聯邦皇宮 (已結業)

難得HONEY放假, 兩口子到青衣城飲早茶,原本想去稻香, 要等位, 即轉上3樓聯邦酒樓.面對窗外青衣機鐵及海景, 坐得特別舒服.臘腸雞飯: SIZE細細, 一人食剛好, 飯夠香軟.皮蛋瘦肉粥: 粥底夠綿.干蒸牛肉K雞絲粉卷: 外層略厚, 味道也OK

數日假期好快就過, 今午再安排同老爸出街食個午飯…青衣島上最發達又像樣有個港鐡商場<青衣城>!! 至就近、集中又多大眾化選擇了!!...都係款色多多o既中式點心最合老人家心水…聽大姊講最近<稻香>質素有明顯走下坡趨勢…咁就選去頂層o既<聯邦>吧!!...時近中午12時…要輪號入座…幸好等7張籌, 15分鐘內已可安排入座!!...噢!...可惜大廳海景位滿晒…坐偏廳位罝外望商場內圍哩一邊光線會較暗黃...食點心…經典o既蝦餃燒賣吾少得!!...哩度o既皇宮鮮蝦餃皇個皮差左少少, 味道算可以!!...反而蟹子燒賣皇就吾錯播...好香冬菇豬肉味!!...比蝦餃出色!!安蝦咸水角...一客4個, 皮薄帶脆夠煙韌...不過餡料就真係少左D...好似空心咁...香煎芋絲夾...上桌見厚大大煎到金黃o既三磚芋絲夾, 賣相原來係咁o既!!...外層脆卜卜, 芋絲夠粉又夠香!!...可口啊!!蔥花煎蝦米腸...望落白雪雪好似冇煎過咁, 印象打左折扣!! 不過腸粉夠滑溜亦吾似行貨, 加埋調味醬其實味道亦吾差...魚湯鮮竹卷...吾係我所喜歡的, 不過都試左.

不是第一次幫襯架啦, 係就係比附近既茶樓費一點, 但等位唔駃咁耐喎, 有時更即刻有位.一般大路點心一定有, 水準? 平均都唔錯架! 會來這兒飲茶主要係有一些特色點心吸引我, 例如: 芋蓉飽(不會過甜), 芋頭莢(煎得香脆, 不會硬邦邦), 川芎燉魚頭(用一個一人份既特色燉盅上, 好原汁原味, 不用怕勁藥材味, 恰到好處)

對上一次在閒日同屋企人飲早茶，已記不起是何年何月之前，實在是人在江湖身不由己。無官一身輕的日子，也想多陪家人，這天大家都得閒，飲茶聊天也不錯。也別以為閒日易搵位，其實早市場內幾間酒樓都大排長龍，也只有聯邦情況無咁嚴重。街坊酒樓街坊式服務，收的卻非街坊價，打開點心紙，有唔少創新點心選擇的，但其實真正想吃的，就只有牛肉、鳳爪、蘿蔔糕，而老媽是傳統人，總之要吃得飽，所以來了盅蒸排骨飯。老人家有眼光，蒸飯吃起來軟熟有米香，而排骨汁被飯吸收後，實在好吃得緊，$10特價小品，如要推介一項的話，一定會是這味。至於牛肉下了大量梳打，事後嘔足幾次，而蒸蘿蔔糕不夠「削身」吃不到軟糯蘿蔔甜美，好吃的蒸蘿蔔糕要到中環威記。埋單每人約$50，不算貴，但嚴重化學性點心，相信好一段時間都唔會再來。

我同屋企人唻食Dinner環境舒適又省鏡,見到海景服務就一般般啦,有D就幾好禮貌,有D就黑口黑面嗌左 - 海皇冬茸羹 幾好飲 - 海蜇燻蹄(跟白飯x2) Ok啦,不過不失 - 脆皮乳鴿+蒜茸時蔬 好香好好味,可惜油過呀媽塊面 - 鎮江小排骨 Ok啦,不過不失 - 砵酒焗美國桶蠔 好香砵酒味不過蓋哂蠔味,冇蠔味好肥美

因為青衣城早前搞活動,買夠1000蚊就有一張"一蚊優惠券",姐係比一蚊就有得食2人餐我同爸爸媽咪食..入面好多人都係食呢個1蚊餐..一蚊餐有海"節"豬耳,海皇"斤",炒白菜,糖醋骨,白飯兩碗海節呢d冷盤普通啦不過擺得靚海皇斤好正呀有冬瓜蓉.好甜好味炒白菜細細碟但好香呀~真係十分之炒糖醋骨好重味,撈哂成碗飯但無理由真係交低一蚊走人..二黎3條友唔算夠食加多個椒鹽金菇軟腳蟹..menu寫68蚊(好似),點知個職員話有張小食紙有得試..38蚊一樣大碟..估唔到又幾好會題我地.但的確幾油呀再加多個桂fa糕..幾好丫上個糕時會比過隻碟同叉..妤多酒樓都唔會架..上菜又會話::呢個係xxxxx,慢慢享用,多謝哂係真係有笑容,唔係機械式咁..總體好味又有好服務!一定有下次呀!!又唔貴環境又舒服!讚!1蚊,加38蚊蟹仔,加10幾蚊花花桂,加另一人茶錢都唔洗100蚊食飽3個人了

