肉餅哥小炒料理 (已結業)

搵好嘢食最安全嘅方法，梗係睇下間舖頭多唔多人排隊啦，呢間舖頭門口排曬長龍，睇埋個餐牌好特別，又有蟹粉又有龍蝦仲有花膠全部高級嘢，就入去試下佢先。叫左蟹粉蒸肉餅,大量蟹粉鋪係肉餅上面，散發住濃濃蟹膏香,好美味,肉餅蒸得岩岩好,唔會太淋。跟住最後一個就係足 3 兩花膠肉餅,依個真係勁,一上枱我地已經嘩嘩聲,成3 塊手掌咁大既花膠鋪係塊肉餅上面,真係不得了,只係望到都流哂口g水,花膠炆得岩岩好,軟腍滑溜得黎又不失口感,真係真材實料有保證。一口餃子呢份咁可愛脹卜卜嘅餃子一啖一隻, 表層脆卜卜入面嘅肉汁又香又濃,熱辣辣好好味，100蚊食到咁足料嘅肉餅好抵呀！間真係幾好食，下次再過嚟試吓其他肉餅先！

久仰肉餅哥大名，今天終可一嘗，一試即愛上。我自小愛吃肉餅，因媽媽是肉餅達人，喜愛製作不同的肉餅菜式，例如蓮藕肉餅、薯仔肉餅、蠔鼓肉餅、蟲草花肉餅、豆腐肉餅和冬菇雲耳肉餅等等，美味又不肥膩。一向知道肉餅哥提供不少肉餅款式，當中有大量都是獨創，全球獨市。沒想到肉餅的創意可以如此無窮無盡，一些意想不到的食材都能融入肉餅中，令人大開眼界，例如咖啡煉奶肉餅、桂花蜜糖肉餅、果醬肉餅和芥末沙律肉餅等等，將不可能變成可能。這兒的晚飯套餐主要分為三種價格，由＄59至＄99，套餐包括是日例湯和飯。澱粉質除了飯以外，可選白粥和米粉，加$2可改配油飯或菜飯、加$3可配出前一丁或加$5轉辛辣麵，配搭很靈活。＄99套餐的都是比較貴價的食材，例如鵝肝、黑松露、鮑魚、龍蝦、蟹粉和花膠等。花多眼亂，有太多心水選擇，選擇非常困難。店內牆上張貼了一肉餅排行榜，一於以人氣推介作決定，點了足三両花膠肉餅和金沙蛋黃肉餅。足三両花膠肉餅一上桌，眼球迅即被上面那幾塊身形龐大的花膠吸引着。花膠的質感不會像平時吃的那種黏黏的，這裡的花膠多了種爽口的感覺。肉餅的味道很香，肉餅中有一點點細小的肉粒融在其中，讓肉餅更有咬口。金沙蛋黃肉餅每款肉

在Openrice 的食評經常見到肉餅哥的食評，他們都對這間餐廳有好的評語，因此今晚和老婆專程坐車到來試試。來到差不多有八成客人，到了七時半就已經全滿了。我本來想試原隻龍蝦肉餅，點知已經賣完了，下次要早些來再有機會試了😂😂😂最後我叫了蟹粉煎肉餅菜飯，而老婆叫了花膠蒸肉餅菜飯。蟹粉煎肉餅－蟹粉的香味好濃，而煎肉餅面頭香脆，而肉質鬆軟和香口，送飯一流。👍👍👍花膠蒸肉餅－塊花膠真係好大件又厚，食落好似食緊骨膠原咁，如果以$99應該買唔到，非常低食😋😋😋，呢個一定要食👍👍💪而侍應們幫客人落單時，都拿出手機，用手機去落單方便又快捷👍👍另外繁忙時間，用餐時間是45分鐘，講真食哂咁大碗飯30分鐘已經足夠了。

