肉餅哥小炒料理 (已結業)

樓面服務要改善，先講等位，一開始講左2位，叫我地等一等，隔左一陣佢又問我係等位定等外賣。然後佢地每次上菜都會問你「係咪有個湯呀？」、「係咪有個炸脾呀？」咁樣俾客人感覺就會變左「嘩你問返我嘅？咁不如我做埋你果份。」services language 真係要改善啦。另外地方淺窄，食完嘅碗佢地唔會主動幫你收，就算佢上菜俾你時佢見到都無收到，有一個仲離譜，撞到我個碗差d跌落地下佢淨係講左句sor就去左第二到，我個碗真係好明顯食完架啦，真係忍唔住講左句「咁都唔收⋯」至於食物，我覺得係正常嘅但係服務方面咁樣就係我心目中扣左好多分我覺得一間餐廳幾有創意都好，都仲有好多其他野要注意架！

食肉餅點止喺屋企食呀係出面食都得 仲要系帆立貝黑松露肉餅！記得大王同李錦聯系「區區開伙」都有介紹過架睇到個殻就知係成隻帆立貝啦黑松露既味好香呀 肉餅都有少少黑松露既味一食飯肉餅就feel到佢係啱啱新先煎出嚟 超正成個煲咁拎出黎幾霸氣 成個勢已經贏左😂其他招牌菜仲有• 原隻新鮮龍蝦肉餅• 足三兩花膠肉餅• 鮮味蟹粉肉餅 等等⚠️好多人排隊 想食既要早啲去🏃🏻🏃🏻‍♀️⚠️座位比較擠逼 要將就一下⚠️吾系住開荃灣既可能難搵路 要search定先

在家吃飯，只要媽媽煮了肉餅，便肯定會添飯，我對肉餅是又愛又恨的，因為好味開胃所以愛，也因為好味開胃讓我吃很多，所以恨……早前知道荃灣有一間肉餅哥大受歡迎，我早已想來試，終於這晚跟好友決定來拜會一下鼎鼎大名的「肉餅哥」！未夠六點，門口已有幾群人在等位，幸好我跟朋友也早來到，所以，不用排隊（不過食到一半時便發現店內已坐滿人了）所以想試的朋友要早點來啊！首先被燉湯吸引住，因為我是湯怪啊！這盅燉湯價錢抵，而且很足料，無味精，花膠超大舊，好好飲呢！然後我們點了馳名的足三兩花膠肉餅，天呀！好多好多花膠呀！我開頭還以前花膠會切碎混在肉餅中，沒想到肉餅上面放了厚厚的花膠，對於腰傷常常會吃花膠補補骨膠原的我來說，簡直興奮呀！大啖大啖花膠送飯，開胃到一個點！除了花膠，底下的肉餅也是一流，輕易讓我不斷吃飯！朋友選了菜飯配花膠肉餅，味道也很搭呢！另外我們再點了流心芝士肉餅，因為花膠肉餅飯是蒸的，所以這次我們貪得意試了煎的，果然煎的肉餅又有另一番滋味！煎的肉餅非常香口，是一種新的吃肉飯感受！拉開肉餅，可以看見中間的芝士流出來，芝士香濃濃的，而且肉餅香脆可口，喜歡吃煎炸食物的朋友更是大愛！來過一次便明白為什麼「肉

摸左二次門釘先食到嘅肉餅哥全間舖頭都係賣肉餅的✨😂有好多唔多款式一共有36款✨仲有肉餅漢堡包添😂✨除左肉餅有好多款揀肉餅仲有得揀煎/蒸✨配白飯/菜飯/米粉/白粥-金莎鹹蛋蒸肉餅.呢個係蒸嘅金莎鹹蛋肉餅睇相人哋啲金沙鹹蛋肉餅超吸引可能因為我嗌蒸所以只係普通鹹蛋肉餅不過佢鹹蛋嘅份量真係好多起碼有兩隻半鹹蛋😍好誇張✨膽固醇真係好高 不過一次半次冇所謂啦😈下次去一定要嗌煎嘅金沙鹹蛋肉餅😈-温馨小提示🕺🏿✨午市大部份肉餅會平10蚊仲包埋野飲同例湯✨晚市只包例湯✨

