聯邦皇宮 (已結業)

見到青衣城其他酒樓咁full,就唯有黎呢度食.一行5人,叫左個紅酒牛柳,魚湯雜菜,娃娃菜,雞球,仲有一煲湯(唔記得叫乜名).完全係難食咯~牛柳既味道仲衰過出面d茶餐廳,魚湯又唔夠魚米家好味.娃娃菜就ok啦,但雞球都係一般貨色.service麻麻啦,斟茶反應慢.環境又唔錯喎,唔似得出面咁密麻麻同焗促.咁就盛惠480,你話抵唔抵啦?唔怪得呢度晚餐咁少人食,而其他酒樓門口鬼咁多人排隊......

下午茶時間，所以唔係好多人，但係都要等十分鐘左右。環境唔錯，好乾淨，食物種類都係同一般茶樓冇咩分別，本人覺得食物質素同稻香差唔多啦。侍應生態度唔錯呀，幾有禮貌。

本人完全是未去過青衣,如果不是Honey要探朋友要我陪,想想都無機會!於是星期六好似'鄉下仔'落城市,直闖'青衣'!朋友甲於前幾天已Reserved 8 Seats at 6:30pm,但到了Counter,侍應小姐話無Record.我們擾讓了好耐,才給我們一張六人,朋友乙再烈地重申話Book了八人的,後來我們極不滿要求換張大一點,八人+一個Baby,怎坐得下呢?雖然'Baby'佔的空間不多.其他人及Honey已好不耐煩,又擾讓了一陣,終安排了一張較大的八人.開始點菜,芹菜花枝帶子,燒味拼,糖酸排骨,金銀莧菜,咕嚕雞球,大蝦芝士伊面,飯粥,清蒸海鮮,套餐價,共$1100左右,有甜品送,紅豆椰汁糕八件.因點了一些家常菜,所以沒有甚特別,不過以過$1000而吃了一頓不飽的晚飯,就~~~~!芹菜花枝帶子,得四個帶子,芹菜就好多.大蝦芝士伊面,大蝦好似不甚新鮮,芝士伊面,那個因擺上時巳不甚熱好Creamy,所以泠了更難吃,無人問津.糖酸排骨算是本人最欣賞的,有肉汁都算熱啦!其他的份量少,每人只可有一/二件.清蒸海鮮,條魚少得可憐,本人跟Honey都是'吃魚痴',所以我們都覺得極不滿足,我們對住

初一0係青衣拜完年, 一行8 人落0左青衣城飲茶, 見樓下稻香太多人要等10 張檯, 就走0左上來呢間食.環境唔錯, 張檯望落好細, 但坐落唔迫夾, 而且有ok 舒服的櫈.Available 0既點心款式mainly 係廣東同京川滬菜, 劃0左的有燒腩肉, 蝦餃, 小籠包, 兩碟腸粉(蝦, 牛肉), 鳳爪, 叉燒包, 流沙奶皇包, 炸腐皮卷, 牛栢葉, 蒜泥白肉, 鎮江肴肉, 魷魚鬚, 油炆筍, 窩貼, 牛肉球; 甜品就有馬拉盞, 擂沙湯丸同蛋撻仔. 或者講0下特別d 0個幾樣啦.燒腩肉皮好脆, 肥瘦proportion 幾balanced, 食落口又唔覺好油好膩,唔錯呀. =)魷魚鬚唔似得出面好多酒樓咁得個"油" 字同coated with 炸粉, d 炸粉好薄0架咋, 魷魚就好彈牙, 食落仲要係無油咁滯的, 好得!炸腐皮卷個樣就好有油光-_- , d 餡幾特別, 係蝦膠+ 一d 蘿蔔絲, 不過都幾油膩幾滯.蒜泥白肉d 豉油好strong 蒜味, 唔辣, 幾0岩我. 不過d 白肉就差d, 得個肥字, 又唔夠爽口. 反而伴碟的粉皮蘸蒜泥豉油仲好食過d 肉!油炆筍出奇地好食, 甜

我係父親節去食既...而家先寫食評d 野其實價錢都同普通酒樓一樣，食物味道一流，最鍾意個南瓜湯，好甜！而且服務仲好好添，不過要等好耐位入去~~

長途跋涉黎到青衣飲茶, 估唔到呢間酒樓咁多人係門口度等位. 好彩己有人代勞, 我可以直行直過..呵呵呵...流沙奶皇飽, 好食, 唔係太甜.生炒糯米飯, 雖然凍左少少(係因為佢\等我..嘻), 不過都好好食, 唔油.這不是春卷, 個名好攪笑, 身型比普通春卷修長, 不過同普通春卷味道分別唔大.帶子豆苗餃, 普通.其他食物都是有水準的. 唔怪之得咁多人.有人請客, 唔清楚幾錢.