因為我經常會去荃灣行街所以有時會經過肉餅哥,但係又未正式入過去食一餐晚飯,早就聽講過佢有好多特色肉餅食,今次約埋朋友,決定入去試一試。坐左係收銀機隔離張枱,一坐低小二已經放低2碗免費老火靚湯俾我地，雖然係免費，但落足料,係抵贊既。一打開餐牌,十隻手指加埋腳址都唔知數唔數得哂既款式,真係花多眼亂,最後我地2個每人叫左一個一齊食，最估佢唔到既係,飯都有得選擇要咩飯,有油飯,白飯同菜飯,真係喜出望外,重口味既我梗係選擇油飯啦,大約10分鐘左右,D 肉餅開始一個個咁上枱啦。作為一個香港人,食之前點小得幫佢地影返張相呀,影完相就開餐啦。試左個羊肉煎肉餅先,肉餅煎得岩岩好,唔會太硬羊肉又無咩"so" 味,油飯好香好惹味,好食!!再試下朋友叫既芝士煎肉餅,一切開塊肉餅,d 芝士就係個心度流出黎,果然係流心芝士,食落口啖啖肉啖啖芝士,食到個心都溶埋,好正!!經過一輪狂風掃落葉之後,食飽飽梗係埋單走人啦,埋單百幾食除返開每一人一百蚊都唔使,好抵食呀,樣樣都真材實料,價廉物美,下次都要帶埋d 朋友一齊黎食先~

今次係食既屋企最家常菜—肉餅無錯係肉餅。款式多達三十幾款，我咁大個人真係晤知肉餅可以咁多變化。肉餅有咸有甜有辣有晤辣，仲可以選擇煎同蒸。真心覺得太特別，咖啡煉奶肉餅、果醬、桂花蜜，甜既肉餅都有。地方不算大，就是茶餐廳格調。夠地道風味。價錢大眾化，不同配料價錢由$59-$99套餐。今次我選擇左我最愛的鵝肝，用煎的方法整肉餅，味道香濃夠香口，煎過的鵝肝逼出油份，淋上肉餅上，味道更甘香更濃郁，配搭一流。今次我選左菜飯，可以中和番油膩感，正！意外發現，肉餅外仲有小食。超巨大炸雞脾，真心好好食，十分香脆，咬下時係聽到卜卜聲，裡面雞肉仲能保持嫩滑多汁，難得！

星期日既早上，同朋友打完波，研究緊食咩午餐，係openrice見到肉餅哥呢間人氣食店，之前又係電視睇過介紹，好似好吸引咁，所以有點唔就腳都要過去試下，此店唔係荃灣較中心既地帶，不過都近千色店和悅來酒店。可能星期日的關係，附近的寫字樓都放假，所以無乜人等位，一坐下店員就拿了例湯比我地之後我地就慢慢選擇食咩？我地都揀了係餐牌上有的肉餅試試。點了秘制金沙蛋黃肉餅配菜飯，肉餅可選擇煎或者蒸，店員提議金沙蛋黃肉餅以煎既方法整會比較好食，感覺好似食緊黃金蝦，趁熱食好好食足三兩花膠肉餅配油飯，這個店員提議用蒸既方法會較好食，花膠好淋好大塊好易切開，抵食流心芝士肉餅配出千一丁，店員提議用煎既方法較好食，肉餅上有芝士，切開肉餅，中間都有芝士，好特別好味道另點了兩款小食，迷你炸餃子同芝士炸薯波餐廳環境整體黎講味道、環境、服務都不錯，亦很有特色，但地點

平時較少到荃灣區吃飯，所以要在此區用餐，都只好靠openrice. 而搜尋過後，見到肉餅哥-一間主打肉餅的餐廳，很特別，所以決定試試！由於主打肉餅緣故，所以餐牌上已有幾十款肉餅可供選擇，而各款肉餅都非常吸引！最後花多眼亂下，我選擇了其中一款皇牌推介：黑松露帶子煎肉餅！未吃已聞到很大的黑松露氣味，把第一口放入口中時，有很濃郁的黑松露味，而肉餅本身亦有咬感，是少有無論聞同食都有很濃的黑松露味，可說是名副其實的色香味俱全！而肉餅上的帶子都新鮮！另外它可以選擇要白飯，白粥或加錢升級菜飯！縱使這款黑松露帶子肉餅售$108, 但它絕對值得！

