩款

胡爐 - 位於尖沙咀厚福街H8，為中式火鍋店，食物、服務、衛生等都具相當水平，整體是滿意的!裝潢滲透一份古典味道，但看起來新淨並不古舊，連碗碟等器具都有match到，很有皇室氣派。店家推介即將正式推出的卜卜蜆蟹煲，湯底以大量梭羅魚秘出奶白色的鮮魚湯，加上兩隻蟹及大量卜卜蜆 (多達數十隻)，只售$238元，性價比十粒星的抵。由於非常足料，細嘗之下，發覺湯底盡顯了梭羅魚、蟹及卜卜蜆三者之鮮甜，各有其發揮之處，本人極為推介。必須於開始打邊爐前把此魚湯精華全喝掉，然後再refill魚湯繼續戰鬥。精選牛拼盤 ($488/大): 包括牛舌芯、日本和牛、牛粒、金錢𦟌及極上手切肥牛共五款。牛舌芯為牛舌中的極品，質感爽彈，牛味獨特，非常吸引; 金錢𦟌及手切肥牛較為相似，側重於肉味而非質感; 反之，日本和牛的油花令其肉更香之餘，肉質更幼滑juicy。豬肺 ($58): 豬肺補氣，健脾胃，清洗功夫做得足，夠滑身而無腥味。牛汁芝士丸拼黃金墨魚丸 ($108): 特別推介是牛汁芝士丸，牛味濃厚突出，比牛丸香濃得多，夾心芝士比一般芝士丸的更好吃，有特色而有誠意之選。脆鯇魚腩 ($88): 脆鯇腩新鮮，肉質一如其特