雖然兩個禮拜前o黎食過，但未來妹夫請客，當然由主人家話事。除了錦鹵生炒骨外，其餘都係新嘗試。生炒骨今次退步o左，甜酸汁味道ok，但份量唔夠，因為有D骨同青紅椒食唔到甜酸味，而排骨炸得唔夠脆，仲食到一塊塊諗了的炸粉。蓮藕荷豆炒咸肉-蓮藕炒得好爽，荷蘭豆亦好嫩，不過中間有莢未除掉，咸肉冇講錯，真係好鹹。金山鎮江骨-用鍚紙包住，好香、件件骨都好入味，大家一致讚好。比一般的鎮江骨有少少分別，這個山渣味重，醋味較少。柱海味什菜煲-雖然有柱、蝦乾同魷魚等，但不太野味，而且粉絲多過菜。清炒油麥菜-落單前已叫少油，但上菜時仍然好足油水，我就唔敢多食，不過老豆話D菜就好嫩、好正。瑤柱蛋白炒飯-炒得好乾爽，唔濕身又唔諗。最後叫了幾款甜品share食，有紫米紅豆沙、楊枝甘露同紫米椰汁榚，因為太包我只食了少少紅豆少，味道幾出色，比好多糖水舖還要好，大大粒的紅豆，又不太甜，只是紅豆味搶晒紫米的味道。而其餘兩款甜品，大家都話唔差。

冇跟老公去行山，做了孝順女同爸媽、姨丈姨媽食晚飯。新開不久，我o地都係第一次來。環境唔錯，好舒服好夠私隱我一眼已見到菜牌寫住錦鹵生炒骨，以為只是一般生炒骨，原來係用了錦鹵雲吞皮做了個兜，放了生炒骨上去，真係幾特別，又可以食生炒骨又可以食錦鹵雲吞，一碟兩味。順德公鯪魚滑-是上湯浸的，湯底好清甜，而鯪魚肉又出奇地爽滑彈牙。生o者芥蘭煲-好濃蝦醬味，非常之野味，芥蘭亦爽嫩，沒有苦澀味，但係食到最尾的時候，感覺味道過濃過鹹。蝦乾吊片蒸勝瓜-又是一道野味菜，濃淡度適中，不似芥蘭煲的味道過濃。而蝦乾就最好食，唔會好實好硬。脆皮燒腩-皮脆肉嫩唔錯，不過唔夠熱。花彫醉雞-這碟最差，我不勝酒的，都完全食不出有酒味，雞肉嫩滑程度只是一般。叫埋白飯同白粥都係$450，又唔貴，不過唔駛我請，嘻嘻~~

上星期試下去呢間飲茶，本來對「聯邦」兩個字都唔敢有咩期望，不過入到去，覺得空間感強，又光猛，樓底高無咁嘈，首先加番d分!睇睇點心紙，密麻麻，都幾多款式，起碼有少少特別野:我不是春卷、豬潤腸粉、賽螃蟹餃......都幾好食，服務都幾好，每位阿姐放低點心後都會講呢碟係xxx，多謝! 都幾食得過!

就叫招牌燒鵝啦(例牌$55) –8分: 果然皮脆肉香, 可惜太瘦。芝士焗龍蝦伊麵($148) - 9 分: 已經係第二次食, 好好味。龍蝦比上次大隻, 兩隻對邊開, 勁多芝士汁絕對夠撈均d麵, 一大盆麵可以分六飯碗, 兩個人食完飽晒。

食物唔太差, 但o的員工就...差差差...有兩個仲好似遊魂... 如果你志在食..就無所謂...否則激死你....o的玻璃杯隻隻有漬...唉..

荷葉飯配料有蝦, 燒鴨粒, 蛋絲, 乾而無味,啲飯炒得太乾, 硬到變成一粒粒, 好"un"胃難消化, 成個飯都冇荷葉飯應有香味, 唔掂相比之下帶子餃, 醬爆帶子球算好味, 好快掃清環境唔錯, 窗大樓底高光光猛猛, 感覺冇同一層阿拉麵館咁焗促

下午去了飲茶,抱著OK 的心情去,因為新開加上聯邦應有期望.叫了多碟點心,便洗洗碗,然後發現了1. D餐碟、碗、杯有肥油,好不衛生2. 叫了的點心不熱的3. Size比旺角分店細,味道和前手一樣基本上同之前敦煌一模一樣!

今晚跟你爸爸媽媽姑媽姑長一起食飯,心情十分緊張.青衣城,是十分舒服的一個商場,開飯前我們先到海濱公園遊憩休息,互相拍照,愉快得很...一上到聯邦,是新開張的,裝修很得體,雖不是真的是皇宮,但卡位的設計,坐得相當舒適.爸爸不停點菜,燒肉,燒汁牛肉,炒蟹,星班,素卷....太多太多太飽太飽了.爸爸鍚我們和姑媽,自己不吃的菜色的也點選了很多,為的也是讓我們歡喜....謝謝.大家也互相照顧,吃得充滿感情的一餐,很喜歡,十分喜歡P.S.不知道聯邦皇宮現在有酒牌未呢?

上星期去吃晚飯，其中點了勝瓜魚腐．上菜後發覺不少勝瓜是爛的，叫部長換，部長竟砌詞說可能廚師看不到，但老婆大人知道廚房起碼是分切菜，炒菜兩人負責的，一個看不到瓜爛，第二個都應該看到，最後部長說不過我們，勝瓜魚腐就不計錢．但因為老婆大人吃了少許勝瓜，第二天肚痛！