之前都試過慕名幫襯過此間位於荃灣聯仁街㗎「肉餅哥小炒料理」，門口排晒長龍，當時叫左個「土魷肉餅飯」，味道不過不失。昨天再次幫襯，味道比之前係有分別，好味好多，味唔太濃，恰到好處。第一樣我叫係「足三両花膠肉餅」跟菜飯，心想有粟米蘿蔔湯又有飯，叫一個咪夠囉，但係實在太好味，食完竟然還想吃，最後㨂左「原隻帆立貝黑松露」跟白飯，肉餅可以蒸或者煎，花膠肉餅係蒸，帆立貝肉餅係煎。蒸嘅肉餅好滑口，肉質嫩，唔係實崩崩，好多肉汁；煎嘅肉餅好香口，外層小小脆，好野味！正！「三両嘅花膠」發大左好大條，份糧好足，只需$99就可以食到咁靚㗎花膠，自己都做唔到。花膠總共有兩條，大大嚿，唔係酒樓個D碎輯輯，跟店內牆上張相一模一樣咁大塊，舖在肉餅上面，花膠面上放左小小葱花，賣相好吸引，睇到我都流晒口水！食完花膠，再食埋肉餅，竟然唔飽，要再叫多個帆立貝肉餅 。帆立貝好大隻，好新鮮，一D都唔腥，帆立貝面上舖黑松露，咸味嘅黑松露配鮮甜㗎帆立貝， 絕配！至於菜飲同白飯，我本人就覺得菜飯好味過白飯！粟米蘿白湯，好甜，應該無落味精，好健康！細看店外玻璃窗大招牌，「肉餅哥」全店共有36款不同配搭㗎肉餅，如想食齊咁多款，我想需要來多

成日聽人講肉餅哥肉餅哥我都終於有機會試啦星期五收工約埋同事們一齊殺入肉餅哥果然無令人失望呀♥️要知道肉餅係最家常既便飯但愈平凡，容易就愈難整得好食但肉餅哥真係好出色呀.我地叫左 3個肉餅一齊開心😩sharing ~~佢所有餐都有配老火湯+2 仲可以配菜飯/油飯添嫁原隻龍蝦肉餅（煎）好食⭐️⭐️⭐️⭐️⭐️我地加左$2 配油飯同煎既做法（有蒸既做法）嘩～食左一啖真係會嘩出聲 超級香口 超級野味 龍蝦肉係散布肉餅既每一個角落所以口感好紮實！由於岩岩煎好 所有都仲係脆嫁～～～～～ 唔好以為食完肉餅就完未完嫁～～～ 龍蝦頭有蝦膏😋蝦殻仲有啖啖肉！正！.流心芝士肉餅好食⭐️⭐️⭐️相比起龍蝦，芝士配肉餅好似就失色左dd可能蒸肉餅始終唔夠煎黎得咁野味啦唔多推介😆😆😆😆😆😆.秘制金沙蛋黃肉餅好食⭐️⭐️⭐️⭐️呢款肉餅就好似係normal 平時食開個隻最簡單既野就最難整得好食但呢個好好味～因為本身個人比較鐘意食咸蛋黃 流沙既感覺送飯簡直一流肉餅哥實在太有人氣晏少少黎到都一定有排等建議想食既朋友早多少少去餐廳

