聯邦皇宮 (已結業)

朋友約了在他家樓下盈翠半島會所打保齡球，大家先在青衣城聯邦皇宮飲茶集合，由於是星期六，人很多，我們等了半小時才入座，走廊臨窗八人大檯，不錯。怎知冷氣不足，加上盞盞大水晶燈，熱氣迫人，服務員搬來一把風扇，稍稍有涼意。我們點了十多樣點心及兩碟粉麵。食物質素頗參差，較美味可口的包括：甘香皮酥的燒腩肉、皮靚饀足的叉燒包、肥瘦適中的蒸排骨。最令人失望的是五十多元一碟的XO醬炒腸粉完全沒有XO醬香味、蒸餃則幾個黏在一起、九十多元一碟的肉絲炒麵只有幾條肉絲、又鹹又沒肉味的牛肉通菜炒河。埋單七百六十多元，完全不值價。

今日阿媽話唔煮飯，所以一家人去聯邦食飯。一家人最適合食中餐，阿爸鐘意嘛。今日阿媽叫咗龍蝦伊麵，好抵，大家怕肥就叫了清湯，伊麵唔錯，軟硬適中，龍蝦也新鮮，個個都讚好食。另外，叫了個菜，也十分足料，菜也新鮮。

又是吃同事生日飯的時候，都說吃好東西很多時候也是同事帶我去的！這次去了青衣城聯邦皇宮，我因要帶隊，所以迫於無奈遲大到了。到埗之時已經滿桌食物。 是次主角絕對是龍蝦啦！煮得非常不錯，肉質鮮甜，不會煮過了火。伊麵底也不俗，不會太多芝士汁，麵也頗彈牙。冬瓜盅很清甜，不會太多其他配料，但很消暑呢！冬瓜肉也很多。兩碟菜類和雞就沒有甚麼特別，也算好吃罷！ 尾段好像吃不飽，於是又叫了一客蜜汁叉燒和三個壽包。蜜汁叉燒也是不過不失，但切成叉燒粒地上菜也頗有趣。 這店環境不錯，坐得挺舒服，現在滿450元有1張擦擦卡，可能有折扣優惠或送不同菜式。5個人吃了1000元，合理價錢吧，但不算便宜就是了。

環境餐廳係青衣城3樓獨佔一方， 原本以為好大好舒服， 但係入面分得太多枱出黎， 所以有少少逼。食物鮮竹卷有上湯作伴，好鮮甜這不是春捲比個名吸引左嗌黎睇下咩黎，點知其實都係春捲，入面係蝦膠涵，有蝦味，外皮夠脆口涵有少少咬口，都幾好食紅油抄手唔辣少酸，正正常常無咩特別斋腸普通質素，無特別椰汁糕上枱時仲以為係豆腐，望真啲先發現係耶椰汁糕，超好食，椰汁味種，口感滑得黎不失厚實。雞札包雞柳，豬皮，火腿，個人對火腿無咩興趣生菜雜菌湯個菜名唔太記得了，呢個都好好食，清清地，雜菌非常足料沙薑雞腳好快比家姐食曬，無緣一試蝦餃無特別

母親節一年一度嘅大日子唔想出去周圍同人迫當然要話啲質素高嘅酒樓我老婆鍾意食火龍果所以我叫左呢個餸點知俾佢彈到飛起好彩家姐鍾意食龍蝦伊面底係我嘅最愛雖然今次叫咗平平哋食波士頓龍蝦不過賣相一啲都唔馬虎而且個伊面非常入味，芝士亦都唔會太多一半係上湯一半係芝士感覺非常好老婆鍾意食豆腐我就叫左呢個豆腐煲味道係唔錯，不過個軒汁太杰腐乳通菜煲條魚幾好啊班嚟嘅小小沙皮，不過肉質幾好，無過熟啖啖肉！然後再叫左個蒜蓉蒸蟶子坦白講而家休漁期可能冇乜好嘢食個蟶子肉質算唔錯，而且蒸嘅時間啱啱好母親節叫咗我最愛嘅壽包蓮容好滑而且蛋黃好香甜品方面芒果布甸唔錯楊枝甘露都幾好味食飽仲有抽奬擦擦咭中奬嘅話下次又有優惠抵！