好中意跟我的大胃朋友去覓食，跟住佢食野實無錯今次佢話同我去荃灣食肉餅哥喎!我咁中意食住家飯，聽到肉餅呢個term當然會心動，所以千里迢迢都跟佢黎囉係荃灣或者大窩口地鐵站出都得，因為佢係兩個地鐵站中間。果然叫肉餅哥因爲你諗唔到既配搭，無論中式西式定創新既都可以有！好鬼有創意我揀左呢個招牌花膠肉餅，u know女人都要補補的佢話足三兩，計我話唔只足三兩用筷子夾起想影張相，hold左十秒都覺得着手好攰囉花膠仲多過肉餅，超抵食！花膠本身炆得好淋身，有彈性好彈牙，感覺新鮮，配埋濃濃既芡汁，餸飯好正肉餅本身都唔少份量，肥瘦比例平均，唔會好肥膩至於飯佢地可以揀跟普通白飯，或者加$2就可以要菜飯或者油飯，同朋友都一致揀左菜飯。菜飯有好多菜碎，每啖飯都充滿左菜絲，感覺是非常健康有時出街食菜飯一係就好淡，一係就油左d，呢到有微微既咸味，唔會過濃。另叫左呢個小食，睇落去麻麻地。第一啖已經食到果陣芥辣既香，唔係普通涼拌貨色！食完呢個胃口大開湯有好大隻雞腳呢餐飯真係有家既感覺，唔洗一百蚊幾抵食！

荃灣大名鼎鼎的肉餅哥，早就聽講過佢有好多特色肉餅食，但由於開店初期實在要排太長龍，搞到我而家先黎試，今晚黎到人氣一點都無減少喔肉餅哥鄰近街市，要攞新鮮貨真係話咁易，肉餅呢樣野真係由細食到大，但一睇個MENU見到咁多唔同種類肉餅真係嚇一跳，好佩服肉餅哥的創作力，除左肉餅原來仲有BURGER食一坐底店員已經俾一碗免費老火靚湯俾我潤一潤，雖然係免費，但飲落足料原盅花膠燉蟲草花 ($28)我係一個湯怪，見到$28呢個咁抵的價錢可以飲到花膠燉蟲草花我又點可以放過，開頭見到$28咁平都無咩期望，但黎到真係嚇親我，勁大舊有厚度花膠係入面，飲落完全無味精，花膠膠質好重，女士養顏一流時蔬 ($12)跟餐可以加$12叫時蔬，有生菜同菜心兩款選擇，生菜嫩綠無投訴 鮮味蟹粉肉餅 ($99)揀食咩肉餅的時候我真係花多眼亂，樣樣都好吸引，最後我就揀左呢個蟹粉肉餅，肉餅可以揀蒸或者煎，而飯加$2就可以轉油飯或者菜飯，我覺得煎肉餅會惹味好多，大量蟹粉鋪係肉餅上面，散發住濃濃蟹膏香，肉餅肥瘦適中，咬落實淨，$2轉菜飯真係好抵，飯入面有好多菜，雖然好大鍋，但實在太好味我竟然食得晒今日一試肉餅哥，終於明白點解佢會人氣爆燈，

荃灣呢間肉餅哥，其實已經聽過佢既大名好耐，可惜一直未有機會試，直到今日一個人來到荃灣唔知食咩好，又俾我再次記番起佢既存在，最後決定擇日不如撞日，決定一試！餐廳位於荃灣西，就是早近年新聞也有介紹的「窮人三寶」 - 爵悅庭/ 立坊/ 樂悠居 ，既對面，位置不算是非常方便，但也不難找。我大約7:30到達餐廳，已經有9成滿了，生意確實不錯，在門外泊滿私家車，看來有不少客人也是慕名而來。檣上放有餐廳推介，跟餐加$12可以轉飲新鮮果汁，果然健康的肉餅，也會配健康的飲品，在這人人追求健康飲食的世代，餐廳能夠找著大家的期盼，難怪人流會如此旺盛。餐廳命名為「肉餅哥」，主打當然是肉餅，基本上各式各樣既肉餅，這裡也有提供，價錢分3種，$59，$69，$99，視乎食材的珍貴度而定，當然，$99的選擇最吸晴，鵝肝，龍蝦，鮑魚，花膠，每款也很吸引。肉餅可以選煎或蒸，煎比較香口，蒸比較健康，任君選擇；選好肉餅後，便要選飯款，可以揀白飯，白粥，或者米粉。加$2，可以轉配菜飯，或者油飯；加$12可以多一碟油菜，配搭很多元化。跟湯送老火例湯，每天也轉款，即使日日黎，都唔會日日飲相同既湯，而今日既例湯係果皮煲排骨，飲落清甜

