胡爐 (已結業)

胡爐-環境相當別緻，好有古式風格，位置舒適，連餐具都別具心思。新推出嘅四格火鍋，四格為芫荽皮蛋鍋、番茄茸牛腩湯、潮汕沙嗲鍋同麻辣鍋。比較喜歡番茄鍋，味道香濃，蕃茄味好重，煮菜類特別鮮味。麻辣鍋雖然叫咗大辣，但係食落冇想像中咁辣，反而香料味比較重，食落都幾香架。-飛驒和牛肉眼（細）-煮幾秒就食得，牛肉嘅肉質非常香嫩，油脂係口中散開，味道仲非常香，，食落有入口即融嘅感覺，非常推介。-自家製炸魚皮-第一次食到咁嘅形狀嘅魚皮，真係原塊魚皮片出嚟炸，咬落口感非常香脆，加左少少調味料， 食辣鹹香，有少許魚嘅鮮味，浸落湯底一陣，仲吸晒湯嘅味道添。-蟶子-點左當天店員推介嘅蟶子，食辣都尚算新鮮架。

補祝母親節，一家人走到尖沙咀厚福街的>>>胡爐<<<用膳。當晚時間尚早，人流未算太多，無須費勁等候電梯，心情也舒爽一些。 當晚侍應推介四格火鍋，一個鍋能享四味湯底，既可讓食客嚐盡各式滋味，也令同檯食客可各適其適。這四格火鍋分別為芫荽皮蛋、鮮番茄茸牛腩、潮汕沙嗲和麻辣。 醬料(HKD22/位)共有八款，冰偏好蒜味，所以生熟兩蒜也置入碗中。 整晚食物很多元化，先介紹冰喜歡的邊爐食材。手打蝦滑(HKD98)細緻可口，彈牙非常，加上蟹籽，令口感層次更豐富。 北海道帶子片(HKD128)鮮甜十足，要注意烹煮時間，剛剛熟就好，煮得太久的帶子片會失去嫩滑質感啊。 菜心苗(HKD48)份量不多，但勝在綠得青脆，嫩而無渣。 食具經過特別設計，「打撈」食材時更有效隔走湯底，是冰喜歡的安排。 為何沒有打邊爐必備的肥牛呢？這次我家不選肥牛，而點了一客頂級牛肉刺身(HKD148)，卷著香蔥、沾點醬油，肉質鮮香徐徐滲入口腔，是另一種享受牛肉的方法。侍應叮囑這不好放進火鍋中，冰還是在好奇心驅使下，煮熟了一小片牛肉刺身，結果肉質變得非常不濟，可不要再試啊。 熟食方面，椒

今日同男朋友打邊爐，去左一間古風味道濃厚的火鍋店，入到去古色古香，好特別。食物選擇好多，男朋友負責order，我就負責影靚相啦！先來調味盤，最愛炸蒜！四式鍋。蕃茄、莞茜皮蛋、沙爹、麻辣。全部湯底都齊哂，我唔食辣男朋友又極愛，滿足大家需要。先來炸響鈴。炸到香脆香口，吸哂湯汁，滾兩秒攞起入口仲脆卜卜。牛拼盤。牛脷、和牛、牛粒、金錢𦟌。牛味非常濃郁，最鐘意和牛，入口即溶雪花分布相當好，牛脷入口爽口爽彈，唔會太硬。雙拼丸。芝心墨丸、牛汁牛丸。芝士軟心，入口咸香加上爽彈墨魚丸，丸類彈牙爽口，十足十手打！烏冬送湯底