今日同朋友去荃灣行街 行行下見肚餓 😛見到呢間鋪頭鋪面幾靚 行入間鋪設計都好靚店鋪掛左餐牌同一d食物既相片 坐落都幾舒服 一坐低 店員就好貼心咁送上老火湯 湯入面有少許湯渣 而味道唔錯 飲完都唔會太口渴👍🏻我同朋友分別叫左兩個唔同既肉餅餐 我叫左個鮮味蟹粉肉餅配白飯🍚 友人就叫左個招牌花膠豬餅配出前一丁🍜蟹粉肉餅用左煎既方式去整 所以食落去好香脆 外脆內軟 用黎送飯一流😍如果個飯可以有少少飯焦咁就仲好😝飯既量唔多唔少 岩岩好夠飽 而肉餅既size大概可以cum哂成個飯 一啖飯加肉餅😋我都試左朋友個餐 比起我個餐 花膠肉餅既size就比較細 食到入面有薑 唔鍾意薑既朋友可以試下其他口味 口味總共有3️⃣6️⃣款咁多 真係總有一個岩你口味 面就無咩特別 個花膠味道唔錯又夠大塊😍肉餅今次係蒸既 味道都唔錯 但個人鍾意煎多d🙈

荃灣人又係荃灣揾食，今次食家常菜，平時食肉餅大多數係屋企，都係得幾款，意道真係勁諗到咁多款！有幾款仲超級特別。大大本餐牌有午餐有晚餐小食。晚餐有足足36款不同肉餅選擇，口味有咸甜，煮法有蒸煎。價錢由$59-$99視乎材料而定。第一次黎都係想食咸肉餅。女人對花膠無咩抵抗力，因為有養顏功能。份量仲要有三両，大眾化價錢只是$99。飯底可選白飯、油飯和菜飯。平日是平日夜晚八點，座無虛席，好旺場，所以可能需要等位。肉餅套餐會包一碗老火例湯和可加$5汽水。主角來啦足三両花膠肉餅，賣相吸引。份量十足。花膠夠大塊，夠淋身，咬落軟滑配上醬汁，十分香口。肉餅我選擇用蒸的方法，肥瘦比例剛好，嫩滑可口，能保持肉汁。配上油餅能更上一層樓，增添香味。沒想到肉餅可以那麼多變化。原來家常菜都可以那麼好味^_^

肉餅哥其實on list左好耐，但因為荃灣真係真係太多野食，同埋加上位置因素，次次入到荃灣都食唔到今日友人指名想試下肉餅哥，立即叫好衝去食。一入到去望望個餐牌先，嘩有好多款選擇，原本以為得十幾款肉餅揀，但個餐牌有成36款肉餅，選擇困難症又黎...最後選擇了「穩陣」之選-流心芝士肉餅，仲有試下新奇既足三兩花膠肉餅流心芝士肉餅。芝士夾肉餅實無死，煎左既肉餅好香口，肉餅質地好實但又會「鞋」口，應該就係肉餅哥既功力所在，配飯真係一流！足三兩花膠肉餅。睇唔睇到佢有幾多花膠？！花膠同肉餅既組合幾夾，花膠軟滑既口感加上厚實既肉餅，每啖都好滿足。味道方邊，肉餅味道唔會過咸，但我很喜歡加上佢地既甜豉油，正！不得不說肉餅哥用料真係好足，呢一碗數過有4-5片左右花膠，女仕可以補補骨膠原其實仲有好多款心思思想試，下次再大膽嘗試其他「怪味道」～

收工等埋朋友晚飯．朋友帶左我去呢度食肉餅飯．講真唔係佢帶路我都唔會識行入黎👀入到去都幾迫．但係感覺係幾親切既小店咁一座底仲即刻上左碗湯．好屋企Feel呀！瓜湯．正．我最鐘意飲湯餐牌好多款肉餅飯．原來肉餅飯除左蒸仲可以揀煎．真係未試過．結果我揀左秘制金沙蛋黃肉餅飯．因為見到隔離檯食緊已經流口水勁吸引😂我仲轉左做菜飯．真係勁好味．本身已經好鐘意食呢D流沙(咸蛋黃)．配埋煎左既肉餅原來好夾👍🏻😋唔怪得見到咁多檯都有叫佢朋友就叫左足三兩花膠肉餅飯黎到真係好大舊花膠👀🤣．呢款就要左蒸飯．唔知係咪我果個太惹味．覺得呢個就唔夠乾身同淡味D．但花膠都好厚身同好味既👍🏻朋友真係無介紹錯．住呢頭既朋友真幸福呀😋我地仲叫左小吃．醋味唔算勁👍🏻岩岩好！

