肉餅哥小炒料理 (已結業)

慕名而来，在纲上聽了這間食店已久，今天有一点空闲，專程座車来試食，先点了个xo酱带子肉餅飯，配凍奶茶。首先凍奶茶-茶味不夠濃，而且用上外賣纸杯，不夠環保，送的湯，味道ok，xo酱味道可以，但打开食餅，就找不到要找的帶子，至于整体最差的，就是D食，没有米的香味，需要改善

到荃灣必到之飯堂有三十多款肉餅, 數得出都有由傳統的土魷肉餅、鹹魚肉餅到特色的黑松露帆立貝、流心芝士、龍蝦、足三兩花膠、蟹膏肉餅應有盡有晚上6點開門幸好未有人龍職員送上餐湯立刻點了個我最愛的原隻龍蝦肉餅, 配油飯送上來熱熱的飯有2隻大龍蝦鉗, 剝殼時汁不斷滴回飯中肉餅非常彈牙足料停不了口!!!太好吃了!!!慘了有三十多款肉餅..要何時才能試得完呢?!!!!!!肉餅迷到此一定滿足!下次要試埋天水圍的<屏山老地方>!!

同男朋友食晚餐, 之前見到有文章介紹, 所以就去試下MENU花多眼亂, 為免第一次就中招, 所以都係唔好叫咩果JAM肉餅果D怪野叫左墨汁肉餅(蒸)配黃薑飯, 好滑, 同埋應該有好多肥肉, 不過出得黎食預左係肥啦~ 煎黃金(咸蛋)肉餅, 個名唔太記得, 煎既話, 好香口, 不過冇蒸既咁JUICY, 較為乾身我地2個都覺得肉餅都係蒸既好, 一煎就口感變硬

肉餅是我媽媽的秘密武器，有一次我帶着她來吃肉餅，吃完都覺得是媽媽的肉餅好吃。 後來見有好多枱客人都叫雞脾吃，我們也叫了一份，他的名字好奇怪⊙_⊙ ，叫做「煇哥E級炸雞脾配飛機沙律」。 午市來吃是$38，晚市來吃是$48，炸雞脾大過隻碟，新鮮炸起拿起手好熱，帷有用刀叉切，雞皮雞肉脆卜卜有肉汁，吃多幾啖好似覺得喉嚨有熱氣，所以轉吃沙律舒服條喉嚨(╯з╰)。 飛機沙律即是雜果沙律，罐頭雜果酸酸甜甜喉嚨真是舒服了，所以是跟着這個方法將炸雞脾吃完。

肉餅哥顧名思義主打肉餅 呢次同朋友黎到就比新出既花膠肉餅飯吸引 始終女仔都係貪靚ma位置唔算好近地鐵站唔算好方便 但都有唔少客人足十兩花膠肉餅飯既肉餅唔乾而且富有肉汁 唔會太油 份量都唔少架 花膠更加係足料 又黏口又滑夠曬養顏 女士恩物呀原隻鮑魚肉餅飯鮑魚唔會韌 而且肉餅都同花膠肉餅飯一樣唔會乾亦唔會好油估唔到咁平都會有咁大隻炸脾 而且仲係皮脆肉嫩 唔會好乾 炸粉又唔厚 仲要配埋勁多沙律 真係抵食到爆怪唔之得好多捧場客 款式好多真係日日食都唔怕悶

晚上8點幾去到，，，今次少左人等，，，去過幾次都因為多人而放棄左。今次等左幾張枱就入得!!叫左個土魷肉餅煎既，同花膠肉餅蒸既。。。土魷果個真係好一般。。土魷好少好少同埋冇土魷味，好似普通煎豬肉餅。。。完全冇特別。 。至於花膠果個都一樣。。肉餅好普通，只係面頭放左好幾塊花膠!! 花膠係好食既同埋都多既。呢個ok既。不過要提一提就係服務態度。。真係比較差，其中一個後生女好冇禮貌。。我見佢收人地野冇問人，點知人地未食完既。。。比人鬧完就冇野走左去，唔好意思都冇講。。。。