這間餐廳用得肉餅作主打,相信烹調的肉餅一定有番咁上,下。這裏地方雖雞有點迫,但都很乾淨。一坐下,店員已送上兩碗例湯,今晚係甘荀粟米湯,好清甜,並不是一般的例水,飲得出是老火湯,好甜的甘荀和粟米味道,一碗好快就飲完了。望下餐牌,晚餐有59元,69元及99元之肉餅選擇。有將近有40款之多。有些好特別的配搭~例如咖啡煉奶肉餅，桂花蜜糖肉餅，芥末沙律醬肉餅。而我和友人就揀了較高檔99元的足三両花膠肉餅和鮮味蟹粉肉餅。這裏的肉餅可選煎或蒸,配白飯，白粥 米粉加2元可轉油飯或菜飯我們揀了油飯, 足3両花膠肉餅.一嚟到,嘩...有點嚇一驚,好大件嘅花膠,每件都好似手掌咁大,鋪滿全個碗面,咬落去,好有彈性,花膠張住個口腔,足三両花膠真係真材實料。一啲都無欺場肉餅都可以揀煎或蒸。我揀了煎，因比較香口,花膠就鋪在肉餅上,所以可能有些汁滲在肉餅上,令到這個肉餅比起蟹粉肉餅沒有那麼乾身。但吃落去,真是同一般茶餐廳的肉餅好不同,這裏吃不到好多粉或好多肥豬肉的感覺。每啖都是豬肉，肥瘦比例適中,煎得好香口。油飯粒粒鮮明,好香的飯味鮮味蟹粉肉餅 蟹粉肉餅亦都是另一款奢侈的肉餅飯,哈哈煎得好金黃的肉餅,肉餅上面有好金黃

難得去荃灣 朋友原本話食刀削麵 我一click 開個地圖 見到原來肉餅哥係附近 即要求朋友轉食呢間星期日約7點去到 剛剛好唔駛等位 正都未叫咩肉餅已經即送上例湯我睇睇餐牌再睇下朋友推介d咩就叫左 煎秘制金沙旦黃肉餅 蒸墨魚汁魷魚肉餅 煎泰式冬蔭公汁肉餅 睇個餐牌似係推介 朋友就話金沙旦黃必吃 落單後肉餅都好快送上 首先金沙旦黃同冬蔭先到 金沙果然正 好濃咸蛋黃味 反而冬蔭有d 驚訝 原來係一pat 冬蔭汁係肉餅上 賣相唔討好 味道更是一搬 冬蔭味亦欠奉 最尾黎既係蒸墨魚汁魷魚肉餅 朋友覺得賣相奇差 但我就覺得 墨魚汁整得既 大概出來都會係咁既樣 魷魚粒算多 淡淡墨魚汁味 不過不失 以價錢黎講值得一試 金沙旦黃必試

荃灣有間好出名的肉餅專門店，時至今日，已經演變為36款不同口味，創意十足。不過餐廳位置都比較偏僻，不過要食好野係要付出既，行左一段路去到餐廳門口了。餐廳裝潢以簡單木材為主，內裡座位數量不多，座位之間亦都比較狹窄，但整間都座無虛席。🍽我們點選了「足三兩花膠肉餅$99」、「原隻帆立貝黑松露肉餅$99」、「迷你一口炸餃子$28/8隻」、「可樂$8/罐」、「雀巢檸檬茶$8/罐」。🍚🍹「足三兩花膠肉餅$99」驚喜既係有兩大塊又厚既花膠，底下再有一塊肉餅，分量仲要好多添。花膠煙韌膠質，醬汁鮮美。而肉餅不會過鹹，味道剛剛好。除左配有老火靚湯，仲有白飯/白粥/米粉，甚至可以+$2轉菜飯/油飯。🍚「原隻帆立貝黑松露肉餅$99」陣陣既香味，原隻帆立貝上鋪滿大堆黑松露，香味四溢，引起食慾。底下再有一塊肉餅，而肉餅不會過鹹，味道剛剛好。除左配有老火靚湯，仲有白飯/白粥/米粉，甚至可以+$2轉菜飯/油飯。🍚「迷你一口炸餃子$28/8隻」每件餃子都細小，剛好一口，但可能油炸時間略長，外皮有少許乾身，幸好食落肉質都美味。😋「可樂$8/罐」🍹「雀巢檸檬茶$8/罐」🍹「餐牌」我已經影左上載至openrice既「餐牌」入

公司附近有肉餅哥，之前試過雞腎肉餅，今次趁住年尾，同事再帶頭食餐好既！先叫一個龍蝦肉餅，好靚、又好香，但有殼，食得真係麻煩左啲，只係求其了咗啲肉食。之後既花膠肉餅真係好amazing，我無諗過會比咁三塊！堅係足三両！而且唔腥，好骨膠原呀⋯⋯大愛！最後呢個墨魚肉餅真係好好味好香好入味，黑色肉餅又夠特別Overall嚟講，足三両真係令人一試難忘！