原來都有平價小菜，每款78-98元。叫了肉碎堯柱蜆肉浸勝瓜（78元），湯頭很鮮，勝瓜不會過淋，而且完全不油，眼見亦沒有油份，大愛。另點了涼瓜班頭腩，濃郁惹味，份量亦多。两人吃，加個白飯，剛好。260元埋單。

今日放假，約咗我爸爸去青衣城聯邦皇宮飲茶。我地好好彩，吾晒等位。我地點咗蝦餃，炸兩，原籠馬拉糕，鹹薄罉。 我地都覺得蝦餃好好食，好大隻蝦肉，下次光顧一定要再食過。 馬拉糕同鹹薄罉都幾好。 但炸兩味道一般，不太熱。

今日係朋友bb百日宴酒樓好好有薑醋又有紅雞蛋提供好貼合百日宴主題是日菜單個豬仔係唔夠熱但味道好好皮脆、肉滑、份量夠蟹酣好夠味道都唔錯中間沙津好得意係罐頭生果、撈左紅腰豆食就唔太夾不過幾有新意個翅就好難食味道好差而且而家講環保都無乜地方仲會食翅呢個其實成餐最好食係條魚蒸得啱啱好而且肉質好好雖然只係普通青斑唔係貴價魚但係反而有咬口反而平時食貴價魚嘅時候有東升有老虎斑東升老虎斑多賓客想食所以每人分得好少反而呢啲平價魚冇乜人喜歡食最啱我呢啲愛魚之人另外紅豆沙都好好味煲到起晒沙

聖誕節呢D 日子, 想出街食飯梗係簡中餐。眼見每間西餐都大派長龍, 聯邦皇宮可以直入。我地一行六人八點鐘唔洗等位。雖則聖誕氣氛欠奉，但係一家人聚埋已經夠氣氛啦。我地都當正係聖誕大餐咁點菜。點左2隻乳鴿,羊攬煲, 金銀蛋白菜, 粟米班塊~~乳鴿好得, 肉唔多, 但係皮好脆, 唔洗點華鹽已經好夠味, 正!羊攬煲好大煲, 加埋佢可以Refill 菜, 真係食極都仲有~羊肉呢整體黎講炆得幾淋, 尤其係近皮個D位..腐竹吸左好多羊攬既精華!!栗米班塊都唔錯, 個汁就正路啦, 魚肉口感都幾好~ 金銀蛋白菜係無咁好食架喇, 不過咁岩個日無蜆菜!!但咸香都食到既!呢一餐係家常便飯, 但係質素中上, 加上係節日唔洗排隊,所以感覺非常之唔錯!

有位老教友搬屋入去青衣, 邀請我們到他的新居, 之後我們一起吃飯 ~貴妃雞是有頭有尾的, 雞皮薄肉質嫩滑, 雞味夠濃, 味道不過不失 ~味菜豬手煲端上桌時熱氣騰騰, 豬手煮得相當入味而且夠腍滑, 味道酸酸甜甜又帶黑椒的香味, 非常適合夏天這季節, 送飯一流 ~還是少不免喝點酒 ....本篇完 ~

一早到青衣飲去、等左30分鍾才有位、入到去原来未執枱、於是企左一陣先可坐低飲杯茶 呢區好多人、飲茶食飯往往要等位……睇睇点心纸、大部份十一点先有、就簡單咁劃左幾個……小籠包~賣相唔多靚、皮硬冇彈性……肉餡冇汁死實實、肉質“鞋拾拾“！鮮竹滑雞扎……賣相正常料足、魚肚夠鬆滑、唔覺腥味、豬肚爽口唔韌、鷄肉滑、珍珠鷄……荷葉香味欠奉、糯米夠軟熟、饀料易足、調味適中、好食！糯米麥粥……粥底稀“杰“適中、好绵、麥米軟硬啱啱好、花生咬落鬆化！

