肉餅哥小炒料理 (已結業)

復活節假期最後一天，周圍都冇人排隊，就同朋友去試試！選擇叫一個貴嘅一個普通嘅肉餅飯。貴的是花膠肉餅飯$99普通的黃金鹹蛋煎肉餅飯$69服務員會俾你選擇蒸肉餅或是煎肉餅飯都可以選擇白飯、油飯、菜飯，好似仲可以選擇粥！我個人比較細食，所以叫咗小飯，圖片中的一大碗飯，服務員話已經少咗一半。哈！花膠肉餅飯：好大舊花膠，＄99嘅品質囉！有花膠有肉餅有好多飯。本人跟朋友比較欣賞，鹹蛋煎肉餅飯，十分野味！我提議在此餐廳不要叫普通肉餅，因為佢哋啲肉餅溝左麵粉，所以煎的重味精的比較香口。特別推介飯桶去幫襯

住荃灣嘅我聽過肉餅哥個名好多次，終於約到朋友同我一齊去食啦！距離地鐵站有點遠，係大窩口同荃灣站之間裝修新穎，有啲台灣風味非常多人朋友點左最出名嘅足三兩花膠肉餅(蒸)而我就點左原隻凡立貝黑松露肉餅(煎)肉餅可以選擇蒸或煎飯就可以揀白飯油飯或菜飯茶餐廳嘅食物都有咁多選擇，即時加分落左單即刻送例湯湯一碗賣相都非常吸引，而且煎肉餅散發出嘅香味比平時蒸更濃肉餅裏面都有松露，再將面的松露醬撈埋落個菜飯到，無得輸菜飯嘅菜非常爽口，唔會又黃又霉肉餅外層香脆，咬開充滿肉汁，而且又有返咁上下厚度，同飯一齊擺入口，成個感覺好豐富。唔好睇小，食完真係好飽。我地仲叫左芝士薯泡， 即叫即炸，熱辣辣！總括食物質素非常好，全部都即叫即做。食客比較多，但落單非常順利無甩漏。食物足料，貴茶餐廳少少都值啦！

今日朝早喺荃灣做完嘢 到左lunch time 就約個朋友出嚟一齊食飯咁我哋就去咗試早排非常出名嘅肉餅哥😽因為過到嚟都已經兩點唔需要排隊就入得啦但係都仲係好多人係入面食緊野☺️☺️入到去坐低嘅時候呢佢就會比碗湯你之後我就飲住湯睇餐牌 從來都冇諗過肉餅都有咁多款式 真係大開眼界最後我哋揀咗一個蓮藕肉餅 同埋花膠肉餅兩款都係配菜飯個花膠佢就話係足三兩 非常大塊😍😍😍整得好入味 食落會覺得自己補充左好多骨膠原 真係好正嫁😍😍蓮藕蒸肉餅都好好食 佢就有啲蓮藕粒係入面比想像好食好多 平凡的美味😍😍之後我哋兩個大食妹仲叫左個小食 - 芝士薯波😍佢即叫即炸非常新鮮 食落去熱辣辣 芝士呢仲可以拉到出嚟添 不過我地掛住食冇影到😂😂嘢飲我哋就叫咗到奶茶 非常好飲👍🏻整體來講呢呢度上菜速度好快 啲嘢都好好食係會再想黎再食嘅餐廳💖💖

