影片
更多
2017-07-18
153 浏览
好鍾意打邊爐, 聽朋友講尖沙咀有一間打邊爐好正, 成日都心思思想去試下, 這日約好了幾個志同道合的朋友上去打邊爐. 原來間餐廳是樓上舖, 一出電梯門就已經入到店舖內了. 一座低, 侍應即刻奉上豉油及火鍋佐料, D火鍋佐料看上去都是非常新鮮的, 紅卜卜的指天辣仔已切得很碎, 綠油油的香蔥及芫茜都切得好幼細任你取, 白色的新鮮蒜蓉以及已炸到金黃色的熟蒜蓉都分別放在好的式既容器中, 仲有辣椒醬, 芝麻醬全部都任你攞, 我們各自調教好自己喜歡的口味, 等湯底上枱. 湯底有好幾款, 我們款款湯底都鍾意, 於是侍應同我們講, 他們有一個四窩湯底, 即一個煲裡面有四款唔同的湯底, 我們聽到都齊聲回答, 就呢款湯底啦! 一個鍋有四款湯底, 我們都是第一次食, 很期待! 無幾耐, 一個黃銅色的圓型火鍋上枱了, 個銅制的火鍋有2個圓環在兩邊當把手方便提放, 一打開個煲蓋, 裡面有個X型的隔將四款湯底分開, 有傳統的芫茜皮蛋鍋, 有麻辣湯底, 仲散發出淡淡的麻辣味, 仲有沙嗲湯底，仲有一款番茄湯底，共4種，多種味道混合在煲裡面, 非常吸引。 跟住，打邊爐的食材逐一上枱, 有雲吞，有我最想試的黑松露鮮菇餃，有
原來間餐廳是樓上舖, 一出電梯門就已經入到店舖內了. 一座低, 侍應即刻奉上豉油及火鍋佐料, D火鍋佐料看上去都是非常新鮮的, 紅卜卜的指天辣仔已切得很碎, 綠油油的香蔥及芫茜都切得好幼細任你取, 白色的新鮮蒜蓉以及已炸到金黃色的熟蒜蓉都分別放在好的式既容器中, 仲有辣椒醬, 芝麻醬全部都任你攞, 我們各自調教好自己喜歡的口味, 等湯底上枱.
湯底有好幾款, 我們款款湯底都鍾意, 於是侍應同我們講, 他們有一個四窩湯底, 即一個煲裡面有四款唔同的湯底, 我們聽到都齊聲回答, 就呢款湯底啦! 一個鍋有四款湯底, 我們都是第一次食, 很期待!
無幾耐, 一個黃銅色的圓型火鍋上枱了, 個銅制的火鍋有2個圓環在兩邊當把手方便提放, 一打開個煲蓋, 裡面有個X型的隔將四款湯底分開, 有傳統的芫茜皮蛋鍋, 有麻辣湯底, 仲散發出淡淡的麻辣味, 仲有沙嗲湯底，仲有一款番茄湯底，共4種，多種味道混合在煲裡面, 非常吸引。
跟住，打邊爐的食材逐一上枱, 有雲吞，有我最想試的黑松露鮮菇餃，有脆肉鯇，仲有打邊爐最不可少肥牛，我們叫了個牛拼盤，有極上肥牛，有牛脊肉及肥牛粒，仲有牛脷。打邊爐最愛就是肥牛，拼盤上的肥牛，如雪山般肥瘦均勻，一睇便知是上等貨色，牛肉粒大小適宜，肥瘦適中，堆在拼盤中間，D牛脊肉兩邊是通透的肥肉，但中間是全瘦的瘦牛肉，真係要試下這牛脊肉，淥熟後是爽的，D肥肉在口中咬嚼，牛的香味散在口中，中間的瘦肉爽口，越嚼越香，好正！雪花肥牛在滾湯中淥兩淥已食得, 很嫩很香，果然是極上肥牛。仲有牛脷，有牛味，唔够牛脊肉爽口，但也非常好食！仲有響鈴卷, 新鮮脆口，放在沙嗲湯中最好食，索曬湯中精華，外脆內軟，good!仲有芝心墨魚丸, 粒粒爽口彈牙, 芝士包在中間，好濃郁的芝士味，這芝心墨魚丸比其他地方好食好多，芝士味正，唔似普通芝士，好味道！仲有要特別講的是黑松露鮮菇餃. 味道都相當唔錯, 這款餃子是齋餃，但是非常好吃，黑松露濃郁的特別香味配上新鮮菇類，就算裡面無肉類，這餃子都比肉類餃子好吃，回味無窮.
而麻辣鍋裡面，竟然仲有豬皮及豬紅這些食材, 我們見到真是喜出望外, 因為這兩款食材不是太多地方有得食, 而且放在麻辣湯底裡面, 應該是別有一番風味, 麻辣湯很香, 不是很麻, 亦不是很辣, 非常適合我們的口味, 豬皮索曬麻辣湯，咬一口，很是好吃！豬紅烟烟韌韌，好耐都無食過這些食材，今次打邊爐全部都食到了，真是唔錯！
打邊爐就是要食個”鮮”字, 新鮮的食材加上靚湯底，連淥在湯裡的青菜都格外好食, 真係好滿足, 好多謝朋友介紹這間“胡爐”俾我，知我鐘意打邊爐，又揾到個好地方同朋友聚脚了。
张贴