早排成日都聽到好多人話好食，又話排曬長龍，又話鍾意肉餅既就必試。我一直都抱住搵日試下既心態拖咗好耐，足知今日同友人行下行下行下，佢講咗句話：「我慣咗早餐食飯」叮一聲肉餅哥！反正都遊蕩咗十分鐘唔爭在行多五分鐘過去啦！星期日晏晝唔駛等位好正常！一入就有位坐，即刻會送上一碗湯！我一路飲湯一路揀我既肉餅！午餐總共有三頁揀，原來係食創意肉餅㗎！我而家先知添！同行友人見我心大心細，佢決定俾我話曬事揀曬兩款肉餅，對一個選擇困難症既人黎講「咁好好多～」我揀咗個京蔥羊肉肉餅同鵝肝肉餅肉餅有蒸同煎揀，飯亦有油飯同菜飯揀。京蔥羊肉我覺得配菜飯好夾！清清地！入口好香羊肉味！齒頰留香！呢個配搭真係覺得冇得輸！另外一個貴接近成倍既鵝肝煎肉餅配油飯，就失望既，鵝肝煎到燶曬，帶苦，放下面既肉餅係正常既肉餅，冇驚喜！同行友人另外叫咗兩碗花膠蟲草燉湯，足料既。想讚一讚員工，同行友人電話冇電，侍應私人提供充電服務，態度友善，笑容好足

曾經叱咜一時，好多傳媒爭相採訪。身為荃灣友近在咫尺就無謂同人迫，等熱潮過咗少少先嚟探個究竟。lunch set 分$49、$59同$99，$49就係啲嘅肉餅，$59就係啲食材唔貴但有啲創意嘅組合，$99就係嗰啲你當我是浮誇吧嘅龍蝦花膠組合，但午市價錢已比晚市平。未坐定已先上老火湯，是日款式係紅蘿蔔粟米雞腳湯，無味精。座位淺窄，椅貼椅緊緊排著，基本上很難入座。侍應用三叔電話落單，再配上佢哋一致零笑容無嚟神氣嘅工作態度，恕我比較傳統，我當刻真係意識唔到佢哋係落緊單定玩緊電話。先上飲品，堂食無論冷熱飲品都係用外賣杯，見到店內放咗幾個洗碗公司嘅藍色大膠箱，可推測以上極唔環保嘅做法為咗減少杯盤嘅數量以節省成本，再加上外賣是用老掉牙不能重用不能回收幾百萬年都不能降解嘅發泡膠盒，未上菜已先大扣分。香港普遍餐廳及食客的環保意識真係走慢世界幾百步。我選了$59煎金沙肉餅+$2配油飯，以為好創新，但諗深一層其實咪就係傳統嘅咸蛋蒸肉餅嘅變奏版。飯嘅份量非常大，但肉餅嘅份量好似未能配合，唔足夠送哂成碗飯(可能叫蒸有啲汁送會好啲，但蒸要等耐啲)，所以下次可以叫少飯。煎肉餅第一啖係幾香口，但食食吓就好快感到肥膩，

所謂行行出狀元，煎肉餅都可以煎到街知巷問，肉餅哥可謂相當成功的例子。沿住沙咀道荃新天地一直行直至聯仁街，由西鐵站起計也要約10-15分鐘。肉餅款式共有36款，每日食食一個月都嚐不完，有幾款特別有興趣，包括金沙蛋黃肉餅，黑椒雞腎肉餅，流心芝士肉餅及野味鵝肝肉餅。鮮橙汁，跟餐只需$12元，果汁鮮甜，這款應該不需多加介紹。手打肉餅肥瘦豬肉比例完美，締造嫩滑而富肉汁的鮮味肉餅，肉餅煎至微焦，營造外脆內軟的質感，相當香口惹味。面頭的這塊肥美鵝肝極為邪惡，鵝肝油香滲進肉餅，味道甚為融合，兩個字: 好食! 流心芝士肉餅我就不重複肉餅之說，除了表面的一塊芝士，肉餅內赤含流心芝士，拉絲效果就如下圖，拉至一層樓高(誇張手法)，芝士迷豈能放過?小食炸芝士薯波，內裡不是流心，而是薯餅中夾雜少許芝士，雖與想像有所不同，但仍感好吃!

一家人想食好味又有特色的新野食，當然上open rice 睇下，難得爸爸揸車，所以就去試左肉餅哥！因為地點真係不太方便。先點個蛋黃飯！配菜飯（有3種飯可以選擇，這樣都有得選擇，都算有心思）再黎黑松露配菜飯，炸薯波，都好味！習慣試新野叫少少試下，唔好食再轉場食過，點知老公好滿意，再叫多個蟹肉餅！因為全家鐘意香口野，所以全部都係煎肉餅！（下次試下蒸肉餅）