為方便乘巴士到上水，選擇到青衣城午餐。行經聯邦，見門外光猛，知客熱情，便入内就坐。内進有—列開揚大窗，裝修雅潔，感覺是很適合喜延壽宴的場地。點了幾款點心和小食，食物上枱速度快得有點意外。椒盬魷魚鬚: 粉漿夠薄脆但魷魚味略淡。灼通菜: 不油、不稔、也没有菜味。义燒腸: 有义燒香，肥肉較多，腸粉皮算薄滑。煎虎皮尖椒: 鯪魚肉鮮香彈牙，尖椒微辣有椒香。

今日同老公拍拖，2個人12:30到等位等左30分鐘有位啦！😊2個人叫左4個點心(這不是春卷，鳳爪，牛肉球，蝦餃)首先講下服務先啦！好耐冇見過一間酒樓面對繁忙的茶市依然做得咁好👍(例如，一坐低枱已放好位，問開咩茶，立即有人跟。 落單-員工會留意每枱客人，好快走到你身邊接過點心紙) 我覺得只係呢兩點，有好多酒樓都未必做得到。所以覺得呢間酒樓的員工做得好好。經理方面都好好管理/安排員工工作(值得讚👍)食物方面4款點心都好有水準，基本上上到枱都熱辣辣(牛肉好滑，蝦餃D蝦好彈)會下次再嚟飲茶

原先我不打算寫聯邦月餅的食評，可是爸爸媽咪剛剛昨天中秋節嚐過 <金記冰室> 的金腿伍仁月餅後，有比較之下，就覺得聯邦金腿伍仁月餅質素差過以前很多，金華火腿絲更硬如鐵線！ 金記月餅好過聯邦的鐵線月餅！今年，公司送上兩盒 <聯邦皇宮大酒樓> 的月餅，分別是雙黃白蓮蓉月餅及金腿伍仁月餅！ 金腿伍仁月餅紅當當的包裝十分搶眼！  金腿伍仁月餅呈橢圓形，好像肥皂的外型！  質感較為結實的伍仁月餅，我要頗花氣力用生果刀切開！  包括：瓜子、合桃、杏仁、芝麻及欖仁，混合金華火腿，內裡相當足料！帶來少許鹹香！金華火腿絲更硬如鐵線！  而且份量少得是一絲絲很疏落，  有些實在太硬而難以嘴嚼，  驟眼看，比例上瓜子及芝麻佔大多數，滿有香脆口感，卻是被金華火腿拖垮，食到牙骹軟嘞！整體甜中帶鹹，味道不錯！ 這是今年失敗之作！ 前年的金腿伍仁月餅食評，相對足料得多！http://www.openrice.com/zh/hongkong/review/%E9%9D%92%E8%A1%A3-%E8%81%AF%E9%82%A6%E7%9A%87%E5%AE%AE%E5

無啦啦，叫左個芝士焗龍蝦 ~~~是咁的:因為大家都諗唔到食乜，最後竟然叫左個芝士焗龍蝦 (伊麵底), 當然，揀最靚嘅澳洲龍蝦，斤半至兩斤， (太重既話，d肉會唔彈牙!!) 個龍蝦落檯一刻，大家都呆左， 無諗過酒樓有呢個水準， 單講外觀，金黃色，完全無焗燶( 少少黑色當然有， 不超過總面積 5%)... 可能因為我地係熟客，酒棲比左好多芝士我地，好香。 龍蝦無過火，好彈牙， 一啖芝士伊麵丶一啖龍蝦丶一啖紅酒， 簡直係人生最高享受!! 芝士汁完全溶落個個伊麵度，吸晒啲芝士味+龍蝦汁， 伊麵&龍蝦係一樣咁好食， 絕對唔會食剩伊麵!!! 連龍蝦殼上面嘅芝士汁都 KO 埋，千幾蚊一碟嘅芝士焗龍蝦，完全冇浪費!!