今晚在胡爐吃私房煱，8:30後入座仲有八五折添。很吸引的四款不同風味火鍋湯底，有我最喜愛的皮蛋芫茜豆腐和蕃茄牛腩；已預先炆腍的牛腩非常入味，第三個是有大大塊豬皮的香辣沙爹湯底，最後是足料麻辣湯煱。我們都是從豆腐湯底吃先，雖然怕麻辣，也間中吃一兩轉，的確可以將食欲提升，也能刺激味覺。雅致的餐具令食欲的感覺更投入。健康之選：色澤鮮紅的西班牙黑毛豬豚肉，肉味濃郁。第一次品嚐用火煱吃秘製蝴蝶腩，加上四款截然不同火鍋湯底，變了四款味道蝴蝶腩，感覺吸引，味道層次豐富不少！鮮甜手打蝦滑又滑又爽，絶對是「濕水綿花」~~冇得彈！北海道帶子片，灼熟後沒有太大的縮細的帶子片，吃得很實實在在的鮮甜！喜歡野生竹笙爽脆中帶滑唧唧的口感，不同湯底，像吃了四款不同竹笙，大大的滿足。黃金墨魚丸拼牛汁芝士丸、菜心苗和烏冬都帶來美味。喜歡椒鹽豆腐乾身沒有油膩的感覺，而且椒鹽味道適中。打孖上的椒鹽鮮魷，就知道成枱都是魷魚粉絲，幸而椒鹽鮮魷冇令粉絲失望，爽脆鮮魷和椒鹽味道適中帶來無窮吃的樂趣，不消一刻換來是美人照鏡的盤子。香甜的椰汁糕是免費甜品，不過份量真是極小，這片已經是五份中最大了！餐廳牆壁架上擺放很多精選名酒，不乏葫蘆型

胡爐不論用具、食材、服務定環境相當細緻，絕對『銅手無欺』，裝飾以木配合中式擺設為主，古色古香相當別緻，播放輕鬆音樂。侍應服務細心，坐底已經送上餐巾鋪袋上防止湯彈到，再推介火鍋配料。醬料 $22有生蒜、沙嗲、蔥、莞茜、麻辣和辣椒，最欣賞麻辣醬，非常惹味冬瓜花膠雞翅鍋 $368有雞、魚翅、花膠、冬瓜等材料外，還有湯底用元貝、金華火腿材料熬製而成，湯底鮮甜濃郁，無添加無味精。湯癮起，忍不住每人喝一大碗濃郁雞湯。花膠雞翅鍋相當足料！湯底甜；雞件滑；花膠厚；魚翅靚。如果唔係侍應話留返少少雞湯打邊爐，我一定清曬湯！最特別莫過於「銅鍋」，銅器在中國已經有超過五千年的歷史，傳熱快「一滾就熟」，不過成本貴打理麻煩，所以很少食肆使用銅器。我有理由相信銅鍋傳熱快關係，能夠鎖住肉汁，滾出食材特別嫩滑鮮甜！ 自家製炸魚皮 $68魚皮使用每日新鮮白鱔皮即叫即炸，熱辣辣上枱，咬落酥脆，必食之選！*第一啖唔點湯，要試下熱辣辣魚皮酥脆口感自家製炸響鈴 $68打邊爐不能缺少響鈴，亦係即叫即炸。比市面上響鈴酥脆，吸湯能力強，建議滾2秒保持內裏酥脆效果 西班牙黑毛豬豚肉 $148豚肉一望就知新鮮，肉質帶鮮紅有油花而且脂肪同肉

同朋友一行5人去到尖沙咀覓食，去到呢間別具質素嘅火鍋店，梗係要食好啲同食豪啲啦。喺餐單上挑選左美食之後，當然唔少要就係揀最重要嘅湯底啦。原隻新鮮嘅龍蝦，亦我地面前以牛油同酒烹調後，加上濃郁嘅龍蝦上湯，成就美味海鮮味極濃嘅湯底。一啖濃湯，一啖結實而肉色白皙龍蝦肉，絕對係個無敵嘅開頭。接著落黎嘅飛驒和牛又係另一高水準示範，完美嘅脂肪比例，係滾湯中快滾30秒左右就食得，質感唔單止肉嫩，而係絕無雜質，真係有入口即溶嘅感覺。 而牛舌雖然比和牛厚少少，但係肉味同樣香濃，無半點雪藏味，係龍蝦湯底滾一滾，一樣都係咁好味。而呢度嘅海鮮同樣係新鮮無比，蟶子王份量夠晒大隻，全無雜質沙礫，食落口夠晒彈牙，花甲貝、桂花蚌亦都係新鮮無比。有一流嘅材料，打邊爐先至夠完汁完味。