荃灣肉餅哥。好多餐廳會用肉餅做招牌菜，但可以肉餅做出各式新款配撘就唔係間間得啦！朋友介紹嘅e間肉餅哥就令我好好奇，佢餐牌有新穎嘅野味鵝肝肉餅、原隻帆立貝黑松露肉餅、原隻鮑魚肉餅等等。傳統嘅有金沙蛋黃肉餅、風味土魷肉餅等等。入到餐廳見到好多街坊，好彩一早book左位！餐廳裝修傳統，用嘅係木櫈木檯，牆身貼左一啲黑白嘅荃灣舊街道相，仲有d餐牌。落單嘅時候店員有問到肉餅要蒸定煎，解釋我聽煎係香口啲，蒸就肉質滑啲。套餐配一罐汽水，仲有老火湯。肉餅可以揀配粥、飯同麵。老火湯用料等足，有豬骨、瓜、果皮同蜜棗。飲落係媽媽嘅味道🤤🤤唔係味精湯👋🏻👋🏻足三兩花膠肉餅 配出前一丁三大塊花膠鋪係肉餅上面，淋左個汁好吸引！花膠好大舊，而且稔身好滑口。肉餅真係店員咁講好嫩滑，肉餅半肥瘦仲有小小紅棗味。出前一丁係麻油味。蟹粉肉餅 配白飯成隻蟹嘅蟹粉鋪係肉餅上面，一上檯已經好香。肉餅煎過好味好香口，面層有小小燶燶地，夾埋d飯食就可以食2大碗飯。e個係用瓦煲上，食到一半下面嘅飯有小小燶燶地，好香口🤤🤤蟹粉太濃味，遮左肉餅本身嘅肉味。鐘意食蟹粉嘅人一定要叫啦！

今次嚟到肉餅哥搵食！ 身為荃灣友但都一直沒來潮聖其實我也很慚愧（笑）不過餐廳的確跟市中心有段距離～今次是特地走過來的！餐廳的外觀跟我想像中完全不同、還以為是大排擋的感覺可安心入座～內裏裝修不錯～餐牌有分午餐跟晚餐～另有小食跟飲料一坐下店員就會拿湯過來～今天的湯是西洋菜湯～清甜的湯～真材實料沒有下味精～足三兩花膠肉餅（$99）餐牌上有36款肉餅～真是花多眼亂不過黑板上跟牆壁上都特別推薦這個花膠肉餅～那就吃個吧！😍原來肉餅可選煎或蒸～而飯類則可選白飯、油飯或菜飯！那不就是有36x2x3=216款配搭😱😱花膠極有滋補食療作用～有豐富的膠質和蛋白質～滋陰養血～女孩子最愛的美容食品❤️正如其名字～是足三兩的份量！花膠的數量絶不欺場～把肉餅完全蓋住～芡汁與花膠融合～所以比較稠～不過適合撈飯～跟肉餅一起食的話又有多重口感！如果怕太膩的話推介吃蒸的～我們這個煎的有點偏油～鮮味蟹粉肉餅（$99）有點失望的肉餅、因為蟹粉比想像中份量較少～慶幸味道極為濃厚～正所謂「蟹肉上席百味淡」～蟹粉的角色就如黑、白松露～每次上枱都成為焦點！有了蟹粉～即使最簡單的食材來配搭～也能顯出真正鮮味！不過略嫌偏油～可能是慣了家裏是