平時到荃灣，多數會集中行市中心一帶的商場區域，今次跟友人漫無目的周圍行，發現一間以肉餅為重點推介的食店，眼見餐廳落場還未開店都有人在外等候，我跟友人難到到訪，一於提早吃晚餐。晚市6pm開始營業，還有15分鐘才開店，店外已有多位等候的客人。當一到6pm，店員開門時，所有原本在外等的都紛紛入座。到6:30pm，店裡都開始坐滿客人，有些還要搭枱呢，原來這店是很受歡迎的。店內坐得都幾密的，很多機會要搭枱的。點了肉餅晚餐，跟餐有老火湯當天的瓜湯很有家的味道，沒有味精，好正!不過我跟友人都是無湯不歡，見到餐牌有個《花膠燉蟲草花湯 $28》，當然二話不說又一人一盅湯。湯裡面有一塊又大又厚的花膠，$28都可以食到咁大塊，真係不得了。而且湯底好入味，飲得出很足料來燉的。我們點了鎮店款式肉餅…. 《足三兩花膠肉餅》所有肉餅可以煎或蒸，我們選了蒸嘩嘩嘩... 肉餅面上的花膠勁大勁厚肉，2個人食其實都好夠，不用叫多一個飯。花膠勁黏膩滑溜，簡直係美顏之選!飲底有白飯/ 菜飯/ 油飯選擇，我們選了菜飯配花膠肉餅，菜飯裡混了的菜粒大大粒<流心芝士肉餅飯> 這款選了煎肉餅肉餅夾心是有溶化的芝士，芝士味

「要煎定蒸好呀？」 「煎啦，煎好食啲。」 前陣子在網絡上見到大讚肉餅哥小炒料理。因為我不在荃灣區居住，久久也未能拜會一下。在行山過後，終於有時間了！説到肉餅哥，主打當然是肉餅。肉餅哥小炒料理的各款肉餅都有不同配搭，如配花膠、羊肉、流心芝士等等。除了這以外，也有非肉餅類的小菜選擇。 平時吃肉餅吃得多，在家裡整肉餅大多都是蒸的，無可否認煎的確實是特別香口的。而肉餅哥小炒料理的晚餐都是$69，一飯、一餸、一湯，價錢相當合理。加上小菜有住家菜的感覺，受人歡迎不足為奇。 我點的是金沙蛋黃煎肉餅，鹹蛋黃的味道濃郁，相當的滿足，不過吃久了卻有點膩。跟朋友當日一人一個肉餅，最後也是吃不完，以不要浪費的大前提，我建議一個肉餅一個小菜分著吃就好了。 而朋友點的足三両花膠肉餅，我就覺得不是我的口味。花膠雖是大片又厚身，但是用盡九牛二虎之力，用刀叉也無法切斷，感覺一點都不爽口。可能是我不會欣賞吧。 肉餅哥的噱頭是肉餅，萬變不離其宗，再加上其他食材就成另一個款式。份量也不要期望太大，好像帶子肉餅一樣，真的只有一粒帶子。不過$69的晚餐這樣的價格也是差不多吧。 肉餅哥小炒料理 荃灣聯仁街28號康睦庭園地下3號舖

自從肉餅哥唯一有禮貌的哥哥冇返之後，來肉餅哥迎接你的就只有兩個黑口黑面的侍應，叫極都唔落單，好！當你忙（即使我明明已經舉左兩分鐘手）落單的態度也是差到不願意再幫襯！點解放lunch食個飯仲要睇你黑面喎？！

位處荃灣和大窩口兩個地鐵站中間，都要行D路，我地D九龍人真係好有心咁過黎食。睇門面已知非傳統中式或茶餐廳格局，算modern港式的。雖然有自然光透入，但店內枱位置密麻麻，稍嫌空間感不足。一坐底就先上老火湯，今日係佛手瓜煲唐排，味道一般茶餐廳水準。名符其實真係賣肉餅的specialist，午餐主要分三種價格，$49、$59和$99，將肉餅的potential發揚光大。咁Deluxe的肉餅都係第一次見。午餐包餐飲，凍檸茶用外賣杯幾特別。要左個經典的煎秘製金沙蛋黃肉餅加$2轉菜飯，煎得金黃色的肉餅非常吸引，好多蛋黄係上面，十分香口，肉質都幾滑彈，肉餅哥手打個二萬幾下無白費，但係都幾oily，不過食得肉餅就預左。菜飯都好多菜，味道不錯。試另一個新的，墨汁risotto就食得多，蒸墨汁魷魚肉餅菜飯真係未食過。肉餅好滑，食到粒粒魷魚，感覺幾fresh。加$8油菜菜心。