我相信好多人對尖沙咀厚福街既H8一d都唔會陌生，因為佢係集潮流餐飲於一身既商業大廈，係尖沙咀既中心地帶，距離地鐵站都只係5分鐘，所以逢親食飯時間，都會出現人龍，而我同朋友今晚都係其中既一份子。既然H8做得呢區既餐飲熱點，係得入面既食府都一定係有料既。今晚我地就黎到16樓既胡爐，佢係一間中式既火鍋店。一出𨋢就會見到佢個招牌。呢度係以深木色做主調，配上中式風格既裝修，古色古香。雖然地方唔大，但係佢用左d雕刻屏風做間格，空間感多左，感覺一d都唔侷促，仲有4間VIP房提供tim。Menu呢度既主打係d特式火鍋湯底，包括火焰龍蝦海鮮鍋，鮮椰青雞鍋，冬瓜花膠雞翅鍋同埋四川麻辣9宮格等等除左湯底多選擇之外，醬料都好齊全，仲有埋四川麻辣醬tim。落完order溝埋醬料主角就出場啦冬瓜花膠雞翅鍋$368話晒全女班，梗係揀個又消暑又養顏既鍋啦。呢個鍋好足料，驟眼睇仲以為係冬瓜雞盅。佢呢個銅鍋比一般打邊爐用既不銹鋼鍋更傳熱同更能保住食物既香味，所以好快香噴噴又滾熱辣既冬瓜花膠雞翅湯就已經ready。呢個湯超香濃，有d似燉湯咁，d精華全部係晒度，而且雞肉超嫩滑，花膠質地又厚，口感爽滑，至於d冬瓜就需要多d時間

收到胡爐的一百元coupon, 寫住不能用於套餐及星期五六，沒有其他條件。唸住平日來試下。去到一個客都冇，因我只有一個人，便唸住不叫火煱，叫兩個小食，價錢其實比叫火煱還要高。我點好嘢食，個waitress才說你是否有coupon，我話有，佢話一定要叫火煱，我話我一個人食吾倒咁多野，同埋張coupon也沒寫只可叫火鍋。最後我選擇走，我說真的是差，她還説係咁差㗎喇！不知所謂！

胡爐尖沙咀厚福街8 號 h8 16 樓喺tst 有眾多野食既大廈h8 樓上一間打邊爐店 環境寛闊 坐位裝修比較高檔 有各式打邊爐料同湯底 仲有特色小食打邊爐四川麻辣九宮格 中辣 168 蚊同四川打邊爐傳統一樣 成個麻辣鍋分九格打邊爐 其實最主要係將想快熟既食物例如肉甘放喺最猛火既中間 其它菜 魚放側邊 湯低有好香麻辣香 有麻子 辣椒 胡椒 豬紅 腐皮 豬皮等 又辣又夠油香 鍾意麻野既人一定要試 !牛骨髓 48 蚊牛骨髓 好粗身 十分新鮮 望落十分爽滑 吸盡辣汁紅薯粉 38 蚊紅薯粉 比較幼身 有凹凸既位置 所以食落除左爽口 仲好有口感 同麻辣鍋好襯！胡爐豚拼盤 268 蚊西班牙豚肉眼根 秘製蝴蝶腩 豬頸肉 豚肉 拼盤 有上面四樣野 外表排得美觀 豬頸肉肥美得黎又帶點煙靭既肉質 口感juicy , 豚肉 好軟滑 好夠豬肉香 豬蹄根 近豬腳根部位 好爽滑煙靭 而糊碟腩要煲耐d ,充滿豬肉厚厚質感既肉口感 又帶有骨附近既筋口感 好味 !而籃妹 32 蚊佳多寶18 蚊