蒸肉餅就食得多，平時都係屋企食肉餅，尼間以肉餅做主題既餐廳終於有時間黎會一會佢😇今日係附近教完波，時間岩岩好，黎到岩岩開始晚市，所以人唔多，第一個入去😜牆上貼住佢地係主打菜-足三兩花膠肉餅！都唔好話呀，幾吸引嫁😍另一邊，就貼住另一個主打菜-金沙蛋黃肉餅！雖然天氣唔係凍，但有一碗「無味精」既靚湯飲，成個人都好溫暖、好醒神！做完一日野，飲到碗靚湯，簡直好似反左屋企咁，真❤️正呀👍👍👍👍重頭戲黎啦！我叫左佢地既主打菜-金沙蛋黃肉餅，配菜飯，Nice😎表面果層「金沙蛋黃」做得好香口，好足咸蛋黃，食到好濃既蛋黃味同埋蛋黃碎！另外肉餅採用另一種煮法，平時一般會蒸的，但餐廳「應該」用左先蒸後煎既手法，香口得黎唔油膩，而且肉餅肉質軟熟，味道質感都有層次，非常好味！拿，環境相當唔錯嫁！好彩係最早入黎，所以無咩人，靜靜地好舒服！我知道平時尼度好多人食好熱鬧嫁！

肉餅哥，只從朋友口中聽過其名字，因為不多「就腳」，所以沒有去試試。今天順路駛經聯仁街，見時間已９時多，應該不會被抄牌，就直接泊在店門前，一試肉餅哥。１０時關門的肉餅哥，在９時多仍人頭擁擁，完全沒有快要收爐的感覺。鋪面不大，坐位稍逼，不是慢慢吃一頓晚飯談談天的地方。縱然如此，看看旁邊食客的肉餅飯，不會再介意鋪面了。肉餅大少和飯的份量都乎合我的期望。蒲坐下，就有例湯送上，湯還好，不太咸。打開餐牌，的確有很多選擇，反正未試過任何一個肉餅飯，便隨意選一個，選了［冬陰公汁肉餅飯］，要煎的，加２元配了菜飯。偷看鄰座的油飯，金金黃黃的，好像挺吸引，下次可以試試。雖然餐牌選擇眾多，但感覺上都是煎了很多很多肉餅，在上面鋪不同的汁就是了。冬陰公汁肉餅的肉餅還香，但有點凍了，不是熱呼呼的出來。冬陰公汁雖然不怎麼吃得出冬陰公味，但其微微的酸辣跟肉餅也挺配。如果它名為［酸辣汁肉餅飯］，也許會比較吸引。肉餅煎得不會太肥膩，有一定厚度，對我不多大食的男生來說，剛好夠飽；自問大食的話，可能就要加點其他菜了。p.s. 有其他食評指店員態度不好，但以今次的經歷，態度還是不錯的，出錯了一個飯，都有禮貌的道歉和退回

又係出動搵野食既時候啦~ 平時都唔多食飯既我, 今日就去左肉餅哥到食晏~行左好遠好遠先到, 位置有D難搵~ 去到時間尚早, 唔使等位。入去已經見到有數十款既肉餅, 可以選擇煎定蒸, 要白飯定要菜飯. 而我就選擇左佢推介既秘製金沙蛋黃肉餅(煎)同埋菜飯. 佢呢到仲送埋湯, 個湯冇味精. 個飯亦都好快黎到~ 肉餅上面既咸蛋好多, 味道濃郁, 送飯食一流，而且最重要既係不含味精，感覺更似煮家菜。跟餐可以嗌埋野飲。另外，呢到有較特別既黑松露肉餅，花膠肉餅等等，大家可以黎試下

肉餅哥呢個名應該係荃灣人都必定識嘅！事關竟然可以將一份家常小菜演變到有咁多款不同口味嘅肉餅真係少有。所以一於嚟朝聖下先。裝修方面非常有特色，大部份都係手寫上去嘅，而且仲圖文並茂嫁好有心思同創意，而且都好清晰！餐牌有餐廳嘅少少簡介，講明係新鮮製造，用人手令肉餅嘅肉質口感嫩滑。絕對係俾左好大信心食客嘅而且有埋相片可以睇tim岩晒唔中意睇字嘅朋友啦！點了花膠肉餅飯。說實平時食花膠都係配湯飲，又或者係酒樓食嘅貴價菜。但花膠配肉餅真係第一次，而且價錢都好合理，既保持到家常小菜嘅價錢，又可以有高質嘅食材，正呀先試一啖花膠，味道其實就係個汁嘅味，但花膠就絕無欺場，真係好厚身嫁！而且唔係一塊仔，真係Cover到半個碗！而肉餅係有煎過嘅，所以個表面係脆脆地嘅，肉餅都好厚，就算煎完再蒸都唔會好乾咁，肉餅仍然好有水份。真係好好神奇呀！而個餅因為都好多汁，所以好夠味，而且唔會好乾，同埋份量都唔少嫁！兩個女仔唔大食嘅話，其實可以一齊Share,咁就可以食多幾款啦

