肉餅哥小炒料理 (已結業)

蒸肉餅就食得多，平時都係屋企食肉餅，尼間以肉餅做主題既餐廳終於有時間黎會一會佢😇今日係附近教完波，時間岩岩好，黎到岩岩開始晚市，所以人唔多，第一個入去😜牆上貼住佢地係主打菜-足三兩花膠肉餅！都唔好話呀，幾吸引嫁😍另一邊，就貼住另一個主打菜-金沙蛋黃肉餅！雖然天氣唔係凍，但有一碗「無味精」既靚湯飲，成個人都好溫暖、好醒神！做完一日野，飲到碗靚湯，簡直好似反左屋企咁，真❤️正呀👍👍👍👍重頭戲黎啦！我叫左佢地既主打菜-金沙蛋黃肉餅，配菜飯，Nice😎表面果層「金沙蛋黃」做得好香口，好足咸蛋黃，食到好濃既蛋黃味同埋蛋黃碎！另外肉餅採用另一種煮法，平時一般會蒸的，但餐廳「應該」用左先蒸後煎既手法，香口得黎唔油膩，而且肉餅肉質軟熟，味道質感都有層次，非常好味！拿，環境相當唔錯嫁！好彩係最早入黎，所以無咩人，靜靜地好舒服！我知道平時尼度好多人食好熱鬧嫁！