位於尖沙咀的H8大廈，全棟都是美食勝地，這天由朋友帶領之下去了一間十分合她之意的餐廳。胡爐 --- 餐廳空間不大，但相當別緻，雕花狀吊燈、壓花紋的木牆，都充滿中國古色古香的設計，別樹一幟。點好餐，員工隨隨地遞上調味架，八款醬汁包括有麻醬、炸蒜、蒜蓉、香蔥、芫茜、麻油、辣椒醬、豆瓣醬和淡豉油。每位收醬油費$22，索價有點兒過高，基本上每位客人用餐只會取一、兩次醬汁，也用不著收取得太盡吧。胡椒豬肚湯($188)豬肚的份量不算很多，二人分享只是剛好而已，如果再多一人分享感覺就不夠喉了。豬肚沒有異味，清洗得很徹底，內裡乳白色的脂肪及污垢部分都被剪得一乾二淨，肉質嚼勁也恰到好處。原來胡椒粒在什麼時候才落在湯中也很講究的，胡椒粒事前要先炒香出味，時間要掌握剛好，再將胡椒壓碎與豬肚共煲。壓碎胡椒粒的時間亦不能過長，否則香氣會揮發散走，也減少胡椒變得糊口或苦澀。幸好，胡椒味道沒有出現異常，乳白色的豬骨湯，湯頭很清澈，淆滾著時未見泛起豬骨的乳脂。胡椒味很香濃，越飲辣味越重、愈濃郁且甘香。員工其後再添加的湯汁，仍然是豬骨湯，令原本的豬肚湯沒有變淡，還愈淆愈濃。夏季悶熱而濕氣重，喝這種湯具有健脾暖胃的功效。

呢同埋公司交流團嘅外國同事去開餐，佢地外國人對中國文化又唔知點解份外著迷，佢地話要食D 地道野，就帶左佢地黎打邊爐。呢間胡爐就係貪佢靚靚仔仔，又好優雅咁，重點係開公數，要食豪D!裝修好有格調，充滿中國味道！侍應即刻奉上一套十款俾我地混醬一番！登登登登！我地叫左火焰龍蝦芝士鍋，價錢唔平，但絕對值門票價！店員講返係會即刻攞隻龍蝦出黎劏，仲要睇住佢郁下郁下....直到變哂色橙哂🙈一路炒一路有陣芝士味飄出黎😍到最尾店員仲會倒d龍蝦湯繼續滾呀滾～龍蝦湯係可以直接筆出黎飲，味道好濃，完全係芝士濃湯咁，至少要飲2碗～反正之後可以加湯～龍蝦就整整一隻放落去，啖啖肉～北海道帶子片烚完好爽好鮮甜，又清潔好哂，啖啖肉！自家製炸魚皮-店員提醒唔需要沾湯，趁熱食就得！原來佢上檯個陣已經係熱架啦，不過就會比起一般魚皮硬，店員講返話係即劏即片皮即炸！另外都試左甜品，款式唔多得兩款，炸香蕉！炸榴連！炸榴連入面係榴連醬黎，好香口好濃味～榴連愛好者必食🙋🏻

平時食開任食邊爐，呢晚決定同姊妹們豪食一餐海鮮邊爐，果然一分錢一分貨，食到超高水準既邊爐，真係價錢貴貴都值得呀！門口好有特色，餐廳名都好特別餐牌有好多野食揀，店員會好有耐性解釋每個煲既特點，重點推介火焰龍蝦海鮮鍋，呢個鍋正正就係我地今次黎呢度既目標龍蝦鍋上台，店員會即場烹調，龍蝦係直接係魚缸新鮮撈起，煮果時仲識郁架，真係好新鮮！龍蝦海鮮湯鮮甜濃郁，呢個湯底用黎打邊爐其實真係有少少奢侈重點推介：頂級牛肉刺身！第一次試牛肉刺身，好新鮮，而且有陣陣牛肉香味，配埋醬汁真係冇得彈黑松露墨魚丸+牛汁芝士丸！墨丸爽口彈牙，牛丸芝士味濃，兩樣都係必點！正珊瑚蚌，好爽口聖子，$48一隻，價錢有d貴，但一食落口已經覺得好正！又大隻又鮮甜，回味無窮鮑魚起片，同樣新鮮爽口手切肥牛，中份，三個人食都好夠，有牛味，而且入口嫩滑小食係即炸魚皮，非一般既香脆，而且加左少少辣粉，夠惹味最後係甜品，炸香蕉+炸榴槤，甜度啱啱好而且炸到外脆內軟，打完邊爐食都唔會覺得滯呢個價錢其實就等於食一個中價buffet，但呢度食既野真係食到新鮮同美味，呢餐真係食得好滿足