肉餅，看似一道家傳滬曉的餸菜，但要煮得好食，也有其難度！肉餅哥這名字，早早已聽說過，在初開幕時，亦有顆心到此一吃，不過最後因爲懶惰卻不了了之！是晚吃貨朋友特意帶我到荃灣食，地理位置其實不算太偏僻，不過也要花相應的時間等候入座！除了招牌肉餅菜式外，還有燉湯、小食及飲品供應！足三兩花膠肉餅 - 份量何其多，花膠質感厚身滑溜，食落不會顯得太嗆太韌。沾上醬汁食更別有一番風味。肉餅手打關係，感覺份外軟綿易入口，油飯粒粒分明又圓圓，挺開胃！原隻龍蝦肉餅 - 賣相精緻美麗！小試一口，肉餅煎得香口不油膩。龍蝦肉不多，只有鉗位部分，但肉質尚算爽甜！菜飯份量適中，菜粒切得粗大，有口感！中途點了番石榴汁及西瓜汁作解渴之用，，飲落挺鮮不太甜。

冇簡錯你！足三両花膠肉餅飯：正正！無得頂！好大份，冇偷工減料😍花膠好juicy 多汁，又燜得夠冧！飯簡左油飯，肉餅用了“蒸“既方法，全部嘢都好match，不得不試！👍黑松露帆立貝帶子肉餅飯：今個簡左“煎“既方法，煎得唔燶，岩岩好！😜同蒸係二個感覺，都好正！配上菜餅，再加埋秘製豉油，整個配搭天衣無縫，Haha🤗🤗榴槤炸彈，岩哂榴槤控既我❤咬開，真係炸出來架😍推介😍😍仲有自家老火湯，聲稱絕無味精夠哂潤呢餐，正！必定再去

肉餅係家常餸菜 平常到唔平常 不過久唔久出街食飯都仲係想食過肉餅 呢個乜嘢原因呢 我真係答唔出 有一日就去咗荃灣一間出名賣肉餅既小店食咗一個好特別肉餅爆香京蔥羊肉肉餅 套餐 $68套餐係跟餐湯同飯 而當日嘅餐湯係粟米海帶湯 粟米配海帶嘅湯我以前係未飲過嘅 味道清甜 我自己覺得 係唔係有啲日式fusion呢至於呢個爆香京蔥羊肉肉餅 老實講嗰句我真係覺得好特別 因為用羊肉嚟做嘅肉餅我係第一次食 而且係煎嘅 初時好擔心食落口會唔會好騷好大陣味 不過我呢啲擔心係多餘嘅 因為食落去好香口味道鹹鹹香香好好味 果碗飯唔係普通飯而係菜飯 呢度個肉餅真係好味

因為我都係荃灣友放假當然盡量唔想去太遠最鍾意做宅女樓下肉餅哥開左短短日子聲名大噪遠近馳名佢哋肉餅都非常多元化傳純既、新潮啲應有盡有連唔應該嘅都會有小食方面應該係新出嘅，上次黎都冇（定係冇留意？）店內人山人海而家講緊已經係兩點幾三點仲係咁多人印象中今次係第三次來每一次都係滿席上兩次仲係要排隊添入到去之後職員就立即送咗來湯上嚟雖然女職員非常唔禮貌、面部表情亦極差係對於佢行動嘅迅速，都非常欣賞街坊生意、位位只係一百或幾十我都唔期待有酒店式服務，冇所謂啦！老公帶咗羊肉肉餅係羊肉fans讚口不絕羊肉配京蔥，非常有心思、創立人亦都非常貼地知道呢個配搭先係最好食我食咗個蓮藕肉餅最地道嗰隻好好味特別要讚佢個菜飯粒粒分明而且個菜都食得出幾新鮮我另外叫咗個湯花膠蟲草花湯花膠只係一片、 比較少但係花膠味道幾好＄28，以味道來講，已經贏咗兩個人埋單＄140，已以呢個質素嘅午餐絕對抵食

剛剛幫襯，叫了一個蒸芝心肉餅菜飯，一個原隻帆立貝黑松露煎肉餅，炸雞脾伴飛機沙律，再加芝心丸。芝心丸到了，問有冇沙律醬，話冇， 食落都ok.到個芝心肉餅， 唔知點解蒸都可以食到成口油， 到雞脾到，問佢有冇茄汁，又話冇，但係阿女見佢伴碟的沙律就問點點話冇沙律醬，我話即是人地唔想俾。隻雞脾好咸同好重五香粉味。肉餅一定唔係全人手刴，冇口感， 自己刴好食過佢， 佢用機搞完再刴幾下就扮人手刴。這間嘢話花餐廳，杯水都冇，要水就3元枝。這間嘢真係不知所謂。