這天下班後約了一位舊同事吃飯，她在荃灣那邊上班，為了遷就她，我下班後去了荃灣。晚上8時左右，我們在楊屋道附近找到一間名叫「肉餅哥」的店，看起來不錯的樣子：裏面頗乾淨企理，有不少食客在吃晚餐：牆上貼滿了吸睛的餐牌：餐單印刷頗精美：店員很快送上每人一碗靚湯，貌似每個食客都有：味道不錯，很鮮甜，不油膩，我的那碗裡還有一件瓜。點了每人一瓶果汁，每瓶$12:芒果汁充滿果香，既濃又甜，讓人忍不住一口氣喝完大半瓶。西瓜汁味道清新，很能解渴。每人點了一個肉餅飯，都是要菜飯。足三兩花膠肉餅很足料，有4件花膠，我們每人2件。軟硬度適中，不黏牙，口感頗獨特。肉餅是大大的一塊，是蒸而不是煎的，很健康。飯中有菜，極度健康，難得在外吃飯會有青菜下肚：鮮味蟹粉肉餅這肉餅是跟蟹粉一起煎，頗香口，份量適中，能夠試真味道又不會增加太多脂肪。最後還點了一口餃子（8隻）$28是煎的，外皮很酥脆，裡面的餡料很美味。每一件都很小巧玲瓏，一口就能吃完。我們都很喜歡這頓晚餐。

肉餅—最平常的家常菜，每個家庭都應該食過肉餅。今日，我就山長水遠入去荃灣食！肉！餅！由於間餐廳唔近地鐵，所以都行左一段距離。今日我地一行6人下午12點半左右去到，唔算多人唔洗等位。裝修同座位都幾舒服，唔會好似有啲餐廳咁，要肩碰肩。一打開menu, 全部都係肉餅（廢話啦，舖頭叫肉餅哥嘛）大大話話有成三十幾款肉餅，真係花多眼亂，樣樣都想食...可惜想吃的太多但金錢太少入番正題，果三十幾款肉餅分為三大類，分別係$49，$59同$99。$49果啲就係平時餐廳都有得叫果啲魷魚肉餅呀，咸蛋肉餅呀果啲。$59就特別啲，有流心芝士肉餅，黑椒鴨腎肉餅，流沙蛋黃肉餅土等等。$99豪華版就有原隻龍蝦肉餅，其他唔記得sorry我同友人們都唔係大富大貴之人，又難得可以試新野，決定取其中間價，揀$59啦！佢啲肉餅可以選擇蒸/煎，同埋可以配飯/米粉/粥，如果配菜飯就要加$2第一個：流沙蛋黃肉餅咸蛋黃好足料，鋪滿成個肉餅面，另外有個蛋黃係上面！中意蛋黃的你應該會好中意，但友人食到後期覺得濟味道係好味的第二個：流心芝士肉餅啲芝士真係流出來的友人cut d俾我食果陣係見到拉絲的！而且芝士連肉餅食真係超級好食！下次一定再叫