甫進店，店內環境佈置古色古香，播著的音樂予人放鬆之感。 店內還很細心，設有布子為客人包住袋子，防止湯汁濺彈。 吃火鍋當然不少得調味架，有生蒜、沙嗲、蔥、莞茜、麻辣和辣椒，每樣都加一點後，味道非常惹味！ 、麻辣和辣椒，每樣都加一點後，味道非常惹味！ 冬瓜花膠雞翅鍋（$368） 主角來了，雞翅鍋除了有雞、魚翅、花膠等主要名貴材料外，還有元貝粒、蝦米和其他材料熬製而成的，百分百無添加的，絕無味精！ 湯頭鮮甜濃郁，冬瓜花膠雞翅鍋相當足料，鮮雞非常滑溜，花膠和翅份量非常多，冬瓜煮久了吸收湯底味道，非常好吃！ 看！一條條的花膠和魚翅在鍋內！ 還有一隻隻肥美厚肉的雞腳！ 水餃和丸類都可以選擇雙拼，再加$10 黑松露蟹肉餃（$108） 黑松露味道菇味非常香濃鮮味，皮薄又好吃！ 鮮蝦帶子水餃（$108） 鮮蝦份量夠多，帶子好吃，皮薄夠鮮。 豬皮（$38） 豬皮切得小片的，爽口彈牙，味道非常吸收！ 紅薯粉（$38） 紅薯粉是扭紋形狀的，軟滑可口！ 整體來說，食物和服務都非常好，食物質素更是非常

女兒早前和同事去過尖沙嘴厚福街一間叫胡爐的食店食火鍋，説服務好又好食，今天我一和老公專程來試試！要搭𨋢上去，一出𨋢就有侍應殷勤招待，入座後又好細心照顧客人所攜帶的物品，每樣都放好後，就介紹我們餐牌上的食品。點菜後，又是混醬的時候！我們選了潮汕沙嗲鍋：尼間火鍋店是用銅煲，傳熱快，湯底沙嗲很濃！西班牙黑毛豬豚肉：好新鮮喔！切得比較厚，所以有口感，很鮮甜！珊瑚蚌：新鮮爽囗，記得不要灼太耐，否則就會靱！自家製炸響鈴：打邊爐不能少的，大大卷，灼數秒，索了沙嗲湯，加埋本身濃濃的豆香味，非常惹味👍手打蝦滑：爽口彈牙又鮮甜！最後還有甜品送：椰汁糕，椰香味甜！

今次已經是第二次光臨，第一次是朋友飯局。今次是我主動帶屋企人來吃，一家六口book咗間房。因為是星期五今次有低消了，但都只是＄3000就有房間。依舊是叫了火焰龍蝦鍋，依然令人回味的湯底屋企人都讚不絕口。但很失望今天沒有麻辣牛肉餃吃，亦沒有花竹蝦。但今次試了西洋菜餃，手打海參豬肉丸，都不錯真不明白為何那麼彈口。但原來坐房間必須要帶外套因為冷氣好凍，另外洗手間亦需要改善只得一格，但食物質素及服務質素都非常良好，侍應生相當有禮貌，體貼地入房間提我們清潔碗碟加湯。是值得一去再去的餐廳