尋日一行4人去左聯邦食飯. 因為訂左位所以來到唔使等.食左個套餐 ($688): (1) 砂鍋紅燒翅, 一人一鍋, 明明拎出來係熱, waitress仲要o係你面前逐一拎上個爐到煲...因為肚餓, 煲左兩鍋之後問佢可唔可以唔煲, 佢話得...之後就就咁上桌.....呢個arrangement有d莫名其妙 其實味道都ok.(2) 白灼蝦 - 份量ok, 因為我唔食蝦, 所以我冇食, 不過睇落應該ok的.(3) 清蒸石班 - 等得較耐, 差唔多食哂先上, 不過蒸得好滑, 好新鮮, 呢味最高分.(4) 叉燒拉海蜇 - 叉燒係瘦叉燒, 有d人可能唔鐘意, 不過我好鐘意, 夠甜, 好好味, 海蜇就一般貨色.(5) XO醬蜜糖豆炒桂花蚌 - 好少蚌但蜜糖豆好多, 味道ok. 另外加點: 醉雞 ($38) - 反而$38呢個好食, 有酒味, 雞肉好滑~good!我地張檯幾偏僻. 冇咩waiter行過~所以之後點菜, 完全叫唔到人....不過之後隔離檯有台佢地既熟客, 情況即時唔同哂, 除左見到熟客可以o係外面買酒 (3大箱) 入來飲~ d侍應又會係咁行過來吹水. 所以之後叫完全冇問題.第一次見人話

約了朋友由銅鑼灣走入青衣，九時的早晨，見粵翠軒、潮館同底下的稻香有不少人在排隊，是青衣人口嚴重老化的寫實照，內堂時有小朋友在哭泣，很街坊的回憶。時間有限，朋友已醒目地再水蛇春般長的餐紙剔上鳳爪、牛肉球、艇仔粥還有麻蓉包，來到有得吃。朋友在呻新派飲茶志不在茶，款式選擇夠多才能生存，對的對的．．．笑言還好傳統幾味也不難找，鳳爪是爽身版本，炆的準備不足，吃起來自然是XO醬還醬，爪有爪的味道，煎底有腐皮，原本是來吸醬的，但醬本身就非醬而是XO油，二人也沒興趣浪費胃納於此。牛肉球就真的好笑，蒸到「爆皮」外，仲吃到有香茅成分，肉丸是打得鬆腍略為起膠，幾討厭這種新派做法，還是得龍下了肥肉版本好吃多了。艇仔粥料足，有水魷、羶的豬皮什麼的，說是生滾但除了夠熱外也沒什麼特別，米煲到爆開卻沒米味，放久了還會出水，是壓力煲下的產物。朋友提出了一些建議，想了想後，夠鐘收拾細軟，繼續下場吃別的東西。

陽光明媚週日帶著團友參與午茶聚會,地點選了青衣聯邦皇宮,順道讓團友感受一下香港設計頗完善的鐵路網。訂名為皇宮,內裡的確比一般酒樓貴氣,只是桌椅間密度又很高,其實坐得不算太舒適;幸好坐在臨近落地玻璃窗的位置,環境真的開揚,要不是中午時間客人太多, 以這個開揚環境也是頗怡人的。劃呀劃呀,結果勁點了:叉燒腸粉外皮滑溜不厚,叉燒切粒味道帶甜,加上有芫茜香,這種配搭的腸粉真的好吃; 豉油味道較濃甜, 水準真的比昨天潮濠城的好吃得多;焗叉燒包一碟三個,外皮軟軟薄薄, 叉燒切得比碎及乾,要是有點兒蜜汁應會更好,包子小小三口就能ko掉;別看炸芋絲餅外表黑黑醜醜,原來是超好吃的!芋絲幼幼炸得很香口, 加上應是五香粉的咸香味道, 酥酥脆脆真的好吃,推介;綿花雞幾件雞肉味道淡淡,魚肚白白浸得軟透沒腥味但味道也是淡淡,那枚花菇竟是最有味道;牛柏葉質感爽脆入味但不韌, 湯汁有著濃濃芫茜香,不錯的味道;鹽水雞腳用上很大隻的雞腳,大大一隻非常厚肉,雖則沒沾沙薑粉但仍相當入味,喜吃雞腳板的會很喜歡;叉燒包外皮雪白,包頂微微裂開很漂亮的樣子,外皮做得很薄味道帶甜, 叉燒帶著蜜味,比同類型的焗叉燒餐包好吃一些;蝦餃外皮造