好耐之前已經從唔同渠道見過肉餅哥嘅介紹，包括fb、instagram、電視，一直都想試。但由於我地唔係太熱衷排隊，得知好多時熱店都要大排長龍，所以我地想等熱潮散咁啲先到訪。今日咁啱同朋友行完山，傾下去邊食晚飯，決定趁機一試！雖然係紅日，晚飯時間去到，但並冇人龍，店內滿座，但等左幾分鐘就有位。店員指示我地入內，安排坐三個一字排開嘅「面壁位」，當下心裡已經有少少唔高興，我覺得我唔係黎食快餐。但講到尾，因為都期待左好耐，就心諗如果食物有水準嘅話，都唔應該計較。肉餅哥供應36種口味嘅肉餅，價錢分為 $59/$69/$99，肉餅可選煎或者蒸，配老火靚湯、白飯/白粥/米粉。肉餅嘅款式相當多，有部分都幾特別，例如咖啡煉奶肉餅($59)、特式果醬肉餅($59)、煙三文魚肉餅($69)、足三両花膠肉餅($99)等。而我係真心覺得佢地嘅肉餅一啲誠意都冇，沒有最普通，只有更普通。如果係一間茶記食個蒸肉餅，我絕對唔會期望；但由於你叫得做肉餅哥，表示對肉餅都有一定嘅信心，結果我食到咁嘅質素，非常失望。老火湯一坐底店員仲會送上「老火靚湯」，所謂老火湯，味道只係似普通滾湯，唔覺得有乜咁特別。泰式冬蔭公汁肉餅 $59

肉餅 ? 喺屋企食得多，阿媽通常為左仔女嘅健康都會蒸肉餅，簡簡單單嘅梅菜蒸肉餅已經夠扒一大碗飯，味道當然無得輸，仲飽飽！坊間甚少以肉餅做主打嘅食肆，呢間肉餅哥提供幾十款傳統新穎嘅肉餅配搭，煎蒸任揀，連想食白飯、油飯、菜飯、白粥同粒粉，都有得揀！媽，好難揀呀！喺屋企蒸肉餅食得多，所以今日要食煎嘅！人氣龍蝦肉餅飯值得一試，原隻波士頓龍蝦上，睇落好有架勢。全副肉身同豬肉混為一體，好煎到金黃色咁，好似好好食咁款。食落有咸香味，本以為啲龍蝦肉已經被拆開晒只係食到蝦膠質感加少少蝦絲，但原來龍蝦肉會平均分布喺肉餅入面，見得到都食得到，蝦肉係紮實地存在。最欣賞佢加上蟹籽上去，會有少少感覺到脆脆地，為肉餅加多咗份層次。今次點配油飯，飯雖多而肉餅比較少，但肉餅真係好送飯，以一啖肉三啖飯嘅比例完成。講返油飯味道本身，粒粒上色得均勻，金黃色的，飯粒都軟硬適中，睇落好爽身，食落有好少好少薑味。叫做油飯，又唔覺油喎

今日終於黎到食肉餅哥！好彩唔洗等位！成日都好想黎但都抽唔到時間！今次專登去荃灣試一試！我20:00去到都已經好多人！坐底後會送上例湯！我1行2人揀左2個晚餐！分別係足三兩花膠肉餅同埋原隻鮑魚肉餅！而肉餅可以揀蒸或煎！飯就可以揀白飯、菜飯或油飯！-足三兩花膠肉餅嘩嘩嘩！好多花膠呀😍補補骨膠原😂一上枱我即刻心心眼😍成三層花膠叠住肉餅！係超級足料既一個晚餐！而我選擇左菜飯，啖啖花膠送飯！正都不得了！另一個原隻鮑魚肉餅朋友揀左哩個既油飯！ 原隻鮑魚彈牙！油飯既味道都不錯！總括哩度既肉餅好新穎！下次黎會再叫其他肉餅！