26/11(三) 11:30am休假的一天,會合於青衣城久候多時的組長.先享用早茶才赴深井去.數間酒樓之中,以此店的候座時間最短,花消十來分鐘已被安排入座.店如其名,聯邦皇宮,金碧輝煌,空間感十足!趕及早茶尾班車,十二時前結帳,快手點了炸腸$14.8,XO醬蘿蔔糕$11.8,?菜煎餅$13.8,燒汁木魚釀茄子$11.8,棉花雞$14.8,馬拉糕$11.8炸腸--厚度得宜的腸粉包裹著脆意十足的油條,唯腸粉口感失色,米香不存.XO醬蘿蔔糕--以薄脆籃盛載,頗有看頭!粒狀的蘿蔔糕入口粉粉的,沒啥蘿蔔香,略富xo醬的惹味.若蒙著眼,或許嚐不出是蘿蔔糕,韭菜煎餅--一客三隻呈草青色的煎餅質感跟客果滿像的,煙煙韌韌,寥寥無幾的韭菜豬肉餡食味尚可,無奈煎餅底部全給油水浸淫著,只好不雅地於香片茶中先過冷河方能放口.燒汁木魚釀茄子--釀茄子上除澆上稠身而膠口的燒汁外,還有已斷了氣的木魚們.釀茄子的本質不壞,但其燒汁之豐足難免予人吃不消之感.棉花雞--若干件雞件及魚肚草草的搭上冬菇一隻,賣相殊不誘人,食味亦如事,粗製濫造之作!馬拉糕--被擠壓得體無完膚的馬拉糕再也彈跳不來,令人氣餒的出品!齊頭一百的"雞肋

(7/10/08)一個誤會,黎左呢間飲茶,其實也不錯吖,又不用等位。環境擺酒一流!午市孖寶: 龍蝦泡飯+乳鴿。龍蝦泡飯非常好食!雖然龍蝦只是碎碎,同埋煮到老晒,不過個湯好香滑,同埋都算多料。飯開始吸收汁液,加埋漸creamy的湯,有點像吃意大利飯呢!乳鴿,屋企人話炸得好食wor。魚翅餃,ok啦,有假魚翅,有蝦咁啦。甜薄礃,餅皮漿嫌落水多左,較”笠”口,和厚身,花生碎炒過,很香口。啫啫芥蘭(用碟上),好咸,而且絕對唔可以叫「啫啫」,根本只係用鑊兜下之ma!一d熱騰騰感覺都無。沙嗲薑蔥牛柏葉,沙嗲與薑蔥味道相當夾,而且牛柏葉唔韌,好好味!

婆婆生日, 我地黎左聯邦食晚飯 : )叫左好多送, 味道一般, 價錢都係一般我最鍾意食咕嚕肉, 但呢度d咕嚕肉麻麻地jar >_<個mango pudding 好好味 ^_^壽包都好靚 :*)

為婆婆和家姐慶生, 去了聯邦吃晚飯之前有想過係另外一間吃圍酒的不過婆婆不太喜歡鮑參翅肚這些貴的東東所以來這裡散叫就好了要了冬瓜盅, 金沙骨, 脆皮雞, 豉油王煎蝦, 炒舵鳥柳, 紅燒豆腐, 蒸魚, 通菜大熱天時食下冬瓜盅消消暑, 都有幾多料, 瑤柱, 冬姑, 帶子, 魚等味道本身清清的, 隨個人喜好加鹽調味金沙骨, 我幾喜歡這味的, 用錫紙焗, 開封時香味四溢,醃得入味豉油王煎蝦, 叫了兩份, 因為一份先得六隻, 所以係較貴的一味不過論味道, 係幾好的, 豉油王不會過鹹, d殼好味呢! 蝦身都幾爽脆皮雞係時常叫的一碟, 皮脆肉滑的程度雖未到極致, 不過幾好架啦西斤雲耳炒舵鳥柳, 幾惹味的, 因為用了少少辣椒, 舵鳥柳好嫩身紅燒豆腐就普通點, 獻汁不算厚, 不過食到有點厭, 想吃楓林的煎封豆腐蒸魚蒸得幾好, 魚肉幾實淨; 通菜炒得普通, 不老, 合格啦這裡的服務可能因為熟客的關係, 所以真係好到加零一由加水分冬瓜盅, 幫我地keep蛋糕, 俾新碟, 送糖水果盤, 一起唱生日歌和幫我地影相有時食飯反而服務會比食物質素來得緊要, 食物合格服務好就會有好印象即使幾好食, 服務差, 即係貼錢買難

婆婆生日, 親愛的好乖早起過來飲茶去了聯邦, 五個人叫了好多呢!早上這裡會有d優點, $7.8都幾抵呢!飲菜d野其實只要同級數的酒樓都會差唔多所以有時都會叫d少叫的點心今次特別的點心要了紅油抄手, 香橙牛仔柳紅油抄手唔夠辣呢! 這樣已經唔合格啦香橙牛仔柳個橙味幾清新, 不過牛仔柳份量太少啦其他的都係中規中矩, 不評啦, 味道唔會差得去邊服務依舊的好, 所以都係笑臉啦!

去完迪士尼，搭港鐵去青衣食早餐行行下見好耐無飲早茶等左差不多半個鐘先有位，坐底後立刻叫點心xo醬炒腸粉: 新鮮熱辣不過唔夠xo味牛肉、燒賣、四寶雞扎: 有水準馬拉糕: 舊式做法的馬拉糕唔夠味鳳爪: 漿汁太杰