放假第一日，當然約了女朋友一齊慶祝呢個愉快的復活節喇啦! 可以撇下公事的悠閒假期，享受女朋友為我悉心安排的假期節目永遠都係最愜意的事之一。東逛一會，西逛一會，很快就到晚飯時間了。只見女友不如以往般帶我到眾安街等「食街」用膳，而是帶我到呢間位於聯仁街的肉餅專門店吃晚飯。說實話，初時我對呢間餐廳期望並不高﹕始終外面餐廳食肉餅的味道及種類不多，而可以用肉餅作招牌菜仍在香港可以享負盛名的餐廳更加屈指可數。既然女友介紹，我當然會以Open-minded的心態入來食下啦。第一次來食，唔知係因為天氣熱定係呢間店的一貫做法，每人一碗湯潤下喉，店內冷氣同燈光都算舒適，我地就開始揀是日重點 - 肉餅。女朋友最重視自己的外貌，平時最愛護膚養顏都不在話下，佢一見到呢個足三兩花膠肉餅飯(花膠出名養顏，重要俾佢見到隔離個女仔又係食呢個飯，d花膠目測真係多到溢出來)佢當然一改平日選擇困難症的病症，同我講佢已經揀好喇，仲破天荒催我快d揀，我都好快揀了個原隻帆立貝黑松露肉餅飯，加多個榴槤炸彈俾我女朋友呢個榴槤達人。食物好快就來到了，先講招牌菜 - 足三兩花膠肉餅飯(蒸肉餅配油飯)。好足料，$99蚊可以有咁多花膠真係見到

我不是openrice用戶，但忍唔住要開個acc寫真心話。想試肉餅哥好耐，因為地點太遠所以一直都未能夠試到。 今日有幸經過荃灣終於可以一嘗所願.... 點知中伏了。對肉餅依個餸，有要求冇要求都好，只要識整都會知做法最基本最基本係豬肉「加上不同配料」剁碎、用力攪拌/ 撻而製成。之前未試過見到雜誌訪問話肉餅哥有36款不同肉餅可供選擇... 今日食過之後.. 我完全唔認同佢有36款肉餅，佢有既... 只係得兩款。蒸同煎。 因為事實佢所謂既36款肉餅用既都只係同一款肉餅底，只係加上不同醬汁/配料喺面而已。今日我叫左冬陰功肉餅，由落order到送上枱面連1分鐘都唔洗，製作過程好明顯係夾上一塊預先煎好既肉餅底->淋上醬汁->裝飯->上碟->送上枱。 同快餐店一樣既製作過程依樣唔係最令我失望既野， 而係佢所謂36款肉餅都只係用同一款肉餅底再淋上唔同醬汁... 我以為係冬陰公肉餅先係咁啦，但我望過隔離枱人地個咸蛋肉餅都係同一種做法，其他枱其他唔同既肉餅都係淋上不同醬汁而已，試問咁問36款肉餅？ 36款汁/配料先岩。做法其實同街邊既兩餸飯一樣，裝飯，夾餸，淋汁，上碟。完全

肉餅哥 喺荃灣區 好出名食肉餅既食店 食店裝修茶餐廳格局似快餐店 環境唔大 但有見到好多staff可見 佢既客人流量有好多榴槤炸彈三粒 38 蚊 38 蚊三粒榴槤炸彈大大粒 出面皮夠脆 帶有少少 麵粉香味 一整開流心榴槤流出黎 勁香濃榴槤味 超正輝哥e級炸雞脾 配飛機沙律48 蚊 炸脾 勁大隻 皮炸得好夠香脆 又唔太厚 出面有好香胡椒味 一咬開啖啖肉 煮既熟成程度剛好 肉質夠嫰滑 筋位都好彈牙好味 而側邊既沙律都好新鮮 好正野味鵝肝肉餅飯 99 蚊 配油飯 2 蚊 時菜 加12 蚊 以瓦煲上既煲仔肉餅飯可以保住温度 鵝肝大塊煎得出面夠脆入面好鬆軟 一咬落去啖啖油花 而肉餅好彈牙 入面充滿嫰滑既豬肉 食落夠咸肉味 配以好香濃既黃色油飯 好好食足三兩花膠肉餅 配白飯 99 蚊 以瓦煲上既煲仔肉餅飯可以保住食物既温度 一上枱已經好開心 因為成塊足三兩花膠喺上面 花膠好軟滑新鮮 醬汁好入味 而肉餅充滿 豬肉香味 煎得外脆内軟 飯粒 分明 食落好煙靭彈牙 再配以甜豉油汁 推介